شي جينپيڭ جۇڭگو اۆياتسيا ونەركاسىبى توبى شىن - ياڭ ۇشاق ونەركاسىپ (توبى) شەكتى سەرىكتەستىگىندەگى ”لو ياڭ جاس ەكپىندىلەر اترەتىنىڭ“ مۇشەلەرىنە جاۋاپ حات جازىپ ىنتالاندىردى
اۆياتسيا عىلىم - تەحنيكاسىندا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتۋ جاعىندا ەرلىكپەن شىڭعا شىعىپ، اۆياتسيا ونەركاسىبىنىڭ جوعارى ساپالى دامۋىن جەبەۋ جاعىندا بەلسەنە ىسكەرلىك كورسەتىڭىزدەر
جاۋاپ حات
اۆياتسيا ونەركاسىبى توبى شىن - ياڭ ۇشاق ونەركاسىپ (توبى) شەكتى سەرىكتەستىگىنىڭ ”لو ياڭ جاس ەكپىندىلەر اترەتىندەگى“ جولداستار:
سالەمەتسىزدەر مە! حاتتارىڭىزدى تاپسىرىپ الدىم. سىزدەر لو ياڭ جولداستى ۇلگى ەتىپ، اۆياتسيا جابدىقتارىن زەرتتەۋ - جاساۋدىڭ الدىڭعى شەبىنە تامىر تارتىپ، شۇعىل، قيىن، قاتەرلى، اۋىر مىندەتتەر بارىسىندا قول ۇستاسا، ايانباي ۇلەس قوستىڭىزدار، ىنتىماقتاسا كۇرەس جۇرگىزەتىن وسىنداي رۋح ايرىقشا باعالى.
سىزدەر حاتتارىڭىزدا پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆياتسيا ىستەرىندە قۋاتتى مەملەكەت قۇرۋدىڭ وتتاي لاۋلاعان امالياتى بارىسىندا جاستىق كوكتەمدەرىڭىزدىڭ شۇعىلاسىن شاشاتىندىقتارىڭىزدى بىلدىرىپسىزدەر، ايتقاندارىڭىز وتە جاقسى. پارتيا 20 - قۇرىلتايىندا كەسكىندەلگەن ۇلى جوبانى رەالدىققا اينالدىرۋ ءار سالا، ءار كاسىپتەگى جاستاردىڭ باتىلدىقپەن اۋىر جۇك ارقالاۋىنا، اتويلاپ الدا جۇرۋىنە مۇقتاج. سىزدەردىڭ اۆياتسيا ىستەرىندە وتاننىڭ ءۇمىتىن اقتاۋ رۋحىن ۇزدىكسىز اسقاقتاتىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، اۆياتسيا عىلىم - تەحنيكاسىندا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتۋ جاعىندا ەرلىكپەن شىڭعا شىعىپ، اۆياتسيا ونەركاسىبىنىڭ جوعارى ساپالى دامۋىن جەبەۋ جاعىندا بەلسەنە ىسكەرلىك كورسەتىپ، مۇراتتى، باتىلدىقپەن جاۋاپكەرشىلىك ارقالايتىن، جاپاعا ءتوزىمدى، كۇرەس جۇرگىزۋگە پەيىل جاڭا ءداۋىردىڭ ابزال جاستارىنان بولىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى جاپپاي ىلگەرىلەتۋ ءۇشىن تىڭ ۇلەس قوسۋلارىڭىزدى ءۇمىت ەتەمىن.
شي جينپيڭ
2022 - جىلى 11 - ايدىڭ 12 - كۇنى
(شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 12 - كۇنى جۇڭگو اۆياتسيا ونەركاسىبى توبى شىن - ياڭ ۇشاق ونەركاسىپ (توبى) شەكتى سەرىكتەستىگىندەگى ”لو ياڭ جاس ەكپىندىلەر اترەتىنىڭ“ مۇشەلەرىنە جاۋاپ حات جازىپ، ولاردى پارتيا 20 - قۇرىلتايىنىڭ رۋحىن ويداعىداي ۇيرەنىپ، دايەكتىلەندىرىپ، اۆياتسيا ىستەرىندە قۋاتتى مەملەكەت قۇرۋ ءۇشىن بەلسەنە كۇش قوسۋعا ىنتالاندىردى.
شي جينپيڭ جاۋاپ حاتىندا بىلاي دەدى: سىزدەر لو ياڭ جولداستى ۇلگى ەتىپ، اۆياتسيا جابدىقتارىن زەرتتەۋ - جاساۋدىڭ الدىڭعى شەبىنە تامىر تارتىپ، شۇعىل، قيىن، قاتەرلى، اۋىر مىندەتتەر بارىسىندا قول ۇستاسا، ايانباي ۇلەس قوستىڭىزدار، ىنتىماقتاسا كۇرەس جۇرگىزەتىن وسىنداي رۋح ايرىقشا باعالى.
شي جينپيڭ بىلاي دەپ اتاپ كورسەتتى: سىزدەر حاتتارىڭىزدا پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆياتسيا ىستەرىندە قۋاتتى مەملەكەت قۇرۋدىڭ وتتاي لاۋلاعان امالياتى بارىسىندا جاستىق كوكتەمدەرىڭىزدىڭ شۇعىلاسىن شاشاتىندىقتارىڭىزدى بىلدىرىپسىزدەر، ايتقاندارىڭىز وتە جاقسى. پارتيا 20 - قۇرىلتايىندا كەسكىندەلگەن ۇلى جوبانى رەالدىققا اينالدىرۋ ءار سالا، ءار كاسىپتەگى جاستاردىڭ باتىلدىقپەن اۋىر جۇك ارقالاۋىنا، اتويلاپ الدا جۇرۋىنە مۇقتاج. سىزدەردىڭ اۆياتسيا ىستەرىندە وتاننىڭ ءۇمىتىن اقتاۋ رۋحىن ۇزدىكسىز اسقاقتاتىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، اۆياتسيا عىلىم - تەحنيكاسىندا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتۋ جاعىندا جۇرەكتىلىكپەن شىڭعا شىعىپ، اۆياتسيا ونەركاسىبىنىڭ جوعارى ساپالى دامۋىن جەبەۋ جاعىندا بەلسەنە ىسكەرلىك كورسەتىپ، مۇراتتى، باتىلدىقپەن جاۋاپكەرشىلىك ارقالايتىن، جاپاعا ءتوزىمدى، كۇرەس جۇرگىزۋگە پەيىل جاڭا ءداۋىردىڭ ابزال جاستارىنان بولىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى جاپپاي ىلگەرىلەتۋ ءۇشىن تىڭ ۇلەس قوسۋلارىڭىزدى ءۇمىت ەتەمىن.
2012 - جىلى 11 - ايدىڭ 26 - كۇنى، باس شۋجي شي جينپيڭ جيان - 15 كەمەلىك ۇشاعىن زەرتتەۋ - جاساۋدىڭ جۇمىس باسىنداعى باس جەتەكشىسى، جۇڭگو اۆياتسيا ونەركاسىبى توبى شىن - ياڭ ۇشاق ونەركاسىپ (توبى) شەكتى سەرىكتەستىگىنىڭ القا باستىعى، باس ديرەكتورى لو ياڭنىڭ جۇمىس ۇستىندە قازا بولۋ ىسىنە بايلانىستى ماڭىزدى نۇسقاۋ بەرىپ، قالىڭ پارتيا مۇشەلەرىنەن، كادرلاردان لو ياڭ جولداستىڭ تاڭداۋلى قاسيەتى مەن باعالى رۋحىنان ۇيرەنۋدى تالاپ ەتكەن ەدى. 2013 - جىلدان بەرى، اۆياتسيا ونەركاسىبى توبى ”لو ياڭ جاس ەكپىندىلەر اترەتىن“ دانەكەر ەتىپ، قالىڭ جاستاردى شۇعىل، قيىن، قاتەرلى، اۋىر مىندەتتەر بارىسىندا لو ياڭنان ۇيرەنۋگە، اۆانگارد بولۋعا ۇيىمداستىرىپ، بۇعان جالپى 370 مىڭ ادام - رەت ات سالىستى. جۋىقتا، شىن - ياڭ ۇشاق ونەركاسىپ (توبى) شەكتى سەرىكتەستىگىنىڭ العاشقى توپتاعى ”لو ياڭ جاس ەكپىندىلەر اترەتىنىڭ“ مۇشەلەرى باس شۋجي شي جينپيڭگە حات جازىپ، 10 جىلدان بەرگى عىلمي زەرتتەۋدىڭ، ءوندىرىستىڭ الدىڭعى شەبىندە لو ياڭ جولداستىڭ رۋحىنان ۇيرەنۋدە جانە ونى امالياتتا ايگىلەۋدە قول جەتكىزگەن تابىستارىنان مالىمەت بەرىپ، ۇزدىكسىز ايانباي قۇلشىنىپ، بەلدى بەكەم بۋىپ وتاننىڭ ءۇمىتىن اقتايتىن بەكىمدەرىن بىلدىرگەن بولاتىن.
