حالىقتىڭ رۋحاني كۇش - قۋاتىن ارتتىراتىن اناعۇرلىم كوپ تاڭداۋلى تۋىندىنى جارىققا شىعارامىز
− رايونىمىزداعى مادەنيەت - كوركەمونەر سالاسى پارتيا 20 - قۇرىلتايىنىڭ رۋحىن مۇقيات ۇيرەندى، ۇعىندى
□ انار بۇلت \ شينجياڭ گازەتىنىڭ ءتىلشىسى يىن لۋ
مادەنيەت كوركەيسە مەملەكەت كوركەيەدى، مادەنيەت كۇشەيسە ۇلت كۇشەيەدى. تاياۋ كۇندەردەن بەرى، رايونىمىزداعى مادەنيەت - كوركەمونەر سالاسى پارتيا 20 - قۇرىلتايىنىڭ رۋحىن ءتۇرلى تاسىلدەرمەن ىشكەرىلەي ۇيرەنىپ، ۇگىتتەپ، دايەكتىلەندىرىپ، كەشىرمەلەرىمەن ۇشتاستىرىپ، ۇيرەنۋ اسەرلەرىن ءبولىستى، ءىس جۇزىندىكپەن ۇشتاستىرىپ، تياناقتاندىرۋ شارالارىن جوسپارلادى. كوپشىلىك ىركەس - تىركەس مىنالاردى ءبىلدىردى: پارتيا 20 - قۇرىلتايىنىڭ رۋحىمەن وي - سانانى قارۋلاندىرىپ، امالياتقا جەتەكشىلىك ەتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، سوتسياليستىك وزەكتى قۇن كوزقاراسىن كەڭ كولەمدە امالياتتا ايگىلەپ، حالىقتىڭ رۋحاني كۇش - قۋاتىن ارتتىراتىن اناعۇرلىم كوپ تاڭداۋلى تۋىندىنى جارىققا شىعارىپ، سوتسياليستىك مادەنيەتتە قۋاتتى ەل بولۋ قۇرىلىسىنا قىزمەت وتەپ، مادەنيەتتە وزىنە سەنۋدى، ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ شۇعىلاسىن سومداۋعا كۇش قوسامىز.
مادەنيەت - كوركەمونەر ارقىلى اۋىل - قىستاقتى گۇلدەندىرۋگە كۇش ۇستەيمىز
پارتيا 20 - قۇرىلتايى بايانداماسىندا مىنالار العا قويىلدى: اۋىل - قىستاقتى گۇلدەندىرۋدى جاپپاي ىلگەرىلەتۋ كەرەك. اۋىل - قىستاق شارۋاشىلىعىنىڭ، دارىندىلارىنىڭ، مادەنيەتىنىڭ، ەكولوگياسىنىڭ، ۇيىمدارىنىڭ گۇلدەنۋىن تىڭعىلىقتى ىلگەرىلەتۋ كەرەك.
رايونىمىزداعى مادەنيەت - كوركەمونەر تەاترلارى مەن ۇيىرمەلەرى جاسامپازدىق نازارىن بەلسەندىلىكپەن اۋىل - قىستاققا ويىستىرىپ، اۋىل - قىستاقتى گۇلدەندىرۋ بارىسىندا جارىققا شىققان تيپتىك جانداردى بەينەلەيتىن ءبىر توپ حيكايالاردى دايىنداپ تۇڭعىش رەت ورىندادى. كەزەكتە شينجياڭ كوركەمونەر تەاترى ءان - ءبي ۇيىرمەسى «گۇل نەگە سونشاما قىزىل»، «شۇييۇن دانچيڭ» بيلەرىن جاساپ، جاتتىعىپ جاتىر، سونىمەن بىرگە رەاليزم تاقىرىبىنداعى ساحنالىق شىعارما «ءشاربات بۇلاق» پيەساسى سياقتىلاردى جازدى.
”پارتيا 20 - قۇرىلتايى بايانداماسىن مۇقيات ۇيرەنگەننەن كەيىن، تۇڭعىش ورىندايتىن تىرەكتىلەر تاعى تۋىندىعا جاڭادان وزگەرىس ەنگىزۋ پىكىرىن العا قويىپ، اناعۇرلىم جوعارى ساپالى تۋىندى ورىنداۋعا تالپىندى“. شينجياڭ كوركەمونەر تەاترى ءان - ءبي ۇيىرمەسى پارتكومىنىڭ شۋجيى حۋاڭ شىيۋان بىلاي دەدى: ”تاياۋدا العاش ورىندالعان تۋىندىلاردىڭ دەنى نەگىزگى ساتىنىڭ شىنايى حيكايالارىنان الىنعان، تەرەڭ بۇقارالىق نەگىزى، تاماشا كوركەمونەر جاسامپازدىعى نەگىزى بار. ماقساتىمىز وسى سونى دا جاندى العاشقى ماتەريالدار ارقىلى تۋىندىدان پايدالانىپ جۇڭگو حيكاياسىن ويداعىداي بايانداۋ، جۇڭگو ءۇنىن ويداعىداي تاراتۋ، سەنىمدى، ۇنامدى، قۇرمەتتى جۇڭگو وبرازىن ايگىلەۋ بولىپ تابىلادى“.
شينجياڭ كوركەمونەر تەاترى پيەسا ۇيىرمەسى «وردەن»، «باقىت كەلىپ ەسىك قاقتى»، «شىنايى ماحاببات» اتتى پيەسالاردىڭ العاشقى ورىنداۋ قىزمەتىن ىلگەرىلەتۋ ۇستىندە، مۇندا «وردەندە» ”1 - شىلدە وردەنىنىڭ“ يەگەرى مامەتجان ءوماردىڭ ىزگى ىستەرى باياندالادى. ”حالىق ماڭگى ءبىزدىڭ ەڭ بەرىك سۇيەنىشىمىز، ەڭ قۋاتتى ارىنىمىز، ەڭ كەمەلدى تۋىندى جاراتۋ وبيەكتىمىز“. شينجياڭ كوركەمونەر تەاترى پيەسا ۇيىرمەسىنىڭ ورىنباسار باستىعى تيە تيڭتيڭ بىلاي دەدى: ”پارتيا 20 - قۇرىلتايى بايانداماسىنىڭ مادەنيەت ىستەرى مەن مادەنيەت شارۋاشىلىعىن گۇلدەندىرۋ، دامىتۋ تالابىمەن ۇشتاستىرىپ، نەگىزگى ساتىعا جالىقپاي بارىپ ’جاندى ماتەريالداردى تاۋىپ‘، شابىت شاقىرىپ، ’ۇعىسۋ، تيىمدىلىك جاساۋ، توعىستىرۋ‘ قىزمەت اترەتىنىڭ مۇشەلەرىمەن كوبىرەك ارالاسىپ، قىستاق كادرلارىنان كوبىرەك ۇيرەنىپ، اۋىل - قىستاقتى گۇلدەندىرۋ باستاماشىلارىمەن كوبىرەك اڭگىمەلەسىپ، تۋىندىدا ولاردىڭ، ءسوزسىز، شىنايى، جان - جاقتى، جاندى بولۋىنا مۇمكىن جاساۋىمىز كەرەك“.
سوتسياليستىك وزەكتى قۇن كوزقاراسىن كەڭ كولەمدە امالياتتا ايگىلەيمىز
پارتيا 20 - قۇرىلتايى بايانداماسىندا مىنالار العا قويىلدى: پارتيا قۇرۋ ۇلى رۋحىن باستاۋ ەتكەن جۇڭگو كوممۋنيستەرىنىڭ رۋحاني شەجىرەسىن اسقاقتاتىپ، قىزىل بايلىقتان ويداعىداي پايدالانىپ، سوتسياليستىك وزەكتى قۇن كوزقاراسى ۇگىت - تاربيەسىن ىشكەرىلەي ورىستەتىپ، وتانشىلدىق، كوللەكتيۆشىلدىك، سوتسياليستىك تاربيەنى تەرەڭدەتىپ، ۇلتتىڭ گۇلدەنۋى سىندى ۇلى مىندەتتى ارقالايتىن ءداۋىردىڭ جاڭا ۇرپاقتارىن كۇش سالا جەتىلدىرۋ كەرەك.
تاياۋدا ءۇرىمجى قالالىق مۇراجاي (ءۇرىمجى قالاسى توڭكەرىستىك تاريحي ەسكەرتكىش ورىندارىن باسقارۋ ورتالىعى) «20 - قۇرىلتايدى ۇيرەنىپ، جاڭا جورىقتا ەكپىندەي ىلگەرىلەۋ − بۇكىل ەلدەگى توڭكەرىستىك ەسكەرتكىش سارايلاردىڭ سارا تۋىندىلارى كورمەسىن بۇلتتا كورسەتۋدى» العا قويىپ، «نانچاڭ 1 - تامىز كوتەرىلىسى ەسكەرتكىش سارايى»، «يان - ان توڭكەرىستىك ەسكەرتكىش سارايى»، «جۇڭگو كوممۋنيستىك پارتياسى 1 - قۇرىلتايىنىڭ ەسكەرتكىش سارايى» سياقتى كورمەلەردى كورسەتىپ، ءار ۇلت بۇقاراسىنىڭ ەل ىشىندەگى سارا تۋىندىلار كورمەسىن تاماشالاۋ قاجەتىن قاناعاتتاندىردى.
”بۇل رەتكى قيمىلدى ءبىز بۇكىل ەلدەگى 20 نەشە مادەني ەسكەرتكىشتەر جانە مۇراجاي الاڭ - سارايلارىمەن بىرلەسىپ وتكىزدىك، مۇندا ءار ۇلت كورەرمەندەرىنە جۇڭگو كوممۋنيستىك پارتياسىنىڭ پارتيا تاريحىن جۇيەلى كورسەتىپ، كوپ ءتۇرلى تاسىلدەرمەن حالىقتى تاريحتى ءبىلىپ، پارتيانى سۇيۋگە، تاريحتى ءبىلىپ، وتاندى سۇيۋگە جەتەكتەپ، جۇڭگوشا سوتسياليزم ورتاق مۇراتىن ۇزدىكسىز بەكەمدەۋ ماقسات ەتىلگەن“، - دەدى ءۇرىمجى قالالىق مۇراجايدىڭ (ءۇرىمجى قالاسى توڭكەرىستىك تاريحي ەسكەرتكىش ورىندارىن باسقارۋ ورتالىعى) ورىنباسار باستىعى لي لي.
”وركەنيەتتى امالياتتا ايگىلەۋ بۇقارانىڭ قيمىل كولەمى مەن قاجەتىنە قاراي كەڭەيۋى، كوپشىلىكتى نەگىزگى تاقىرىپتىق ۇگىت لەكسيا، وقۋ، حاتكەرلىك - سۋرەت كۋرسى، دارىنىن ايگىلەۋ سياقتى نەگىزگى ساتى مادەنيەت قىزمەت وتەۋىنەن يگىلىكتەندىرۋ كەرەك“. اقسۋ قالاسى يىڭىبازار ءمالى باسقارماسىنىڭ ورىنباسار مەڭگەرۋشىسى ليۋ جۇڭبين بىلاي دەدى: الداعى جەردە جاڭا داۋىردەگى وركەنيەت امالياتى پۋنكتىنىڭ عىلمي نازاريا تاراتاتىن بۇقارالىق تۇعىر جانە بۇقارانىڭ مادەنيەت تۇرمىسىن بايىتاتىن ساحناسى بولۋداي ماڭىزدى رولىن ۇزدىكسىز كۇشەيتىپ، قىزمەت وتەۋ جاعىنا كۇش سالىپ، فورماسى جاعىندا ناتيجە جاراتۋعا ۇمتىلىپ، اناعۇرلىم كوپ بۇقارانى يگىلىككە كەنەلدىرەمىز“.
لوپ اۋداندىق مادەنيەت سارايى تاياۋدا بەينە ەكران ءبي ساباعىن جالعاستى وتكىزدى، وقىتۋشىلاردىڭ تارتىمدى ورىنداۋى مەن ىجداعاتتى وقىتۋى ءبي اۋەسكەرلەرىنىڭ قاجەتىن قاناعاتتاندىردى. ”ءبىز مادەنيەت سارايى سىندى وسى تۇعىردان ويداعىداي پايدالانىپ، جاڭا داۋىردەگى وركەنيەتتى امالياتتا ايگىلەۋ قيمىلىن ويداعىداي ورىستەتىپ، جۇڭحۋانىڭ تاڭداۋلى ءداستۇرلى مادەنيەتىندەگى ءان - ءبي كوركەمونەرى، حالىقتىق ونەر سياقتىلار ارقىلى ەڭ جاناسىمدى جانە باۋراۋ تاسىلىمەن ءار ۇلت بۇقاراسىنا قىزمەت وتەپ، كوپشىلىكتىڭ رۋحاني مادەنيەت تۇرمىسىن بايىتامىز“، - دەدى لوپ اۋداندىق مادەنيەت سارايىنىڭ باستىعى امانگۇل سىراجى.
مادەني ەسكەرتكىشتەر مەن مادەنيەت مۇرالارىن قورعاۋ تەبىنىن ارتتىرامىز
پارتيا 20 - قۇرىلتايى بايانداماسىندا مادەني ەسكەرتكىشتەر مەن مادەنيەت مۇرالارىن قورعاۋ تەبىنىن ارتتىرىپ، قالا، اۋىل قۇرىلىسىندا تاريحي مادەنيەتتى قورعاۋدى، جالعاستىرۋدى كۇشەيتىپ، مەملەكەتتىك مادەنيەت باقشالارىن ويداعىداي سالۋ جانە ودان ويداعىداي پايدالانۋ العا قويىلدى.
تاياۋدا شينجياڭ مادەني ەسكەرتكىشتەردى ارحەولوگيالىق زەرتتەۋ ورنى بۇكىل شينجياڭنىڭ جەر - جەرىندەگى ارحەولوگيا نىساندارىنىڭ جاۋاپتىلارىن ۇيىمداستىرىپ، ينتەرنەت جەلىسىندە پارتيا 20 - قۇرىلتايى بايانداماسىن ۇيرەندى، تالقىلادى. كوپشىلىك بىلاي دەپ قارادى: بايانداماداعى جۇڭحۋا مادەنيەتى تۇرعىسىنا تاباندى بولىپ، جۇڭحۋا وركەنيەتىنىڭ رۋحاني بەلگىسى مەن مادەنيەت جاۋھارىن سۇرىپتاپ، ايگىلەپ، جۇڭگونىڭ ءسوز سويلەۋى مەن جۇڭگونىڭ بايانداۋ جۇيەسىن جەدەل ورناتۋ جونىندەگى بايىمداۋ ارحەولوگيا قىزمەتىنە ايقىن بەتالىس كورسەتتى.
شينجياڭ مادەني ەسكەرتكىشتەردى ارحەولوگيالىق زەرتتەۋ ورنىنىڭ باستىعى لي ۋىنيىڭ بىلاي دەدى: ”الداعى قىزمەتتەردە ءبىز ’ارحەولوگيالىق جۇڭگو‘ كەلەلى نىساندارى مەن نەگىزگى قۇرىلىس ارحەولوگيا نىساندارىنا ۇزدىكسىز ارقا سۇيەپ، رايون سىرتىنداعى جوعارى مەكتەپتەرمەن، عىلمي زەرتتەۋ قۇرىلىمدارىمەن بيولوگيالىق گەنەتيكا، حايۋاناتتار - وسىمدىكتەر، مەتاللۋرگيا، قورشاعان ورتا، ماتەريالدارعا تالداۋ جاساۋ سياقتى جاقتاردا تەرەڭدەي سەلبەسىپ، شينجياڭنىڭ ارحەولوگيالىق زەرتتەۋ سالاسىن كەڭەيتىپ، ارحەولوگيالىق جەتىستىكتەر مازمۇنىن بايىتىپ، ارحەولوگيا سالاسىندا الەمدىك عىلمي تاقىرىپتاردى جاساۋعا كىرىسىپ، جۇڭحۋا ۇلتىنىڭ ادامزاتتىڭ تاريحي وركەنيەتىنە قوسقان ماڭىزدى ۇلەسىن ايگىلەپ، جۇڭگو ارحەولوگياسىنىڭ حالىقارالىق ءسوز بيلىگىن جوعارىلاتامىز“.
شينجياڭ مۇراجايىنىڭ زەرتتەۋشىلەرى قازىر ورتالىق پاتشالىقتاردىڭ شينجياڭدى ءبىر تۇتاس باسقارۋىن، مەڭگەرۋىن نەگىزگى تاقىرىپ ەتكەن جەلىلەس كورمەنىڭ ەكىنشىسسى «جۇڭحۋا تاريحى − شينجياڭنان قازىپ الىنعان حۇجاتتار كورمەسىنىڭ» كورمە تاقتاسىن تەكسەرىپ سالىستىرۋ قىزمەتىن ىستەۋدە، بۇل شينجياڭنان قازىپ الىنعان قىرۋار قۇندى قاعاز حۇجاتتار، تاقتايشا جازبالارى ارناۋلى كورمەسى بولىپ تابىلادى.
”زەرتتەۋشىلەر كورمەنىڭ تەزيسىن جازعاندا، مادەني ەسكەرتكىشتەردى تاڭداعاندا جۇڭحۋا وركەنيەتىنىڭ تاڭداۋلى جەتىستىكتەرىن ويداعىداي قورعاۋعا، ويداعىداي جالعاستىرۋعا، ويداعىداي ايگىلەۋگە كۇش سالدى“. شينجياڭ مۇراجايى پارتكومىنىڭ شۋجيى حى جيا بىلاي دەدى: وسىدان كەيىن شينجياڭ مۇراجايى تاعى گۋگۇڭ مۇراجايىنىڭ، مەملەكەتتىك مۇراجايدىڭ سارا تۋىندىلارى كورمەسىن ەنگىزىپ، شينجياڭ مۇراجايىنىڭ كورمەلەۋ مازمۇنىن بايىتىپ، ءار ۇلت بۇقاراسىنىڭ مادەنيەت قاجەتىن ونان ارى قاناعاتتاندىرىپ، ءار ۇلت بۇقاراسىنىڭ رۋحاني كۇش - قۋاتىن ارتتىرۋدى جوسپارلاپ وتىر. سونىمەن بىرگە تاعى «شينجياڭنىڭ تاريحي مادەني ەسكەرتكىشتەرى سارا تۋىندىلارى كورمەسىن» شانشي، گۋاڭدۇڭ سياقتى جەرلەرگە اپارىپ كورسەتىپ، شينجياڭنىڭ اشىق، باۋىرمال، كوپ نەگىزگى مادەنيەتىن اناعۇرلىم كوپ ادامدارعا ايگىلەيمىز.
