انار بۇلت \ شينجياڭ گازەتىنىڭ ءتىلشىسى شى شين 11 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، داشىشيا سۋ يگىلىگى تورابى ينجەنەرياسىنا جيىنى 4 ميلليارد 760 ميلليون يۋان قارجى قوسىلعان. مۇنىڭ ىشىندە بيىل ءبىر ميلليارد 170 ميلليون يۋان قارجى قوسىلىپ، جىلدىق جوسپاردىڭ ％90ىن يەلەگەن.
بيىل اۆتونوميالى رايوندىق دامۋ جانە رەفورما كوميتەتى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، داشىشيا سۋ يگىلىگى تورابى ينجەنەرياسىنىڭ قۇرىلىس سەرپىنىن ارتتىرىپ، ورتالىقتىڭ مەجە ەسەبى قارجىسىنان 400 ميلليون يۋان ورنالاستىرىپ، ينجەنەريانىڭ جەدەل ىلگەرىلەۋىن ءونىمدى قامتاماسىز ەتتى. ۇعىسۋىمىزشا، اتالعان ينجەنەريا قۇرىلىس باستاپ قازىرگە دەيىن ورتالىق مەجە ەسەبى قارجىسىنان جيىنى 2 ميلليارد 300 ميلليون يۋانعا يە بولعان.
قازىر داشىشيا سۋ يگىلىگى تورابى ينجەنەرياسىنىڭ سۋ باستاۋ تۋنەل ۇڭگىرى، ورتاسى قۋىس سەل اعىزىپ قۇم ىعىستىرۋ ۇڭگىرى تۇگەلدەي تۇتاستىرىلىپ بولدى، جۇڭگو نىڭجيان گىجوۋبا توبىنىڭ 2000 نەشە قۇرىلىسشىسى قۇرىلىس ورنىندا توسپا سالىپ، تۇتاسقان سۋ كىرۋ اۋزى سياقتى ورىنداردىڭ بەتونىن قۇيۋدا.
اۆتونوميالى رايوندىق دامۋ جانە رەفورما كوميتەتىنىڭ قاتىستى جاۋاپتىسى مىنالاردى ءبىلدىردى: اتالعان ينجەنەريانىڭ سالىنۋى اقسۋ وزەنى الابىندا سۋ بايلىعىمەن قامداۋ - قاجەتسىنۋ قايشىلىعىن ءونىمدى باسەڭدەتۋ، اقسۋ وزەنى الابىندا تاسقىن اپاتىن شىن مانىندە ازايتۋ، تومەنگى اعىسقا سۋ جىبەرىپ تارىم وزەنىن ەكولوگيالىق سۋمەن قامتاماسىز ەتۋ، وڭتۇستىك شينجياڭنىڭ ەكونوميكالىق، قوعامدىق دامۋىن جەبەۋ سياقتىلار جونىنەن ماڭىزدى رول اتقارادى. اۆتونوميالى رايوندىق دامۋ جانە رەفورما كوميتەتى قاتىستى تاراۋلارمەن بىرگە، ينجەنەريا قۇرىلىسىندا ورىن تەپكەن كورنەكتى ماسەلەلەردى بەلسەنە سايكەستىرىپ، نىسان جۇرگىزەتىن ورىنداردى قۇرىلىس قارقىنىن جەدەلدەتۋگە قۋزاپ، اناعۇرلىم كوپ ناقتى زاتتىق قىزمەت شاماسىن قالىپتاستىرىپ، قارجى قوسۋدىڭ جەبەۋ رولىن ءونىمدى ساۋلەلەندىرىپ، جەرگىلىكتى ورىننىڭ ەكونوميكاسىنىڭ جوعارى ساپالى دامۋىن جەبەيدى.
داشىشيا سۋ يگىلىگى تورابى ينجەنەرياسى مەملەكەتتىڭ 172 كەلەلى سۋ يگىلىگى ينجەنەرياسىنىڭ ءبىرى، سۋ قويمانىڭ جالپى سيىمدىلىعى ءبىر ميلليارد 174 ميلليون تەكشەمەتر، ەلەكتر ستانسياسىنىڭ گەنەراتور سيىمدىلىعى 750 مىڭ كيلوۆات.
