2400دەن استام ادام اۆتونوميالى رايوندىق پارتكوم باسقاراتىن كادرلاردىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ ارناۋلى تاقىرىپتىق كۋرسىنا قاتىناستى
رۋحاني ءمانىن ءتۇسىنىپ، ءىس تىندىرۋ جىگەرىن قاۋلاتامىز
انار بۇلت \ شينجياڭ گازەتىنىڭ ءتىلشىسى جاڭ يانفاڭ 11 - ايدىڭ 9 - كۇنى ۇرىمجىدەن حابارلايدى. ”وسى رەتكى شوعىرلى كۋرس ەرەكشە ماڭىزدى، ءدال ۋاعىندا اشىلدى، ءبىزدىڭ پارتيا 20 - قۇرىلتايىنىڭ رۋحى جونىندەگى تۇسىنىگىمىزدى ونان ارى تەرەڭدەتتى“. ”ساباقتاردىڭ ورنالاستىرىلۋى شينجياڭنىڭ ءىس جۇزىندىك جاعدايىمەن تىعىز ۇشتاستىرىلعان، باعىتتامالىلىعى وتە كۇشتى، ءبىزدىڭ نىسانامىزدى اناعۇرلىم ايقىنداۋىمىزعا، بەتالىسىمىزدى اناعۇرلىم انىقتاۋىمىزعا مۇمكىندىك جاسادى“... 11 - ايدىڭ 5 - كۇنى اۆتونوميالى رايوندىق پارتكوم باسقاراتىن كادرلاردىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ ارناۋلى تاقىرىپتىق كۋرسى ساباق باستاعاننان بەرى، بۇكىل رايوننان جيىنى 2400دەن استام ادام ينتەرنەت جەلىسىندە كۋرسقا قاتىناستى، كوپشىلىك ءاربىر ساباقتى دەن قويا تىڭداپ، مۇقيات ەستەلىك الىپ، ويلانىپ، بەلسەنە تالقىلاپ، پىكىر اۋىستىرىپ، ەرەكشە تولعانىپ، ايرىقشا شابىتتاندى.
وسى رەتكى كۋرستى اۆتونوميالى رايوندىق پارتكومنىڭ ورنالاستىرۋى بويىنشا، اۆتونوميالى رايوندىق پارتكوم ۇيىمداستىرۋ ءبولىمى مەن جۇڭگو حالىق داشۋەسى بىرلەسىپ وتكىزدى، كۋرس شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا 20 - قۇرىلتايىنىڭ رۋحىن جان - جاقتى، جۇيەلى، ىشكەرىلەي ۇيرەنىپ، ءتۇسىنىپ، پارتيا 20 - قۇرىلتايىنىڭ رۋحىن شىن مانىندە جاڭا داۋىردەگى جاڭا جورىقتا كورىكتى شينجياڭدى قۇلشىنا قۇرۋدىڭ قۋاتتى كۇشىنە اينالدىرۋدى ماقسات ەتكەن. كۋرستاعى ساباقتار جۇيەلى ءتۇسىندىرۋ، پارتيالىلىق شىڭدالۋ، ءتۇيىندى قىزمەتتەر، قابىلەتتى جوعارىلاتۋ سىندى 4 ۇلكەن تۇرگە بولىنگەن، باستىسى، پارتيا 20 - قۇرىلتايىنىڭ رۋحىن جالپى جاقتان ءتۇسىندىرۋ، شينجياڭدى زاڭمەن باسقارۋدى جاپپاي ىلگەرىلەتۋ، جۇڭحۋا ۇلتى ورتاق تۇلعا تانىمىن بەرىك ورناتۋ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋ قاتارلى 19 ارناۋلى تاقىرىپتى قامتيدى. كۋرس وقىتۋشىلارى، نەگىزىنەن، ورتالىق كوميتەت پارتيا مەكتەبىنەن (مەملەكەتتىك اكىمشىلىك شۋەيۋان)، جۇڭگو قوعامدىق عىلىمدار اكادەمياسىنان، ورتالىق سوتسياليزم شۋەيۋانىنان جانە بەيجيڭ داشۋەسىنەن، جۇڭگو حالىق داشۋەسىنەن كەلگەن ايگىلى ماماندار، پروفەسسورلار.
كۋرس ينتەرنەت جەلىسىندە، ينتەرنەت جەلىسىنەن تىس ءوزارا ۇشتاستىرىلعان تاسىلمەن وتكىزىلدى، ينتەرنەت جەلىسىندە تىكە تاراتۋ، ينتەرنەتتەگى ىقپالداستىق، نەگىزگى تاقىرىپتىق زەرتتەۋ - تالقى، الىس ارالىقتان جەتەكتەۋ، مامانداردىڭ سۇراۋلارعا جاۋاپ بەرۋ، ينتەرنەت جەلىسىندە سىناۋ سياقتى بۋىندار ورنالاستىرىلدى. جۇمىس ورنىنداعى قىزمەت مىندەتى اۋىر كۋرسانتتاردىڭ ارەدىك ۋاقىتتارىنان پايدالانىپ ساباقتاردىڭ قايتا قويىلىمىن كورىپ، ۇيرەنۋ مەن قىزمەتتىڭ ”ەكەۋىن دە اقساتپاۋىنا“ بولادى.
وسى بىرنەشە كۇننەن بەرگى كۋرستان سوڭ كۋرسانتتار جاپپاي مىنالاردى ءبىلدىردى: وسى رەتكى كۋرس ەرەكشە ”ءشول قاندىردى“، پايدالى بولدى، ”نە كەم بولسا سونى تولىقتاۋ، نە ىستەسە سونى ۇيرەنۋ“ پرينسيبىن بەينەلەدى، ينتەرنەتتەگى تىكە تاراتۋ بولعانىمەن، نىسانانى دالمە - ءدال كوزدەگەن، نەگىزگى تاقىرىبى ايقىن، مازمۇنى باي، ەگجەي - تەگجەيلى تالداۋ جاسالعان، جيناقى ورنالاستىرىلعان، كۋرس وقىتۋشىلارىنىڭ دەڭگەيى جوعارى، تۇرلىشە تۇرعىدان نازاريانى ءىس جۇزىندىك جاعدايمەن بايلانىستىرىپ پارتيا ورتالىق كوميتەتىنىڭ شەشىمدەرىن، ورنالاستىرۋلارىن تولىق، تەرەڭدەي، ويداعىداي ءتۇسىندىردى، كوپشىلىكتىڭ پارتيا 20 - قۇرىلتايىنىڭ رۋحىن قاز - قالپىندا تولىق تۇسىنۋىنە، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋىنە، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتۋىنە وتە پايدالى ءارى ءىس تىندىرىپ، ناتيجە جاراتۋ جىگەرىن دە ايرىقشا قاۋلاتتى.
وسى رەتكى كۋرس 11 - ايدىڭ 12 - كۇنىنە دەيىن جالعاسادى.
