انار بۇلت \ شينجياڭ گازەتىنىڭ ءتىلشىسى رىن چۇنشياڭ
”قاپالاقتاعان قاردا الەۋمەتتىك اۋماق ەرىكتىلەرى اۆتوكولىگىمنىڭ تەرەزە تازارتقىش سۋىن سارقىپ، تەرەزە سۇرتكىشىن الدىن الا تىگىنەن قويدى، جەلقاعارىن قاردان ارىلتىپ، بالونىنا جەل تولتىرىپ تا قويىپتى. بىزگە سۋرەتكە ءتۇسىرىپ جولداپ كوڭىلىمىزدى ورنىقتىردى، ولارعا العىسىمىز بولەك!“ ،- دەدى 11 - ايدىڭ 10 - كۇنى ءۇرىمجى قالاسى تيانشان رايونى جەڭىس جولى ءمالىسى حۋيۋانشياڭ باتىس الەۋمەتتىك اۋماعى ديانجيان حۋايۋاننىڭ تۇرعىنى ارزىگۇل سىمايىل تەبىرەنە.
11 - ايدىڭ 9 - كۇنى ءۇرىمجى قالاسى تيانشان رايونى جەڭىس جولى ءمالىسى حۋيۋانشياڭ باتىس الەۋمەتتىك اۋماعىنىڭ ەرىكتىسى مىرادىل كامىل تۇرعىندارعا كومەكتەسىپ تەرەزە تازارتقىش سۋدى سارقىپ، كولىكتىڭ اۋجايىن باعامداۋدا. سۋرەتتى ازىمات ءمومىن تۇسىرگەن
11 -ايدىڭ 9 - كۇنى ءۇرىمجى قالاسىندا قار جاۋىپ، كۇن سۋىتتى، اسپاننان قار قىلاۋلادى، حۋيۋانشياڭ باتىس الەۋمەتتىك اۋماعىنىڭ ەرىكتىلەر شاعىن اترەتىندەگى 13 ەرىكتى قاجەتى تۇسكەن تۇرعىنداردىڭ كولىگىنىڭ اينەك تازارتقىش سۋىن سارقىپ، كولىكتەردىڭ جاعدايىن ءبىر - بىرلەپ تەكسەرىپ شىقتى.
اۆتونوميالى رايوندىق حالىق قۇرىلتايى تۇراقتى كوميتەتى ۇلت، ءدىن، سىرتقى ىستەر، حۋاچياۋلار قىزمەتى كوميتەتىنىڭ كەڭسە مەڭگەرۋشىسى، حۋيۋانشياڭ الەۋمەتتىك اۋماعىنىڭ ءبىرىنشى شۋجيى ۋاڭ حۋامين تانىستىرىپ بىلاي دەدى، سۋىق تۇسەردەن ىلگەرى ديانجيان حۋايۋان شاعىن رايونىندا توقتاپ تۇرعان جەكەلىك اۆتوكولىك كوپ ەكەنىن ويلاستىرىپ ۇلگەردىك، قىستىق مۇزدامايتىن تەرەز تازارتقىش سۋدى ۋاعىندا الماستىرماسا تەمپەراتۋرا كۇرت تومەندەگەندە سۋ ساندىعى جارىلىپ كەتۋى مۇمكىن، سونىمەن قاتار، تومەن تەمپەراتۋرالى اۋا رايىندا جەلقاعار مەن كوتەرىلمەگەن سۇرتكىش مۇزداپ قالاتىن جايت تۋىلادى. سوندىقتان الەۋمەتتىك اۋماق تۇرعىنداردىڭ قاجەتى تۇسكەندەردى ۋيشين شوعىرى ارقىلى تىزىمدەدى، ءارى ءۇي ارالاپ حىسۋان جاساعاندا كولىكتىڭ ءنومىرىن تىزىمدەپ، كىلتىن الىپ، كولىكتەردىڭ توقتاپ تۇرعان ورنىن تاپتەشتەپ ۇعىستى.
سول كۇنى قار قاپالاقتاپ جاۋىپ تۇرعاندا ەرىكتىلەر شاعىن اترەتى ورتانى زارارسىزداندىرىپ ميكروبىن جويۋ سياقتى قىزمەتتەرىن وتەپ بولعاندا ىمىرت ۇيىرىلگەن ەدى، كوپشىلىك جۇمىس ءبولىسىپ، سەلبەسە قيمىلداپ، تۇرعىنداردىڭ كولىكتەرىن ىزدەي باستادى.
”ۇزاق ۋاقىت توقتاپ تۇرعاندىقتان كەي كولىكتەردە توك قالماي قالىپتى، ولاردى ەلەكتر جالعاپ وتالدىردىق. تەرەزە تازارتقىش سۋدى سارقۋدان تىس، كولىكتەردى وتالدىرىپ، احۋالىن شامامىزشا تەكسەرىپ شىقتىق، تەرەزە سۇرتكىشىن تىگىنەن قويىپ، جەلقاعارعا قونعان قار مەن جاپىراقتاردى جەڭىلدەتىپ تازالادىق. ۇزاق ۋاقىت توقتاپ تۇرعاندىقتان كەي كولىكتەردىڭ بالونىندا جەل قالماي قالىپتى. اسپاپتارىمىزدى دايىنداپ بالوندارعا جەل قۇيىپ شىقتىق. ەڭ سوڭىندا سۋرەتكە تارتىپ كولىك يەسىنە جولداپ، ولاردىڭ كوڭىلىن ورنىقتىردىق“،-دەدى الەۋمەتتىك اۋماق ەرىكتىلەر شاعىن اترەتىنىڭ مۇشەسى مىرادىل كامىل.
ءۇرىمجى قالاسى تيانشان رايونى جەڭىس جولى ءمالىسى حۋيۋانشياڭ باتىس الەۋمەتتىك اۋماعى ديانجيان حۋايۋاننىڭ ءبىر تۇرعىندار ۋيشين شوعىرىندا كوپشىلىك ەرىكتىلەرگە العىستارىن ءبىلدىرىپ جاتىر.
سول كۇنى تۇندە، ەرىكتىلەر 40تان استام جەكەلىك كولىكتىڭ تەرەزە تازارتقىش سۋىن سارقىپ، كولىكتىڭ احۋالىن تەكسەردى، ءبارىن تامامداعاندا ساعات 23كە تاياپ قالعان ەدى، ولار كۇننىڭ سۋىعىنا قاراماستان تۇرعىندارعا قىزمەت وتەدى، كوپشىلىك ولارعا تۇرعىندار ۋيشين شوعىرىندا العىستارىن جاۋدىرىپ جاتتى.
”الەۋمەتتىك اۋماق قىزمەت وتەۋدى ءتىپتى دە جىنتىكتەي، ءتىپتى دە ناقتى ىستەپ، بۇقارانىڭ كوڭىلىن تابا بىلگەندە عانا تۇرعىنداردىڭ مويىنداۋىنا يە بولۋعا، تۇرعىنداردىڭ جۇرەگىنە جىلۋ جەتكىزۋگە بولادى“ ،- دەيدى ۋاڭ حۋامين.
«انار بۇلتتان» اۋدارىلدى
