ەكونوميكانىڭ جوعارى ساپالى دامۋىن بۇلجىماستان ىلگەرىلەتەمىز
− اۆتونوميالى رايوننىڭ ەكونوميكا سالاسى پارتيا 20 - قۇرىلتايىنىڭ رۋحىن مۇقيات ۇيرەندى، ءتۇسىندى
□ انار بۇلت \ شينجياڭ گازەتىنىڭ تىلشىلەرى
پارتيا 20 - قۇرىلتايىنىڭ بايانداماسىندا، جوعارى ساپالى دامۋدى كۇش سالا ىلگەرىلەتۋ جونىندە بەس جاقتان كەلەلى ستراتەگيالىق ورنالاستىرۋ جاسالدى. بىرنەشە كۇننەن بەرى، اۆتونوميالى رايوننىڭ ەكونوميكا سالاسى مازمۇنى باي، فورماسى الۋان ءتۇرلى ۇگىت - تاربيە قيمىلىن ۇيىمداستىرىپ ورىستەتۋ ارقىلى پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن جەدەل كوتەردى. كوپشىلىك ءبىر اۋىزدان بىلاي دەپ قارادى: پارتيا 20 - قۇرىلتايى كەسكىندەگەن جوبانى بەتالىس جەتەكشىلىگى ەتۋگە تاباندى بولىپ، جوعارى ساپالى دامۋدىڭ كىرىسۋ ءتۇيىنىن امالياتپەن ۇشتاستىرا ءدال تاۋىپ، ونى شىن مانىندە دامۋ وي جەلىسىنە جانە قىزمەت شاراسىنا اينالدىرىپ، جوعارى ساپالى دامۋدىڭ جۇزەگە اسۋىن بۇلجىماستان ىلگەرىلەتەمىز.
جوعارى ساپالى دامۋ نىساناسىن كوزدەيمىز
”پارتيا 20 - قۇرىلتايىنىڭ بايانداماسىندا، قاتىناس جاعىندا قۇدىرەتتى مەملەكەت قۇرۋدى جەدەلدەتۋ العا قويىلىپ، رايونىمىزدىڭ قاتىناس - تاسىمال ىستەرىنىڭ دامۋىنا ايقىن بەتالىس كورسەتتى“. اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى لي شۋەدۇڭ بىلاي دەدى: قازىرگى ۋاقىتتا جانە بۇدان كەيىنگى ءبىر مەزگىلدە، پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ − بۇكىل رايوننىڭ قاتىناس - تاسىمال جۇيەسىنىڭ ماڭداي الدى مىندەتى بولادى، يدەيا مەن ارەكەتتى شىن مانىندە پارتيا 20 - قۇرىلتايىنىڭ رۋحىمەن بىرلىككە كەلتىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جول اشاتىن اتويشى بورىشىن شىن مانىندە اتقارىپ، سالىنىپ جاتقان نىسانداردىڭ جەدەل سالىنۋىن، جاڭادان سالىناتىن نىسانداردىڭ مۇمكىندىك بولسا ەرتەرەك قۇرىلىس باستاۋىن ىلگەرىلەتىپ، جىبەك جولى ەكونوميكالىق بەلدەۋى وزەكتى رايونى قاتىناس تورابى ورتالىعى قۇرىلىسىن ءىس جۇزىندىك ارەكەتپەن جەدەلدەتەمىز.
اۆتونوميالى رايوندىق دامۋ جانە رەفورما كوميتەتى ساياسات زەرتتەۋ كەڭسەسىنىڭ مەڭگەرۋشىسى جۋ شۋۋي مىنانى ءبىلدىردى: پارتيا 20 - قۇرىلتايىنىڭ رۋحىن ىشكەرىلەي ۇيرەنۋدە، ۇگىتتەۋدە، دايەكتىلەندىرۋدە ءبىز دامۋ ساپاسىن اناعۇرلىم كورنەكتى ورىنعا قويىپ، دامۋ ساپاسىنىڭ جالپى جاعدايى مەن ۇزاق بولاشاقتىق ماڭىزىن ىشكەرىلەي ءتۇسىنىپ، جوعارى ساپالى دامۋدى ىلگەرىلەتۋدىڭ ستراتەگيالىق ورنالاستىرۋلارىن مۇقيات دايەكتىلەندىرىپ، تياناقتاندىرىپ، ونىمەن شىن مانىندە وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ كەرەك. ماڭىزدى حۇجاتتاردى دايىنداۋ جانە كەلەلى ماسەلەلەردى زەرتتەۋ قىزمەتىمەن تىعىز ۇشتاستىرىپ، تانىمدى تەرەڭدەتىپ، قابىلەتتى ارتتىرىپ، ماسەلەنى شىنداپ شەشەتىن جاڭا وي جەلىسىن، جاڭا ادىستەردى زەرتتەپ، ورتاعا قويىپ، كەڭەس بەرۋ، قولعانات بولۋ رولىن ءونىمدى ساۋلەلەندىرىپ، جاڭا كۇرەس ارقىلى ۇزدىكسىز جاڭا ناتيجەلەر جاراتامىز.
”پارتيا 20 - قۇرىلتايى بايانداماسىنىڭ ويى ورەلى، ءمانى زور، مازمۇنى باي، اسىرەسە، جاڭاشا ونەركاسىپتەندىرۋ جونىندەگى ستراتەگيالىق ورنالاستىرۋلارى ادامدى ەرەكشە جىگەرلەندىرىپ، سەنىمدى ارتتىرادى“. جۇڭگو مۇناي - تابيعي گاز جارنا شەكتى سەرىكتەستىگى ءۇرىمجى مۇناي حيميا بولىمشە سەرىكتەستىگى زەرتتەۋ ورنىنىڭ ورىنباسار باستىعى شۇي يارۇڭ بىلاي دەدى: بۇدان كەيىن، عىلىم - تەحنيكادا جاڭالىق اشۋ مەن كاسىپورىننىڭ ءىس جۇزىندىك دامۋىن ۇشتاستىرۋ ارقىلى شەشۋشى تەحنيكالاردا جاڭالىق اشىپ، عىلىم - تەحنيكالىق زەرتتەۋ - اشۋدى مىقتى يگەرىپ، عىلىم - تەحنيكا جەتىستىكتەرىن كادەگە جاراتۋدى جەدەلدەتەمىز. ”وڭدەلگەن مۇنايدىڭ ءوندىرىلۋ سالىستىرماسىن ازايتىپ، حيميا ونەركاسىبى ونىمدەرىنىڭ سالىستىرماسىن ارتتىرۋعا“ تاباندى بولىپ، جاڭا ەنەرگيانى دامىتۋعا ىزدەنىس جاساپ، ءوندىرىستىڭ زەردەلىلەنۋىن، ءونىمنىڭ جاسىلدانۋىن، وزىقتانىپ دارەجەسىنىڭ جوعارىلاۋىن ىلگەرىلەتىپ، مەملەكەت ءۇشىن ەنەرگيامەن قامداۋدى قامتاماسىزداندىرۋدىڭ ويداعىداي قورعاۋشىسى بولامىز.
عىلىم - تەحنيكادا جاڭالىق اشۋ ومىرشەڭدىگىن قاۋلاتامىز
”وسى كەلەلى ورنالاستىرۋلار كاسىپورىنعا بولاشاق دامۋدىڭ ۇلكەن بەتالىسىن ايقىنداپ، ءبىزدى ەرەكشە اسەرلەندىردى جانە جىگەرلەندىردى“. ەرەكشە ترانسفورماتور جارنا شەكتى سەرىكتەستىگى پارتكومىنىڭ شۋجيى، القا باستىعى جاڭ شين مىنانى ءبىلدىردى: ەرەكشە ترانسفورماتور دارىندىلار ارقىلى كاسىپورىندى قۇدىرەتتەندىرۋ ستراتەگياسىن زور كۇشپەن اتقارىپ، ءوندىرۋدىڭ، وقىتۋدىڭ، زەرتتەۋدىڭ، پايدالانۋدىڭ تەرەڭدەي سايكەستى توعىسۋىن بار كۇشپەن ىلگەرىلەتىپ، عىلىم - تەحنيكادا جاڭالىق اشۋدىڭ ىشكى قوزعاۋشى كۇشىن شىن مانىندە قاۋلاتىپ، شينجياڭنىڭ جاسىل ەنەرگيا جانە كومىردى تازا اشىپ - پايدالانۋدى ارقاۋ ەتىپ، جاڭا جارىس جولىن اشىپ، جاڭا باسىمدىقتى جارىققا شىعارادى.
سوڭعى 10 جىلدان بەرى، شينجياڭ ءتۇستى مەتال ونەركاسىبى (توبى) شەكتى جاۋاپكەرشىلىك سەرىكتەستىگى زەرتتەۋ - اشۋعا جيىنى ءبىر ميلليارد 500 ميلليون يۋانعا تاياۋ قارجى سالىپ، عىلىم - تەحنيكادا جاڭالىق اشۋ نىسانىن ورىستەتىپ، 280نەن استام تۇردەن قامال الىپ، مەملەكەت ۇقىق بەرگەن 258 ءتۇرلى پاتەنتكە يە بولدى. سەرىكتەستىك پارتكومىنىڭ شۋجيى، القا باستىعى جاڭ گوحۋا بىلاي دەدى: شينجياڭداعى كەن ونىمدەرى بايلىعىن اشاتىن ماڭىزدى كاسىپورىن رەتىندە، ءبىز شينجياڭ ءتۇستى مەتال زەرتتەۋ ورنى جانە ءتۇرلى شەبەرلىك بويىنشا جاڭالىق اشۋ تۇعىرلارىنا سۇيەنىپ، عىلىم - تەحنيكادا جاڭالىق اشۋ ۇسىنىلىمىن ارتتىرىپ، شەشۋشى، وزەكتى تەحنيكالاردى زەرتتەۋ - اشۋدا جاڭالىق اشىپ، ءداستۇرلى تەحنولوگيانى، تەحنيكانى جىلدام جاڭارتىپ، جوعارى ساپالى دامۋدىڭ جاڭا قوزعاۋشى قۋاتىن، جاڭا باسىمدىعىن ۇزدىكسىز سومداپ، اۆتونوميالى رايوننىڭ ”سەگىز ءىرى كاسىپ سالاسى شوعىرى“ قۇرىلىسىنا ىشكەرىلەي ات سالىسامىز.
”ەگىن، مال شارۋاشىلىعىنىڭ وسىزاماندانۋىنا عىلىم - تەحنيكا ارقىلى قۋات ۇستەيمىز“. شينجياڭ ەگىن، مال شارۋاشىلىعى قارجى قوسۋ توبى پارتكومىنىڭ شۋجيى، القا باستىعى كاڭ جيان مىنانى ءبىلدىردى: عىلىم - تەحنيكا − ءبىرىنشى وندىرگىش كۇش، دارىندىلار − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش دەگەنگە باستان - اياق تاباندى بولىپ، عىلىم - تەحنيكادا قامال الۋعا دارىندى، قازىنا، زاتتىق جاقتان ۇسىنىلىمدى ۇزدىكسىز ارتتىرىپ، دارىندىلاردى باۋلۋ مەن ەنگىزۋگە بارىنشا ءمان بەرىپ، جاڭالىق اشۋدىڭ قوزعاۋشى كۇشىن توپتاپ، جوعارى ولشەمگە، قاتاڭ تالاپقا تاباندى بولىپ، ءاربىر قادامنىڭ مىعىم، نىق باسىلۋىنا شىنايى كەپىلدىك ەتىپ، كاسىپورىننىڭ بۇكىل ەل بازارىنداعى ۇلەسىن، سالىستىرماسىن ۇزدىكسىز ۇلعايتىپ، حالىق بۇقاراسىن ريزا ەتەتىن، الاڭسىز ەتەتىن اناعۇرلىم كوپ جوعارى ساپالى ەگىن، مال شارۋاشىلىعى ونىمدەرىن ءوندىرىپ، كەڭ كولەمدە تانىمالىلىققا يە شينجياڭ ەگىن، مال شارۋاشىلىعى ماركاسىن جەتىلدىرىپ شىعامىز.
ناقتى اماليات بارىسىندا جاڭا ىسكەرلىكتى ايگىلەيمىز
”جوعارى ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتى. مەملەكەت تۇراقتاندىرعان ’ءۇش بازا، ءبىر وتكەل‘ رەتىندە، شينجياڭنىڭ بۇكىل ەلدىڭ ەنەرگيا دامۋى ۇلكەن ارناسىندا ماڭىزدى ستراتەگيالىق ورنى بار، مەملەكەتتىڭ ەنەرگيا حاۋىپسىزدىگىن قامتاماسىز ەتۋ سىندى ماڭىزدى جاۋاپكەرشىلىك ارقالاپ وتىر“. اۆتونوميالى رايوندىق ەنەرگيا حاۋىپسىزدىگىن قاداعالاۋ - ولشەۋ ورتالىعى پارتكومىنىڭ شۋجيى جاڭ فىڭ بىلاي دەدى: پارتيا 20 - قۇرىلتايىنىڭ رۋحىن ىشكەرىلەي ۇيرەنۋدى، دايەكتىلەندىرۋدى ەنەرگيا حاۋىپسىزدىگىن قاداعالاۋ - ولشەۋ قىزمەتىنىڭ ءىس جۇزىندىگىمەن ۇشتاستىرىپ، ەنەرگيا حاۋىپسىزدىگىن قامتاماسىزداندىرۋدى ماڭداي الدى قىزمەت مىندەتى ەتىپ، ەنەرگيا ساندى مالىمەتتەرىنە تالداۋ جاساۋ مەن جۇمىس جۇرگىزۋىن قاداعالاۋ - ولشەۋدى كۇشەيتىپ، ءتۇيىندى قىزمەتتەردى ىلگەرىلەتۋ بارىسىندا ”جول كارتاسىن“ بەلگىلەپ، ”ۋاقىت كەستەسىن“ ويداعىداي سىزىپ، ”جاۋاپكەرلىك حاتىنا“ قول قويىپ، بيىلعى نىسانانىڭ تولىق تابىسپەن ورىندالىپ، كەلەر جىلعى قىزمەت وي جەلىسىنىڭ ايقىندالۋىنا شىنايى كەپىلدىك ەتەمىز.
”’جاڭا دامۋ ارناسىن جەدەل ورناتىپ، جوعارى ساپالى دامۋدى كۇش سالا ىلگەرىلەتۋ‘، بۇل بۇدان كەيىنگى ەكونوميكانىڭ دامۋىنا، وسىزاماندانعان كاسىپ سالاسى جۇيەسى قۇرىلىسىنا ايقىن بەتالىس كورسەتتى“. شينجياڭ شين - يە ەنەرگيا، حيميا ونەركاسىبى شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى ما جينرۇڭ بىلاي دەدى: ”14 - بەسجىلدىق“ مەزگىلىندە، سەرىكتەستىك شينجياڭ داشۋەسىمەن بىرلەسىپ اشقان كومىر نەگىزدى جاڭا ماتەريالدار بىرلەسكەن زەرتتەۋ ورنىنا سۇيەنىپ، كومىر نەگىزدى جاڭا ماتەريالداردى قولدانۋدان قامال الۋدى ارتتىرىپ، كومىردىڭ حيميا ونەركاسىبىنىڭ شيكىزاتى رەتىندەگى جالپىلىق پايدالانىلۋ ونىمدىلىگىن جوعارىلاتىپ، ەل ىشىندەگى وسى زامانعى كومىر حيميا ونەركاسىبى سالاسىنداعى ”دارىندىلار بيىگىن، تەحنيكا بيىگىن، جاڭالىق اشۋ بيىگىن“ تۇلعالاپ، عىلىم - تەحنيكا نۇرىمەن وسى زامانعى كومىر حيميا ونەركاسىبىنەن ۇلگى كورسەتۋدىڭ، جەتەكتەۋدىڭ جاڭا تانىسقىسىن جارقىراتامىز.
شينچيكاڭ ءدارى - دارمەك كاسىبى جارنا شەكتى سەرىكتەستىگى پارتيا ياچەيكاسىنىڭ شۋجيى گان يۇييە بىلاي دەدى: ”پارتيا 20 - قۇرىلتايىنىڭ رۋحىن قوزعاۋشى كۇش ەتىپ، ’نازاردى شوعىرلاندىرۋ، قاعيداعا ۇيلەسۋ، قۋات ۇستەۋ‘ سىندى تيجارات باعىتىنا جانە ’وزىندىك دامۋ + سىرتقى كەڭەيتۋ‘ سىندى دامۋ تاسىلىنە تاباندى بولۋ ارقىلى سەرىكتەستىكتىڭ جاڭا دامۋ ارناسىنداعى ءوسۋ مەن سەرپىلىستى جۇزەگە اسىرۋىنا دەم بەرەمىز، شينجياڭنىڭ شيپاگەرلىك - دارىگەرلىك، سالاماتتىق كاسىپ سالاسىنىڭ جوعارى ساپالى دامۋىنا دەم بەرەمىز“.
(ءتىلشى شى شين، قاتىناسقان تىلشىلەر لۋ فىڭباۋ، يۇي جياڭيان، گاۋ فىڭ، ەرىكتى تىلشىلەر ليۋ شانشان، تۋ يانشيا)
