شينجياڭنىڭ كومىرىن سىرتقا جەتكىزۋ مولشەرى سايكەس مەزگىلدەگىدەن ەسەلەپ ارتتى، مۇنايدىڭ، تابيعي گازدىڭ جانە جاڭا ەنەرگيانىڭ ءونىم مولشەرى جەدەل ارتتى
− بۇكىل ەل بازارىنان شينجياڭنىڭ الدىڭعى ءۇش ماۋسىمداعى ەنەرگيا دامۋىنا نازار
بۇكىل ەل بويىنشا جوعارىدان تومەنگە دەيىن پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ جاتقان ساتتە، انار بۇلت \ شينجياڭ گازەتى مەن 21 - عاسىر ەكونوميكالىق حابارلارى بىرلەسىپ ”شينجياڭ ەكونوميكاسىنداعى جارقىن تۇيىندەرگە نازار . سالىستىرمالى باسىمدىقتارعا تالداۋ“ جەلىلەس حابارلارىن شىعارىپ، كاسىبي قازىنا - ەكونوميكا مەديالارىنىڭ تۇرعىسىن تياناق ەتىپ، مەملەكەتتىك مينيسترلىكتەر مەن كوميتەتتەردىڭ قاتىستى زەرتتەۋ قۇرىلىمدارى، جوعارى مەكتەپتەردىڭ زەرتتەۋ ورىندارى، ىقپالدى قارجى قوسۋ قۇرىلىمدارى، شينجياڭداعى قاتىستى ورىندار سياقتى جاقتارداعى مامان - وقىمىستىلارمەن جانە تالداۋشىلارمەن ىشكەرىلەي سۇحباتتاسىپ، شينجياڭنىڭ ەكونوميكاسىنداعى سالىستىرمالى باسىمدىقتارعا اناعۇرلىم كەڭ كوز ايامەن تالداۋ جاسايدى.
11 - ايدىڭ 3 - كۇنى ءۇرىمجى باتىس ۆوگزالىنىڭ توپتاستىرۋ الاڭىندا كومىر جانە باسقا دا جۇكتەر تولتىرا تيەلگەن پويەزدار تاس - ءتۇيىن دايىندالىپ، جولعا شىعۋ الدىندا تۇر. 10 - ايدا شينجياڭ تەمىر جولى شينجياڭنان 5 ميلليون 722 مىڭ 900 توننا كومىردى سىرتقا جەتكىزىپ، سايكەس مەزگىلدەگىدەن ％4. 5 ارتىپ، شينجياڭ سىرتىنداعى بازاردى كومىرمەن قامداۋدى ءونىمدى قامتاماسىز ەتتى.
□ سۋرەتتى دي پىڭ تۇسىرگەن
□انار بۇلت \ شينجياڭ گازەتىنىڭ ءتىلشىسى گو ليڭ، 21 - عاسىر ەكونوميكالىق حابارلارىنىڭ ءتىلشىسى پىڭ چياڭ
ەلىمىزدىڭ باستى كومىر وندىرەتىن جەرلەرىنىڭ ءبىرى شينجياڭدا الدىڭعى ءۇش ماۋسىمدا شينجياڭنىڭ كومىرىن سىرتقا جەتكىزۋ مولشەرى سايكەس مەزگىلدەگىدەن ەسەلەنگەن، شينجياڭنىڭ مۇناي - تابيعي گاز، جاڭا ەنەرگيا ءونىم مولشەرى جەدەل ارتقان جاعداي جارىققا شىعىپ، كولەمنەن جوعارى ونەركاسىپتىك كومىردىڭ ءونىم مولشەرى 290 ميلليون تونناعا جەتىپ، سايكەس مەزگىلدەگىدەن ％1. 31 ارتىپ، ارتۋ قارقىنى الدىڭعى جارتى جىلداعىدان 3. 2 پايىز جوعارىلادى؛ شينجياڭنىڭ كومىرىن سىرتقا جەتكىزۋ مولشەرى دە سايكەس مەزگىلدەگىدەن ەسەلەنىپ، باتىس سولتۇستىك، باتىس وڭتۇستىك سياقتى جەرلەردىڭ قامداۋدى قامتاماسىز ەتۋ قىسىمىن جەڭىلدەتۋدە بەلسەندى رول اتقاردى.
بۇدان سىرت، ەل ىشىندەگى باستى مۇناي - تابيعي گاز جانە جاڭا ەنەرگيا وندىرەتىن جەر رەتىندە، شينجياڭنىڭ الدىڭعى ءۇش ماۋسىمداعى مۇناي - تابيعي گاز ءونىم مولشەرى جانە جاڭا ەنەرگيامەن ەلەكتر شىعارۋ مولشەرى دە جوعارى قارقىنمەن ارتۋ قالپىن ساقتادى.
كومىر ءونىم مولشەرىنىڭ ارتۋ قارقىنى ％30تەن استى
2021 - جىلدان بەرى دۇنيە جۇزىندەگى نەگىزگى تاۋارلار بازارى كەڭ كولەمدە تولقىپ، كومىر سياقتى باستى ەنەرگيا كوزدەرىنىڭ باعاسى ۇزدىكسىز جوعارى بولىپ، ءار ەلدىڭ ەنەرگيا حاۋىپسىزدىگى مەن قامداۋدى قامتاماسىز ەتۋىنە وتە ۇلكەن سايىس اكەلدى. ەلىمىزدىڭ ەنەرگيا سالاسىندا ”كومىر مول، مۇناي تاپشى، تابيعي گاز از بولۋداي“ ەرەكشەلىك جارىققا شىعىپ، ەنەرگيامەن قامداۋدى قامتاماسىز ەتۋ جاعىندا قىسقا مەرزىم ىشىندە كومىر ءالى دە ”ورنىقتىرعىشتىق“ رول اتقارادى.
مەملەكەتتىك ساناق مەكەمەسىنىڭ ساندى مالىمەتىندە كورسەتىلۋىنشە، بىلتىر بۇكىل ەل بويىنشا 6 ولكە، اۆتونوميالى رايون، قالانىڭ كولەمنەن جوعارى كومىر كاسىپورىندارىنىڭ كومىر ءونىم مولشەرى 100 ميلليون توننادان اسقان، سانشيدە، ىشكى موڭعۇلدا ءبىر ميلليارد توننادان استام، شانشيدە 700 ميلليون توننا كومىر وندىرىلسە، 320 ميلليون توننا كومىر وندىرگەن شينجياڭ بۇكىل ەل بويىنشا 4 - ورىندى يەلەگەن.
بيىل جىل باسىنان بەرى كومىر ءوندىرىسى جاعدايىندا بىلتىرعىمەن سالىستىرعاندا پالەندەي ۇلكەن وزگەرىس بولعان جوق، الدىڭعى 9 ايدا ەل ىشىندەگى كولەمنەن جوعارى كاسىپورىنداردىڭ كومىر ءونىم مولشەرى جيىنى 3 ميلليارد 316 ميلليون تونناعا جەتىپ، الدىڭعى تورتتىكتەگى سانشيدىڭ، ىشكى موڭعۇلدىڭ، شانشيدىڭ، شينجياڭنىڭ ءونىم مولشەرى 100 ميلليون توننادان استى. ساندى مالىمەت كولەمىن كەڭەيتە تۇسسەك، كومىر ءونىم مولشەرى 10 ميلليون توننادان اسقان 15 ولكە، اۆتونوميالى رايون، قالانىڭ ىشىندە شينجياڭنىڭ الدىڭعى ءۇش ماۋسىمداعى كومىر ءونىم مولشەرىنىڭ ارتۋ قارقىنى ءبىرىنشى ورىندى يەلەيدى.
شينجياڭ جۇندۇڭ ەكونوميكالىق، تەحنيكالىق اشۋ رايونىنا ورنالاسقان جۇڭليان رۇنشى شينجياڭ كومىر ونەركاسىبى شەكتى سەرىكتەستىگى وندىرىستىك قۋاتتى تەكسەرىپ ارتتىرعاننان كەيىن وندىرىستىك قۋاتى جەدەل جوعارىلاعان كاسىپورىنداردىڭ ءبىر ۋاكىلى. وسى سەرىكتەستىكتىڭ ساتۋ ءبولىمىنىڭ ورىنباسار باستىعى سۇڭ جىيۋان بىلاي دەدى: ءبىر جىلدان استام ۋاقىتتان بەرى سەرىكتەستىگىمىز ۇدايى 2 رەت وندىرىستىك قۋاتتى تەكسەرىپ ارتتىرىپ، كومىر ءوندىرىس جۇيەسى قۇرىلىسىن جەدەلدەتىپ، ساپالى وندىرىستىك قۋاتتىڭ ىسكە قوسىلۋىن جەبەدى، كەلەر جىلدىڭ باسىندا ءىس جۇزىندىك وندىرىستىك قۋات جىلىنا 12 ميلليون تونناعا جەتەدى دەپ مەجەلەپ وتىرمىز.
2019 - جىلدان بەرى وندىرىستىك قۋاتتى 3 رەت تەكسەرىپ ارتتىرعان مەملەكەتتىك ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگى وندىرىستىك قۋاتتى جىلىنا 96 ميلليون 900 مىڭ تونناعا دەيىن ۇلعايتپاقشى. بيىل الدىڭعى ءۇش ماۋسىمدا بۇل سەرىكتەستىك 56 ميلليون 263 مىڭ توننا كومىر ءوندىرىپ، سايكەس مەزگىلدەگىدەن ％8. 36 ارتىپ، تاريحتاعى تىڭ دەڭگەيگە جەتتى.
اۆتونوميالى رايوندىق دامۋ جانە رەفورما كوميتەتى ەنەرگيامەن قامداۋعا شىنايى كەپىلدىك ەتۋ ءۇشىن ءبىرتالاي جۇمىس تىندىردى، ايتالىق، ماناس تيانشين سياقتى 3 ورىنداعى كومىر كەندەرىنىڭ سىناق رەتىندە بىرلەسىپ جۇمىس جۇرگىزۋىن ىلگەرىلەتتى، قۇمىل دانانحۋ 7 - ءنومىرلى كەن شاحتاسىنىڭ 2 - مەرزىمدىك نىسانىنىڭ جىلىنا 6 ميلليون توننالىق ءوندىرىسى مەملەكەتتىڭ تەكسەرىپ بەكىتۋىنەن، بۇرىشتاۋىنان ءوتتى، جۇندۇڭ داجيڭنان اشىق كەنى سياقتى 12 جەردەگى كومىر كەن مەملەكەتتىڭ وندىرىستىك قۋاتتى تەكسەرۋ ارقىلى حاۋىپسىز ارتتىرۋ شارتىن ازىرلەگەن كومىر كەندەر تىزىمدىگىنە ەنگىزىلدى، ت . ب.
شينجياڭ كومىر ساۋدا ورتالىعى شەكتى سەرىكتەستىگىنىڭ القاسى، ورىنباسار باس ديرەكتورى جاڭ كۇي مىنالاردى ءبىلدىردى: ”14 - بەسجىلدىق“ مەزگىلىندە شينجياڭ مەملەكەت بەرگەن، جىلدىق وندىرىستىك قۋاتىن جاڭادان 160 ميلليون توننا ارتتىرۋ كومىر كەن نىسانى قۇرىلىسىن جاپپاي جەدەل ىلگەرىلەتەدى. وسى وندىرىستىك قۋاتتار تولىق ىسكە قوسىلعاننان كەيىن، شينجياڭ كومىرىنىڭ بۇكىل ەل كومىر بازارىنداعى ورنى ونان ارى نىعايادى.
شينجياڭنىڭ كومىرىن سىرتقا جەتكىزۋ مولشەرى سايكەس مەزگىلدەگىدەن ەسەلەپ ارتتى
ەل ءىشى - سىرتىندا كومىردىڭ ساتىپ الۋ باعاسى ساتۋ باعاسىنان ۇزدىكسىز جوعارى بولعان جاعدايدا، قامداۋدى قامتاماسىز ەتۋ مىندەتى ەل ىشىندە جاڭادان ارتقان وندىرىستىك قۋاتقا اناعۇرلىم كوپ يەك سۇيەيدى.
اۆتونوميالى رايوندىق ساناق مەكەمەسىنىڭ ساندى مالىمەتتەرىندە كورسەتۋىلىنشە، الدىڭعى ءۇش ماۋسىمدا شينجياڭنان 58 ميلليون 331 مىڭ توننا كومىر سىرتقا جەتكىزىلىپ، سايكەس مەزگىلدەگىدەن 1.08 ەسە ارتىپ، باتىس سولتۇستىك ءوڭىردىڭ كومىرمەن قامداۋدى قامتاماسىز ەتۋ قىسىمىن جەڭىلدەتۋدە بەلسەندى رول اتقارعان. دەسەدە بۇكىل ەلدەگى سۇرانىستان قاراعاندا، بيىل قىستا ەنەرگيامەن قامداۋدى قامتاماسىز ەتۋدىڭ ءالى دە ءبىرشاما زور قىسىمعا ءدوپ كەلەتىن ءتۇرى بار.
”شينجياڭنىڭ كومىر ءونىمىن ارتتىرۋى بۇكىل ەلدەگى ەنەرگيامەن قامداۋدى قامتاماسىز ەتۋ قىسىمىن جەڭىلدەتۋدە بەلسەندى مانگە يە“. شاڭحاي گاڭليان توبى تاس كومىرلىك كوكىس جۇمىس ءبولىمىنىڭ كومىرگە تالداۋ جاساۋشىسى سۇن يىڭ بىلاي دەپ تانىستىردى: جاعراپيالىق ورنىنان قاراعاندا، قازىر، نەگىزىنەن، باتىس سولتۇستىك، باتىس وڭتۇستىك وڭىرلەردى قامداۋدى قامتاماسىز ەتەتىن شينجياڭنىڭ شىعىس جۇڭگو، وڭتۇستىك جۇڭگو وڭىرلەرىنە ىقپالى ءبىرشاما ءالسىز. بيىل شينجياڭ قامداۋمەن قامتاماسىز ەتۋ جونىنەن ۇزاق مەرزىمدىك كەلىسىم - شارت جاساسقان العاشقى جىل، شينجياڭ ىشىندەگى بەكەتتەر تۇگەلدەي ۇزاق مەرزىمدىك كەلىسىم - شارت بويىنشا جونەلتۋگە باسىمدىق بەرىپ وتىر، ايتسەدە شينجياڭداعى كومىر كەندەر ءونىم مولشەرىن ۇزدىكسىز ارتتىرعاندىقتان، پويەزدىڭ تاسىمال قۋاتى ازدى - كوپتى جەتىسپەۋشىلىك كورسەتىپ، پويەز كەزەكتەرىن جوسپارلاۋ الدىمەن قامدالۋى قامتاماسىز ەتىلەتىن كومىرگە بەيىمدەلىپ، نەگىزىنەن، تولىق جۇكتەمەمەن جونەلتۋ كۇيىندە تۇر، سوندىقتان ونىڭ شىعىس جۇڭگونى، وڭتۇستىك جۇڭگونى قامداۋدى قامتاماسىز ەتۋ مولشەرىن پالەندەي جوعارىلاتا قويۋى قيىن.
شيندا باعالى قاعازدار زەرتتەۋ بايانداماسىندا مىنالار اتاپ كورسەتىلدى: شينجياڭ اۋماعىندا كومىر تۇتىنىمى تومەن كومىر باعاسىنىڭ يگىلىگىن كورىپ، تۇتىنۋ مولشەرى ۇدايى كوپ جىل تەز ارتتى، سوندىقتان قامداۋ مەن قاجەتسىنۋ جاعدايى ءماز ەمەس؛ ەل ىشىندەگى كومىردىڭ وندىرىستىك قۋات ورنالاسىمى ۇزدىكسىز باتىسقا ويىسىپ، شينجياڭ بىرتىندەپ كومىرمەن قامداۋدى قامتاماسىز ەتۋدى جالعاستىراتىن ماڭىزدى وڭىرگە اينالدى. شينجياڭنان سىرتقا شىعارۋعا شينجياڭ جىلىنا شامامەن جاڭادان 19 ميلليون توننا كومىر ارتىق وندىرە الادى، بۇل ىشكى وڭىرلەردىڭ قامداۋ - قاجەتسىنۋ قايشىلىعىن جەڭىلدەتۋگە ءتيىمدى. ”14 - بەسجىلدىق“ مەزگىلىندە شينجياڭنىڭ كومىرىن سىرتقا جەتكىزۋ مولشەرىنىڭ بىرتىندەپ ارتۋىنان ءۇمىت بار، ايتكەنىمەن رايون ىشىندەگى قاجەتسىنۋدىڭ دە كۇشتى بولۋى جانە ىقتيمال پويەز تاسىمال قۋاتىنىڭ جەتكىلىكسىز بولۋى سياقتى فاكتورلار كومىردى شينجياڭنان شىعارۋ قۋاتىن شەكتەۋى مۇمكىن.
سالا ماماندارى بىلاي دەپ اتاپ كورسەتتى: شىعىس بولىكتەگى كومىر بايلىعىنىڭ بىرتىندەپ ازايعاندىعىن، شانشي، ىشكى موڭعۇل سياقتى جەرلەردەگى كومىر ءونىم مولشەرىنىڭ سالىستىرمالى قانىققاندىعىن، ونىڭ ۇستىنە شينجياڭنىڭ كومىرىن سىرتقا جەتكىزۋ تاسىمال قاشىقتىعى مەن وزىندىك قۇننىڭ قىسىمىنا ءدوپ كەلەتىندىگىن ەسكەرسەك، ەل ىشىندەگى كومىرمەن قامداۋدىڭ جەتىسپەۋشىلىككە بەت الۋ جايتىنىڭ قىسقا ۋاقىت ىشىندە وڭالا قويۋى ناعايبىل.
شيامىن داشۋەسى جۇڭگو ەنەرگيا ساياساتىن زەرتتەۋ مەكەمەسىنىڭ باستىعى لين بوچياڭ مىنالاردى ءبىلدىردى: بيىل ەل ءىشى كومىر ءونىمىن ارتتىرۋ، قامداۋدى قامتاماسىز ەتۋ جاعىنا ۇزدىكسىز كۇش سالۋدا، ونىڭ ۇستىنە ونەركاسىپ سۇرانىسىنىڭ سالىستىرمالى ازايۋىنا، كومىر مەن ەلەكتر باعاسىنىڭ اراسى سالىستىرمالى ىڭعايلى بولۋىنا بايلانىستى، بيىل قىستاعى كومىردىڭ قامداۋ مەن قاجەتسىنۋى جالپى جاقتان تەڭگەرىمدى بولادى دەپ مەجەلەيمىز، ارينە، ءىشىنارا وڭىرلەردە ايرىقشا سۇركەيلى اۋا رايى، جول قاتىناسى سياقتى ماسەلەلەرگە بايلانىستى قامداۋ مەن قاجەتسىنۋدە جەتىسپەۋشىلىك جايتى بەلەڭ بەرەتىندىگىن جوققا شىعارۋعا بولمايدى.
جۇڭگو ەلەكتر كاسىپورىندارى بىرلەستىگىنىڭ 10 - ايدىڭ 25 - كۇنى جاريالاعان «2022 - جىلى ءۇشىنشى ماۋسىمداعى بۇكىل ەلدەگى ەلەكتر قۋاتى قامداۋ - قاجەتسىنۋ جاعدايىن تالداۋ، مەجەلەۋ بايانداماسىندا» اتاپ كورسەتىلۋىنشە، مەجەمەن ءتورتىنشى ماۋسىمداعى بۇكىل قوعامداعى ەلەكتر تۇتىنۋ مولشەرى ورنىقتى ارتۋ كۇيىن جالعاستىرىپ، ورتا، ۇزاق مەرزىمدىك ساۋدا كەلىسىم - شارتىنىڭ شەگى، جاڭادان وندىرىسكە قوسىلعان گەنەراتورلار، ولكە، ءوڭىر ارالىق ەلەكتر قۋاتىن اۋىستىرۋ سياقتى فاكتورلاردى جان - جاقتى ەسكەرگەندە، مەجەمەن تۇتىنۋدىڭ قاۋىرت مەزگىلىنە تۋرا كەلەتىن قىس مەزگىلىندە بۇكىل ەلدەگى ەلەكتر قۋاتىمەن قامداۋ - قاجەتسىنۋ جالپى جاقتان تەڭگەرىمدى بولادى، ءىشىنارا وڭىرلەردە ەلەكتر تۇتىنۋىنىڭ جوعارى كەزەڭدەرىندە ەلەكتر قۋاتى سۇرانىسىندا ازدى - كوپتى جەتىسپەۋشىلىك بەلەڭ بەرەدى.
مۇنايدىڭ، تابيعي گازدىڭ، جاڭا ەنەرگيانىڭ ءونىم مولشەرى كورنەكتى ارتتى
”ورنىقتىرعىش“ كومىردەن سىرت، شينجياڭ ەل ىشىندەگى مۇناي - تابيعي گاز جانە جاڭا ەنەرگيا وندىرەتىن باستى رايون، ”باتىستىڭ گازىن شىعىسقا جەتكىزۋدىڭ“ نەگىزگى گاز قاينارى سانالادى.
الدىڭعى ءۇش ماۋسىمدا شينجياڭنىڭ وڭدەلمەگەن مۇناي ءونىم مولشەرى 24 ميلليون 287 مىڭ 200 تونناعا جەتىپ، سايكەس مەزگىلدەگىدەن ％2. 8 ارتىپ، ارتۋ قارقىنى بىلتىرعى سايكەس مەزگىلدەگىدەن 1. 7 پايىز جوعارىلادى؛ تابيعي گازدىڭ ءونىم مولشەرى 30 ميلليارد 229 ميلليون تەكشەمەترگە جەتىپ، سايكەس مەزگىلدەگىدەن ％1. 5 ارتتى؛ باتىستىڭ گازىن شىعىسقا جەتكىزۋ مولشەرى 49 ميلليارد 365 ميلليون تەكشەمەترگە جەتىپ، سايكەس مەزگىلدەگىدەن ％4. 3 ارتتى.
1 - ايدان 10 - ايعا دەيىن تارىم مۇناي الابىندا جيىنى 26 ميلليارد 570 ميلليون تەكشەمەتر تابيعي گاز ءوندىرىلىپ، كەزەڭدىك جوسپاردىڭ ％1. 100ى ورىندالىپ، سايكەس مەزگىلدەگىدەن 310 ميلليون تەكشەمەتر ارتتى. اسىرەسە، 10 - ايدان بەرى تارىم مۇناي الابى بيىل قىس پەن كەلەر جىلى كوكتەمدە تابيعي گازبەن قامداۋدى قامتاماسىز ەتۋ جوسپارىن ىسكە قوستى. 11 - ايدىڭ 1 - كۇنىنە دەيىن بيىل تارىم مۇناي الابىنان سىرتقا جيىنى 25 ميلليارد تەكشەمەتر تابيعي گاز جەتكىزىلدى، مۇنىڭ ىشىندە باتىستىڭ گازىن شىعىسقا جەتكىزۋ قۇبىر جەلىسىنە 20 ميلليارد 900 ميلليون تەكشەمەتر، وڭتۇستىك شينجياڭعا تابيعي گاز ارقىلى حالىققا پايدا جەتكىزۋ قۇبىر جەلىسىنە 4 ميلليارد 100 ميلليون تەكشەمەتر تابيعي گاز جەتكىزىلدى.
تارىم مۇناي الابى جاعىنىڭ تانىستىرۋىنشا، مۇناي - تابيعي گاز بايلىعى وندىرىسىنەن سىرت، مۇناي الابىنىڭ تيبىن جاسىل، تومەن كومىر قىشقىل گازدى باعىتقا قاراي وزگەرتۋ دە ۇزدىكسىز ىلگەرىلەتىلگەن. بيىل تارىم مۇناي الابى ىلگەرىندى - كەيىندى بايىنعولين موڭعۇل اۆتونوميالى وبلىسىنىڭ 200 مىڭ كيلوۆاتتىق قامتاماسىزداندىرۋ سيپاتتى جەلىگە قوسىلۋ كورسەتكىشىنە، قاشقار ايماعىنىڭ ءبىر ميلليون 100 مىڭ كيلوۆاتتىق سايكەستى ەنەرگيا ساقتاۋدى بازارلاندىرۋ فوتوۆولتتىق نىسانىنا قول جەتكىزگەن.
شينجياڭ جاڭا ەنەرگيا (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى گاۋ جيانجۇننىڭ تانىستىرۋىنشا، الدىڭعى ءۇش ماۋسىمدا اتالعان توپتىڭ 17 جاڭا ەنەرگيالىق الاڭ - ستانسياسىنىڭ ەلەكتر تاراتۋ مولشەرى ءبىر ميلليارد 600 ميلليون كيلوۆات ساعاتتان اسىپ، سايكەس مەزگىلدەگىدەن ％11 ارتىپ، تاريحتاعى جاڭا دەڭگەيگە جەتكەن.
شينجياڭدا تازا ەنەرگيانى جان - جاقتى اشىپ پايدالانۋ، ەنەرگيا ۇنەمدەپ، قورشاعان ورتانى قورعاۋ كاسىپ سالاسى سياقتىلاردى باستى كاسىپ ەتكەن بىردەن - ءبىر مەملەكەت مەنشىگىندەگى جەرگىلىكتى دەربەس قارجىلىق توپ سەرىكتەستىك رەتىندە، 9 - ايدىڭ سوڭىنا دەيىن شينجياڭ جاڭا ەنەرگيا توبىنىڭ جاڭا ەنەرگيالىق گەنەراتور اگراگاتتارىنىڭ سيىمدىلىعى 53 مىڭ كيلوۆاتقا، سالىنىپ جاتقان نىسان ءبىر ميلليون 90 مىڭ كيلوۆاتقا جەتتى؛ ”14 - بەسجىلدىق“ مەزگىلىندە شينجياڭ جاڭا ەنەرگيا توبى جاڭا ەنەرگيالىق گەنەراتور اگراگاتتارىنىڭ سيىمدىلىعىن جاڭادان 5 ميلليون كيلوۆاتتىڭ ۇستىندە ارتتىرۋعا كۇش سالادى.
