تيانشان تورى
تيانشان تورى   ›   جاڭالىقتار   ›   شينجياڭ حابارلارى

1 - ايدان 10 - ايعا دەيىن تارىم مۇناي الابىنداعى كۇندىك مۇناي - تابيعي گاز ءونىمى سايكەس مەزگىلدەگىدەن 3750 توننا ارتتى

  1 - ايدان 10 - ايعا دەيىن تارىم مۇناي الابىنداعى كۇندىك مۇناي - تابيعي گاز ءونىمى سايكەس مەزگىلدەگىدەن 3750 توننا ارتتى

  انار بۇلت \ شينجياڭ گازەتىنىڭ ءتىلشىسى يۇي جياڭيان 11 - ايدىڭ 13 - كۇنى ۇرىمجىدەن حابارلايدى. 1 - ايدان 10 - ايعا دەيىن تارىم مۇناي الابىندا جالپى وندىرىلگەن مۇناي - تابيعي گاز ءونىم مولشەرى ەكۆيۆالەنتى 27 ميلليون 360 مىڭ توننا بولىپ، بىلتىرعى سول تۇستاعىدان ءبىر ميلليون 140 مىڭ توننا ارتىپ، كۇنىنە ورتا ەسەپپەن ارتقان مۇناي - تابيعي گاز مولشەرى 3750 تونناعا جەتكەن. مۇنىڭ ىشىندە مۇناي سۇيىقتىعىنان جالپى 6 ميلليون 195 مىڭ 500 توننا، تابيعي گازدان جالپى 26 ميلليارد 566 ميلليون تەكشەمەتر وندىرىلگەن.

  بيىل جىل باسىنان، اسىرەسە، وسى رەتكى ىندەت تۋىلعاننان بەرى، تارىم مۇناي الابى ىندەتتىڭ ىقپالىن ازايتۋ قىزمەت ارناۋلى ءبانىن جانە ءوندىرىستى سايكەستىرۋ ارناۋلى ءبانىن دەر كەزىندە قۇرىپ، ادام كۇشىن، زەيىن - زەردەنى شوعىرلاندىرىپ قامال الۋعا سايكەستىردى. ىرىقتىلىقپەن شايقاس جاساۋ ارقىلى كوپ ساتىلى بايلانىس مەحانيزمىن ورناتىپ، 7236 اۆتوموبيل - رەتتىك، 218 مىڭ توننالىق ءتۇيىندى زاتتىق ماتەريالداردىڭ ءساتتى وتكىزىلۋىنە شىنايى كەپىلدىك ەتىپ، ءتۇيىندى 52 ۇڭعىمانىڭ جۇمىسىن قالپىنا كەلتىرىپ، 49 ۇڭعىمادا جۇمىستىڭ توقتاپ قالۋىنان ساقتاندى.

  ءوندىرىستى ۇيىمداستىرۋدى كۇشەيتۋ جانە قامال الۋدى سايكەستىرۋ ارقىلى، مۇناي - تابيعي گاز ءوندىرۋ قۋاتى زور مولشەردە جوعارىلاعان. 10 - ايدىڭ سوڭىنا دەيىن، مۇنايدىڭ كۇندىك ءونىمى 21 مىڭ 434 تونناعا، تابيعي گازدىڭ كۇندىك ءونىمى 95 ميلليون 590 مىڭ تەكشەمەترگە جەتىپ، بىلتىرعى جىل سوڭىنداعىدان جەكە - جەكە 1115 توننا، 390 مىڭ تەكشەمەتر ارتقان.

  بيىل، تارىم مۇناي الابى جوعارى ونىمدىلىكپەن بارلاۋدى زور كۇشپەن اتقارىپ، تاۋەكەلدى بارلاۋ سەرپىنى مەن قارقىنى تاريحتاعى ەڭ جوعارى دەڭگەيگە جەتتى. قازىرگە دەيىن، مۇناي، تابيعي گاز بايقالماعان 9 اۋماقتا مۇناي - تابيعي گاز بار ەكەندىگىن دالەلدەگەن؛ الدىن الا بارلاۋدا انىقتالعان 5 ونەركاسىپتىك مۇناي - تابيعي گاز جاتىنىنىڭ ىشىندە، مۇناي - تابيعي گاز الابىنىڭ ەرەكشەلىگى مەن مۇنايلى - تابيعي گازدى اۋماقتىڭ شەكاراسىن ەگجەي - تەگجەيلى انىقتاپ شىققان. اسىرەسە، فۋدۇڭ 1 - ۇڭعىماسىنان 8000 مەترلىك اسا تەرەڭ قويناۋدان جوعارى ونىمگە قول جەتكىزىپ، فۋمان نەگىزگى وندىرىستىك قابات استىنداعى جاڭا تيپتەن، جاڭا قابات جۇيەسىنەن ستراتەگيالىق سەرپىلىسكە قول جەتكىزىپ، مۇناي - تابيعي گاز ءوندىرىسىن جالعاستىرۋدىڭ جاڭا سالاسىن اشقان.

  قازىرگى تاڭدا، تارىم مۇناي الابىنىڭ جاڭا ەنەرگيا كاسىپتەرى جەدەل جۇمىس باستاپ، مۇناي الابىن جاسىل، تومەن كومىر قىشقىل گازدى باعىتقا قاراي تيبىن وزگەرتۋ، ەنەرگيا ۇنەمدەپ، جۇمسالىمدى ازايتۋ، ۇلەستىرىلگەن فوتوۆولت، قايتالاي ەلەكترلەندىرۋ سياقتىلاردا ايتارلىقتاي ناتيجەگە قول جەتكىزگەن، قۇمدى ءشول تاس جولىنىڭ كومىر قىشقىل گازىنان بەيتاراپ بولۋدان ۇلگى كورسەتۋ ينجەنەرياسى سالىنىپ ءبىتىپ، اينالىمعا تۇسكەن. قازىرگە دەيىن، تارىم مۇناي الابى ”قۇمدى ءشول، قۇبا ءتۇز، يەن دالا“ جاڭا ەنەرگيا بازاسى قۇرىلىسى جاعىندا ”200 مىڭ كيلوۆاتتىق نىسان سالىنىپ جاتقان، ءبىر ميلليون 100 مىڭ كيلوۆاتتىق نىسان قولدا تۇرعان، 3 ميلليون كيلوۆاتتىق نىسان نەگىزىنەن تياناقتانعان، 5 ميلليون كيلوۆاتتىق نىسان مەجەگە الىنعان“ ءتارتىپتى جالعاسقان، ۇتىمدى دامىعان اۋقىم قالىپتاستىرعان.

  قازىر تارىم مۇناي الابىنىڭ ءتۇرلى قىزمەتتەرى تىڭعىلىقتى ىلگەرىلەۋدە. بيىل تەكسەرىلىپ، جوندەلۋگە ءتيىستى 39 جابدىقتى تەكسەرۋ - جوندەۋ مىندەتى جوسپار بويىنشا حاۋىپسىز، جوعارى ونىمدىلىكپەن ورىندالىپ، وندىرىستىك قۋاتتى ىسكە قوسۋدى ءونىمدى قامتاماسىز ەتىپ، بۇكىل جىلداعى ءوندىرىس - اينالىم مىندەتىن ورىنداۋعا بەرىك نەگىز قالاعان.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.