تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۋا تەمپەراتۋراسى تومەندەدى، بۇقارانىڭ حال - جايى كوڭىلدە بولسىن

  □ داي لي

  1 − 2 كۇننەن بەرى ءۇرىمجى قار جامىلىپ شىعا كەلدى. اۆتونوميالى رايوندىق اۋا رايى ستانسياسىنىڭ حابارلاندىرۋىنا قاراعاندا، سۋىق اعىستىڭ سالدارىنان سولتۇستىك شينجياڭنىڭ كوپتەگەن وڭىرىنە ىركەس - تىركەس قىس كىرە باستاعان، بۇل ءبىزدىڭ ىندەتكە قارسى اتتانۋىمىزعا قيىندىق تۋدىرۋمەن بىرگە، قار - مۇزدى ءجىبىتىپ، حالىق تۇرمىسنا قولايلىلىق جاراتۋ جۇمىسىن ويداعىداي ىستەۋىمىزگە دە اناعۇرلىم جوعارى تالاپ قويدى.

  كۇز ءوتىپ، قىراۋلى قىسقا كىرگەندە جىلىنۋ جاعدايىن ۇعىسۋ كەرەك. ۇيلەردىڭ پارى جىلىدى ما، جوق پا، زاتتىق ماتەريالدارمەن قامداۋ جەتكىلىكتى مە، ەمەس پە، ەمدەۋ قىزمەت وتەۋى دەر كەزىندە مە، جوق پا، الەۋمەتتىك اۋماق كادرلارىنىڭ كيىمدەرى قالىڭ با، جوق پا، ەرىكتىلەردىڭ كورپەسى جىلى ما، جوق پا... وسى سياقتى كوپشىلىك كوڭىل ءبولىپ وتىرعان ىستەر، ۋايىمداپ وتىرعان ىستەر تۇگەلدەي حال - جاي دەگەن سوزبەن بايلانىسىپ جاتىر، تەك وسى ماسەلەلەردى ويداعىداي ءبىر جاقتى ەتكەندە عانا، ادامداردى الاڭنان، ۋايىمنان ارىلتا الامىز. قارلى بوران ازىناعاندا، ءبىز جىلۋمەن قامداۋ كاسىپورىندارىنىڭ ايانباي ىسكە كىرىسكەندىگىن كوردىك، الەۋمەتتىك اۋماقتىڭ ءتۇرلى زاتتىق ماتەريالداردىڭ سۋىقتا بۇلىنۋىنەن الاڭداپ قاراپايىم شاتىر تىگىپ جاتقاندىعىن كوردىك، قاراستى اۋماقتاعى حالىق ساقشىلارىنىڭ 200 جەكەلەر اۆتوكولىگىنىڭ تەرەزە تازارتقىش سۋىن اعىزىپ جاتقاندىعىن كوردىك... كۇن سۋىتقانىمەن كوڭىلدەردى سۋىتپاۋ كەرەك، اۋا تەمپەراتۋراسى تومەندەگەنىمەن، ىندەتپەن شايقاسۋدىڭ تەبىنى تومەندەمەۋ كەرەك، وسىنداي ساتكە تۋرا كەلگەن سايىن، ادامداردىڭ كوڭىلىن مەيىرگە بولەۋگە كۇش سالۋ قاجەت، ىندەتتەن ساقتانۋدا حالىق تۇرمىسىنا دەگەن جاۋاپكەرشىلىكتى ۇمىتىپ قالۋعا بولمايدى، ىندەتكە قارسى اتتانۋدا جان اشىرلىق ىستەۋدەن ايرىلىپ قالۋعا بولمايدى، سوندا عانا جىلى اعىن تاسقىنداپ، قار - مۇزدى ەرىتە الادى.

  قىستى قارسى الىپ، ىندەتكە قارسى اتتانۋدا، ”قينالىپ تۇرعاندا قول ۇشىن بەرەتىن“ ىستەردى كوبىرەك ىستەۋ كەرەك. جۋىقتا اۆتونوميالى رايوننىڭ، بيڭتۋاننىڭ، ورتالىقتىڭ ۇرىمجىدە تۇراتىن ورىندارى كادرلاردى نەگىزگى ساتىعا ءتۇسىرىپ، ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىنە ات سالىستى، مىنە بۇل ”قينالىپ تۇرعاندا قول ۇشىن بەرگەندىك“، ولار الەۋمەتتىك اۋماق كادرلارىمەن بىرگە بۇقارانىڭ حال - جايىنا قاتىستى ءبىر - بىرلەگەن ىستەردى ويداعىداي شەشۋگە، ويداعىداي ءبىر جاقتى ەتۋگە، حالىق تۇرمىسىن قامتاماسىز ەتۋدى بار ىقىلاسىمەن ساپالىلاندىرۋعا، بوگەتتەردى، كەدەرگىلەردى دالمە - ءدال اشۋعا، ”قينالىپ تۇرعاندا قول ۇشىن بەرۋدى“ دەر كەزىندە، تياناقتى ىستەۋگە، كوڭىلدەرگە جەتكىزۋگە قۇلشىنۋدا. ىندەتتەن ساقتانۋ - تىزگىندەۋدىڭ شەشۋشى كەزەڭىندە ىندەتكە قارسى اتتانعان ءاربىر قىزمەتكەر تۇگەلدەي ستيلدى دۇرىستاپ، رۋحتى كوتەرىڭكى ۇستاپ، قابىلەتتى كۇشەيتىپ، ىرىقتىلىقپەن جاۋاپكەرشىلىك ارقالاپ، اتويلاپ الدا ءجۇرىپ، كوكتەمنىڭ شۋاعىنداي مەيىرىمدى بارلىق وتباسىنا جەتكىزۋى كەرەك.

  قىستى قارسى الىپ، ىندەتكە قارسى اتتانۋدا ”سەلبەسىپ قارايلاساتىن“ ىستەردى كوبىرەك ىستەۋ كەرەك. قار جامىلعان قىس پەن ۆيرۋس قاباتتاسىپ ءبىزدى قىسپاققا العان ەكەن، ءبىز سەلبەسىپ ولارعا قايتارما سوققى بەرۋىمىز كەرەك. بۇل كوپشىلىكتىڭ ەل بىرلىگىنەن قامال تۇرعىزىپ، از دا بولسا كۇش قوسۋىن، جارىق شاشۋىن قاجەت ەتەدى. مەيلى شينجياڭعا كومەككە كەلگەن ەمدەۋ اترەتى جەرگىلىكتى ورىنداعى شيپاگەرلەرمەن تىزە قوسا شايقاس جۇرگىزگەنىندە بولسىن، الدە قامداۋدى قامتاماسىز ەتۋ ورىندارىنىڭ كۇندىز - ءتۇنى تىنباي شاپقىلاپ، بار كۇشتەرىن سالۋىندا بولسىن نەمەسە الەۋمەتتىك اۋماق كادرلارىنىڭ قىزمەت ورىندارىنان تاپجىلماي شىن ىقىلاسىمەن قىزمەت وتەۋىندە بولسىن... جۇرەكتەر بىرگە سوعىپ، بارلىق كۇش بىرگە ۇيىسىپ، ءبىزدىڭ ءبىر نيەتپەن ىندەتكە قارسى اتتانۋ كۇشىمىزدىڭ قاينارىنا اينالدى، ءبىر - بىرىمىزگە قول ۇشىن بەرۋدىڭ رۋحاني تىرەگىنە اينالدى.

  قار جامىلعان قىستا ىندەتپەن شايقاسۋ ءبىر ساتكە توقتامادى، سان مىڭداعان ادامدار اعىنعا قارسى اتتانىپ، جايشىلىقتاعىسىنداي قاربالاستانىپ، ءون - بويلارىنان ىستىق لەپ تاسقىندادى، بۇل بىزگە وسىنداي جىگەر بولعاندا عانا، بىزدە بار قيىنشىلىقتى باسىپ تۇسەتىن، قيىنشىلىققا مويىن ۇسىنبايتىن سەنىم مەن باتىلدىقتىڭ بولاتىندىعىنا كامىل سەندىردى. ءبىز بار ىنتا - پەيىلىمىزبەن حالىق ءۇشىن دەيتىن شىنايىلىقپەن، سۇيىسپەنشىلىكپەن حالىق تۇرمىسىنا قاتىستى ىستەردى ويداعىداي ىستەپ، قار باسىلىپ، كۇن اشىلاتىن، بۇلت سەيىلىپ، ىندەت ايىعاتىن سول ءبىر كۇندى قارسى الۋىمىز كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.