ءتۇيىندى نىسانداردىڭ قارقىنى تەزدەدى، شينجياڭنىڭ تۇراقتى مۇلىككە قارجى قوسۋ بەينەسى كورنەكتى بولدى
انار بۇلت \ شينجياڭ گازەتىنىڭ ءتىلشىسى لي ياڭ، 21 - عاسىر ەكونوميكا حابارىنىڭ ءتىلشىسى جياۋ يفي
الدىڭعى ءۇش ماۋسىمدا شينجياڭ ەكونوميكاسى جوعارى باستامامەن ورنىقتى ءجۇرىپ، ورنىقتىلىق بارىسىندا ىلگەرىلەپ، ورنىقتىلىق بارىسىندا جاقسارىپ، وڭىرلىك ءوندىرىس جالپى ءونىم قۇنىن ءبىر تريلليون 302 ميلليارد 382 ميلليون يۋانعا جەتكىزدى، بۇل سايكەس مەزگىلدەگىدەن ％9. 3 ارتىپ، ارتۋ قارقىنى بۇكىل ەلدىكىنەن 9. 0 پايىز جوعارى بولدى. ”ءۇش ماۋسىمدا بىردەي پايدا تابۋ“ نىساناسىنىڭ جۇزەگە اسۋىنىڭ استارىندا قارجى قوسۋ ماڭىزدى رول اتقاردى. بيىل جىل باسىنان بەرى، شينجياڭ ءتۇيىندى نىسانداردى تۇتقا ەتىپ، ىندەتتىڭ ىقپالىنا پارمەندى قارسى اتتاندى، الدىڭعى ءۇش ماۋسىمدا تۇراقتى مۇلىككە قوسىلعان قارجىنىڭ جالپى سوماسى (شارۋا وتباسىلارىن قامتىمايدى) سايكەس مەزگىلدەگىدەن ％3. 10 ارتىپ، ارتۋ قارقىنى بۇكىل ەلدىكىنەن 4. 4 پايىز جوعارى بولدى.
ءىرى نىسانداردىڭ قۇرىلىس تەبىنى ارتتى
”ىندەتتىڭ ىقپالىنا ۇشىراعان جاعدايدا دا قارجى قوسۋ كۇشەمەلىلىگى ءالى دە ەكى ورىندى سانمەن ارتىپ، وتە كۇشتى سەرپىمدىلىك تانىتتى“. اۆتونوميالى رايوندىق ساناق مەكەمەسى پارتيا باسشىلىق گرۋپپاسىنىڭ شۋجيى سۇن جۇڭجىن بىلاي دەپ تانىستىردى: بيىل جىل باسىنان بەرى، شينجياڭ نىسان ارقىلى جەتەكتەۋ ستراتەگياسىن ىشكەرىلەي اتقاردى، ارتۋدى ورنىقتىرۋ، قارجىنى ورنىقتىرۋ ساياساتى تىنباي كۇش ۇستەدى، وڭىرلەر، تاراۋلار ءىرى نىسانداردىڭ جۇمىس باستاپ، قۇرىلىس جۇرگىزۋىن بەلسەنە ىلگەرىلەتىپ، قارجى قوسۋ كولەمىن ۇزدىكسىز كەڭەيتىپ، ىندەتتەن تۋىنداعان ءتيىمسىز ىقپالعا بەلسەنە، ىرىقتىلىقپەن توتەپ بەرىپ، تۇتاس شينجياڭنىڭ ەكونوميكالىق اينالىمىنىڭ ۇيلەسىمدى ارالىقتى ساقتاۋىنا شەشۋشى تىرەك ازىرلەدى.
اۆتونوميالى رايوندىق ساناق مەكەمەسىنىڭ ساندى مالىمەتىندە كورسەتىلۋىنشە، الدىڭعى ءۇش ماۋسىمدا شينجياڭ جالپى 5 ميلليون يۋاننان استام قارجى قوسۋدى جوسپارلاعان قۇرىلىس نىساندارى 13 مىڭ 660 بولىپ، سايكەس مەزگىلدەگىدەن 1382 كوبەيىپ، ％3. 11 ارتقان. مۇندا 100 ميلليون يۋاننىڭ ۇستىندەگى نىسان 3591 بولىپ، سايكەس مەزگىلدەگىدەن 579 كوبەيىپ، ％2. 19 ارتقان.
قارجى قوسۋ نىساندارىندا ”ارتۋ مولشەرىنىڭ جوعارىلاۋىنىڭ“ جەتەكشى بولۋىمەن نەگىزدىك قۇرىلىستارعا قارجى قوسۋ دا جەدەل ارتتى. الدىڭعى ءۇش ماۋسىمدا تۇتاس رايوننىڭ نەگىزدىك قۇرىلعىلارعا قارجى قوسۋى سايكەس مەزگىلدەگىدەن ％18 ارتىپ، ارتۋ قارقىنى الدىڭعى جارتى جىلداعىدان 7. 5 پايىز جوعارىلادى، جەل، جارىق ەلەكتر نىساندارىنا قوسىلعان قارجى تىپتەن 5. 2 ەسەدەن جوعارى بولۋداي ارتۋ قارقىنىن ساقتادى.
”ىشكى وڭىرلەرمەن سالىستىرعاندا، شينجياڭنىڭ جەرى كەڭ - بايتاق، ءداستۇرلى نەگىزدىك قۇرىلىستارىندا ءالى ءبىرشاما زور ارتۋ كەڭىستىگى جاتىر، اسىرەسە، قاتىناس نەگىزدىك قۇرىلعىلارىن جەدەل قۇرۋ جانە جاقسارتۋ قاجەت“. مەملەكەتتىك كەڭەستىڭ دامۋدى زەرتتەۋ ورتالىعى كاسىپ سالاسى شارۋاشىلىعىن زەرتتەۋ ورنىنىڭ ورىنباسار باستىعى شۇي جاۋيۋان بىلاي دەپ قارادى: شينجياڭ قازىر مەملەكەتتىڭ نەگىزدىك قۇرىلعىلارعا قارجى قوسۋدى ۇيلەسىمدى تۇردە الدىن الا جۇرگىزگەن تەرەزەلىك مەزگىلىن مىقتى يگەرۋى، ولقىلىقتاردى تولىقتاۋدى، ءالسىز تۇستاردى كۇشەيتۋدى تياناق ەتە وتىرىپ، نەگىزدىك قۇرىلعى قۇرىلىسىن ورىستەتىپ، سۋ يگىلىگى، قاتىناس، ەلەكتر، ينفورماتسيالاندىرۋ سياقتى ءتۇيىندى سالالاردا تىنباي كۇش سالۋعا قۇلشىنۋ ءتيىس. سونىمەن بىرگە تەحنيكالىق دەڭگەيدى كوتەرۋ، كاسىپ سالاسىنىڭ ويىسۋىن قابىلداۋداي ۇلكەن استار جاعدايىندا، ءداستۇرلى نەگىزدىك قۇرىلىس پەن جاڭا نەگىزدىك قۇرىلىستى سايكەسە قاتار جۇرگىزۋى، كاسىپ سالاسىنىڭ باسەكەلىك قۋاتىن جوعارىلاتۋدى ارقاۋ ەتۋ ارقىلى ءتۇيىندى نىسانداردى ورنالاستىرۋى كەرەك.
اۆتونوميالى رايوندىق دامۋ جانە رەفورما كوميتەتى نىسان قۇرىلىسىن باسقارۋ باسقارماسىنىڭ ورىنباسار باستىعى جاڭ يۇڭلياڭ تانىستىرىپ بىلاي دەدى: بيىل اۆتونوميالى رايون جالپى 370 ءتۇيىندى نىسان ورنالاستىردى، الدىڭعى ءۇش ماۋسىمدا ”شينجياڭنىڭ ەلەكترىن سىرتقا جەتكىزۋ“ 3 - جەلىسىنىڭ سايكەستى كومىر ەلەكتر نىسانى سياقتى 87 ءتۇيىندى نىسان جاڭادان جۇمىس باستاپ قۇرىلىس جۇرگىزىپ، تۇتاس جىلدىق نىسانا - مىندەتتى نورمادان اسىرا ورىندادى. تۇتاس رايونداعى ءتۇيىندى نىساندارعا ناقتى زات قىزمەت مولشەرى بويىنشا جالپى 217 ميلليارد 700 ميلليون يۋان قارجى قوسىلىپ، بىلتىرعى سول تۇستاعىدان 24 ميلليارد 500 ميلليون يۋان ارتىپ، دەم بەرۋ، جەتەكشىلىك ەتۋ رولى اناعۇرلىم كورنەكتىلەندى.
گۋاڭدا بانكەسى فينانس بازارى ءبولىمىنىڭ ماكرولىق ەكونوميكا زەرتتەۋشىسى جوۋ ماۋحۋا مىنالاردى ءبىلدىردى: كاپيتال بازارى جونىنەن العاندا، شينجياڭنىڭ ءىرى نىساندارى شوعىرلى جۇمىس باستاپ، ناقتى زات قىزمەت مولشەرىن تەز ارادا قالىپتاستىرۋى شينجياڭ، ءتىپتى، ەل ءىشى ەكونوميكاسىنىڭ جاندانۋ سەنىمىن سەرپىلتۋ جونىنەن اسا كەلەلى مانگە يە، نەگىزدىك قۇرىلىستى جانە جوعارى، تومەن بۋىنداعى قاتىستى كاسىپ بولىكتەرىنىڭ كوركەيۋىنە دەم بەرۋگە پايدالى، ءتورتىنشى ماۋسىمدا نەگىزدىك قۇرىلىسقا قارجى قوسۋ قارقىنى تىنباي جەدەلدەيدى دەپ مەجەلەنۋدە.
ونەركاسىپكە قارجى قوسۋدىڭ جەتەكشىلىك رولى كۇشەيدى
ونەركاسىپكە قارجى قوسۋ ناقتى ەكونوميكانى ورنىقتى ارتتىرۋدىڭ كەپىلى، كوبىندە ونەركاسىپ دامۋىنىڭ تەبىنىن ايگىلەيدى. الدىڭعى ءۇش ماۋسىمدا شينجياڭنىڭ ونەركاسىپكە قوسقان قارجىسى سايكەس مەزگىلدەگىدەن ％1. 33 ارتىپ، تۇراقتى مۇلىككە قوسىلعان قارجىنىڭ 7. 10 پايىز ارتۋىن جەبەپ، شينجياڭنىڭ ونەركاسىپ ەكونوميكاسىندا ”قارجى قوسۋ ارتۋ، قۇرىلىم ساپالىلانۋ، ورنىقتىلىق بارىسىندا ىلگەرىلەۋ“ سىندى تاماشا اينالىم كۇيىنىڭ جارىققا شىعۋىنا مۇمكىندىك جاسادى.
الدىڭعى ءۇش ماۋسىمدا شينجياڭنىڭ بولات - تەمىر ونەركاسىبىنە قوسىلعان قارجى ％1. 75 ارتتى. باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى 2022 - جىلى تۇراقتى مۇلىككە ءبىر ميلليارد 640 ميلليون يۋان قارجى قوسۋدى جوسپارلاعان، 9 - ايدىڭ سوڭىنا دەيىن جالپى ءبىر ميلليارد 230 ميلليون يۋان قارجى قوسىلىپ، جىلدىق قارجى قوسۋ جوسپارىنىڭ ％75ى ورىندالدى. مول سۋتەگى - كومىرتەگى اينالىم دومنا پەشى 3 - مەرزىمدىك ينجەنەرياسىنىڭ قىزدىرۋ نىسانى، مىرىش قۇرامدى شاڭ - بالشىقتى كەشەندى پايدالانۋ نىسانى سياقتى ءبىر توپ ءتۇيىندى نىسانداردىڭ قۇرىلىس جۇرگىزۋ اياق الىسى ％95تىڭ ۇستىندە بولدى.
مەملەكەت ينفورماتسيا ورتالىعى مەجە جاساۋ ءبولىمى كاسىپ سالاسى كەڭسەسىنىڭ مەڭگەرۋشىسى ۋي چيجيا مىنالاردى ءبىلدىردى: شينجياڭ شىعىس بولىك وڭىرلەرىنىڭ كاسىپ سالاسىن ويىستىرۋىن قابىلداۋدا اسا ۇلكەن كەڭىستىككە جانە باتىسقا قاراي حالىقارالىق بازارعا ءورىس اشۋدا وڭىرلىك ابزالدىلىققا يە. كوپتەگەن ولكە، قالالار اناعۇرلىم كوپ كاسىپ سالاسىن شينجياڭعا كوشىرۋدى، ويىستىرۋدى بەلسەنە جەبەپ، كاسىپ سالاسى قۇرىلىمىن ساپالىلاندىرۋ، بازار ءورىسىن كەڭەيتۋمەن بىرگە، شينجياڭعا اناعۇرلىم كوپ قارجى قوسۋ ورايىن دا الا كەلەدى.
بيىل اۆتونوميالى رايوندىق حالىق ۇكىمەتى «توقىماشىلىق، كيىم - كەشەك سياقتى ەڭبەككۇش شوعىرلى كاسىپ سالاسىنىڭ ويىسۋىن جەدەل قابىلداپ، جۇمىستاندىرۋدى جەبەۋ تۋرالى اتقارۋ پىكىرى جونىندەگى حابارلاندىرۋدى» باسىپ تاراتىپ، توقىماشىلىق، كيىم - كەشەك سياقتى ەڭبەككۇش شوعىرلى كاسىپ سالالارىنىڭ باستاپقى وڭدەۋدى نەگىز ەتۋدەن عىلىم - تەحنيكانى، جاڭاشالىقتى، جاسىلدىقتى بەتالىس ەتكەن تۇتاس كاسىپ سالاسى تىزبەگىنە قاراي بۇرىلىس جاساۋىن ىلگەرىلەتىپ، كاسىپ سالاسىنىڭ ساپانى جوعارىلاتىپ، ونىمدىلىكتى ارتتىرۋىن جەبەدى. وسىنىڭ اسەرىمەن الدىڭعى ءۇش ماۋسىمدا توقىماشىلىق كاسىبىنە قوسىلعان قارجى سايكەس مەزگىلدەگىدەن ％9. 31 ارتتى.
جاڭا ەنەرگيا، جاڭا ماتەريال سياقتى ستراتەگيالىق جاڭادان كوركەيگەن كاسىپ سالالارىن ايتار بولساق، تاياۋ جىلدان بەرى شينجياڭ بايلىق ارتىقشىلىعى مەن وڭىرلىك ورىن باسىمدىلىعىن تياناق ەتىپ، تىزبەكتى ۇزارتۋدى وزەك ەتىپ، ەرەكشە، باسىمدىعى كورنەكتى، كاسىپ سالاسىنىڭ ورنالاسۋى ۇيلەسىمدى ستراتەگيالىق جاڭادان كوركەيگەن ءبىر توپ كاسىپ سالاسى شوعىرىن جوعارى ولشەممەن قۇردى ءارى ”سەگىز ءىرى كاسىپ سالاسى شوعىرى“ ويىن العا قويدى. شينجياڭدا الدىڭعى ءۇش ماۋسىمدا جۇمىس باستاعان 100 ميلليون يۋاننىڭ ۇستىندەگى كەلەلى نىساندار تىزىمىندە دە قاتىستى كاسىپ سالاسى نىساندارى از ەمەس، ونىڭ ۇستىنە جۇمىس باستاپ قۇرىلىس جۇرگىزۋ اياق الىسى دا ءبىرشاما تەز بولدى. ايتالىق، شينجياڭ جۇڭتاي جاڭا ماتەريالدار جارنا شەكتى سەرىكتەستىگىنىڭ بايلىققا اينالدىرىپ كەشەندى پايدالانۋ ارقىلى كاربينول جاساۋ دارەجەسىن كوتەرۋدەن ۇلگى كورسەتۋ نىسانى 7 - كەزەكتى جۇڭگو − ازيا − ەۆروپا كورمەسىندە كەلىسىمگە قول قويعانىنا كوپ وتپەي جاتىپ - اق، توقسۇن اۋدانىنا ىرگە تەۋىپ، نىسان قۇرىلىسىن رەسمي باستادى.
نازار اۋدارۋعا تاتيتىنى، تەحنيكانى جاڭالاۋ تەبىنىن ارتتىرۋ ونەركاسىپكە قارجى قوساتىن كوپتەگەن سالانىڭ ورتاق تاڭداۋىنا اينالۋدا. 2021 - جىلى باگاڭ بۇكىل شينجياڭ بويىنشا لاس زاتتاردى بارىنشا از شىعاراتىن جەلىلەس جاڭالاۋ ينجەنەرياسىن ەڭ الدىمەن باستاپ جۇرگىزىپ، باسقىشقا، دارەجەگە ءبولىپ اتقارۋ پرينسيبى بويىنشا ىركەس - تىركەس ىلگەرىلەتتى. مۇندا 2022 - جىلى لاس زاتتاردى بارىنشا از شىعاراتىن جاڭالاۋدى ىلگەرىلەتۋ نىسانىنان جالپى 74ىن باستاپ، 2023 - جىلى 8 - ايدا وتكىزىپ بەرۋدى جوسپارلاپ وتىر.
شۇي جاۋيۋان تىلشىگە بىلاي دەدى: كەزەكتە مەملەكەتتىڭ شەشۋشى سالالارداعى جابدىقتاردى جاڭالاۋدى، وزگەرتۋدى ىلگەرىلەتۋ ساياساتىنىڭ قولداۋىمەن جاساۋ كاسىبىنە قارجى قوسۋ سالىستىرماسىندا شامامەن 4 ۇلەستى ۇستايتىن تەحنيكانى جاڭالاۋعا قارجى قوسۋ سۇرانىسى ءۇرتىس جارىققا شىعۋدا. شينجياڭنىڭ ونەركاسىپ قۇرىلىمى دا قازىر جاڭا، كونە قوزعالىس قۋاتتارىن اۋىستىراتىن ۇدەۋ مەرزىمىندە تۇر، بولاشاقتا جابدىقتاردى جاڭالاۋ، ەنەرگيا ونىمدىلىگىن جوعارىلاتۋ، ەنەرگيانى تازا پايدالانۋ سياقتى جاقتاردا تەحنيكانى جاڭالاۋعا قارجى قوسۋ تەبىنى ءالى دە ارتا تۇسەتىن بولادى.
ءتورتىنشى ماۋسىمداعى شەشۋشى مەزگىلدى قاۋىرت يگەردى
قازىر شينجياڭنىڭ جەر - جەرى شەشۋشى، اتوي سالۋ مەزگىلىنە ءوتتى. ءتورتىنشى ماۋسىمداعى ەكونوميكانىڭ تۇتاس جىلداعى ۇلەس سالماعى ەڭ اۋىر، سونىمەن بىرگە ەكونوميكانىڭ قايتا ارتۋ كۇيىن ءۇرتىس بەكەمدەيتىن تەرەزەلىك مەزگىل، شەشۋشى مەزگىل. 10 - ايدىڭ 21 - كۇنى اۆتونوميالى رايوندىق دامۋ جانە رەفورما كوميتەتى ماڭىزدى نىساندارعا ءونىمدى قارجى قوسۋدى ىلگەرىلەتۋدى سايكەستىرۋ مەحانيزمىنىڭ 10 - رەتكى ءماجىلىسىن ۇيىمداستىرىپ اشقاندا، جىل باسىندا جاسالعان قارجى قوسۋ نىسانا - مىندەتتەرى بويىنشا ءتورتىنشى ماۋسىمدا ورىنداپ بولۋعا ءتيىستى قارجى قوسۋ مىندەتتەرىن ايقىنداپ، ناقتى زات قىزمەت مولشەرىن كوبىرەك ورىنداۋدى العا قويدى.
”نىسان قارجىسىن تولەۋ مولشەرىن تومەندەتپەۋدى قامتاماسىز ەتتى. جەر - جەردىڭ، تاراۋلاردىڭ كۇندەلىكتى باقىلاۋ - باسقارۋ جاۋاپكەرشىلىگىن ويداعىداي اتقارۋىنا قۋزاۋ سالىپ، ءتۇرلى قازىنالىق قاراجاتتى جانە قوردى پايدالانۋ جاعدايىن مەرزىم سايىن ىڭعايلاپ، قارجىنى پايدالانۋ ونىمدىلىگىن شىنايى جوعارىلاتتى“، - دەدى جاڭ يۇڭلياڭ.
كەزەكتە شينجياڭ مەملەكەتتىڭ جاساۋ كاسىبىنە ورتا، ۇزاق مەرزىمدىك قارىز اقشا بەرۋ ساياساتىنىڭ يگىلىگىنەن بەلسەنە، ويداعىداي پايدالانىپ، فينانس قۇرىلىمدارىن ءونىمدى سەنىمدى امانات - قارىز اقشا قاجەتىن جوعارى ونىمدىلىكپەن ۇشتاستىرىپ، ءتورتىنشى ماۋسىمدا ۇسىنىلىم تەبىنىن ارتتىرۋعا قۋزادى.
ۋي چيجيا بىلاي دەپ اتاپ كورسەتتى: شينجياڭ الدىڭعى جارتى جىلدا ءبىر قىدىرۋ ەكونوميكانى ورنىقتىرۋ شاراسىن بەلسەنە تياناقتاندىردى ءارى قاتىستى ۇلاسپالى ساياساتتاردى شىعاردى، قازىر ساياساتتىڭ يگىلىگىنە كەنەلەتىن جانە قارجى قوسۋ نىساندارىنىڭ تياناقتانىپ ونىمدىلىك كورسەتەتىن مەزگىلدە تۇر، شينجياڭنىڭ ءتورتىنشى ماۋسىمدا، اۋەلى، كەلەر جىلدىڭ العاشقى جارتى جىلىندا دا ەكونوميكاسى ءبىرشاما جاقسى ارتۋدى ساقتايدى دەپ مەجەلەنۋدە، الايدا ىندەتتىڭ قايتا ورشۋىنەن تۋىندايتىن تۇراقسىزدىق فاكتورلارىنان قىراعى بولۋعا، توتەپ بەرۋ تاكتيكالارىن دايىنداۋدى ويداعىداي ىستەۋگە تۋرا كەلەدى.
كەلەسى ساتىدا شينجياڭ جەتەكشىلىك ەتۋدى، كومەكتەسىپ سۇيەمەلدەۋدى كۇشەيتىپ، ونەركاسىپ سالاسىنداعى 50 ءتۇرلى كەلەلى ونەركاسىپ نىسانى قۇرىلىسى بارىسىندا كەزدەسكەن، تۇساۋ بولاتىن قيىنشىلىق پەن ماسەلەلەردى كۇش سالا شەشىپ، نىسانداردىڭ تۇتاس جىلدىق قارجى قوسۋ جوسپارىنىڭ نورمادان اسىرا ورىندالۋىن ىلگەرىلەتەدى؛ مۇناي، مۇناي حيميا، كومىر، كومىر حيميا ونەركاسىبى، ەلەكتر، ءتۇستى مەتال، جابدىق جاساۋ سياقتى ابزال كاسىپ سالالارىنىڭ تىزبەگىن ۇزارتۋدى، تىزبەگىن تولىقتاۋدى، تىزبەگىن كۇشەيتۋدى ءبىر تۇتاس جوسپارلاپ ىلگەرىلەتىپ، جاسىل، تومەن كومىر قىشقىل گازدى بولۋعا قاراي بۇرىلىس جاساۋعا تاباندى بولادى؛ سيفرلى ەكونوميكانى كۇش سالا دامىتىپ، كاسىپ سالاسىنىڭ شوعىرلانۋىن، شوعىرلانا دامۋىن جەدەل ىلگەرىلەتىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋدى جانە تيبىن جاڭالاپ، دارەجەسىن جوعارىلاتۋىن تىنباي ىلگەرىلەتەدى.
