تيانشان تورى – شينجياڭ گازەتىنىڭ ءتىلشىسى جوۋ پىڭ، ەرىكتى ءتىلشى يۇي جيا - نان حابارلايدى.
”مەنىڭ بۇل دارىلەرىم، ءۇزىلىپ قالسا بولمايدى، ءبىر جاقسىسى الەۋمەتتىك اۋماق ەرىكتىلەرى ءدارى ساتىپ الۋىما كومەكتەستى“. قانتتى نەسەپ اۋرۋى، ايدارشا ارتەريانىڭ قاتايۋىنان بولعان جۇرەك اۋرۋى، جوعارى قان قىسىم سياقتى كوپتەگەن سوزىلمالى اۋرۋلارعا شالدىققان ءۇرىمجى قالاسى شۇيموگوۋ رايونى يۇيشۋگوۋ ءمالىسى ۋىنچۋان وڭتۇستىك الەۋمەتتىك اۋماعى شۇيمولانتيڭ شاعىن رايونىنىڭ تۇرعىنى شۇي جىنىڭ كوپ ءتۇرلى دارىمەن ۇزدىكسىز ەمدەلۋى كەرەك ەدى. اۆتونوميالى رايوندىق ءادىليا اكىمشىلىك جۇيەسىنەن نەگىزگى ساتىعا تۇسكەن كادرلار بۇدان حابار تاپقاننان كەيىن، دەر كەزىندە وعان ءدارى ـ دارمەك ساتىپ الىپ، جەتكىزىپ بەردى، سونىمەن بىرگە قاراستى رايونداعى باسقا دا قاجەتى تۇسكەن تۇرعىندارعا ءدارى ـ دارمەك جەتكىزىپ، مەيىرلى قىزمەت وتەۋدى ۇزدىكسىز جۇرگىزدى.
11 - ايدىڭ 10 - كۇنى اۆتونوميالى رايوندىق ءادىليا اكىمشىلىك جۇيەسىنەن نەگىزگى ساتىعا تۇسكەن كادرلار ءۇرىمجى قالاسى شۇيموگوۋ رايونى يۇيشۋگوۋ ءمالىسى يفىڭ الەۋمەتتىك اۋماعىنداعى بالاباقشادا پاردى جوندەدى. سۋرەتتى ەرىكتى ءتىلشى يۇي جيا - نان تۇسىرگەن
ءۇرىمجى قالاسى شۇيموگوۋ رايونى شىرىنزىگوۋ ءمالىسى گىجياگوۋ قىستاعى 1 - اترەتىنىڭ تۇرعىنى ليۋ ۋيشان يۇيشۋگوۋ ءمالىسى يفىڭ الەۋمەتتىك اۋماعىندا بالاباقشانى باسقارىپ وتىرعان، 11 - ايدىڭ 8 - كۇنى يفىڭ الەۋمەتتىك اۋماعىنىڭ وتباسىلارىن كوتەرمەگە العان كادر وعان بالاباقشادان اۋىر دارەجەدە سۋ اعىپ، كومەسكى قاتەردىڭ ساقتالعاندىعىن ايتتى، بۇل حاباردى ەستىگەن ليۋ ۋيشاننىڭ ابىرجىپ مازاسى كەتەدى.
سول كۇنى اۆتونوميالى رايوندىق ءادىليا مەڭگەرمەسىنەن نەگىزگى ساتىعا تۇسكەن كادر يىن جياڭ بۇل ىستەن حابار تاپقاننان كەيىن، دەرەۋ يۇيشۋگوۋ ءمالىسى جانە رەمونتتاۋ قىزمەتكەرلەرىمەن بايلانىس جاساپ، سۋ اعۋ ماسەلەسىن دەر كەزىندە شەشتى. ”سۋ توقتادى، ەندى ۇيگە قايتىپ الاڭسىز ۇيىقتايتىن بولدىم، نەگىزگى ساتىعا تۇسكەن كادرلار مەن قىستاق تۇرعىندار كوميتەتىنىڭ كومەگىنە راقىمەت“، ـ دەدى ليۋ ۋيشان.
11 - ايدىڭ 11 - كۇنى اۆتونوميالى رايوندىق ءادىليا اكىمشىلىك جۇيەسىنەن نەگىزگى ساتىعا تۇسكەن كادرلار مەن جىلجىمالى حابارلاسۋ سەرىكتەستىگىنىڭ قىزمەتكەرلەرى ءۇرىمجى قالاسى شۇيموگوۋ رايونى شىرىنزىگوۋ ءمالىسى گىجياگوۋ قىستاعىندا حابارلاسۋ بازالىق ستانسياسىن جوندەدى. سۋرەتتى ەرىكتى ءتىلشى يۇي جيا - نان تۇسىرگەن
11 - ايدىڭ 11 - كۇنى اۆتونوميالى رايوندىق ءادىليا اكىمشىلىك جۇيەسىنەن نەگىزگى ساتىعا تۇسكەن كادرلار مەن جىلجىمالى حابارلاسۋ سەرىكتەستىگىنىڭ قىزمەتكەرلەرى ءۇرىمجى قالاسى شۇيموگوۋ رايونى شىرىنزىگوۋ ءمالىسى گىجياگوۋ قىستاعىندا حابارلاسۋ بازالىق ستانسياسىن تاۋعا شىعىپ جوندەۋگە دايىندالدى. سۋرەتتى ەرىكتى ءتىلشى يۇي جيا - نان تۇسىرگەن
ءبىر رەتكى قالىڭ قار شىرىنزىگوۋ ءمالىسى گىجياگوۋ قىستاعى 3 ـ اترەتىنىڭ تورىن ءۇزىپ تاستادى، تاۋلى وڭىرگە ورنالاسقاندىقتان، جوندەۋ قيىن بولىپ، قىستاقتاعى 17 بالا بىرنەشە كۇن ينتەرنەت ساباعىن وقي المادى. وسى جاعدايدان حابار تاپقان اۆتونوميالى رايوننىڭ ساياسي ـ زاڭ جۇيەسىنەن نەگىزگى ساتىعا تۇسكەن كادرلار كوپ جاقتى ارنا ارقىلى حابارلاسۋ تورىن رەمونتتاۋ قىزمەتكەرلەرىمەن بايلانىس جاساپ، سايكەستىرىپ، قىستاق تۇرعىندارىنىڭ ينتەرنەت ماسەلەسىن شەشتى. ”ءبىر جاقسىسى نەگىزگى ساتىعا تۇسكەن كادرلار بىزگە رەمونتتاۋ قىزمەتكەرىن تاۋىپ بەردى، قازىر ينتەرنەت جالعاندى، بالالار دا ينتەرنەت ساباعىن قالىپتى وقي الاتىن بولدى“، - دەدى قىستاق تۇرعىنى نۇرتاي زالەلقان.
11 - ايدىڭ 2 - كۇنىنەن بەرى اۆتونوميالى رايوندىق ءادىليا اكىمشىلىك جۇيەسىندەگى كادر - ساقشىلار نەگىزگى ساتىعا ءتۇسۋ مىندەتىن تاپسىرىپ العاننان كەيىن، دەرەۋ قىزمەت ورىندارىنا جايعاسىپ، قىزمەت ورتاسىنا ۇيلەسىپ، ءۇرىمجى قالاسى شۇيموگوۋ رايونىنداعى ءىشىنارا الەۋمەتتىك اۋماقتاردىڭ ىندەتتەن ساقتانۋ - تىزگىندەۋ قىزمەتىنىڭ ءبىرىنشى شەبىنە قاتىناسىپ، اۋماقتارعا، مالىلەرگە، الەۋمەتتىك اۋماقتارعا سايكەسىپ، ىندەتتەن ساقتانۋ، قامداۋدى قامتاماسىزداندىرۋ جانە بۇقارانىڭ قيىنشىلىق ماسەلەلەرىن شەشۋ جۇمىستارىن ويداعىداي ورىندادى.
11 - ايدىڭ 9 – كۇنى ءۇرىمجى قالاسى شۇيموگوۋ رايونى شىرىنزىگوۋ ءمالىسى گىجياگوۋ قىستاعىندا اۆتونوميالى رايوندىق ءادىليا اكىمشىلىك جۇيەسىنەن نەگىزگى ساتىعا تۇسكەن كادرلار بۇقاراعا زاتتىق ماتەريال جەتكىزىپ بەردى. سۋرەتتى ەرىكتى ءتىلشى يۇي جيا - نان تۇسىرگەن
اۆتونوميالى رايوندىق ءادىليا اكىمشىلىك جۇيەسىنەن ءۇرىمجى قالاسى شۇيموگوۋ رايونىنا تۇسكەن ىندەتتەن ساقتانۋعا كومەكتەسۋ قىزمەت اترەتىنىڭ جەتەكشىسى جين جىن بىلاي دەدى: اۆتونوميالى رايوندىق ءادىليا مەڭگەرمەسى پارتكومىنىڭ قىزمەت تالابىنا ساي، ءارقايسى اۋماقتارعا، مالىلەرگە بەلسەنە سايكەسىپ، ىندەتتەن ساقتانۋدىڭ ءتۇرلى قىزمەتتەرىن ويداعىداي ىستەپ، حالىق بۇقاراسىنىڭ سالاماتتىعىنا بەرىك قورعانىس شەبىن قۇرىپ، اۆتونوميالى رايوننىڭ ءادىليا اكىمشىلىك جۇيەسىندەگى كادر ـ ساقشىلاردىڭ جاۋاپكەرشىلىگى مەن بورىشىن ايگىلەيمىز.
11 - ايدىڭ 10 - كۇنى اۆتونوميالى رايوندىق ءادىليا اكىمشىلىك جۇيەسىنەن نەگىزگى ساتىعا تۇسكەن كادرلار ءۇرىمجى قالاسى شۇيموگوۋ رايونى شىرىنزىگوۋ ءمالىسى گىجياگوۋ قىستاعىندا قىستاق تۇرعىنىنىڭ جەم - ءشوپ تۇسىرۋىنە كومەكتەستى. سۋرەتتى ەرىكتى ءتىلشى يۇي جيا - نان تۇسىرگەن
