انار بۇلت \ شينجياڭ گازەتىنىڭ ءتىلشىسى شى شين 11 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، 1 - ايدان 10 - ايعا دەيىن شينجياڭ ءتۇيىندى نىساندارعا ناقتى زات قىزمەت مولشەرى بويىنشا جالپى 248 ميلليارد 300 ميلليون يۋان قارجى قوسىپ، بىلتىرعى سول تۇستاعىدان 26 ميلليارد 100 ميلليون يۋان ارتتىرىپ، جىلدىق قارجى قوسۋ جوسپارىنىڭ ％92ىن ورىنداعان.
بيىل جىل باسىنان بەرى اۆتونوميالى رايوندىق دامۋ جانە رەفورما كوميتەتى ءارقايسى جاقتىڭ كۇشىن اتتانىسقا كەلتىرىپ نىساندى يگەرىپ، قارجى قوسۋدى جەبەپ، ارتۋدى ورنىقتىرىپ، ءىرى نىسانداردىڭ جەتەكتەۋ، جەبەۋ جانە ءونىمدى قارجى قوسۋدىڭ شەشۋشى رولىن ساۋلەلەندىرىپ، ءىرى نىساندار قورىلىسىن كۇش سالا ىلگەرىلەتىپ، ىندەتتەن تۋىنداعان ءتيىمسىز ىقپالعا بەلسەندىلىكپەن، ىرىقتىلىقپەن توتەپ بەرىپ، شينجياڭ ەكونوميكاسىنىڭ ۇيلەسىمدى ارالىقتا اينالىس جاساۋىنا پارمەندى تىرەك ازىرلەدى.
جالعاستى سالىنعان ءبىر توپ نىسان سالىنىپ بولىپ، ىسكە قوسىلدى. 1 - ايدان 10 - ايعا دەيىن، شينجياڭنىڭ ءتۇيىندى نىساندارىنا، جالعاستى سالىنعان نىساندارعا 159 ميلليارد يۋان قارجى قوسىلىپ، جىلدىق جوسپاردىڭ ％1. 93 ىن يەلەدى، حوتان − چارقىلىق تەمىر جولى، اقسۋ − ارال تەمىر جولى، G315 جەلىسىنىڭ يتىمبۇلاقتان چارقىلىققا دەيىنگى تاس جولى سياقتى 43 ءتۇيىندى نىسان سالىنىپ ىسكە قوسىلىپ، جالپى 278 ميلليارد 200 ميلليون يۋان قارجى قوسىلدى.
100دەن ارتىق جاڭادان قۇرىلىس باستاعان نىساندار تۇتاس جىلدىق نىسانا - مىندەتىن الدىن الا ورىندادى. 1 - ايدان 10 - ايعا دەيىن، S226 جەلىسى قاراتۇڭكەدەن كوكتوعايعا دەيىنگى تاس جول، جۇندۇڭ (شونجى) اۋەجايىن جاڭادان سالۋ ينجەنەرياسى، حىجيڭ (بايىنبۇلاق) اۋەجايىن جاڭادان سالۋ ينجەنەرياسى، تابيعي گازدى باتىستان شىعىسقا جەتكىزۋ 4 - جەلىسىنىڭ تابيعي گاز قۇبىرى ينجەنەرياسى، ”شينجياڭنىڭ ەلەكترىن سىرتقا جەتكىزۋ“ 3 - جەلىسى سايكەستى ەلەكتر قاينارى نىسانى، كومىردى ەلەكترگە وزگەرتۋدىڭ 2 - مەرزىمدىك ينجەنەرياسى، شينجياڭ رۇيزى توقىماشىلىق شەكتى سەرىكتەستىگىنىڭ ءبىر ميلليون 500 مىڭ ۇرشىق ماقتا توقىماشىلىق نىسانى سياقتى 103 ءتۇيىندى نىسان جاڭادان قۇرىلىس باستاپ، تۇتاس جىلدىق جاڭادان قۇرىلىس باستاۋ نىسانا - مىندەتىن الدىن الا ورىنداپ، 89 ميلليارد 300 ميلليون يۋان قارجى قوسىلدى.
شينجياڭ ءتۇيىندى نىساندارىندا حالىق تۇرمىسى نىسانى ورنىقتى ىلگەرىلەتىلىپ، الدىڭعى 10 ايدا جالپى 57 ميلليارد 300 ميلليون يۋان قارجى قوسىلىپ، وتكەن جىلعى سول تۇستاعىمەن سالىستىرعاندا، 8 ميلليارد 800 ميلليون يۋان ارتتى. التاي تاۋى كوكتوعاي حالىقارالىق شاڭعى الاڭىنىڭ دارەجەسىن ءوسىرۋ ءتۇيىندى نىسانى، شينجياڭ تيانشان تەمىر كورىنىس ءوڭىرى نەگىزدىك قۇرىلعىلارى قۇرىلىسى نىسانى جانە مەملەكەتتىك 5A دارەجەلى ساياحات كورىنىس ءوڭىرىن قۇرۋ نەگىزدىك قۇرىلعىلارى نىسانى سياقتى 10 ماڭىزدى حالىق تۇرمىسى نىسانى سالىنىپ بولدى ءارى پايدالانۋعا بەرىلدى، قاشقار داشۋەسىنىڭ كاسىپتىك تولىق كۋرس وقۋ - اعارتۋ مەكتەپ رايونى قۇرىلىسى نىسانى، شي - ان قاتىناس داشۋەسىنە قاراستى 2 - شيپاحاناسى شينجياڭ شيپاحاناسى قۇرىلىسى نىسانى سياقتى 24 حالىق تۇرمىسى نىسانى جاڭادان قۇرىلىس باستادى.
اۆتونوميالى رايوندىق دامۋ جانە رەفورما كوميتەتى نىسان قۇرىلىسىن باسقارۋ باسقارماسىنىڭ ورىنباسار باستىعى جاڭ يۇڭلياڭ كاسىپ سالاسىنا بولە وتىرىپ الدىڭعى 10 ايداعى شينجياڭنىڭ ءتۇيىندى نىسان قۇرىلىسى جاعدايىن تانىستىردى: جاڭادان گۇلدەنگەن كاسىپ سالاسى، ەڭبەك شوعىرلانعان كاسىپ سالاسى، تاس جول، ەلەكتر قۋاتى سياقتى سالاداعى ءتۇيىندى نىساندار پارمەندى ىلگەرىلەتىلىپ، قارجى قوسۋدى ورىنداۋ سالىستىرماسى تۇگەلدەي ％100تەن جوعارى بولىپ، جىلدىق نىسانا - مىندەتتەردى الدىن الا ورىندادى؛ بايلىق شوعىرلانعان كاسىپ سالاسى، ەكولوگيالىق ورتانى قورعاۋ، ەكونوميكا - ساۋدا، زات اينالىمى سياقتى سالاداعى كەلەلى نىساندار قۇرىلىسىن جەدەلەتىپ، قارجى قوسۋدى ورىنداۋ سالىستىرماسى ％90تەن جوعارى بولدى.
اۆتونوميالى رايوندىق دامۋ جانە رەفورما كوميتەتىنىڭ قاتىستى جاۋاپتىسى مىنالاردى ءبىلدىردى: ءونىمدى قارجى قوسۋدىڭ شەشۋشى رولىن تولىق ساۋلەلەندىرىپ، ىندەت الا كەلگەن ءتيىمسىز ىقپالعا بەلسەندىلىكپەن، ىرىقتىلىقپەن توتەپ بەرىپ، كەلەلى نىسان قۇرىلىسىن پارمەندى، ءتارتىپتى ىلگەرىلەتىپ، تۇتاس جىلدىق ەكونوميكالىق، قوعامدىق دامۋ نىسانا - مىندەتتەرىن ورىنداۋعا كۇش سالامىز.
