ەركىن تۇنياز اۆتونوميالى رايوندىق حالىق ۇكىمەتى جۇيەسىندە پارتيا 20 - قۇرىلتايىنىڭ رۋحى جونىندە ۇگىت لەكسيا جاسادى
كورىكتى شينجياڭ قۇرۋدىڭ جاڭا تاراۋىن جازۋعا قۇلشىنۋ كەرەك
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 7 - كۇنى ۇرىمجىدەن حابارلايدى. 11 - ايدىڭ 7 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوندىق ۇگىت لەكسيا ۇيىرمەسىنىڭ ورىنباسار باستىعى ەركىن تۇنياز اۆتونوميالى رايوندىق حالىق ۇكىمەتى جۇيەسىندە پارتيا 20 - قۇرىلتايىنىڭ رۋحى جونىندە ۇگىت لەكسيا جاسادى.
ەركىن تۇنياز بىلاي دەپ اتاپ كورسەتتى: پارتيا 20 - قۇرىلتايى تۋدى بيىك ۇستاعان، كۇش - قۋاتتى ۇيىستىرعان، ىنتىماقتاسا ەكپىندەي ىلگەرىلەگەن قۇرىلتاي، جاڭا داۋىردەگى جاڭا جورىقتا جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جوباسىن كەسكىندەپ، ستراتەگيالىق جەتەكشىلىكتى ايقىن تۇراقتاندىردى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى بولعاندىقتان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگى بولعاندىقتان، ءبىز، ءسوز جوق، جاڭا ۇلى كەرەمەتتەردى ۇزدىكسىز جاراتىپ، جاڭا تاريحي ۇلى ىستەردى ىستەي الامىز. پارتيا 20 - قۇرىلتايىنىڭ كەلەلى ءمانىن تولىق يگەرىپ، ”ەكىنى تۇراقتاندىرۋ“ − پارتيا مەن مەملەكەت ىستەرىنىڭ تاريحي تابىستارعا قول جەتكىزۋىن، تاريحي وزگەرىستەر تۋىلۋىن ىلگەرىلەتكەن شەشۋشى فاكتور، پارتيانىڭ بارلىق تۇراقسىزدىقتارعا توتەپ بەرۋىندەگى ەڭ ۇلكەن تۇراقتىلىعى، ەڭ ۇلكەن سەنىمى، ەڭ ۇلكەن كەپىلى ەكەنىن اناعۇرلىم تەرەڭ تانىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ”ءۇش ءسوز جوقتى“ ەستە بەرىك ساقتاپ، ”بەس ءسوزسىز باسىپ وتەتىن جولمەن“ ويداعىداي ءجۇرىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ جاڭا جورىعىندا كورىكتى شينجياڭ قۇرۋدىڭ جاڭا تاراۋىن جازۋعا قۇلشىنۋ كەرەك.
ەركىن تۇنياز بىلاي دەپ اتاپ كورسەتتى: پارتيا 20 - قۇرىلتايى بايانداماسىمەن تىعىز بايلانىستىرىپ، پارتيا 20 - قۇرىلتايى رۋحىن جان - جاقتىلى، دالمە - ءدال ۇيرەنىپ، ءتۇسىنىپ، وتكەن 5 جىلداعى قىزمەت پەن جاڭا ءداۋىردىڭ 10 جىلىنداعى ۇلى وزگەرىستەردى تەرەڭ ءتۇسىنىپ، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن اشۋىن تەرەڭ ءتۇسىنىپ، جۇڭگو ۇلگىسىندەگى وسىزامانداندىرۋدىڭ جۇڭگو ەرەكشەلىگىن، ماندىك تالابىن جانە كەلەلى پرينسيبىن تەرەڭ ءتۇسىنىپ، جاپپاي سوتسياليستىك وسىزاماندانعان مەملەكەت قۇرۋدىڭ نىسانا - مىندەتىن تەرەڭ ءتۇسىنىپ، پارتيانىڭ جالپى بەتتىك باسشىلىعىنا تاباندى بولۋ مەن پارتيانى جاپپاي قاتاڭ باسقارۋ جاعىنداعى كەلەلى ورنالاستىرۋلاردى تەرەڭ ءتۇسىنىپ، حاۋىپ - قاتەر، سىن - سايىستارعا توتەپ بەرۋدىڭ ءداۋىر تالابىن تەرەڭ ءتۇسىنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ساياسي جاقتاعى كورەگەندىگىن، نازاريالىق جاقتاعى تەرەڭ تولعانىسىن، نىسانا جاعىنداعى عىلمي ۇيعارىمىن جانە قىزمەت جاعىنداعى ستراتەگيالىق ورنالاستىرۋلارىن تەرەڭدەي ۇيرەنۋگە، جەتە تۇسىنۋگە قۇلشىنۋ كەرەك.
ەركىن تۇنياز بىلاي دەپ باسا دارىپتەدى: ساياسي دەڭگەيدى شىنايى جوعارىلاتىپ، پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتىپ، جوعارى تومەنگە ونەگە بولۋعا، ۇيرەنۋدى، ۇگىتتەۋدى جان - جاقتىلى ۇيىمداستىرۋعا تاباندى بولىپ، ساناعا، كوڭىلگە ۇيالاتۋعا، تەرەڭدەتۋگە، ناقتىلاندىرۋعا، جۇرت جۇرەگىن ۇيىستىرۋعا شىنايى كەپىلدىك ەتۋ كەرەك. جوعارى ونىممەن ءبىر تۇتاس جوسپارلاۋعا تاباندى بولىپ، ىندەتتەن ساقتانۋ - تىزگىندەۋدەن قامال الۋ شايقاسىندا جەڭىسكە جەتۋ، بۇقارانىڭ قيىنشىلىعىن، تالاپ - تىلەگىن شەشۋ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن ىلگەرىلەتۋ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن قورعاۋ، اۋىل شارۋاشىلىعى ءوندىرىسى، كەلەلى نىسان قۇرىلىسى، حاۋىپ - قاتەردەن ساقتانۋ جانە ونى جويۋ سياقتى قىزمەتتەردى ءتۇيىندى تۇردە ويداعىداي يگەرۋ كەرەك. ولشەمگە، تالاپقا جاپپاي تۋرالانىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق پارتكومنىڭ قىزمەت تالابى بويىنشا، پارتيا 20 - قۇرىلتايىنداعى ورنالاستىرۋلاردى، تالاپتاردى شينجياڭنىڭ رەفورماسىنىڭ، دامۋىنىڭ، ورنىقتىلىعىنىڭ ءار سالاسىندا، ءار جاعىندا تياناقتاندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتۋ كەرەك.
چىن ۋيجۇن ءماجىلىستى باسقاردى، ءيۇسۇپجان مامەت قاتارلىلار ماجىلىسكە قاتىناستى.
