تيانشان تورى
تيانشان تورى   ›   جاڭالىقتار   ›   شينجياڭ حابارلارى

ىندەتتەن ساقتانۋدىڭ قاجەتىنە سايكەسىپ، بۇقارانىڭ اسىققانىنا اسىقتى

  ىندەتتەن ساقتانۋدىڭ قاجەتىنە سايكەسىپ، بۇقارانىڭ اسىققانىنا اسىقتى

  − اۆتونوميالى رايوننىڭ توتەنشە جاعدايعا توتەپ بەرۋدى باسقارۋ جۇيەسىندەگى 159 پارتيا مۇشەسى ىندەتتەن ساقتانۋدىڭ الدىڭعى شەبىنە بارۋعا ىرىقتىلىقپەن سۇراندى

  □ انار بۇلت \ شينجياڭ گازەتىنىڭ ءتىلشىسى ياڭ شۋحان

  ”قازىردەن باستاپ، ءبىز الەۋمەتتىك اۋماقتىڭ بىر بولشەگىمىز، مىندەت تاپسىرىڭىز“! 11 - ايدىڭ 3 - كۇنى تاڭەرتەڭ، ءۇرىمجى قالاسى تيانشان رايونى دۇڭمىن ءمالىسى دۇڭحۋانلۋ باتىس الەۋمەتتىك اۋماعىندا اۆتونوميالى رايوندىق كەن حاۋىپسىزدىگى بويىنشا قىزمەت وتەۋ، قامتاماسىزداندىرۋ ورتالىعىنداعى 10 ادامنان ۇيىمداسقان ىندەتكە قارسى اتتانۋ اتويشىلدار اترەتى رەتتى ءتىزىلىپ، بۇيرىق كۇتتى.

  ىندەتتەن ساقتانۋ - تىزگىندەۋدىڭ كۇردەلى دە قاتاڭ جاعدايى الدىندا، اۆتونوميالى رايوندىق توتەنشە جاعدايعا توتەپ بەرۋدى باسقارۋ جۇيەسىندەگى 159 پارتيا مۇشەسى جاۋاپكەرشىلىكتى ىرىقتىلىقپەن ارقالاپ، سالاۋاتتارىن ايگىلەپ، ارەكەتتە كورسەتىپ، پارتيا تۋىن ىندەتتەن ساقتانۋ - تىزگىندەۋدىڭ الدىڭعى شەبىندە بيىك جەلبىرەتتى.

  10 - ايدىڭ ورتا شەنىندە اۆتونوميالى رايوندىق كەن حاۋىپسىزدىگى بويىنشا قىزمەت وتەۋ، قامتاماسىزداندىرۋ ورتالىعىنىڭ ءۇرىمجى قالاسى تيانشان رايونىنا كومەكتەسەتىن ىندەتكە قارسى اتتانۋ اتويشىلار اترەتى ۋاقىتشا پارتيا ياچەيكاسىن قۇرىپ، ەكى گرۋپپا باستىعى يان جۇن، شۇي چاڭشان مۇشەلەردى باستاپ، ءتۇيىندى اۋماقتاردا، شەشۋشى قىزمەت ورىندارىندا ەرلىكپەن شايقاس جاساپ، الەۋمەتتىك اۋماق پەن تۇرعىنداردى ۋايىمنان ارىلتىپ، قيىنشىلىعىن شەشتى.

  ”حالىقتى وت پەن سۋدان قۇتقارۋ، حالىققا قيىن - قىستاۋ جاعدايدا كومەكتەسۋ، حالىققا كۇش - قۋات بەرۋ − پارتيا مەن حالىقتىڭ ءبىز توتەنشە جاعدايعا توتەپ بەرۋ بويىنشا قۇتقارۋ - كومەكتەسۋ اترەتىنە جۇكتەگەن داڭقتى بورىش، سونداي - اق ءبىزدىڭ باس تارتپاس جاۋاپكەرشىلىگىمىز بولىپ تابىلادى“. اۆتونوميالى رايوندىق كەن حاۋىپسىزدىگى بويىنشا قىزمەت وتەۋ، قامتاماسىزداندىرۋ ورتالىعى حاۋىپسىزدىك تەحنيكاسى باسقارماسىنىڭ باستىعى ۋي جۇن تىلشىگە بىلاي دەدى: اترەت مۇشەلەرى ءار كۇنى ساعات 7دە قىزمەتكە دايىندالىپ، حىسۋان سىناماسىن الۋ، تۇرمىستىق زاتتىق ماتەريالداردى جەتكىزۋ، قوقىر - قوقسىقتى تازالاۋ - تاسۋ جانە قورشاعان ورتانى زارارسىزداندىرۋ، ميكروب جويۋ سياقتىلاردى ىستەيدى، قاربالاستىق اياقتالعاندا، نەگىزىنەن، ءتۇن ورتاسى بولادى.

  ”ادەتتە ۇيدە ۇزاق جاتىپ الۋعا بولمايدى، لايىقتى ارەكەت جاساۋ كەرەك... “ 11 - ايدىڭ 6 - كۇنى حىسۋان سىناماسىن الىپ جاتقان كەزدە، اۆتونوميالى رايوندىق توتەنشە جاعدايعا توتەپ بەرۋدى باسقارۋ مەڭگەرمەسى كەڭسەسىنىڭ كادرى شيە چۇنيان تۇرعىندارعا قاداعالاپ تاپسىرىپ جاتتى. شيە چۇنيان اسكەري بولىمنەن كاسىپ اۋىستىرعان كادر، ءۇرىمجى قالاسى تيانشان رايونى دۇڭمىن ءمالىسى شيحوۋجيە الەۋمەتتىك اۋماعىنا تۇسكەننەن كەيىن، ول ءوزىنىڭ اسكەري بولىمدەگى شيپاگەرلىكپەن شۇعىلدانعان كاسىپتىك ارتىقشىلىعىن تولىق ساۋلەلەندىرىپ، تۇرعىندارعا ۇيدە بولعاندا كوڭىل بولۋگە ءتيىس ىستەردى، وزىندىك قورعانۋ جانە دەنساۋلىق قورعاۋ بىلىمدەرىن ءتۇسىندىرىپ، پارتيانىڭ قامقورلىعىن شىن مانىندە بۇقارانىڭ كوڭىل تۇكپىرىنە جەتكىزدى.

  ”كۇش ۇستىنە كۇش قوسىپ، تاباندىلىق كورسەتىپ، تۇرعىنداردىڭ تۇرمىستىق زاتتىق ماتەريالدارىنىڭ ءبىزدىڭ سەبەبىمىزدەن كەشىكپەۋىنە قۇلشىنايىق“! 11 - ايدىڭ 3 - كۇنى تاڭعا جۋىق، اۆتونوميالى رايوندىق توتەنشە جاعدايعا توتەپ بەرۋدى باسقارۋ مەڭگەرمەسىنىڭ ءۇرىمجى قالاسى سايباق رايونى با - ي ءمالىسى لاۋمانچىڭ الەۋمەتتىك اۋماعىنا تۇسكەن گۇلناز جاناتبەك پەن قىزمەتتەسى جوۋ ۋي ءبىرىن - ءبىرى وسىلاي جىگەرلەندىردى.

  ”ءوز قىزىم قۇساپ كەتتىڭ عوي، مايعا پىسىرىلعان بۋنان جاپىراقشاسىن ءسوز جوق جەپ ال“. 11 - ايدىڭ 6 - كۇنى كەشتە، كورلا قالاسى چاۋياڭ كوشەسى حۋاشيا ميڭمىن الەۋمەتتىك اۋماعى سىلۋ حۋاتيڭ شاعىن اۋماعىندا 82 جاستاعى تۇرعىن ما يۇيرۇڭ بايىنعولين موڭعۇل اۆتونوميالى وبلىستىق توتەنشە جاعدايعا توتەپ بەرۋدى باسقارۋ مەكەمەسىنىڭ كادرى شىن حايشياعا تەلەفون جالعاپ، قايتا - قايتا قاداعالادى.

  كورلا قالاسىندا ىندەت تۋىلعاننان كەيىن، 13 جىلدىق پارتيا ستاجى بار شىن حايشيا ءوزى تۇرعان شاعىن اۋماقتا ەرىكتى بولۋ ءۇشىن مەكەمەسىنەن ىرىقتىلىقپەن سۇراندى. ما يۇيرۇڭنىڭ جالعىز تۇراتىندىعىن ءارى قول تەلەفون ارقىلى كوكونىس بۋماسىن ساتىپ الا المايتىندىعىن بىلگەن سوڭ، ول ءوز قالتاسىنان اقشا شىعارىپ قارياعا كۇرىش، ۇن، ماي الىپ بەرەتىن بولدى، ءوز ۇيىنە ەت السا قارياعا دا الۋدى ۇمىتپادى. ۋاقىتتىڭ ۇزارۋىمەن قاريا ودان ايرىلا المايتىنداي بولدى. شىن حايشيا جۇمىستى مۇقيات تا جاۋاپكەرشىلىكپەن ءارى سابىرلىلىقپەن ىستەيتىندىكتەن، تۇرعىنداردىڭ قاتتى قارسى الۋىنا بولەندى.

  11 - ايدىڭ 7 - كۇنى تاڭەرتەڭ ەرتە، قۇلجا قالاسى بەيجيڭلۋ ءمالىسىنىڭ ۋانرۇڭ الەۋمەتتىك اۋماعىندا ىلە قازاق اۆتونوميالى وبلىستىق توتەنشە جاعدايعا توتەپ بەرۋدى باسقارۋ مەكەمەسىنىڭ ءتارتىپ تەكسەرۋ كادرى لياڭ شياۋگاڭ قاقپادا كەزەكشىلىكتە تۇردى، ”الەۋمەتتىك اۋماقتان ءۇرتىس 5 كۇن بويى ىندەت بايقالمادى“! دەگەن ونىڭ جۇزىنەن كۇلكى ەستى. 8 - ايدىڭ باسىندا لياڭ شياۋگاڭ پارتيا مۇشەسىندىك سالاۋاتىن ىرىقتىلىقپەن ايگىلەپ، ىندەتكە قارسى اتتانۋ قىزمەتىنە بەلسەنە ات سالىسىپ، بۇقارانىڭ قيىنشىلىقتارىن، تالاپ - تىلەكتەرىن شەشۋگە كومەكتەسىپ، ىندەتكە قارسى اتتانۋدىڭ الدىڭعى شەبىندە شايقاس جاساپ جاتقان ”اتويشىعا“ اينالدى.

  ۋانرۇڭ الەۋمەتتىك اۋماعى پارتيا ياچەيكاسىنىڭ شۋجيى جاڭ چي لياڭ شياۋگاڭنىڭ ءوز جانقالتاسىنان اقشا شىعارىپ، الەۋمەتتىك اۋماقتى 8000نان استام ساقتانۋ كيىمىمەن، ماسكامەن جانە 200 كيلوگرامنان ارتىق زارارسىزداندىرۋ، ميكروب جويۋ زاتتىق ماتەريالدارىمەن تەگىن قامداعاندىعىن ءارى قيىنشىلىعى بار بۇقارا ءۇشىن 300 كيلوگرامنان ارتىق كۇرىش، ۇن، ماي سياقتى تۇرمىستىق زاتتىق ماتەريالداردى شەشىم ەتكەندىگىن ايتا كەلىپ: ”ول تۇرعىنداردىڭ ءىسىن ءوز ىسىندەي ىستەيدى، ءبىزدىڭ ۇيرەنۋ ۇلگىمىز“، - دەدى تەبىرەنىپ.

  ”قاي جەردە قيىنشىلىق بولسا، پارتيا مۇشەلەرى سول جەردەن تابىلادى. پارتيا مۇشەلەرى كۇش ۇستىنە كۇش قوسىپ قۇلشىنعان سايىن، حالىق بۇقاراسىنىڭ سالاماتتىق حاۋىپسىزدىك قورعانىس شەبى اناعۇرلىم مىعىم، اناعۇرلىم بەرىك بولادى“، - دەدى لياڭ شياۋگاڭ.

  ءۇرىمجى قالاسى تيانشان رايونى دۇڭمىن ءمالىسى دۇڭحۋانلۋ باتىس الەۋمەتتىك اۋماعىنىڭ تۇرعىنى جاڭ لەي اسەرلەنىپ بىلاي دەدى: ”اۆتونوميالى رايوندىق توتەنشە جاعدايعا توتەپ بەرۋدى باسقارۋ جۇيەسىندەگى پارتيا مۇشەلەرى مەن كادرلار اتويلاپ الدا ءجۇرىپ ۇلگى بولعاندا، وسىنشا كوپ پارتيا مۇشەلەرى مەن كادرلار ىرىقتىلىقپەن بىزبەن بىرگە شايقاس جاساپ جاتقاندا، ىندەتتى، ءسوزسىز، ەرتەرەك جەڭەتىندىگىمىزگە سەنەمىز“!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.