مەملەكەت ەنەرگيا توبى شينجياڭ سەرىكتەستىگى:
الدىڭعى 10 ايدا كومىر ءوندىرۋ جانە ساتۋ مولشەرى بىلتىرعى تۇتاس جىلداعىدان استى
11 - ايدىڭ 7 - كۇنى ءىرى تۇرپاتتى ماشينالار جۇندۇڭ ەكونوميكالىق، تەحنيكالىق اشۋ رايونىنا ورنالاسقان شينجياڭ يحۋا كەن شارۋاشىلىعى شەكتى سەرىكتەستىگىنىڭ ۋساي - ۋان 1 - ءنومىرلى اشىق كومىر كەنىندە جۇمىس ىستەۋدە. سوڭعى مەزگىلدەردەن بەرى، جۇندۇڭ ەكونوميكالىق، تەحنيكالىق اشۋ رايونى كوپ شارانى قاتار قولدانىپ، ەلەكتر تاراتۋعا، جىلۋمەن قامداۋعا، حالىق تۇرمىسىنا كومىر پايدالانۋعا جانە شينجياڭنىڭ كومىرىن سىرتقا جەتكىزۋگە تاسىمال جاعىنان كەپىلدىك ەتتى.
□ سۋرەتتى حى لۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى ليۋ شياۋلۇڭ 11 - ايدىڭ 10 - كۇنى ۇرىمجىدەن حابارلايدى. 10 - ايدىڭ سوڭىنا دەيىن، مەملەكەت ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگىنىڭ كومىر ءونىم مولشەرى 63 ميلليون 120 مىڭ تونناعا جەتىپ، سايكەس مەزگىلدەگىدەن 16 ميلليون 470 مىڭ توننا ارتتى؛ 64 ميلليون 610 مىڭ توننا كومىر ساتىلىپ، سايكەس مەزگىلدەگىدەن 16 ميلليون 760 مىڭ توننا ارتىپ، ءوندىرۋ جانە ساتۋ مولشەرى تۇگەلدەي 2021 - جىلعى تۇتاس جىلداعىدان استى.
مۇنىڭ ىشىندە، مەملەكەت ەنەرگيا توبىنىڭ ءبىر تۇلعالانعان قامداۋدى قامتاماسسىز ەتۋىنە قاتىناسۋىمەن رايوننان شىعارىلعان كومىر مولشەرى 2 ميلليون 340 مىڭ تونناعا جەتىپ، سايكەس مەزگىلدەگىدەن 2 ميلليون 170 مىڭ توننا ارتىپ، تاعى دا تاريحتاعى ەڭ جوعارى ورە جاراتىلدى.
بيىل جىل باسىنان بەرى مەملەكەت ەنەرگيا توبى شينجياڭ سەرىكتەستىگى ىندەتتەن ساقتانۋ - تىزگىندەۋ مەن ءوندىرىس تيجاراتىن ءبىر تۇتاس جوسپارلاپ، قالىپتى ءوندىرىس ءتارتىبىن بار كۇشپەن قامتاماسىز ەتىپ، كومىرمەن قامداۋدى قامتاماسىز ەتۋ بويىنشا توتەنشە جاعدايعا توتەپ بەرۋ دايىندىق جوباسىن دەر كەزىندە اتقارىپ، ”اپتالىق جوسپار، كۇندىك تياناقتاندىرۋ“ نىساناسى بويىنشا، كۇندىك ارقىلى اپتالىققا كەپىلدىك ەتۋدى، اپتالىق ارقىلى ايلىققا كەپىلدىك ەتۋدى، ايلىق ارقىلى جىلدىققا كەپىلدىك ەتۋدى ىلگەرىلەتىپ، ءوندىرىس تيجارات كورسەتكىشىندە تاعى دا تاريحتاعى ەڭ جوعارى دەڭگەيگە جەتتى.
ءوندىرىستى ۇيىمداستىرۋدى عىلمي، ۇيلەسىمدى رەتتەۋ ارقىلى وسى سەرىكتەستىك كومىردى اجىراتىپ جۇمىس جۇرگىزۋ تەبىنىن ارتتىرىپ، اشىق كومىر كەندەردىڭ ءوندىرىستى، قامداۋدى قامتاماسىز ەتۋ وزەكتى رولىن ساۋلەلەندىرىپ، كومىر وندىرۋگە، كومىرمەن قامداۋعا شىنايى كەپىلدىك ەتتى. قازىر جۇندۇڭ اشىق كومىر كەنىندە سۇرىپتاۋسىز كومىردىڭ كۇندىك ءوندىرىلۋ مولشەرى 110 مىڭ تونناعا جەتىپ، وسى كەننىڭ سۇرىپتاۋسىز كومىردى كۇندىك ءوندىرۋ مولشەرى تاريحتاعى ەڭ جوعارى دەڭگەيگە جەتتى.
كومىر وندىرۋمەن بىرگە تاعى تاسىپ شىعارۋ قاجەت، تۇتىنۋشىلاردىڭ قاجەتىن دالمە - ءدال يگەرۋ ارقىلى مەملەكەت ەنەرگيا توبى شينجياڭ سەرىكتەستىگى بايلىق بەتالىسىن ۇيلەسىمدى ورنالاستىرىپ، تەمىر جول، ءدالىز جولى، اۆتوموبيل تاسىمال جۇيەسىن جوعارى ونىمدىلىكپەن ۇشتاستىرۋدى جۇزەگە اسىرىپ، كومىرمەن ورنىقتى، دالمە - ءدال قامداۋدى قامتاماسىز ەتتى. بۇل سەرىكتەستىك تاسىمالدى ۇيىمداستىرۋدى كۇشەيتىپ، ەلەكترلى بەلەت جەتكىزگىش سياقتى شارالاردى قولدانىپ، كەنگە كىرىپ كومىر تاسيتىن اۆتوكولىكتەرگە ”ءبىر اۆتوكولىككە ءبىر كود، ءبىر حىسۋاندى“ اتقارىپ، تارازى ۇيلەرىنە ”كۇنىنە 3 رەت زارارسىزداندىرۋ، ميكروب جويۋ“ جۇرگىزىپ، اۆتوكولىكتەردىڭ تارتىپپەن قاتىناۋىنا، كومىردى جوعارى ونىممەن جونەلتۋىنە كەپىلدىك ەتتى.
مەملەكەت ەنەرگيا توبى شينجياڭ سەرىكتەستىگى شينجياڭداعى ەڭ ۇلكەن كومىر وندىرەتىن جانە ساتاتىن كاسىپورىن بولىپ، شينجياڭنىڭ ءىشى - سىرتىنداعى 63 ءتۇيىندى كاسىپورىننىڭ كومىرمەن قامداۋدى قامتاماسىز ەتۋ مىندەتىن ارقالاپ وتىر. بيىل الدىڭعى ءۇش ماۋسىمدا وسى سەرىكتەستىكتىڭ وندىرگەن سۇرىپتاۋسىز كومىرىنىڭ بۇكىل شينجياڭدا يەلەگەن سالىستىرماسى ％19.31كە جەتتى.
