اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىن جەتكىزدى، دايەكتىلەندىردى
باتىل، كەسىمدى بولىپ، دالمە - ءدال ساقتانىپ - تىزگىندەپ، كۇشتى شوعىرلاندىرىپ، ءتۇيىندى وڭىرلەردەگى ىندەتتى جويۋ شايقاسىنىڭ جەڭىسىنە قول جەتكىزۋ كەرەك
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 11 - ايدىڭ 11 - كۇنى تۇستەن كەيىن كەڭەيتىلگەن ءماجىلىس اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىن مۇقيات جەتكىزدى، ۇيرەندى، دايەكتىلەندىردى، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندەگى مەملەكەتتىك تەلەۆيزور - تەلەفون ءماجىلىسىنىڭ ورنالاستىرۋلارىن، تالاپتارىن تياناقتاندىردى، رايونىمىزدىڭ دايەكتىلەندىرۋ، تياناقتاندىرۋ قىزمەتىن اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ ءارى ماڭىزدى ءسوز سويلەپ، كەزەكتەگى ىندەتتەن ساقتانۋ - تىزگىندەۋ جاعدايىنا ىشكەرىلەي تالداۋ جاساپ، ساقتانۋ - تىزگىندەۋ قىزمەتىن ونان ارى ساپالىلاندىرۋدىڭ 20 تارماقتى شاراسى جونىندە ماڭىزدى ورنالاستىرۋ جاساپ، ايقىن تالاپ قويىپ، ءبىزدىڭ ىندەتتەن ساقتانۋ - تىزگىندەۋ قىزمەتىن عىلمي، دالمە - ءدال ويداعىداي ىستەۋىمىزگە العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى. ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ ادالدىقپەن امالياتتا ايگىلەپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، يدەيا مەن ارەكەتتى جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن شىنايى بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تولىق، دالمە - ءدال، جاپپاي دايەكتىلەندىرىپ، تياناقتاندىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا بۇلجىماي تاباندى بولىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسىن مىزعىماس تاباندىلىقپەن تياناقتاندىرىپ، ”يكەمدى نولگە ءتۇسىرۋ“ باس باعىتىن مىزعىماس تاباندىلىقپەن دايەكتىلەندىرىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ تالابى بويىنشا، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ”20 تارماقتى شارانى“ تياناقتاندىرىپ، ءۇرىمجى قالاسىن ءتۇيىن ەتكەن ىندەتتى جويۋ شايقاسىنىڭ جەڭىسىنە باتىل قول جەتكىزۋ كەرەك.
ءماجىلىس مىنالاردى اتاپ كورسەتتى: قازىر رايونىمىزدا ىندەتتەن ساقتانۋ - تىزگىندەۋدىڭ جالپى جاعدايى ۇزدىكسىز جاقسارۋدا، اسىرەسە، ءۇرىمجى قالاسىنداعى ساقتانۋ - تىزگىندەۋدىڭ ونىمدىلىگى اناعۇرلىم كورنەكتىلەندى. سونىمەن بىرگە، ەل ىشىندە جاڭادان تۋىلعان ىندەت جاعدايى ۇزدىكسىز بەلەڭ بەرۋدە، شينجياڭدا ىندەت ءالى دە بەلگىلى كولەمدە تۋىلۋدا، قايتا بەلەڭ بەرۋدەن ساقتانۋ، تارالۋدان ساقتانۋ سياقتى جاقتاردا ءالى دە ماشاقاتتى مىندەتكە ءدوپ كەلىپ وتىرمىز. وعان قوسا، قىس، كوكتەم ماۋسىمدارىنداعى كليمات فاكتورى سياقتىلاردىڭ ىقپالىنان، بۇكىل رايوندا ىندەتتىڭ تارالۋ اۋماعى مەن كولەمىندە ۇلعايۋ حاۋپى ورىن تەبۋدە، ساقتانۋ - تىزگىندەۋ جاعدايى ءالى قاتاڭ دا كۇردەلى. وتە - موتە، ساقتانۋ - تىزگىندەۋ قىزمەتىندە ءىشىنارا جەرلەردە جالپى جاقتى ءبىر تۇتاس يگەرۋ قابىلەتىنىڭ ايتارلىقتاي كۇشتى بولماۋى، شارالاردىڭ ايتارلىقتاي عىلمي، دالمە - ءدال بولماۋى، بۇقارانىڭ قيىنشىلىعىن، تالاپ - تىلەگىن شەشۋدىڭ جەتەرسىز بولۋى، ىركىلىسسىزدىككە كەپىلدىك ەتۋ قىزمەتىنىڭ ويداعىداي بولماۋى سياقتى ماسەلەلەر مەن ولقىلىقتار ورىن تەبۋدە، بۇلار اناعۇرلىم زور كۇش سالىپ شەشۋدى قاجەت ەتەدى. ءار دارەجەلى تاراۋلار ىندەتكە قارسى اتتانۋ كۇرەسىنىڭ كۇردەلىلىگىن، جاپالىلىعىن، قايتالامالىلىعىن جەتە تانىپ، ستراتەگيالىق تاباندىلىقتى ساقتاپ، تاباندىلىق − جەڭىس دەگەندى ەستە بەرىك ساقتاپ، اناعۇرلىم كۇشتى ساياسي جاۋاپكەرشىلىك سەزىممەن ىندەتتەن ساقتانۋ - تىزگىندەۋدى مىقتاپ، بەرىك يگەرىپ، ”يكەمدى نولگە ءتۇسىرۋدى“ ساقتانۋ - تىزگىندەۋدىڭ جالپى بارىسىندا شىنايى دايەكتىلەندىرىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن ەڭ زور دارەجەدە قورعاپ، ىندەتتىڭ ەكونوميكالىق، قوعامدىق دامۋعا ىقپالىن ەڭ جوعارى شەكتە ازايتۋ كەرەك.
ءماجىلىس مىنالاردى باسا دارىپتەدى: ءار دارەجەلى پارتيا، ۇكىمەت ورىندارىنىڭ نەگىزگى باسشىلارى ساياسي دەڭگەيدى شىنايى جوعارىلاتىپ، اركىم ءوز جاۋاپكەرشىلىگىن ءبىلىپ، اركىم ءوز جاۋاپكەرشىلىگىن ادا ەتىپ، سايلاۋىت كۇشپەن شايقاسقا اتتانىپ، ”بەيعامدىققا سالىنۋدان“ باس تارتىپ، نەگىزگى ساتىعا ىشكەرىلەي ارالاسىپ، الدىڭعى شەپكە ىشكەرىلەي ارالاسىپ، بايلىقتى، كۇشتى شوعىرلاندىرىپ، ءتۇيىندى وڭىرلەردەگى ىندەتتى جويۋ شايقاسىنىڭ جەڭىسىنە قول جەتكىزۋ كەرەك. ءۇرىمجى سياقتى ءتۇيىندى وڭىرلەر اناعۇرلىم باتىل، كەسىمدى شارا قولدانىپ قامال الىپ، ءتۇرلى مىندەتتەردىڭ تياناقتانۋىن تىڭعىلىقتى ىلگەرىلەتىپ، قوعامدىق جاقتا ”ءسۇزىپ الىپ، ەكشەپ تازارتۋدى“، قالىپتى ءتارتىپتى قالپىنا كەلتىرۋدى جەدەلدەتۋ كەرەك، كۇتىپ وتىرۋعا، قاراپ تۇرۋعا، اركىم ءوز بىلگەنىن ىستەۋگە استە بولمايدى. باسقا وڭىرلەر ”ءتورت ەرتە بولۋ“ تالابىن تياناقتاندىرىپ، تەز تارالعان ىندەتتى جەدەل تىزگىندەپ، جاڭادان تۋىلعان ىندەت جاعدايىن شاپشاڭ، باتىل جويىپ، شەپتىڭ كەڭەيۋىنەن، ۋاقىتتىڭ ۇزارۋىنان باتىل ساقتانۋ كەرەك. ساقتانۋ - تىزگىندەۋدىڭ عىلميلىعىن، دالدىگىن، ونىمدىلىگىن ۇزدىكسىز جوعارىلاتىپ، تالداۋ جاساۋدى، تۇجىرىمداۋدى كۇشەيتىپ، شارالاردى رەتتەۋدى ساپالىلاندىرىپ، تەكسەرىپ سارالاۋدى ارناعا ءتۇسىرىپ جانە كەمەلدەندىرىپ، تىعىز جاناسۋشىلاردى دەر كەزىندە، ءدال تۇجىرىمداپ، حاۋىپ - قاتەرى بويىنشا اۋماقتارعا ءبولۋدى قاتايتىپ، باسقارۋ - تىزگىندەۋگە الىنعانداردى ەڭ جوعارى شەكتە ازايتىپ، اۋاشالاۋعا اپارۋ، ادامداردىڭ اعىلۋى، مەديتسينالىق قىزمەت وتەۋ، ۆاكسينا ەگۋ سياقتى جاقتاردا اناعۇرلىم دالمە - ءدال شارالار قولدانىپ، قاراپايىمداستىرۋ، ”ءبىر شىبىقپەن ايداۋ“، ساتى - ساتى بويىنشا اۋىرتپالىق قوسۋ سياقتى تاسىلدەردى شىنايى تۇزەتۋ كەرەك. ءار ۇلت بۇقاراسىنىڭ ءوندىرىسىن، تۇرمىسىن بار كۇشپەن قامتاماسىز ەتىپ، تۇرمىستىق زاتتىق ماتەريالدارمەن قامتاماسىز ەتۋ قىزمەتى ارناۋلى ءبانىن كۇشەيتىپ، جەتكىزۋدى، زاپاس ساقتاۋدى جانە دەر كەزىندە جوعارى ونىمدىلىكپەن ۇلەستىرۋدى كۇشەيتىپ، اۋرۋ كورسەتۋ، ەمدەلۋ ارناسىن ىركىلىسسىزدەندىرىپ، جاي ناۋقاستار مەن ەرەكشە ناۋقاستاردىڭ ەمدەلۋ قاجەتىن بار كۇشپەن قامتاماسىز ەتىپ، بۇقارانىڭ قيىنشىلىعىن، تالاپ - تىلەگىن اقساتپاي ءبىتىرۋ، قاداعالاي ءبىتىرۋ، قۋزاپ ءبىتىرۋ سەرپىنىن ارتتىرىپ، ساياسات - شارالاردى ۇگىتتەۋدى، ءتۇسىندىرۋدى ويداعىداي ىستەپ، بۇقارانى ىندەتتەن ساقتانۋعا تۇسىنىستىكپەن قاراۋعا، قولداۋ كورسەتۋگە، سايكەسۋگە جەتەكتەۋ كەرەك. ءار دارەجەلى پارتكوم مەن ۇكىمەتتىڭ، ءار دارەجەلى ساقتانۋ - تىزگىندەۋ مەحانيزمىنىڭ، نەگىزگى ساتىداعى ساقتانۋ - تىزگىندەۋ الدىڭعى شەبىنىڭ قابىلەت دەڭگەيىن ۇزدىكسىز جوعارىلاتىپ، تانىم جەتكىلىكسىز، دايىندىق تاپشى، قىزمەت ولقى بولۋ سياقتى ماسەلەلەردى باتىل جەڭىپ، جاۋاپكەرسىزدىك پوزيتسياعا باتىل قارسى تۇرىپ، فورماشىلدىقتى، تورەشىلدىكتى باتىل الاستاپ، اناعۇرلىم ناقتى قىزمەت، اناعۇرلىم قاتاڭ ستيل ارقىلى ىندەتتى جويۋ شايقاسىنىڭ جەڭىسىنە قول جەتكىزۋ كەرەك.
ءماجىلىس، سونداي - اق، بوگەلىپ قالعانداردىڭ شينجياڭنان شىعۋ جانە ىندەتتىڭ سىرتقا جايىلۋىنان ساقتانۋ قىزمەتى، وڭتۇستىك شينجياڭداعى 4 ايماق - وبلىستاعى ىندەتتەن ساقتانۋ - تىزگىندەۋ جاعدايى جونىندەگى مالىمەتتى ارنايى تىڭدادى. ءماجىلىس مىنالاردى باسا دارىپتەدى: ”ءبىر تۇتاس جۇيە“ يدەياسىن بەرىك ورناتىپ، ىندەتتىڭ سىرتقا جايىلۋىنان جانە سىرتتان كىرۋىنەن ساقتانۋ - تىزگىندەۋ تورىن مىقتاپ ورناتىپ، بوگەلىپ قالعانداردىڭ شينجياڭنان شىعۋ قىزمەتىن سايكەستىرۋ مەحانيزمىن كەمەلدەندىرىپ، قاتىستى ولكە، رايون، قالالارمەن ۇشتاسۋدى كۇشەيتىپ، شينجياڭنان شىعاتىنداردى ساراپتاۋدى، تەكسەرىپ بەكىتۋدى قاتايتىپ، دارەجەگە، توپقا ءبولىپ، ءتارتىپتى ۇيىمداستىرىپ، تەكسەرىپ ءبىر - بىردەن اداقتاۋدى، ”تۇيىننەن - تۇيىنگە“ اۋىستىرىپ تاسىمالداۋدى، حاۋىپسىزدىك بويىنشا ساقتانۋ - قورعانۋدى جانە زات تاسىمالداۋشىلار، ءوز كولىگىمەن جۇرەتىندەر سياقتى ادامدارعا قاتىستى قاتاڭ ساقتانىپ - تىزگىندەۋدى، ولاردى ەگجەي - تەگجەيلى باسقارۋدى، ولارعا قىزمەت وتەۋدى كورنەكتىلەندىرە ويداعىداي يگەرىپ، جالپى بارىستىق جابىق اينالىمدى باسقارۋدى كۇشەيتىپ، شينجياڭنان شىعاتىنداردىڭ مەجەلى جەرلەرىنە حاۋىپسىز جەتۋىنە شىنايى كەپىلدىك ەتۋ كەرەك. وڭتۇستىك شينجياڭداعى 4 ايماق - وبلىس باسا ءمان بەرىپ، بارىنشا ساق بولىپ، ايرىقشا جاۋاپكەرشىلىك كورسەتىپ، ءتۇرلى شارالاردى قاتاڭ تياناقتاندىرىپ، ءىشىنارا جەرلەردەگى سىرتتان كىرگەن ىندەت جاعدايىن، تەز، جەدەل، باتىل، كەسىمدى تۇردە ءبىر جاقتى ەتىپ، تارالۋدى، ءورشۋدى تەز ارادا تەجەۋ؛ ىندەت جوق باسقا وڭىرلەر كوپ ارنالىق باقىلاۋ - تەكسەرۋ، ساقتاندىرۋ جانە كوپ تۇيىندە ىسكە قوسۋ مەحانيزمىن ونان ارى اقاۋسىزداندىرىپ، ”ادام، زات، قورشاعان ورتا“ بويىنشا قاتار ساقتانۋ تالابىن قاتاڭ تياناقتاندىرىپ، ىندەتتەن ساقتانۋ - تىزگىندەۋ قالتقىسىن ناقتىلاعان ۇستىنە ناقتىلاپ بەكەمدەپ، كولەمدى قايتا بەلەڭ بەرۋ جايتى تۋىلماۋىنىڭ تومەنگى شەگىن شىنايى ويداعىداي ساقتاۋ كەرەك.
