انار بۇلت \ شينجياڭ گازەتىنىڭ ءتىلشىسى شى شين 11 - ايدىڭ 11 - كۇنى ۇرىمجىدەن حابارلايدى. جۋىقتا جۇڭگو ەلەكتر عىلىمى زەرتتەۋ مەكەمەسى ماماندارىنىڭ كۋا بولۋىندا، ەرەكشە ترانسفورماتور سەرىكتەستىگى بۇكىلدەي ءوز كۇشىنە سۇيەنىپ زەرتتەپ جاساعان، 1800 كيلوۆولتتىق كاسكادتى ونەركاسىپتىك جيىلىكتەگى تاجىريبەلىك ترانسفورماتور بارلىق تەكسەرىپ وتكىزىپ الۋ سىناعىنان ءبىر جولدا ءوتتى. بۇل ونەركاسىپتىك جيىلىكتەگى تاجىريبەلىك ترانسفورماتور سالاسىنداعى تەحنيكا مەن جاساۋ قابىلەتىندە ەلىمىزدىڭ الەمدە كوش باستاعاندىعىن كورسەتەدى.
”بۇل ءبىر ساتىلى سيىمدىلىعى دۇنيە ءجۇزى بويىنشا ەڭ ۇلكەن، كاسكاد ۇلگىسىندەگى ونەركاسىپتىك جيىلىكتەگى تاجىريبەلىك ترانسفورماتور سانالادى“. ەرەكشە ترانسفورماتور سەرىكتەستىگى شىعىس سولتۇستىك ەلەكتر جەتكىزۋ، كەرنەۋ وزگەرتۋ عىلىم - تەحنيكا كاسىپ سالاسى باقشاسى ەرەكشە جوعارى كەرنەۋلىك ءوندىرىس بازاسى جوبالاۋ ءبولىمى ەلەكتروندىق ەسەپتەۋ باسقارماسىنىڭ ورىنباسار باستىعى جوۋ فاننىڭ تانىستىرۋىنشا، بۇل ءونىم الاڭ - ورىن شەكتەمەسىن قاناعاتتاندىرىپ، ءونىمنىڭ بۇرىنعى ءۇش ساتىلى قۇرىلىمىن جاسامپازدىقپەن ەكى ساتىلى قۇرىلىمعا وزگەرتكەن. ءبىر ساتىلى ەلەكتر كەرنەۋى 750 كيلوۆولتتان 900 كيلوۆولتقا، ەلەكتر اعىنى 4 امپەردەن 8 امپەرگە جوعارىلاعان، ەكى ساتى تىزبەكتەپ جالعانعان سوڭ، ەلەكتر كەرنەۋى 1800 كيلوۆولتقا جەتەدى ەكەن.
اتالعان ءونىم، باستىسى، ەرەكشە جوعارى كەرنەۋلى قاپتاما تۇتىك پەن يزولياتورداعى داعدىلى ونەركاسىپتىك جيىلىكتىك تاجىريبەسى جانە لاستانىپ ۇشقىندانۋ تاجىريبەسى، ونەركاسىپتىك جيىلىكتىك اعىندى جالعاستىرۋ تاجىريبەسى سياقتى ەرەكشە تاجىريبەلەردىڭ قاجەتىنە قولدانىلادى.
بەلگىلى بولۋىنشا، بۇل ءونىمدى زەرتتەۋ - جاساۋ، دالەلدەۋ جانە چەرتوج جوبالاۋ بارىسىندا كوپتەگەن جاڭاشىل جەتىستىكتەرگە قول جەتكىزىلگەن − العاش رەت مۇنارا پىشىندە وراۋ قولدانىلىپ، يمپەدانس، يزوتسيا، تەمپەراتۋرانىڭ كوتەرىلۋى، ۇشقىندانۋعا قارسىلىق سياقتى قاسيەت - تالاپتاردى جوعارىلاتقان؛ العاش رەت ءوز كۇشىنە سۇيەنىپ جوبالاعان، وندىرگەن ءبىر تۇلعالىق كوپ سىم شىعارىلعان قاپتاما تۇتىك قولدانىلىپ، كوپ جەتەك سىممەن جەتەكتەپ شىعارۋدى قاناعاتتاندىرۋمەن بىرگە، شىققان سىم مەن ماي باگى اراسىنداعى يزوتسيالاۋدىڭ كۇشەمەلىلىگىنە كەپىلدىك ەتكەن؛ العاش رەت فارفور تىرەۋ قولدانىلىپ، 8 بالدىق جەر سىلكىنىسىنە ءتوزۋ جانە بيىك كەڭىستىكتەگى جەل جۇكتەمەسىندەگى جالپى تۇلعالىق بەرىكتىك قاجەتىن قاناعاتتاندىرعان. سونىمەن قاتار، ءونىم سىرتى مەتالمەن قاپتالىپ، ءتۇرلى قاسيەت كورسەتكىشتەرىنىڭ تاماشا، شىدامدىلىعىنىڭ جاقسى بولۋىنا مۇمكىندىك جاسالىپ، پايدالانىلۋ عۇمىرى 40 جىلعا جەتكىزىلگەن.
”ەلىمىزدىڭ ەرەكشە جوعارى كەرنەۋلى ەلەكتر قۋاتى جۇيەسىندەگى ەلەكتر كەرنەۋى دارەجەسى مەن سيىمدىلىعىنىڭ ۇزدىكسىز جوعارىلاۋى ەرەكشە جوعارى كەرنەۋلى تاجىريبەلىك جابدىقتاردىڭ توقتاۋسىز العا باسۋىنان قول ۇزە المايدى“. ەرەكشە ترانسفورماتور شىن - ياڭ ترانسفورماتور توبى شەكتى سەرىكتەستىگىنىڭ باس ينجەنەرى ۋاڭ جيان مىنالاردى ءبىلدىردى: 1800 كيلوۆولتتىق كاسكاد ۇلگىسىندەگى ونەركاسىپتىك جيىلىكتەگى تاجىريبەلىك ترانسفورماتوردىڭ ءساتتى زەرتتەلىپ جاسالۋى ەلىمىزدىڭ ەرەكشە جوعارى كەرنەۋلى ترانسفورماتور زەرتتەۋ - جاساۋ سالاسىندا ءوز كۇشىنە سۇيەنىپ جاڭالىق اشۋ قابىلەتى مەن الدىڭعى قاتارلى تەحنيكالىق قابىلەتى ءۇشىن بەرىك نەگىز قالادى.
