تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشىپ، كەزەكتەگى ىندەتتەن ساقتانۋ - تىزگىندەۋ قىزمەتىن اقىلداسىپ، ورنالاستىردى

  اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشىپ، كەزەكتەگى ىندەتتەن ساقتانۋ - تىزگىندەۋ قىزمەتىن اقىلداسىپ، ورنالاستىردى

  ما شيڭرۇي ءماجىلىستى باسقاردى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 11 - ايدىڭ 8 - كۇنى تۇستەن بۇرىن كەڭەيتىلگەن ءماجىلىس اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جەتكىزدى، دايەكتىلەندىردى، تياناقتاندىردى، ورتالىقتاعى باسشى جولداستاردىڭ ماڭىزدى بەكىتۋلەرىنىڭ رۋحىن جەتكىزدى، ءتۇيىندى وڭىرلەردىڭ، اسىرەسە، ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىن ىشكەرىلەي اقىلداسىپ، ورنالاستىرىپ، قوعامدىق جاقتا يكەمدى نولگە ءتۇسىرىپ، ىندەتتەن ساقتانۋ - تىزگىندەۋ قاتاڭ شايقاسىندا باتىل جەڭىسكە جەتۋدى اناعۇرلىم ىلگەرىلەتتى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.

  ءماجىلىس مىنالاردى اتاپ كورسەتتى: مەملەكەتتىك قىزمەت گرۋپپاسىنىڭ جەتەكشىلىگىندە جانە تۋىسقان ولكە، قالالاردان شينجياڭعا كومەككە كەلگەن ەمدەۋ اترەتتەرىنىڭ كومەگىندە، بۇكىل رايونىمىزدا جوعارىدان تومەنگە دەيىن قاجىماي - تالماي قۇلشىنىس جاساۋدىڭ ارقاسىندا، ءتۇيىندى وڭىرلەردىڭ ىندەتتەن ساقتانۋ - تىزگىندەۋ جاعدايىندا بەلسەندى وزگەرىستەر جارىققا شىقتى، ءۇرىمجى قالاسىنىڭ قامال الۋ مىندەتتەرى جەدەل ىلگەرىلەتىلىپ، ساقتانۋ - تىزگىندەۋ ونىمدىلىگى بىرتىندەپ كورنەكتىلەندى. جەر - جەر، تاراۋلار يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىمەن باتىل بىرلىككە كەلتىرىپ، پارتيا 20 - قۇرىلتايىنىڭ رۋحىن ىشكەرىلەي ۇيرەنۋدى، ۇگىتتەۋدى، دايەكتىلەندىرۋدى قوزعاۋشى كۇش ەتىپ، ساياسي دەڭگەيدى ونان ارى جوعارىلاتىپ، اناعۇرلىم كۇشتى جاۋاپكەرشىلىك سەزىممەن، بورىشتىلىق سەزىممەن، كوكەي تەستىلىك سەزىممەن، اناعۇرلىم باتىل دا كەسىمدى، اناعۇرلىم قاتاڭ دا جوعارى ءونىمدى، اناعۇرلىم باعىتتامالى شارالارمەن ساقتانۋ - تىزگىندەۋ ءتۇيىندى مىندەتتەرىن تىڭعىلىقتى ىلگەرىلەتىپ، ساقتانۋ - تىزگىندەۋ جەتىستىكتەرىن ۇزدىكسىز بەكەمدەپ، كەڭەيتۋ، باس شۋجي شي جينپيڭنىڭ، پارتيا ورتالىق كوميتەتىنىڭ ورنالاستىرۋلارىن، تالاپتارىن ۇيرەنۋدى، دايەكتىلەندىرۋدى شىن مانىندە ناقتى ارەكەتتە تياناقتاندىرىپ، ءىس جۇزىندىك ونىمدىلىكتە ايگىلەۋ كەرەك. ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسى مەن ”يكەمدى نولگە ءتۇسىرۋ“ باس باعىتىنا تيتتەي دە اۋىتقىماستان تاباندى بولىپ، پارتيا ورتالىق كوميتەتىنىڭ ”ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ“ ماڭىزدى تالابىن جاپپاي تياناقتاندىرىپ، ”ەكىنى ءبىر تۇتاس جوسپارلاۋعا“ تاباندى بولىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ تالاپتارىن جانە 9 - نۇسقاداعى ساقتانۋ - تىزگىندەۋ جوباسىن قاتاڭ اتقارىپ، ماسەلەنى باعدار ەتۋدى كۇشەيتىپ، ولقىلىقتاردى، شالاعايلىقتاردى تولىقتاۋدى، تۇساۋ بولعان ماسەلەلەردى شەشۋدى اناعۇرلىم كورنەكتىلەندىرىپ، بۇلجىماستان نازاردى ءتۇيىندى ءوڭىر، ءتۇيىندى ورىن، ءتۇيىندى ادام سياقتىلارعا شوعىرلاندىرىپ، ۇزدىكسىز كۇش سالىپ، ىندەتتەن ساقتانۋ - تىزگىندەۋدە تىنباي ءتىپتى دە ۇلكەن ونىمدىلىككە قول جەتكىزۋدى ىلگەرىلەتىپ، قوعامدىق جاقتا يكەمدى نولگە ءتۇسىرۋ نىساناسىن جەدەل جۇزەگە اسىرۋ كەرەك.

  ءماجىلىس مىنالاردى باسا دارىپتەدى: ءۇرىمجى قالاسى سياقتى ىندەتتەن ساقتانۋداعى ءتۇيىندى وڭىرلەر ساياسي جاۋاپكەرشىلىكتى اناعۇرلىم ارقالاپ، تيتتەي دە بوساڭسىماستان ىندەتتەن ساقتانۋ - تىزگىندەۋدى ناقتى يگەرۋ، ەگجەي - تەگجەيلى يگەرۋ، ماڭداي الدى ماڭىزدى مىندەت ەتۋ كەرەك. پارتيا، ۇكىمەت ورىندارىنداعى نەگىزگى باسشىلار وزدەرى ورنالاستىرىپ، قولباسشىلىق ىستەپ، وزدەرى ورنالاستىرۋ جاساپ، قاداعالاي وتىرىپ ماسەلەنى شەشىپ، تومەنگە ءتۇسىپ، كوتەرمەگە الىپ بايلانىس جاساعان ولكە دارەجەلى باسشىلاردىڭ جەتەكشىلىك ىستەپ، ءجون سىلتەۋىندە، ءبىر جاعىنان، قاتاڭ شايقاس جۇرگىزىپ، ءبىر جاعىنان، ماسەلەنى شەشىپ، ەندى ءبىر جاعىنان، قابىلەتتى جوعارىلاتىپ، شىنايى يگەرىپ، ناقتى ىستەپ، ىندەتتەن ساقتانۋ - تىزگىندەۋدىڭ قامال الۋ شايقاسىندا جەڭىسكە جەتۋ كەرەك. سىرتقا جايىلۋدان ساقتانۋدى، تارالۋدان ساقتانۋدى، قايتا بەلەڭ بەرۋدەن ساقتانۋدى، سىرتتان كىرۋدەن ساقتانۋدى ءبىر تۇتاس جوسپارلاپ، شينجياڭنان شىعاتىن قاۋىمدى تەكسەرۋ، اداقتاۋ، جابىق اينالىمدا تاسۋ، حاۋىپسىز ساقتانۋ - قورعانۋ جانە جۇك اۆتوكولىكتەرىنىڭ شوفەرلارى، كولىكتەگى ادامدار سياقتىلاردى تۇتاس بارىستىق قاتاڭ ساقتانۋ - تىزگىندەۋ، ەگجەي - تەگجەيلى باسقارۋ، قىزمەت وتەۋ قىزمەتىن كورنەكتىلەندىرىپ ويداعىداي يگەرۋ، شينجياڭنان حاۋىپسىز دە ءتارتىپتى تۇردە شىعۋىنا، جۇك تاسىمالى زات اينالىمىنىڭ ىركىلىسسىزدىگىنە شىنايى كەپىلدىك ەتۋمەن بىرگە، ىندەتتىڭ شينجياڭنىڭ ىشىندەگى ىندەت جوق وڭىرلەرگە جانە شينجياڭنىڭ سىرتىنا تارالۋىنان باتىل ساقتانۋ؛ جەر - جەر ساقتانۋ - تىزگىندەۋ تورىن ۇزدىكسىز بەرىك توقىپ، ءجيى توقىپ، ءتۇرلى ساقتانۋ - تىزگىندەۋ شارالارىن قاتاڭ تياناقتاندىرىپ، ىندەتتىڭ سىرتتان كىرۋىنەن قاتاڭ ساقتانىپ، كولەمدى قايتا بەلەڭ بەرۋدىڭ تۋىلماۋ تومەنگى شەگىن باتىل ساقتاۋ كەرەك. ىندەتتەن ساقتانۋ - تىزگىندەۋدىڭ جالپى تۇلعالىق ونىمدىلىگىن ۇزدىكسىز كۇشەيتىپ، حىسۋان تەكسەرۋ ساپاسىن، ونىمدىلىگىن جوعارىلاتۋدى قاداعالاي وتىرىپ ۇزدىكسىز كۇش سالىپ، ينفورماتسيالاندىرۋدى تىرەك ەتۋدى كۇشەيتىپ، سارالاۋ ونىمدىلىگىن جالپى بەتتىك جوعارىلاتىپ، بولىمدى بولعانداردى دالمە - ءدال، ءونىمدى قاداعالاۋ، اۋاشالايتىن ءۇي قاينارى اينالىم قۇرىلىسى، قاتەرلى ادامداردى وتكەرمەلەپ تاسۋ سياقتىلاردىڭ قارقىنىن جەدەلدەتىپ، ءارقايسى بارىستاعى ءبىر جايلى ەتۋ دەڭگەيىن جوعارىلاتىپ، جەدەل تەكسەرىپ، جەدەل تاسىمالداپ، اۋاشالاۋعا تيىستىلەردى تۇگەل اۋاشالاپ، كۇن سايىن اداقتاپ، كۇن سايىن اياقتاتىپ، ىندەتتىڭ تارالۋىن تۇبەگەيلى بوگەۋ كەرەك. ءتۇرلى ءتۇيىندى قىزمەتتەردىڭ سەرپىنىن كۇشەيتىپ، ادام، زات، ورتا جاقتارىندا بىردەي ساقتانۋ تالابىن تياناقتاندىرىپ، زارارسىزداندىرۋ كۇشتەرىن تولىقتاپ، ءتۇيىندى ءوڭىر، ورىن سياقتىلاردى زارارسىزداندىرۋدى، ميكروبسىزداندىرۋدى كۇشەيتىپ، ساپا مەن ونىمدىلىككە شىنايى كەپىلدىك ەتۋ؛ ءتۇيىندى تۇرمىستىق زاتتاردى تاسىپ اكەلۋدى، ساقتاۋدى كۇشەيتىپ، ”كوجە قاتىق“، ”استىق“، ”جەمىس - جيدەك“ سياقتىلارمەن جەتكىلىكتى قامداۋعا، باعاسىنىڭ ورنىقتى بولۋىنا شىنايى كەپىلدىك ەتۋ؛ اۋرۋ كورسەتۋ، ەمدەلۋ ارناسىن ىركىلىسسىزدەندىرىپ، ءتارتىپ بۋىندارىن كۇش سالا ساپالىلاندىرىپ، بۇقارانىڭ، اسىرەسە، جۇكتى ايەلدەر، بوسانعان ايەلدەر، شۇعىل، سالماقتى ناۋقاستار، قارتتار، بالالار سياقتى قاۋىمنىڭ اۋرۋ كورسەتۋ سۇرانىسىن باتىل قامتاماسىز ەتۋ كەرەك. قوعامدىق پىكىردى باسقارۋدى - تىزگىندەۋدى جانە وعان جەتەكشىلىك ەتۋدى شىن مانىندە كۇشەيتىپ، ىندەت جاعدايى، قوعامدىق پىكىر جاعدايى، قوعامدىق جاعداي سىندى ”ءۇش جاعدايدىڭ“ بىرلەسىپ ارەكەتتەنۋىنە تاباندى بولىپ، ۇنامدى ۇگىت سەرپىنىن ۇزدىكسىز كۇشەيتىپ، ءتۇرلى فورماداعى دانەكەر قۇرالدارىنان تولىق پايدالانىپ، ساياساتتى بايانداپ ءتۇسىندىرۋدى جانە قوعامدىق پىكىرگە جەتەكشىلىك ەتۋدى كۇشەيتىپ، ءار ۇلت بۇقاراسىن ءوزىن قورعاۋ تانىمىن كۇشەيتۋگە تاربيەلەۋ، جەتەكتەۋ؛ ينتەرنەتتەگى قوعامدىق پىكىر جاعدايىن باسقارۋدى، تىزگىندەۋدى كۇشەيتىپ، قوعام ءجىتى قاداعالاپ وتىرعان، ينتەرنەتتەگى قولامتالى تۇيىندەرگە ىرىقتىلىقپەن اڭىس قايتارىپ، وسەك - اياڭ شىعارۋ، تاراتۋ جانە الەۋمەتتىك ءتارتىپتى ءبۇلدىرۋ سياقتى زاڭعا قايشى ارەكەتتەرگە قاتاڭ سوققى بەرىپ، ىندەتكە قارسى اتتانۋدىڭ وڭ ەنەرگياسىن ۇزدىكسىز ۇيىستىرۋ كەرەك.

  ءماجىلىس مىنالاردى باسا دارىپتەدى: ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋ بارىسىندا كادرلاردى تەكسەرۋگە، پارىقتاۋعا، شىڭداۋعا، قابىلەتىن جوعارىلاتۋعا ءمان بەرۋ كەرەك. قالىڭ پارتيا مۇشەلەرى، كادرلار، اسىرەسە، باسشى كادرلار ىندەتتەن ساقتانۋ - تىزگىندەۋ بارىسىندا سىننان ءوتىپ، ”قابىلەت داعدارىسى“ ماسەلەسىن جەدەل شەشىپ، عىلمي شەشىم جاساۋ قابىلەتى، شۇعىل جاعدايعا توتەپ بەرۋ - ءبىر جاقتى ەتۋ قابىلەتى، بۇقارالىق قىزمەت قابىلەتى، تياناقتاندىرۋدى يگەرۋ قابىلەتى سياقتىلاردى ۇزدىكسىز جوعارىلاتىپ، ساقتانۋ - تىزگىندەۋدىڭ ءتۇرلى قىزمەتتەرىن قاز - قالپىندا ناقتى، ەگجەي - تەگجەيلى يگەرۋ، تياناقتاندىرۋ؛ حاۋىپ - قاتەردى بايقاۋ، تۇجىرىمداۋ، ءبىر جاقتى ەتۋ قىزمەتىن قاتاڭ، ەگجەي - تەگجەيلى ويداعىداي ىستەپ، قوعام ورنىقتىلىعى، ءوندىرىس حاۋىپسىزدىگى سياقتى سالالارداعى حاۋىپ - قاتەرلەردەن، كومەسكى كىناراتتاردان ءونىمدى ساقتانۋ جانە ونى جويۋ كەرەك. ءتارتىپتى، ستيلدى قاتايتىپ، باقىلاۋدى قاتاڭداستىرىپ، ءتارتىپ اتقارۋدى قاتايتىپ، قىزمەتتى تياناقتاندىرماعانداردىڭ، ويداعىداي ىستەمەگەندەردىڭ، جاۋاپكەرسىزدىك ىستەگەندەردىڭ جاۋاپكەرشىلىگىن قاتاڭ قۋزاستىرىپ، جاۋاپقا تارتىپ، ىندەتتەن ساقتانۋ - تىزگىندەۋدەن قامال الۋ شايقاسىندا جەڭىسكە جەتۋ ءۇشىن مىعىم دا پارمەندى قامتاماسىزدىق ازىرلەۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.