شينحۋا اگەنتتىگىنىڭ 11 - ايدىڭ 7 - كۇنى بەيجيڭنەن بەرگەن حابارى. 11 - ايدىڭ 7 - كۇنى مەملەكەت ءتوراعاسى شي جينپيڭ حالىقارالىق بامبۋك - شىرمالعىش ساباقتى وسىمدىكتەر ۇيىمى قۇرىلعاندىعىنىڭ 25 جىلدىق مەرەيتويىنا جانە 2 - كەزەكتى دۇنيە جۇزىلىك بامبۋك - شىرمالعىش ساباقتى وسىمدىكتەر جينالىسىنا قۇتتىقتاۋ حات قولدادى.
شي جينپيڭ بىلاي دەپ اتاپ كورسەتتى: حالىقارالىق بامبۋك - شىرمالعىش ساباقتى وسىمدىكتەر ۇيىمى قۇرىلعاننان بەرى، بامبۋك - شىرمالعىش ساباقتى وسىمدىكتەر بايلىعىن قورعاۋعا، اشۋعا جانە پايدالانۋعا كۇش سالىپ، الەمدىك ەكولوگيالىق ورتانىڭ قورعالۋىن جەبەۋ، باياندى دامۋدى ىلگەرىلەتۋ ءۇشىن ورەلى رول اتقاردى. جۇڭگو ۇكىمەتى حالىقارالىق بامبۋك - شىرمالعىش ساباقتى وسىمدىكتەر ۇيىمىمەن قول ۇستاسىپ، الەمدىك دامۋ باستاماسىن تياناقتاندىرىپ، ”سۋلياۋدىڭ ورنىنا بامبۋك - شىرمالعىش ساباقتى وسىمدىكتەر پايدالانۋ“ باستاماسىن بىرگە كوتەرىپ، ءارقايسى ەلدەردىڭ سۋلياۋدىڭ لاستاۋىن ازايتۋىن ىلگەرىلەتىپ، كليمات وزگەرىسىنە توتەپ بەرىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن جەدەل تياناقتاندىرادى.
شي جينپيڭ بىلاي دەپ باسا دارىپتەدى: جۇڭگو ەكولوگيالىق وركەنيەت قۇرىلىسىن بار كۇشپەن ىلگەرىلەتىپ، ادام مەن تابيعات جاراسىمدى قاتار ءومىر ءسۇرۋ سىندى دامۋ ۇستانىمىن بەلسەنە امالياتتا ايگىلەيدى، ۇزدىكسىز ءارقايسى جاقتارمەن قول ۇستاسا قۇلشىنىپ، ادام مەن تابيعاتتىڭ تىرشىلىك ورتاق تۇلعاسىن قۇرىپ، بولاشاق ۇرپاق ءۇشىن تازا دا كورىكتى مەكەندى بىرگە قۇرۋدى قالايدى.
حالىقارالىق بامبۋك - شىرمالعىش ساباقتى وسىمدىكتەر ۇيىمى قۇرىلعاندىعىنىڭ 25 جىلدىق مەرەيتويى جانە 2 - كەزەكتى دۇنيە جۇزىلىك بامبۋك - شىرمالعىش ساباقتى وسىمدىكتەر جينالىسى سول كۇنى بەيجيڭدە اشىلدى، نەگىزگى تاقىرىبى ”بامبۋك - شىرمالعىش ساباقتى وسىمدىكتەر تابيعات نەگىزىندەگى باياندى دامۋدىڭ شەشۋ جوباسى“، مەملەكەتتىك ورمان شارۋاشىلىعى جانە جايلىم مەكەمەسى مەن حالىقارالىق بامبۋك - شىرمالعىش ساباقتى وسىمدىكتەر ۇيىمى بىرگە وتكىزدى.
