شينحۋا اگەنتتىگىنىڭ 11 - ايدىڭ 9 - كۇنى بەيجيڭنەن بەرگەن حابارى. 11 - ايدىڭ 9 - كۇنى مەملەكەت ءتوراعاسى شي جينپيڭ 2022 - جىلعى دۇنيە جۇزىلىك ينتەرنەت جينالىسى ۋجىن باسشىلار باس قوسۋىنا قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: قازىرگى زاماندا، سيفر تەحنيكاسى دۇنيە جۇزىلىك عىلىم - تەحنيكا توڭكەرىسى مەن كاسىپ سالاسى وزگەرىسىنىڭ جەتەكشى كۇشى رەتىندە، ەكونوميكالىق، قوعامدىق دامۋدىڭ ءارقايسى سالاسىنىڭ جالپى بارىسىنا كۇن سايىن ءسىڭىپ، ءوندىرىس ءتاسىلىن، تۇرمىس ءتاسىلىن جانە قوعامدىق باسقارۋ ءتاسىلىن تەرەڭدەي وزگەرتۋدە. سيفرلانۋ اكەلگەن ورايلار مەن سىن - سايىستارعا مەڭزەس، حالىقارالىق قوعام تىلدەسۋدى، اۋىس - كۇيىس جاساۋدى كۇشەيتىپ، ناقتى ىستەر سەلبەستىگىن تەرەڭدەتىپ، اناعۇرلىم ءادىل دە ۇيلەسىمدى، اشىق، سيىسىمدى، حاۋىپسىز دە ورنىقتى، ومىرشەڭدىك كۇشكە باي ينتەرنەت كەڭىستىگىن قول ۇستاسا قۇرۋ كەرەك.
شي جينپيڭ بىلاي دەپ باسا دارىپتەدى: جۇڭگو دۇنيە جۇزىندەگى ءارقايسى ەلمەن بىرگە سيفر بايلىعىن بىرگە قۇراتىن، ودان بىرگە يگىلىكتەنەتىن، سيفرلى ەكونوميكانىڭ ومىرشەڭدىگىن قاۋلاتاتىن، سيفرلى باسقارۋ دالمە - ءدال، جوعارى ءونىمدى بولاتىن، سيفرلى مادەنيەت گۇلدەنىپ داميتىن، سيفر حاۋىپسىزدىگى پارمەندى قامتاماسىز ەتىلەتىن، سيفرلى سەلبەستىك ءوزارا تيىمدىلىك جەتكىزىپ، تەڭ يگىلىكتەنەتىن الەمدىك سيفرلى دامۋ جولىن اشىپ، ينتەرنەت كەڭىستىگى تاعدىرلاس ورتاق تۇلعاسىن جەدەل قۇرىپ، دۇنيە ءجۇزىنىڭ بەيبىت دامۋى مەن ادامزات وركەنيەتىنىڭ العا باسۋىنا اقىل - پاراسات جانە كۇش - قۋات ارناۋدى قالايدى.
2022 - جىلعى دۇنيە جۇزىلىك ينتەرنەت جينالىسى ۋجىن باسشىلار باس قوسۋى سول كۇنى جىجياڭ ولكەسى تۇڭشياڭ قالاسى ۋجىن قالاشىعىندا اشىلدى، نەگىزگى تاقىرىبى: ”ينتەرنەت دۇنيەسىن بىرگە قۇرىپ، سيفرلى بولاشاقتى بىرگە جاراتۋ − قول ۇستاسىپ ينتەرنەت كەڭىستىگىندەگى تاعدىرلاس ورتاق تۇلعا قۇرۋ“، جينالىستى دۇنيە جۇزىلىك ينتەرنەت جينالىسى ۇيىمداستىردى، جىجياڭ ولكەلىك حالىق ۇكىمەتى ۇستىنە الىپ وتكىزدى.
