□ جاڭ بەي
”ءدارىڭىزدى دەرەۋ جەتكىزەمىز، الاڭسىز بولىڭىز“، ”مەنىڭ ۋيشينىمدى قوسىپ الىڭىز، قاجەت ەتسەڭىز قاي - قاشان دا مەنى ىزدەڭىز“... جاقىندا اۆتونوميالى رايوننان، بيڭتۋاننان، ورتالىقتىڭ ۇرىمجىدەگى ورىندارىنان نەگىزگى ساتىعا تۇسكەن كادرلار ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىنە دەرەۋ ات سالىسىپ، ءاربىر ناقتى ماسەلەلەردى شەشۋ بارىسىندا قابىلەتتەرىن جەتىلدىرىپ، اۋەلگى ماقساتتارىن شىڭدادى. كادرلار نەگىزگى ساتىعا تۇسكەندە ىندەتتەن ساقتانۋ - تىزگىندەۋدىڭ الدىڭعى شەبىندەگى قىزمەتتەردى تىڭعىلىقتى ىستەۋمەن بىرگە، بار پەيىلدەرىن سالىپ، ىسىلعان قىزمەت ستيلى ارقىلى قامال الىپ، قيىندىقتاردى جەڭۋدىڭ قۋاتتى بىرىككەن كۇشىن ۇيىستىرۋ كەرەك.
نەگىزگى ساتىعا تۇسەتىن، ورنىقتى ىستەيتىن بۇل نيەت − حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسى مەن ”يكەمدى نولگە ءتۇسىرۋ“ باس باعىتىن باتىل اتقارۋدىڭ بەكىمى؛ ەل بىرلىگىنەن بەرىك قامال تۇرعىزىپ، شەشۋشى شايقاسقا شىعىپ، وسى رەتكى ىندەتتەن ساقتانۋ - تىزگىندەۋدەن قامال الۋ شايقاسىندا جەڭىسكە جەتۋدىڭ سەنىمى؛ ونان دا ماڭىزدىسى، حالىق تۇرعىسىنان تاپجىلماي، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن بارىنشا جىلى مەيىرمەن، ىستىق ىقىلاسپەن ويداعىداي شەشەتىن حالىق قىزمەتشىسى پەيىلى. تەك وسىنداي نيەتپەن ىندەتتەن ساقتانۋ - تىزگىندەۋدىڭ الدىڭعى شەبىندە ۇمتىلا ىستەسەك، ءسوز جوق، ءۇرىمجىنىڭ ىندەتتەن ساقتانۋ - تىزگىندەۋدەن قامال الۋ شايقاسىنىڭ ناقتى ونىمدىلىككە جەتۋىن ىلگەرىلەتىپ، جەڭىس كۇنىنە ەرتەرەك قول جەتكىزەتىن بولامىز.
كادرلاردىڭ نەگىزگى ساتىعا ءتۇسۋى ءوزىن كورسەتۋ ەمەس، اسىرەسە، قازىر ءۇرىمجى قالاسىنىڭ ىندەتتەن ساقتانۋ - تىزگىندەۋ جاعدايى ءالى دە قاتاڭ دا كۇردەلى، قامال الىپ، وتكەلدەن ءوتۋدىڭ شەشۋشى مەزگىلىندە تۇرعاندا، تورەشىلدىككە سالىنۋعا بولمايدى، ستيلدە تۇرلاۋسىزدىق ىستەۋگە بولمايدى، ءسوز جوق، نەگىزگى ساتى كادرلارىمەن جانە ءار ۇلت بۇقاراسىمەن شىنايى بىرگە ويلاپ، بىرگە ىستەپ، ءبىر جاعادان باس، ءبىر جەڭنەن قول شىعارىپ جۇدىرىقتاي جۇمىلىپ، ىندەتتەن ساقتانۋ - تىزگىندەۋ تورىن بەرىك، ءجيى توقۋ كەرەك. تاياۋداعى حابارلاردان ءارقايسى ورىنداردان نەگىزگى ساتىعا تۇسكەن كادرلاردىڭ الەۋمەتتىك اۋماقتىڭ تازالىق، زارارسىزداندىرۋ، ميكروب جويۋ، حىسۋان سىناماسىن الۋ، زاتتىق ماتەريالداردى جەتكىزۋ سياقتى ىندەتتەن ساقتانۋ - تىزگىندەۋدىڭ داعدىلى قىزمەتتەرىنە بەلسەنە ات سالىسىپ قانا قالماستان، زاتتىق ماتەريالداردى سايكەستىرۋ، قامتاماسىز ەتۋ، ۇگىت جاساۋ، بۇقاراعا جەتەكشىلىك ەتۋ، تەحنيكالىق قولداۋ كورسەتۋ سياقتى جاقتاردا شاماسىنىڭ جەتىسىنشە ارتىقشىلىقتارىن ساۋلەلەندىرىپ، ساقتانۋ - تىزگىندەۋ جەتىستىگىن ۇزدىكسىز بەكەمدەۋگە، قامال الۋ شايقاسىنىڭ جەتىستىگىن كەڭەيتۋگە كوپتىڭ اقىل - پاراساتىن، كۇش - قۋاتىن ۇيىستىرعانىن كورۋگە بولادى.
ىندەتكە قارسى اتتانۋدىڭ الدىڭعى شەبىنە بارۋ ءارقايسى ورىنداردىڭ كادرلارى جونىنەن الىپ ايتقاندا، جوعارى - تومەن ءبىر نيەتتە بولا وتىرىپ ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە دەگەن بەلسەندى ءۇن قوسۋى بولۋمەن بىرگە، ونان دا ماڭىزدىسى، بۇقارالىق لۋشيانمەن ويداعىداي ءجۇرىپ، تىڭعىلىقتى قىزمەت ستيلىن شىڭداۋدىڭ قاجەتتى تالابى بولماق. نەگىزگى ساتىعا ءتۇسىپ قىزمەت ىستەگەندە بار پەيىلمەن ىستەگەندە عانا، ماسەلەنى بايقاۋ، ماسەلەنى شەشۋ بارىسىندا قىزمەت قابىلەتىن جوعارىلاتۋعا بولادى، سوندا عانا نازاريانى امالياتپەن ۇشتاستىرۋ بارىسىندا يدەيالىق تانىمدى جوعارىلاتۋعا بولادى، سوندا عانا ”حالىقتى وزەك ەتكەن“ دامۋ يدەياسىن ناقتى ورىندا تياناقتاندىرىپ، پارتيانىڭ حالىق بۇقاراسىمەن ەتەنە بايلانىسىن اناعۇرلىم تىعىز ساقتاۋعا بولادى.
كەمەنىڭ كۇشى جەلكەندە، ادامنىڭ كۇشى نيەتتە. بار پەيىلمەن ىستەپ، باسقالاردىڭ قامىن جەپ، ءار ۇلت بۇقاراسىنىڭ ءتۇسىنۋى مەن قولداۋىنا يە بولساق، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە ەرتەرەك قول جەتكىزىپ قانا قالماستان، ونان دا ماڭىزدىسى، بۇقارانى ىنتىماقتاستىرىپ، بۇقاراعا سۇيەنىپ، العا باسۋ جولىمىزداعى تالاي - تالاي قيىندىقتاردى، حاۋىپ - قاتەرلەر مەن بوگەتتەردى جەڭە الامىز.
