جاستىق داۋرەندى ىندەتكە قارسى اتتانۋدىڭ الدىڭعى شەبىندە شۇعىلا شاشتىردى
□انار بۇلت \ شينجياڭ گازەتىنىڭ ءتىلشىسى گو چيان
”ءبىز كوبىرەك ىستەسەك، الەۋمەتتىك اۋماق كادرلارى كوبىرەك تىنىعا الادى؛ ءبىز تەزىرەك قيمىلداساق، تۇرعىندار زاتتىق ماتەريالدارىن ەرتەرەك تاپىسىرىپ الادى“. 11 - ايدىڭ 7 - كۇنى، قىس كىرىسىمەن ءۇرىمجى سۋىتا قالدى، 19 جاستاعى شۇي جينگى كۇندەگىسىندەي شاعىن اۋماقتىڭ عيماراتتارى اراسىندا زىر جۇگىرىپ، تۇرعىندارعا ەرىكتى قىزمەت وتەپ جاتتى.
فۋجيان جياڭشيا شۋەيۋانى مادەنيەت كاسىپ سالاسىن باسقارۋ ماماندىعىنىڭ 2 - جىلدىق وقۋشىسى رەتىندە، شۇي جينگى وسى رەت ىندەت تۋىلعاننان كەيىن دەرەۋ ءوزى تۇرعان ءۇرىمجى قالاسى جوعارى، جاڭا تەحنيكالىق كاسىپتەردى اشۋ رايونى (جاڭا قالا رايونى) مۇناي جاڭا قىستاعى ءمالىسى جيۋجياۋان الەۋمەتتىك اۋماعىندا ەرىكتىلەر قاتارىنا تىزىمدەلدى. ”ءبىر جاعىنان، شەشۋشى ساتتە جاستاردىڭ الدىعا شىعىپ ىندەتكە قارسى اتتانۋعا ۇلەس قوساتىن جاۋاپكەرشىلىگى بار؛ ەندى ءبىر جاعىنان، شەشەم جين يۇينا الەۋمەتتىك اۋماقتىڭ قىزمەتكەرى، شەشەممەن بىرگە شايقاسقا اتتانىپ، ونىڭ جۇگىن كوبىرەك كوتەرىسكىم كەلدى“، - دەدى شۇي جينگى.
كوممۋنيستىك جاستار وداعى ءۇرىمجى قالالىق كوميتەتىنىڭ شۋجيى جاۋ كاي بىلاي دەدى: پارتيا ۇندەسە، وداق اتتانىسقا كەلەدى. ىندەت تۋىلعاننان بەرى ءۇرىمجى قالالىق وداق كوميتەتى «ورتالىق قالاداعى ءار دارەجەلى وداق ۇيىمدارى مەن قالىڭ وداق مۇشەلەرىنە، جاستارعا ۇندەۋ حات» جاريالاپ، 18 مىڭنان استام وداق مۇشەسىنىڭ، جاستىڭ بەلسەندى ءۇن قوسۋىنا يە بولىپ، ”وداق كادرلارى + جاس ەرىكتىلەر“ قىزمەت ۇلگىسىن قالىپتاستىردى. قالىڭ وداق كادرلارى مەن وداق مۇشەلەرى، جاستار، ەرىكتىلەر ىندەتتەن ساقتانۋ - تىزگىندەۋدىڭ الدىڭعى شەبىنە بەلسەندىلىكپەن ات سالىسىپ، ىرىقتىلىقپەن ىسكەرلىك كورسەتىپ، تۇرعان جەرلەرىندە، جاقىن ماڭدا الەۋمەتتىك اۋماقتىڭ ەرىكتىلەر قىزمەت وتەۋىنە قاتىناسىپ، الەۋمەتتىك اۋماقتارعا (قىستاق) سايكەسىپ ىندەتتەن ساقتانۋ قىزمەتىن ورىستەتتى.
ۋ جىحۋا ەرلى - زايىپتىلار ءۇرىمجى قالاسى شۇيموگوۋ رايونى يۇيشۋگوۋ ءمالىسى شۇيمويۋان الەۋمەتتىك اۋماعى شۇيمو جيايۋان شاعىن اۋماعىنىڭ ەرىكتىلەر قوسىنىنداعى ”ءبىر جۇپ ەرىكتىلەر“. ونىمدىلىكتى جوعارىلاتۋ ءۇشىن، ەرلى - زايىپتىلار تەڭگەرمەلى سىرعاناعىشپەن تۇرعىندارعا زاتتىق ماتەريال جەتكىزۋ، سۋ، ەلەكتر ساتىپ الىپ بەرۋ سياقتى قىزمەتتەر وتەدى، ەرلى - زايىپتىلاردىڭ وسىنداي جوعارى ءونىمدى، جاۋاپكەرشىلىكپەن تۇرلىشە تاسىلدەگى قىزمەت وتەۋلەرى شاعىن اۋماقتى مەيىرگە بولەدى.
”تۇرعىندارعا قىزمەت وتەۋمەن قاتار، تۇرعىندار دا ءبىزدى اسەرلەندىردى“. ءۇرىمجى قالالىق جاس ەرىكتىلەر قىزمەت وتەۋ قوعامىنىڭ باس حاتشىسى ۋاڭ يۇڭچياڭ بىلاي دەدى: جۋىردا تۇرعىندار شاعىن اۋماعىنىڭ كىلتيپان شىققان ليفتىن شۇعىل رەمونتتاۋعا كومەكتەسىپ جۇرگەنىمدە بايقاۋسىزدا بەلىمدى اۋىرتىپ العان بولاتىنمىن، ىقىلاستى تۇرعىندار مۇنى بىلگەننەن كەيىن دەرەۋ ۇيىندەگى ماقسارى مايىن باسقالار ارقىلى ماعان جەتكىزىپ بەردى، ”تۇرعىنداردىڭ سايكەسۋى مەن ءتۇسىنۋى ءبىزدىڭ ەرىكتىلەر قىزمەت وتەۋىن ويداعىداي ىستەۋىمىزدىڭ كۇش قاينارى“.
كەزەكتە ءۇرىمجى قالالىق جاس ەرىكتىلەر قىزمەت وتەۋ قوعامىنىڭ 28 الەۋمەتتىك يگىلىك ۇجىمىنداعى 8000نان استام ەرىكتى تۇگەلدەي ىندەتتەن ساقتانۋ - تىزگىندەۋ قىزمەتىنە ات سالىسىپ، بۇكىل قالادا 10 مىڭنان استام وداق مۇشەسى جاس ەرىكتىلەر جيىنى 10 ميلليون 60 مىڭ ادام - رەتتەن استام قىزمەت وتەدى.
