ىندەتپەن شايقاستىڭ الدىڭعى شەبىندە پارتيا تۋىن ونان ارى جايناتايىق
□ يۋە يانيۇن
”مەن پارتيا مۇشەسىمىن، الدىمەن بارايىن“، ”مەن پارتيا مۇشەسىمىن، قاي جەر ەڭ جاپالى بولسا، قاي جەر مەنى قاجەت ەتسە سول جەرگە بارامىن“، ”ەڭ سوڭعى ناۋقاس ساۋىققاننان كەيىن قايتامىن“... ءۇرىمجى قالاسى ىندەتتەن ساقتانۋ - تىزگىندەۋدەن قامال الۋ ارەكەتىن باستاعاننان بەرى، بۇكىل قالاداعى قالىڭ كوممۋنيستىك پارتيا مۇشەلەرى تۇس - تۇستان شايقاسقا اتتانۋعا ءوتىندى، الدىڭعى شەپتە ۇزاق ۋاقىت شايقاس جاساعان كوپتەگەن پارتيا مۇشەلەرى دە ەكپىندى ۇنمەن ىندەتپەن شايقاسۋ بەكىمدەرىن ءبىلدىرىپ، ىندەتتەن ساقتانۋ - تىزگىندەۋدەن قامال الۋ شايقاسىندا قايراتتانا جەڭىسكە جەتۋ اسقاق جىگەرىن ايگىلەپ، بىزگە كوممۋنيستىك پارتيا مۇشەلەرىندە بولۋعا ءتيىستى بەينەنى كورسەتتى.
”جايشىلىقتا كوزگە ءتۇسىپ، شەشۋشى ساتتە كەۋدە كەرە العا شىعىپ، قاتەرلى، قيىن وتكەلدە باسىن ءباي تىگە ءبىلۋ كەرەك“، بۇل كوممۋنيستەردە بولۋعا ءتيىستى بەينە. قازىر ءۇرىمجى قالاسىنىڭ ىندەتتەن ساقتانۋ - تىزگىندەۋ جاعدايى قاتاڭ دا كۇردەلى، كوپتەگەن قيىن وتكەلدەردەن ءوتىپ، كوپتەگەن ماشاقاتتى تۇيىندەردى شەشۋگە تۋرا كەلەدى. نەعۇرلىم وسىنداي بولعان سايىن، كوممۋنيستىك پارتيا مۇشەلەرى پارتيا مۇشەلەرىنە ءتان بەينەنى سولعۇرلىم كورسەتىپ، بۇقارا ەڭ قاجەت ەتكەن جەرگە بارىپ، ىندەت ەڭ اۋىر جەرلەرگە بارىپ، پارتيا مۇشەلەرىنىڭ اۆانگاردتىق، ۇلگىلىك رولىن تولىق ساۋلەلەندىرىپ، ەڭ اۋىر جۇكتى ارقالاپ، ەڭ ماشاقاتتى ءتۇيىندى شەشىپ، ءىس جۇزىندىك ارەكەتىمەن ءار ۇلت بۇقاراسىنا سەنىم جانە ءۇمىت سيلاۋى كەرەك.
شينجياڭدا وسى رەت ىندەت تۋىلعاننان كەيىن، تيانشان الابىنداعى سانسىز كوممۋنيستىك پارتيا مۇشەلەرى بۇيرىقتى ەستي سالا اتتانىپ، جەكە مۇددەنى قايىرىپ قويىپ، جالپىنىڭ مۇددەسى ءۇشىن اتويلاپ العا شىعىپ، ونەگە كورسەتتى − ولار ىندەتكە قارسى اتتانۋدىڭ ءارقايسى شەبىندە شاپقىلاپ، سانسىز جاپانى باسىنان وتكەرسە دە ەش نارازىلىق بىلدىرمەدى؛ ولار اۆتوكولىكتە مىزعاپ، شاتىردا تۇنەدى، ءار كۇنى 10 نەشە ساعات جۇمىس ىستەپ، شارشاپ - شالدىقتىق دەمەدى؛ ولار سان مىڭداعان وتباسىن كوكەيلەرىندە ساقتادى، ءۇيىنىڭ ماڭايىندا جۇرسە دە ءوز ۇيلەرىنە قايتپادى... ولاردىڭ اراسىندا ”وقۋلىق ۇلگىسىندە جاۋاپ قايتارعان“ ما ميڭ، ”وقيعا تۋىلسا، جاۋاپكەرشىلىكتى مەن ارقالايمىن“ دەگەن سۇن چياڭ، بۇقارا كوزدەرىنە جاس الا، جىبەرمەي قولقالاعان ”شياۋۋاڭ جولداس“ بار... قىسىلتاياڭ ساتتەردە، ولار ىندەتكە قارسى اتتانۋدىڭ الدىڭعى شەبىندە جەلبىرەگەن نارت قىزىل تۋداي، ىندەتتى جەڭىپ شىعۋىمىزعا مىعىم سەنىم مەن باتىلدىق ۇستەدى.
قازىر ورتالىق قالانىڭ ىندەتتەن ساقتانۋ - تىزگىندەۋ جاعدايى تاستى تاۋعا دومالاتىپ شىعاراتىن، العا تارتپاسا كەرى شەگىنەتىن شەشۋشى كەزەڭدە تۇر، اسىرەسە، ءتىپتى كوپ كوممۋنيستىك پارتيا مۇشەلەرىنىڭ ”مەن ىستەمەي كىم ىستەيدى“ دەيتىن جاۋاپكەرشىلىك ارقالاۋ رۋحىمەن ۇلكەن شايقاس، ۇلكەن سىناق الدىندا كەۋدە كەرە العا شىعىپ، توتەپ بەرىپ، پارتيا تۋىن جايناتا ءتۇسۋىن قاجەت ەتۋدە. مەيلى ناۋقاستى قۇتقارىپ - ەمدەيتىن فاڭساڭ شيپاحاناسى، ادامدار شوعىرلانعان تۇرعىندار الەۋمەتتىك اۋماعى، الدە قالانىڭ قامداۋدى قامتاماسىز ەتۋ جۇمىس ورنى بولسىن؛ مەيلى ساياساتتى ۇگىتتەۋشى، ماسەلەنى جاراستىرۋشى، الدە ساتىپ اكەلىپ بەرۋشى بولسىن، جاپالى دا اۋىر مىندەتكە، كۇردەلى قايشىلىققا جولىققاندا، كوممۋنيستىك پارتيا مۇشەلەرى تەك ”مەن ىستەمەي كىم ىستەيدى“ دەيتىن جاۋاپكەرشىلىك رۋحىمەن جاۋاپكەرشىلىك ارقالاپ، بار زەيىنىمەن حالىق ءۇشىن ىستەۋ سىندى بۇقاراعا دەگەن ىنتا - ىقىلاسىمەن ءۇن - ءتۇنسىز ۇلەس قوسىپ، قاتىستى تاراۋلارعا سايكەسىپ، ساقتانۋ - تىزگىندەۋ قىزمەتتەرىن شىنايى، ەگجەي - تەگجەيلى ىستەپ، شىنايى يگەرىپ، ناقتى ىستەپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشكەندە عانا، كوممۋنيستىك پارتيا مۇشەسى دەگەن داڭقتى اتقا لايىق بولا الادى، بۇقارانىڭ سەنىمى مەن قولداۋىنا شىن مانىندە قول جەتكىزە الادى، بۇقارامەن ىنتىماقتاسىپ، ۇيىسىپ، ءبىر نيەتپەن ىندەتكە قارسى اتتانىپ، قيىندىقتاردان بىرگە وتە الادى.
شەشۋشى ساتتەردە ادالدىقپەن جاۋاپكەرشىلىك ارقالاۋدى ايگىلەپ، ىندەتپەن شايقاسۋدىڭ الدىڭعى شەبىندە اۋەلگى ماقساتتى، بورىشتى شىڭداپ، جايناعان پارتيا تۋىن بيىك جەلبىرەتىپ، كەۋدەدەگى پارتيا مۇشەسى زناگىن ونان ارى جارقىراتساق، ىنتىماقتاسىپ ىندەتكە قارسى اتتانۋدىڭ قۋاتتى وڭ ەنەرگياسىن، ءسوز جوق، ۇيىستىرىپ، قامالدىڭ ىشىندەگى قامالدى الىپ، قيىننىڭ ىشىندەگى قيىندى جەڭىپ، جەڭىسكە جەتەر كۇندى ەرتەرەك قارسى الا الامىز.
