تيانشان تورى
تيانشان تورى   ›   جاڭالىقتار   ›   شينجياڭ حابارلارى

ىندەتكە قارسى اتتانۋ پارمەندى، قىزمەت وتەۋ مەيىرلى بولدى

  ىندەتكە قارسى اتتانۋ پارمەندى، قىزمەت وتەۋ مەيىرلى بولدى

  − اۆتونوميالى رايوندىق دامۋ جانە رەفورما كوميتەتىنىڭ ەكىنشى توپتاعى قىزمەت اترەتىنىڭ الەۋمەتتىك اۋماققا ءتۇسىپ، ىندەتتەن ساقتانۋ - تىزگىندەۋگە كومەكتەسكەندىگى جونىندە

  □ انار بۇلت \ شينجياڭ گازەتىنىڭ ءتىلشىسى شى شين

  ”رولىم وزگەرگەنىمەن، اۋەلگى ماقساتىم وزگەرمەيدى. مەيلى دامۋ جانە رەفورما جۇيەسىنىڭ كادرى بولايىن، الدە ەرىكتى بولايىن، بار ىنتا - پەيىلىممەن حالىق ءۇشىن قىزمەت ىستەۋدى قاسيەتتى بورىشىم دەپ بىلەمىن“. مىنە بۇل، اۆتونوميالى رايوندىق دامۋ جانە رەفورما كوميتەتىنىڭ كادرى اكبار قارىنىڭ الەۋمەتتىك اۋماققا ءتۇسىپ، ىندەتكە قارسى اتتانۋدىڭ الدىڭعى شەبىندە قىزمەت وتەگەندەگى قىزمەت اسەرى.

  ءبىرىنشى توپتاعى 60 پارتيا مۇشەسى مەن كادردىڭ ۇرىمجىدەگى الەۋمەتتىك اۋماقتارعا ءتۇسىپ، ىندەتتەن ساقتانۋ - تىزگىندەۋگە كومەكتەسۋىنەن كەيىن، جۋىقتا، اۆتونوميالى رايوندىق دامۋ جانە رەفورما كوميتەتى تاعى ەكىنشى توپتاعى 11 پارتيا مۇشەسى مەن كادردى تومەنگە ءتۇسىپ ىندەتكە قارسى اتتانۋدىڭ الدىڭعى شەبىنە بارىپ، ىندەتتەن ساقتانۋ - تىزگىندەۋدىڭ بەرىك قورعانىس شەبىن ءبىر نيەتپەن بىرگە ورناتۋعا جىبەردى.

  اكبار مەن قىزمەتتەسى لۋ يۇيدۇڭ جەڭىس جولى ءمالىسى حىباشياڭ الەۋمەتتىك اۋماعى تەلەگراف مەكەمەسىنىڭ تۇرعىندار اۋلاسىنا العاش كەلگەندە، بۇل ارانىڭ قيىنشىلىعى بار بۇقاراسى كوپ، قارتتارى مەن بالالارى كوپ، كونە، ەسكى شاعىن اۋماق ەكەندىگىن بايقادى. بۇل اراداعى تۇرعىنداردىڭ كوبى زەردەلى قول تەلەفوندى تولىق ىستەتە بىلمەيدى، مەملەكەتتە ءبىر تۇتاس قولدانىلاتىن ءتىلدى جەتىك يگەرمەگەن ەكەن، ءار جولى شاعىن اۋماق توبىندا زاتتىق ماتەريالدار الۋعا تىركەلگەن كەزدە، الما كەزەك جازۋ جازىپ، ءسوز قالدىرىپ، تەلەفون سوعىپ دەگەندەي، بىرىنەن سوڭ ءبىرى قاباتتاسىپ، يۋ - قيۋ بولۋشى ەدى. ”وسىنداي كەزدە مەنىڭ ءتىل جاعىنداعى ارتىقشىلىعىم، لۋ يۇيدۇڭنىڭ تەز جازۋ ارتىقشىلىعى توتەنشە ەس قاتتى، ءبىز جۇمىس ءبولىسى بويىنشا سەلبەسەمىز، مەن سابىرلىلىقپەن تەلەفون قابىلداپ قايتا دۇرىستايمىن، ول مۇقياتتىلىقپەن تۇرگە ايىرىپ تىزىمدەيدى، كەي كەزدەرى قارتتارعا كومەكتەسىپ ەسەبىن جاساپ بەرىپ، تيتتەي دە اعات جىبەرمەۋگە شىنايى كەپىلدىك ەتەمىز. ءبىز تاعى جەتكىزەتىن زاتتاردى تۇرىنە، ارالىق ۋاقىتىنا نەگىزدەلە وتىرىپ ءجيى - ءجيى تۇرعىنداردىڭ قاجەتىن ۇعىسىپ، ۇسىنىس بەرىپ، ولاردىڭ زاتتىق ماتەريالداردى جەتكىلىكتى، ويداعىداي دايىنداپ الۋىنا شىنايى كەپىلدىك ەتتىك“. اكبار بىلاي دەدى: وسىلاي ىستەگەن كۇننىڭ وزىندە، تۇرعىنداردىڭ زاتقا تولىقتىرما تاپسىرىس بەرەتىن، تاپسىرىسىن قايتاراتىن جاعدايلارى دا بولىپ تۇرادى، وسىنداي كەزدە ءبىز تۇرعىنداردى، الەۋمەتتىك اۋماقتى، زاتپەن قامداۋشى جاقتى قايتا - قايتا سايكەستىرەمىز. كەي كەزدەرى تاماق ۋاقىتى ءوتىپ كەتكەندە، الدەقاشان سۋىپ قالعان قالبىرداعى اسقا قاراپ ەكەۋىمىز كۇلىپ عانا قوياتىنبىز، تاماقتىڭ سۋىپ قالۋى كىشكەنە ءىس، تۇرعىنداردىڭ كوڭىلىنە جىلۋ بەرۋ ۇلكەن ءىس.

  سامعار اسەرحان جانە كوتەرمەگە العان ءبىر كادر، ەكى ەرىكتى حىبا الەۋمەتتىك اۋماعى 165 - ءنومىرلى اۋلادا قىزمەت وتەيدى. ءار كۇنى حىسۋان سىناماسىن الۋ، زاتتىق ماتەريال جەتكىزۋ، اۋرۋ كورسەتۋ، ءدارى - دارمەك ساتىپ الۋ، قورشاعان ورتانى زارارسىزداندىرۋ، ميكروب جويۋ سياقتى قىزمەتتەر ءجىتى ورنالاستىرىلسا دا، ول شاعىن اۋماقتاعى اۋىراياق ەكى ايەلدىڭ جاعدايىنا كوڭىل ءبولۋدى، 70 جاستان اسقان، جالعىز تۇراتىن 6 كاريانىڭ تۇرمىس قاجەتىنە قارايلاسۋدى ۇمىتقان ەمەس. 11 - ايدىڭ 2 - كۇنى، اۋىراياق ءبىر ايەلدىڭ كۇيەۋى تەلەفوندا ابىرجي سويلەپ، ايەلىنىڭ بوسانۋعا از قالعاندىعىن ايتادى. سامعار، ءبىر جاعىنان، ونىڭ كوڭىلىن اۋلاپ، ەندى ءبىر جاعىنان، دەرەۋ الەۋمەتتىك اۋماق كادرلارىمەن حابارلاسىپ، قاتىستى راسيماتتاردى ءبىتىرىپ، اۆتوكولىك دايىنداپ، شيپاحانانى سايكەستىرەدى. بارلىق جۇمىستى ورنالاستىرىپ بولعان سوڭ، تۇرعىنعا كومەكتەسىپ، ونىڭ اۋىراياق ايەلىن شيپاحاناعا جەتكىزەدى، نارەستەنىڭ امان - ەسەن دۇنيەگە كەلگەندىگىن ەستىگەن سوڭ بارىپ كوڭىلى جاي تابادى.

  حىبا الەۋمەتتىك اۋماعى داشىڭ حۋايۋانىنا تۇسكەن ءدىلشات ايسا كوپتەگەن تۇرعىننىڭ شاش الدىرۋ تالاپ - تىلەگىن بىلگەن سوڭ، ىندەتتەن ساقتانۋ - تىزگىندەۋ تالابىن قاتاڭ تياناقتاندىرۋ العى شارتىندا، وتباسىعا بارۋ، كەزەككە ءبولۋ ءتاسىلىن قولدانىپ، سول عيماراتتاعى ءبىر كاسىپتىك شاشتارازدى تۇرعىندارعا مەيىر باعىشتاۋ سيپاتىندا شاش الىپ بەرۋگە ورنالاستىرادى.

  باقىت جولى الەۋمەتتىك اۋماعى 49 - ءنومىرلى اۋلاعا ەڭ الدىمەن كەلىپ، الەۋمەتتىك اۋماقتا قىزمەت وتەۋ قىزمەتىن ورىستەتكەننەن بەرى، چىن شىڭحۇي شاعىن اۋماقتاعى 52 وتباسىنداعى 145 تۇرعىنعا قىزمەت وتەۋ قىزمەتىن ىرىقتىلىقپەن ۇستىنە الدى. قايتكەندە اناعۇرلىم ويداعىداي، اناعۇرلىم ىركىلىسسىز تۇردە زاتتاردى سايكەستىرىپ، وتباسىلارعا جەتكىزۋ، ىندەتتەن ساقتانۋدى ۇگىتتەۋ، حىسۋان سىناماسىن الۋ، اۋرۋ كورسەتۋگە، سۋ، ەلەكتر ساتىپ الۋعا قىزمەت وتەۋ، قورشاعان ورتانى زارارسىزداندىرىپ، ميكروب جويۋ، قوقىر - قوقسىقتاردى تازالاپ - تاسۋ سياقتى جۇمىستاردى ول الدەقاشان دوڭگەلەك اينالدىراتىن بولدى؛ 5 - كورپۋستاعى اۋىراياق ايەل، 4 - كورپۋستاعى جالعىز تۇراتىن كاريا سياقتى ءتۇيىندى نازار اۋدارىلاتىن وتباسىلاردىڭ كۇندەلىكتى جاعدايى كوڭىلىندە سايراپ تۇرادى؛ 3 - كورپۋستاعى ەكى وتباسىنداعى تۇرعىن قىزىل كودتى شيپاحاناداعى الدىڭعى شەپتە قىزمەت ىستەيتىن، ول ىرىقتىلىقپەن ولاردىڭ وتباسىنداعىلارمەن بايلانىس جاساپ، وسى شيپاحانا قىزمەتكەرلەرىن شاعىن اۋماقتىڭ ەمدەۋ، ۇگىت اترەتىن بىرگە قۇرۋعا ۇسىنىس ەتىپ، تۇرعىنداردىڭ ۇساق - تۇيەك اۋرۋ - سىرقاۋلارىنا دەر كەزىندە مەديتسينالىق كەڭەس جانە عىلمي توتەپ بەرۋ ءادىسىن ۇسىندى...

  جاڭبىر جاۋعان، قار قاپالاقتاعان كۇندەردە دە تۇرعىندارعا ءدارى - دارمەك، زاتتىق ماتەريال جەتكىزىپ، قوقىر - قوقسىقتارىن تازالاپ بەرىپ، قورشاعان ورتانى زارارسىزداندىرىپ، ميكروبىن جويادى؛ الەۋمەتتىك اۋماقتىڭ ورنالاستىرۋىنا، تۇرعىنداردىڭ كومەك سۇراۋىنا قاراتا، دەنساۋلىقتارى جايسىزدانىپ تۇرسا دا، قاشاندا وزدەرىن قاجەت ەتكەن جەرگە جەتىپ بارادى... ىندەتكە قارسى اتتانۋدىڭ الدىڭعى شەبىنە بارىپ، ۇستامدىلىقپەن جاۋاپكەرشىلىك ارقالاعان، اۆتونوميالى رايوندىق دامۋ جانە رەفورما كوميتەتىندەگى پارتيا مۇشەلەرى مەن كادرلار ءىس جۇزىندىك ارەكەتتەرى ارقىلى ىندەتتەن ساقتانۋ - تىزگىندەۋدەن قامال الۋ شايقاسىنىڭ، ىندەتتى جويۋ شايقاسىنىڭ جەڭىسكە جەتۋىنە كۇش قوسۋدا.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.