تيانشان تورى - شينجياڭ گازەتىنىڭ ءتىلشىسى ما ينيڭ
11 - ايدىڭ 8 - كۇنى تاڭ قىلاڭ بەرە شۇي حاي ەرىكتى رەتىندە ءوزىنىڭ قىزمەتىن باستادى: حىسۋان تەكسەردى، قوقىر - قوقسىقتى تازالاپ، تاسىدى، زاتتىق بۇيىمداردى تىزىمدەپ جولدادى، ورتانى زارارسىزداندىردى ... وسى قىزمەتتەر قاباتتاسىپ، ونىڭ دەمالاتىن ۋاقىتىن وتە ازايتىپ جىبەردى. ”پارتيا مۇشەلەرى ءبىرىنشى شەپتە اتويلاپ الدا ءجۇرىپ، ىندەتتىڭ ەرتەرەك اياقتاۋىن قولعا كەلتىرۋگە كۇش قوسۋلارى كەرەك“، ـ دەدى شۇي حاي.
شۇي حاي ءۇرىمجى ديۋوپۋ حالىقارالىق اۋەجايى ۇشۋ اۋماعىن باسقارۋ ءبولىمىنىڭ پارتيالى كادرى. 10 - ايدان بەرى، ءۇرىمجى قالاسىنىڭ ىندەتكە قارسى تۇرۋدان قامال الۋدىڭ شەشۋشى كەزەڭىندە، شينجياڭ اۋەجاي (توبى) شەكتى جاۋاپكەرشىلىك سەرىكتەستىگى قالىڭ پارتيالى كادرلارعا، جۇمىسشى - قىزمەتكەرلەرگە الەۋمەتتىك اۋماقتىڭ ىندەتتەن ساقتانۋ - تىزگىندەۋ قىزمەتىنە كومەكتەسۋ جونىندە ۇندەۋ تاستادى. 100دەن استام پارتيالى كادر، جۇمىسشى ـ قىزمەتكەر بەلسەنە ءۇن قوسىپ، ىرىقتىلىقپەن ءوتىنىش بەرىپ، شارت قويماي، قيىنشىلىق ايتپاي، ەرىكتى قاتارلى سالاۋاتپەن وزدەرى تۇرعان الەۋمەتتىك اۋماقتىڭ ىندەتتەن ساقتانۋ ـ تىزگىندەۋ قىزمەت گرۋپپاسىنا قاتىناسىپ، ءۇرىمجى قالاسىنىڭ ىندەتتەن ساقتانۋ – تىزگىندەۋ قىزمەتىنە بەلسەنە كومەكتەستى.
10 – ايدىڭ 19 – كۇنى شۇي حاي تيانشان رايونى شىڭلي جولى ءمالىسى شيندۇڭ كوشەسى الەۋمەتتىك اۋماعىنا كەلگەننەن كەيىن، دەرەۋ ىندەتتەن ساقتانۋ – تىزگىندەۋ بىلىمدەرى تاربيەسىن قابىلداپ، الەۋمەتتىك اۋماق قىزمەتكەرلەرىنەن نەگىزگى جاعدايدى ۇعىسىپ، ەرتەسى ءبىرىنشى شەپتەگى ساقتانۋ ـ تىزگىندەۋ قىزمەتىنە قاتىناستى. ”باستابىندا تۇرعىندار مەنى جات كورىپ، قارىم - قاتىناس جاعىندا ءبىراز قينالدىم، كەيىن بىرتە - بىرتە ابدەن تانىس بولدىق. مەن كومەكتەسكەن بۇقارا باس بارماعىن شىعارىپ، ’راقىمەت‘ دەگەن ءسوزدى ايتقان كەزدە، ءوزىمنىڭ ىستەگەن قىزمەتىمنىڭ بارلىعىنىڭ تاتيتىنىن سەزىندىم“. شۇي حاي بىلاي دەدى: مەن بار كۇشىمدى سالىپ، الەۋمەتتىك اۋماقتاعى بۇقاراعا ويداعىداي قىزمەت وتەيمىن.
شينجياڭ اۋەجاي توبىنىڭ 100دەن استام پارتيالى كادر، جۇمىسشى – قىزمەتكەرى الەۋمەتتىك اۋماقتىڭ ىندەتتەن ساقتانۋ – تىزگىندەۋ قىزمەتىنە كومەكتەستى. سۋرەتتى شينجياڭ اۋەجاي توبى قامداعان
قازىر شينجياڭ اۋەجاي توبىنىڭ 100دەن استام پارتيالى كادر، جۇمىسشى – قىزمەتكەرى ءۇرىمجى قالاسىنىڭ ءارقايسى الەۋمەتتىك اۋماقتارىندا ەرىكتى قىزمەت وتەۋدە.
تيانشان رايونى نانۋان كوشەسى گۋاڭديان الەۋمەتتىك اۋماعىندا تۇراتىن اۋەجاي توبى اۋە قاتىناسىن باسقارۋ كاسىبى ءبولىمىنىڭ قىزمەتكەرى ابدۇشۇكىر ابدۇعىني ءوزى تۇرعان الەۋمەتتىك اۋماقتىڭ ەرىكتى قىزمەت وتەۋ ىسىنە بەلسەنە قاتىناستى. ول تۇرعان الەۋمەتتىك اۋماقتا قارتتار ءبىرشاما كوپ، تۇندە تۇتقيىل ناۋقاستانعان قارتتاردىڭ ەمدەلۋىنە نۇقسان جەتكىزبەۋ ءۇشىن، ول ۇيىقتاعاندا قول تەلەفونىن قاسىنا قويىپ، شاقىرعان زامان جەتىپ كەلۋگە كەپىلدىك ەتتى.
اۋەجاي الەۋمەتتىك اۋماعىنا ىشكەرىلەي كومەكتەسۋ ءۇشىن، شينجياڭ اۋەجاي توبى ىندەتتەن ساقتانۋ - تىزگىندەۋ ارناۋلى قىزمەت گرۋپپاسىن قۇرىپ، الەۋمەتتىك اۋماقتىڭ حىسۋان تەكسەرۋ، دالىزدەردى زارارسىزداندىرۋ، زاتتىق بۇيىمداردى دايىنداۋدى قامتاماسىزداندىرۋ سياقتى قىزمەتتەرىنە كومەكتەستى. شينجياڭ اۋەجاي توبى تيانحۇي ساۋدا باسقارۋ سەرىكتەستىگىنىڭ ورىنباسار باس ديرەكتورى چىن كاي بىلاي دەدى: ”قازىر ءبىزدىڭ قوسىنىمىز 28 ادامعا كوبەيدى، ءاربىر اترەت مۇشەسى ءار كۇنى 30 - 40 ءدالىزدى زارارسىزداندىرۋ قىزمەتىنە جاۋاپتى بولىپ، كۇنىنە ورتا ەسەپپەن 20 مىڭ قادامنان ارتىق جول جۇرەدى“.
قازىر شينجياڭ اۋەجاي توبى ءار دارەجەلى پارتيا ۇيىمدارىنىڭ جاۋىنگەر قورعاندىق رولىن جانە كوممۋنيستىك پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، ىندەتتەن ساقتانۋ - تىزگىندەۋ قىزمەتىنە بار كۇشپەن قولداۋ كورسەتىپ، تۇرعىندار بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن شەشۋىنە كومەكتەسىپ، الەۋمەتتىك اۋماق كادرلارىنا كومەكتەسىپ تۇرعىنداردىڭ حىسۋانىن تەكسەرۋ، زاتتىق بۇيىمدارمەن قامداۋدى قامتاماسىز ەتۋ، ۇگىتتەۋ، جەتەكتەۋ، ورتانى زارارسىزداندىرۋ سياقتى ءتۇرلى قىزمەت مىندەتتەردى ارقالاپ، وزدەرىنىڭ تاباندىلىعى مەن جاۋاپكەرشىلىگى ارقىلى ىندەتتەن ساقتانۋ - تىزگىندەۋدىڭ ”مىعىم“ كۇشىن ۇيىستىردى.
اۋدارعان: قادىر ماقان
