رايونىمىزدا كوپ جاق بىرلەسىپ قيمىلداپ، بۇقارانىڭ ىندەتكە قاتىستى ءبىرتالاي تالاپ - تىلەكتەرىن شەشتى
□ انار بۇلت \ شينجياڭ گازەتىنىڭ ءتىلشىسى حۋ دامين
”مەن ’انار بۇلت 12345 كەڭەس سۇراۋ‘ لەبىز تاقتاسىندا ازاماتتىق كۋالىگىمدى تولىقتاپ ءبىتىرۋ تالاپ - تىلەگىمدى اڭىس ەتكەننەن كەيىن، ازاماتتىق كۋالىگىم تەز ارادا ءبىتىرىلدى، الەۋمەتتىك اۋماقتاعى حالىق ساقشىسى تولىقتاپ بىتىرىلگەن ازاماتتىق كۋالىگىمدى ۇيگە دە اكەلىپ بەردى، قىزمەت وتەۋىنە ءدان ريزا بولدىم“. 11 - ايدىڭ 9 - كۇنى ازاماتتىق كۋالىكتى تولىقتاپ ءبىتىرۋ ءىسىن اۋىزعا العاندا، ءۇرىمجى قالاسىنىڭ تۇرعىنى ارۋنا جانات فۋنكتسيالىق تاراۋلاردىڭ جان اشىرلىقپەن قىزمەت وتەگەنىنە قايتا - قايتا القاۋ ايتتى.
ىندەت كەزىندە بۇقارا ينتەرنەتتە لەبىز قالدىرۋ، 12345 اكىمشىلىك ىستەرگە قىزمەت وتەۋ حالىققا قولايلى ىستىق لەنياسىنا تەلەفون بەرۋ، قاتىستى تاراۋلاردان كومەك سۇراۋ سياقتى كوپ ءتۇرلى ءتاسىل ارقىلى قيىنشىلىقتارىن، تالاپ - تىلەكتەرىن اڭىس ەتتى، رايونىمىزداعى جەر - جەر، تاراۋلار بەلسەنە، ىرىقتىلىقپەن ىسكەرلىك كورسەتىپ، بەلسەنە سايكەسىپ، كوپ جاق بىرلەسىپ قيمىلداپ، بۇقارانىڭ ىندەتكە قاتىستى ءبىرتالاي تالاپ - تىلەكتەرىن شەشىم ەتتى.
ارۋنانىڭ ازاماتتىق كۋالىگىنىڭ ۋاقىتى تولعان، ازاماتتىق كۋالىگىنىڭ ۋاقىتى ءوتىپ كەتىپ تۇرمىسىنا ىقپال جەتۋىنەن الاڭداعان ول تاياۋدا ”انار بۇلت 12345 كەڭەس سۇراۋ“ لەبىز تاقتاسىندا كومەك سۇرادى، ”لەبىزىم جاريالانعاننان كەيىن، ءۇرىمجى قالاسىنىڭ قاتىستى تاراۋلارىنداعى قىزمەتكەرلەر ماعان حابارلاسىپ، ناقتى جاعدايىمدى ۇعىستى ءارى تالاپ - تىلەگىمدى جۇمىس بىتىرەتىن ورىنعا جەتكىزدى“، - دەدى ارۋنا، - ءۇرىمجى قالاسى سايباق رايونى ياڭزىجياڭ جولى ءمالىسى شينحۋا الەۋمەتتىك اۋماعىنىڭ حالىق ساقشىسى ىلە - شالا مەنىمەن حابارلاسىپ، تەز ارادا كومەكتەسىپ ءبىتىرىپ بەرەتىندىكتەرىن ايتتى. ”2 كۇننەن كەيىن، الەۋمەتتىك اۋماقتىڭ حالىق ساقشىسى جاڭادان بىتىرىلگەن ازاماتتىق كۋالىگىمدى ۇيىمە اكەلىپ بەردى، مەن ايرىقشا اسەرلەندىم“.
”الەۋمەتتىك اۋماق كادرى ءتۇن جارىمىندا جەدەل جەتكىزۋ سەرىكتەستىگىنىڭ زات اينالىمى قامباسىنا بارىپ، اكەمنىڭ ميعا قان قۇيىلۋىن ەمدەۋگە شۇعىل قاجەتتى ءدارىسىن اكەلىپ قولىمىزعا تابىس ەتتى“، - دەدى 11 - ايدىڭ 9 - كۇنى ءۇرىمجى قالاسى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) حۋامەي ۋىنشۋان شاعىن اۋماعىنداعى ياڭ چيڭچيڭ، - اكەم ميىنا قان قۇيىلۋى سەبەپتى وپەراتسيا جاساتقان، قازىر ءدارى ءىشىپ ەمدەلەدى. تاياۋدا ينتەرنەتتەن اكەمە ساتىپ العان دارىلەر ءۇرىمجى قالاسىنىڭ سولتۇستىگىندەگى ءبىر زات اينالىمى قامباسىندا باسىلىپ قالىپتى.
ياڭ چيڭچيڭ جەدەل جەتكىزۋ سەرىكتەستىگىمەن حابارلاسىپ، ءدارىنىڭ اتىن جانە تاپسىرىس ءنومىرىن ايتقاننان كەيىن، قىزمەتكەرلەر نەشە مىڭداعان جەدەل جولداما قوراپتارىنىڭ اراسىنان ول ساتىپ العان ءدارىنى تاۋىپ العانىمەن، ىندەت سەبەبىنەن شاعىن اۋماققا جەتكىزۋگە لاجىسىز قالادى. ياڭ چيڭچيڭ ىلە - شالا ءوزى قاراستى قاشقار شىعىس جولى ءمالىسى ۋىنشۋان الەۋمەتتىك اۋماعىنان كومەك سۇرايدى، ”الەۋمەتتىك اۋماق كادرى يان شياۋشين ماعان حابارلاسىپ، زات اينالىمى قامباسىنىڭ ناقتى ادرەسىن سۇراعاننان كەيىن، سول كۇنى كەشتە زات اينالىمى قامباسىنا بارىپ ءدارىنى الىپ، ۇيىمىزگە جەتكىزىپ بەرىپ، ويداعىداي قىزمەت وتەدى“.
”مەن قۇلجا قالاسى دادامتۇ قالاشىعى تومەنگى نوعايتى قىستاعى پارتيا ياچەيكاسىنىڭ شۋجيى تيان يۇڭچياڭعا ماراپات ايتامىن، ونىڭ كومەگىمەن قىزىمنىڭ سۋىقتان قورعاناتىن قىستىق كيىم ماسەلەسى شەشىلدى“. 11 - ايدىڭ 9 - كۇنى قورعاس اۋدانى شىندىقوزى قالاشىعىنىڭ تۇرعىنى جاڭ جيڭجيڭ تەلەفوندا تىلشىگە بيىل جازعى دەمالىستا 6 جاستاعى قىزىنىڭ تومەنگى نوعايتى قىستاعىنداعى اتا - اجەسىمەن بىرگە تۇرۋعا كەتكەندىگىن، ىندەتتىڭ ىقپالىنا ۇشىراعاندىقتان، قىزىنىڭ قايتىپ كەلە الماعاندىعىن ايتتى. 11 - ايدىڭ 5 - كۇنى اۋا رايىنىڭ سۋىتا باستاعاندىعىن كورىپ، قىزىنا سۋىق تيۋدەن الاڭداعان جاڭ جيڭجيڭ ىلە قازاق اۆتونوميالى وبلىسىنىڭ 12345 اكىمشىلىك ىستەرگە قىزمەت وتەۋ حالىققا قولايلى ىستىق لەنياسىنا تەلەفون بەرىپتى، ”مەنىڭ تالاپ - تىلەگىمنەن حابارلى بولعاننان كەيىن، تيان يۇڭچياڭ شۋجي مەنىمەن حابارلاسىپ، بەلسەنە اۆتوكولىك جانە ادام ورنالاستىرىپ، قاراۋىل تۇيىنىنە بارىپ بالامنىڭ كيىم - كەشەگىن الىپ، سول كۇنى جەتكىزىپ بەردى“.
”بۇقارانىڭ تالاپ - تىلەگى بولسا، ءبىز قاشاندا تاباندا لاجىن تاۋىپ شەشەمىز“، - دەدى تيان يۇڭچياڭ تەلەفوندا تىلشىگە، - ىندەت كەزىندە مەن ءار كۇنى بۇقارانىڭ قيىنشىلىعىن، تالاپ - تىلەگىن اڭىس ەتكەن تەلەفونىن قابىلدايمىن، باستىسى، ۇيلەرىندە كۇرىش، ۇن، ماي، كوكونىس تاپشىلىعى، سونداي - اق اۋىل شارۋاشىلىعى ءوندىرىسى، اۋرۋ كورسەتۋ سياقتى جاقتاردا جولىققان قيىنشىلىقتارى اڭىس ەتىلدى، سايكەستىرۋ ارقىلى بۇقارانىڭ وسى قيىنشىلىقتارىنىڭ، تالاپ - تىلەكتەرىنىڭ باسىم كوپ ساندىسى تۇگەلدەي شەشىم تاپتى.
شيحۋ قالاسى شىچياۋ اۋىلى تيەجيازى قىستاعىنىڭ تۇرعىنى فىڭ يانشىڭ كوكونىستەرىنىڭ ساتىلماي قالعاندىعىن اڭىس ەتكەننەن كەيىن، قىستاق تۇرعىندارى كوميتەتىندەگى كادرلار كوپ جاقپەن سايكەسىپ، قىستاق تۇرعىندارىنىڭ 250 توننا كوكونىسىن ساتۋىنا كومەكتەستى؛ قۇلجا قالاسىنىڭ تۇرعىنى رىن مىرزا وتباسىنداعى قيىنشىلىعىن اڭىس ەتكەننەن كەيىن، ول قاراستى بەيجيڭ جولى ءمالىسى ۋتۇڭ ليجيڭ الەۋمەتتىك اۋماعىنىڭ كادرى ونىڭ كومەك اقشانى ءوتىنىش ەتىپ الۋىنا كومەكتەستى؛ ءۇرىمجى قالاسىنداعى توراپتاس ”بياۋياڭشين“ اۋرۋ كورسەتۋدىڭ قيىن بولۋىن اڭىس ەتكەننەن كەيىن، ول قاراستى شۇيموگوۋ رايونى شۇيتاشان ءمالىسى حۋايۋان الەۋمەتتىك اۋماعىنىڭ كادرى دەرەۋ اۆتوكولىك ورنالاستىرىپ ونى شيپاحاناعا جەتكىزىپ، اۋرۋىن كورسەتتى؛ توراپتاس ”شينلي الەۋمەتتىك اۋماعىنىڭ تۇرعىنى“ اكەسىنىڭ شۇعىل قاجەتتى ءدارى - دارمەك ساتىپ الۋىن اڭىس ەتكەننەن كەيىن، ول قاراستى ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) گاڭچىڭ ءمالىسى شينلي الەۋمەتتىك اۋماعىنىڭ كادرى ونىڭ قاجەتتى ءدارىنى ساتىپ الۋىنا كومەكتەستى... بىرنەشە كۇننەن بەرى بۇقارانىڭ ءتۇرلى ارنالار ارقىلى اڭىس ەتكەن قاتىستى تالاپ - تىلەكتەرى، قاراستى الەۋمەتتىك اۋماقتىڭ (قىستاق) جانە قاتىستى تاراۋلاردىڭ سايكەستىرۋىمەن، بۇقارانىڭ ءبىرتالاي شۇعىل، قيىن، ۋايىمداعان، ءزارۋ ىستەرى شەشىم تاپتى.
ءۇرىمجى قالاسىنداعى توراپتاس ”يشى“ ”انار بۇلت 12345 كەڭەس سۇراۋ“ لەبىز تاقتاسىندا: ”مەن لەبىز تاقتاسىندا كوكونىس بۋماسىمەن، ەت بۋماسىمەن، كۇرىشپەن، ۇنمەن، مايمەن، جۇمىرتقامەن، سۇتپەن قامداۋ ماسەلەسىن اڭىس ەتكەننەن كەيىن، تاياۋدا قامداۋدى قامتاماسىز ەتۋ ونىمدىلىگى كورنەكتى جوعارىلادى، 3 كۇندە 2 رەت كوكونىس بۋماسىمەن، 5 كۇندە 2 رەت سيىر سۇتىمەن، ايرانمەن قامدادى. وسى ورايدا الەۋمەتتىك اۋماق كادرلارىن القايمىن ءارى ولارعا العىس ايتامىن، وسىنداي قىسىلتاياڭ ساتتە، كوپشىلىك ىنتىماقتاسا ءبىلۋى كەرەك. سونىمەن بىرگە قالا تۇرعىندارىن اناعۇرلىم جوعارى دەڭگەيمەن ىندەتتى جەڭۋدىڭ قۋاتتى بىرىككەن كۇشىن ۇيىستىرۋعا ۇندەيمىن“، - دەپ لەبىز قالدىرىپتى.
ەكى ولشەمدى كودتى جايمالاپ، انار بۇلت كليەنتىن ءتۇسىرىپ نەمەسە تيانشان سايتىنا شىعىپ، لەبىز تاقتاسىنا كىرىڭىز
