تىلشىلەر مەرەكەسىندە رايونىمىزداعى قالىڭ اقپارات قىزمەتكەرلەرى ىندەتكە قارسى اتتانۋدىڭ الدىڭعى شەبىندە ەرلىكپەن شايقاس جاسادى −
ىندەتكە قارسى تىزە قوسا شايقاس جاساپ، نۇر - شۇعىلانى بەتكە الىپ العا تارتتى
□ انار بۇلت \ شينجياڭ گازەتىنىڭ تىلشىلەرى جاڭ يانفاڭ، جاڭ يۇنمەي
11 - ايدىڭ 8 - كۇنى − 23 - رەتكى جۇڭگو تىلشىلەر مەرەكەسى، بۇل اقپارات قىزمەتكەرلەرىنە ءتان مەرەكە. وسى كۇنى تۇستەن بۇرىن انار بۇلت \ شينجياڭ گازەتىنىڭ ءتىلشىسى لۇي يحان كومپيۋتەر الدىندا ىندەت كەزىندەگى كوكونىس، جەمىس - جيدەك سياقتى زاتتىق ماتەريالدارمەن قامداۋدى قامتاماسىز ەتۋ جونىندە ءبىر كۇن بۇرىن تۇسىرىلگەن بەينەجازبالاردى مۇقيات رەتتەپ، دايىندادى.
كوكونىس بۋماسى سان مىڭداعان وتباسىلارىنىڭ ”كوجە قاتىعىمەن“ قاتىستى، ءۇرىمجى قالاسىندا كوكونىس بۋماسىنىڭ ”دۇنيەگە كەلۋ“ بارىسىن تۇرعىنداردىڭ جاقىن ارالىقتان ۇعىنۋى ءۇشىن، لۇي يحان 11 - ايدىڭ 7 - كۇنى تاڭعى ساعات 3تەن اسقاندا شينجياڭ جيۋديڭ اۋىل شارۋاشىلىق ونىمدەرىن تولايىم ساتۋ بازارىنىڭ ”ءبىرىنشى قاقپاسىنا“ − شيشان ەگىس الاڭى چياڭۋي 2 - كوشەسىندەگى بيڭتۋان 12 - شىسى شوعىرلى زات الاڭىنىڭ جياڭمىن ايالداماسىنا باردى، كوكونىس تولايىم ساتۋ بازارىنان ءبولۋ - تاراتۋ ورتالىعىنا دەيىن، ونان ارى الەۋمەتتىك اۋماققا جەتكىزىلگەنگە دەيىنگى تۇتاس بارىستا ەرىپ ءجۇرىپ تىلشىلىك ىستەدى، تىلشىلەر گۋان مىڭيىڭ، فان چيۇڭيانمەن سەلبەسە وتىرىپ، سۋرەت، قىسقا بەينە جازبا حابارلارىن تەز ارادا جاريالادى. ”15 ساعات بويى كىرپىك ايقاستىرماي كەسكىن تۇسىرۋمەن بولدىم، مۇنداعى ماقساتىمىز كوپشىلىك كوڭىل ءبولىپ وتىرعان ىستەردى دەر كەزىندە وبيەكتيۆتىك تۇردە كوپشىلىككە جەتكىزۋ، بۇل ءتىلشى بولعان ءبىزدىڭ جاۋاپكەرشىلىگىمىز“، - دەدى لۇي يحان.
حاۋىپ - قاتەردەن جاسقانباي، الدىڭعى شەپكە ىشكەرىلەي بارىپ تىلشىلىك ىستەپ، كەسكىنگە ءتۇسىردى؛ بەتتى زەر سالا قۇراستىرىپ، باعدارلاما جاساپ، ىندەتكە قارسى اتتانۋداعى بولماشى ىستەردەن تارتىپ ەستەلىككە الدى؛ الدىڭعى شەپتەگى ىندەتكە قارسى اتتانۋ كۇشتەرىمەن تىزە قوسا شايقاس جۇرگىزىپ، مەيىر جانە كۇش - قۋات جەتكىزدى... ىندەت كەزىندەگى ەرەكشە تىلشىلەر مەرەكەسىندە شينجياڭداعى قالىڭ اقپارات قىزمەتكەرلەرى اۋەلگىدەي ءوز قىزمەت ورىندارىندا تاپجىلماي قاۋىرت ىستەپ، جاۋىن - شاشىندى ەلەڭ قۇرلى كورمەدى، استە ەنجارلىققا سالىنبادى.
”ءبىز قولىمىزداعى اپپارات كوزىمەن ءۇرىمجى قالاسىنداعى قالىڭ كادرلار مەن بۇقارانىڭ ىندەتتەن ساقتانۋ - تىزگىندەۋدىڭ الدىڭعى شەبىندە شايقاس جاساپ جاتقان رۋحاني بەت - بەينەسىن كورسەتۋىمىز كەرەك“، - دەدى شينجياڭ راديو - تەلەۆيزيا ستانسياسىنىڭ ءتىلشىسى شا پىڭفەي. وسى رەت ىندەت تۋىلعاننان بەرى، ول الەۋمەتتىك اۋماق، بازار سياقتى ىندەتتەن ساقتانۋ - تىزگىندەۋدىڭ الدىڭعى شەبىندە قاربالاس جۇمىس ىستەدى. جۇكتى ايەلدەردىڭ جانە بوسانعان ايەلدەردىڭ ەمدەلۋ ماسەلەسى قوعام باسا نازار اۋدارىپ وتىرعان قولامتالى ءتۇيىن، شا پىڭفەي مەن قىزمەتتەستەرى ءۇرىمجى قالالىق انا - بالالار دەنساۋلىعىن ساقتاۋ شيپاحاناسىنىڭ ساقتانۋ - قورعانۋ تالابى بويىنشا وسى شيپاحاناعا كىرىپ، شيپاحانانىڭ جۇكتى ايەلدەر مەن بوسانعان ايەلدەردى ەمدەۋ جاعدايىن تۇتاس بارىستا ەرىپ ءجۇرىپ حابارلادى. تىلشىلىك بارىسىندا ول تەرەڭ اسەرلەنىپ بىلاي دەدى: ”شيپاحانادا بارلىق ادام جابال اتتانىسقا كەلدى، زەينەتكە شىققان كەيبىر ەمدەۋ قىزمەتكەرلەرى دە قىزمەت ورىندارىنا قايتا ورالدى. ءبىز ءار سالا، ءار كاسىپتەگى قالىڭ كادرلار مەن بۇقارانىڭ بىرگە قۇلشىنۋىندا، ىندەتتى، ءسوز جوق، ەرتەرەك جەڭەتىندىگىمىزگە سەنەمىز“.
نەعۇرلىم قيىن - قىستاۋ ساتتەردە ادام كوڭىلىن تەبىرەنتەتىن وڭ ەنەرگيا سولعۇرلىم قاجەت.
”وسى رەتكى ىندەت تۇرپان قالاسى گاۋچاڭ رايونى ءدوپ كەلگەن ءبىر رەتكى ۇلكەن سىناق، سونداي - اق بارلىق ادام جونىنەن ءبىر رەتكى ۇلكەن سىناق بولدى“، - دەدى تۇرپان قالاسى گاۋچاڭ رايونى توعىسپالى مەديا ورتالىعىنىڭ ءتىلشىسى لان شىڭۋىن. الدىڭعى شەپتە باستان - اياق تاپجىلماي ىستەپ كەلە جاتقان ول جاڭا مەديا ونىمدەرىندە تىلشىلىك ىستەۋ، قۇراستىرۋ، جاساۋداي تۇتاس بارىستى ۇنەمى ءبىر ءوزى ىستەپ كەلەدى، كەيدە قاتتى شارشاپ - شالدىققانىمەن، الايدا ونىڭ جۇرەگى كۇش - قۋاتقا تولى بولدى، ويتكەنى اپپارات كوزىنە قاشاندا مەيىرگە تولى ادامدار جانە ىستەر ءتۇسىرىلىپ جاتتى: ءبىر جاستاعى بوبەكتەرىن ۇيدەگى قارتتاردىڭ قاراۋىنا تاپسىرىپ، ىندەتكە قارسى اتتانۋدىڭ الدىڭعى شەبىنە اتتانعان ەرلى - زايىپتىلار؛ تۇرعىنداردىڭ ۋيشين شوعىرىندا مەيىرىم سيلاپ باسىلىپ قالعان جۇگەرى، قۇمىل قاۋىنىن ساتىپ الۋعا تىزىمدەلۋ... ”ولاردىڭ بويىنان مەن ادامدىق قاسيەتتىڭ نۇر - شۇعىلاسىن جانە ىندەتتى جەڭۋ سەنىمىن كوردىم“، - دەدى لان شىڭۋىن، ول التىننان دا ارداقتى وسى كۇشتەردى ءتىپتى دە كوپ ادامعا جەتكىزۋ كەرەك دەپ ءبىلدى.
ءۇرتىس نەشە كۇن بويى سىرتتا تىلشىلىك ىستەگەنىمەن، شينجياڭ راديو - تەلەۆيزيا ستانسياسىنىڭ ءتىلشىسى لي ديان ءالى دە قايراتىنان قايتا قويمادى. ”ءبىز تىلشىلىك ىستەۋ بارىسىندا تەرەڭ شابىت الدىق“. 11 - ايدىڭ 6 - كۇنى لي ديان قىزمەتتەستەرىمەن بىرگە اۆتوكولىكپەن ءۇرىمجى ەكونوميكالىق، تەحنيكالىق اشۋ رايونىنداعى (توۋتۇنحى رايونى) گاڭچىڭ ءمالىسى با - ي جولى الەۋمەتتىك اۋماعى حۋايۋان شاعىن اۋماعىنا كەلدى. بۇل ارادا پارتيا مۇشەلەرىنەن ۇيىمداسقان ەرىكتىلەر قىزمەت وتەۋ اترەتى بار بولىپ، كوپشىلىك ءبىر نيەتپەن ىنتىماقتاسىپ، ىندەتكە بىرگە قارسى تۇردى. لي ديان ەرىكتىلەرمەن بىرگە زات جەتكىزىپ، لاس سۋ قۇبىرىن جوندەپ، ولاردىڭ بۇكىل ىنتا - پەيىلىمەن تۇرعىندارعا قىزمەت وتەگەن بولماشى ىستەرىنەن تارتىپ بارلىعىن ەستەلىككە الدى، ولار شارشاپ - شالدىققاندارىمەن جۇرەكتەرى مەيىرگە تولى ەدى. ول بىلاي دەدى: ”وسىنداي ءبىر توپ ادامدار اتويلاپ الدا ءجۇرىپ، قالتقىسىز ۇلەس قوسقاندىقتان، ءبىز وسى رەتكى ىندەتپەن شايقاستا، ءسوزسىز، جەڭىسكە جەتەمىز“.
ىشكەرىلەي كىرىسىپ، دەن قويا حابارلاپ، ىندەتپەن شايقاسۋ جولىندا ءبىز تىزە قوسا العا ىلگەرىلەيمىز.
ءتىلشى رەتىندە، ول الەۋمەتتىك اۋماق كادرلارى، ەرىكتىلەر، ەمدەۋ قىزمەتكەرلەرى سياقتىلارمەن سۇحباتتاسىپ، عۇزىرلى ينفورماتسيالاردى جەتكىزىپ، ەڭ اسەم كەلبەتتى ەستەلىككە الىپ، جان تەبىرەنتەرلىك حيكايالاردى حابارلادى؛ تومەنگە تۇسكەن كادر رەتىندە، بەل ومىرتقا ارالىق تاباقشاسى وسكەندىكتەن اۋىر نارسە كوتەرە الماعان ول قوقىر - قوقسىق جيناۋعا، تاسۋعا، زاتتىق ماتەريالداردى جەتكىزۋگە تاباندى بولىپ، تۇرعىنداردىڭ قيىنشىلىعىن، تالاپ - تىلەگىن شەشتى... كورلا قالاسىنداعى ىندەتتەن ساقتانۋ - تىزگىندەۋ كەزىندە وسى ەكى ۇقسامايتىن قىزمەتتى بايىنعولين گازەتى مەكەمەسىنىڭ ءتىلشىسى جوۋ حايشيا ءار كۇنى ىستەۋمەن بولدى. ”ءبىز تەك ىندەتتەن ساقتانۋ - تىزگىندەۋدىڭ الدىڭعى شەبىنە بارىپ ات سالىسقاندا عانا، ءار سالا، ءار كاسىپتەگى ىندەتكە قارسى اتتانۋ جاعدايىن قالا تۇرعىندارىنا جەتكىزە الامىز“.
”قۇلجا قالاسىندا ىندەتتەن ساقتانۋ - تىزگىندەۋ جاعدايىنىڭ بىرتىندەپ جاقسارۋعا بەت الىپ، جول بويىنداعى شاعىن دۇكەندەردىڭ قايتادان اشىلعاندىعىن، كوشەلەردە تىرشىلىك تىنىسى بايقالعاندىعىن كورىپ، ءبىر نيەتپەن ىنتىماقتاسقاندا عانا، ىندەتتى جەڭۋگە بولاتىندىعىن شىنايى سەزىندىم...“، - دەدى انار بۇلت \ شينجياڭ گازەتىنىڭ ءتىلشىسى بارشا تەگىس.
9 - ايدان بەرى بارشا تەگىس قۇلجا قالاسىنداعى تۇيىندە تۇرىپ تىلشىلىك ىستەپ كەلەدى. ءبىر كۇندە 3 الەۋمەتتىك اۋماققا، 3 حىسۋان تەكسەرۋ تاجىريبەحاناسىنا بارىپ، حىسۋان تەكسەرۋ ۇلگى تۇتىكشەسىنىڭ باسقان ”ساپارىن“ حابارلادى؛ شيپاحانادا، سەحتا، اتىزدا... زاتپەن قامداۋ جاعدايىن، ىندەتكە قارسى تۇرۋ بارىسىنداعى مەيىر جەتكىزۋ حيكاياسىن حابارلادى. ول بىلاي دەدى: ”ءتىلشى سىندى وسى كاسىپتى تاڭداعان ەكەنبىز، جاۋاپكەرشىلىك پەن بورىشتى ارقالاپ، ىشكى جان دۇنيەمىزدەگى مەيىرىم مەن جىلۋلىقتى ماڭگى ساقتاپ، قاي - قاشان دا وڭ ەنەرگيا جەتكىزۋىمىز كەرەك“.
نەگىزگى ساتىعا ىشكەرىلەي بارۋ، جاۋاپكەرشىلىك ارقالاۋ كەرەك. ەرەكشە مەرەكەدە رايونىمىزداعى قالىڭ اقپارات قىزمەتكەرلەرى اۋەلگىدەي ەكپىندەي ىلگەرىلەۋ كۇيىن ساقتاپ، نۇر - شۇعىلانى بەتكە الىپ العا تارتتى، ءبىز تۇبىندە ىندەت تۇمانىنىڭ سەيىلىپ، جەڭىستىڭ جاقىننان قول بۇلعاپ تۇراتىندىعىنا كامىل سەنەمىز.
