نۇرلان ءابىلماجىن اۆتونوميالى رايوندىق ساياسي كەڭەس جۇيەسىندە پارتيا 20 - قۇرىلتايىنىڭ رۋحى جونىندە ۇگىت لەكسيا جاسادى
زەيىن - زەردەنى، كۇش - قۋاتتى ۇيىستىرىپ، كورىكتى شينجياڭ قۇرۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يۇنمەي 11 - ايدىڭ 14 - كۇنى ۇرىمجىدەن حابارلايدى. 11 - ايدىڭ 14 - كۇنى اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن اۆتونوميالى رايوندىق ساياسي كەڭەس جۇيەسىندە پارتيا 20 - قۇرىلتايىنىڭ رۋحى جونىندە ۇگىت لەكسيا جاسادى.
نۇرلان ءابىلماجىن بىلاي دەپ اتاپ كورسەتتى: پارتيا 20 - قۇرىلتايى تۋدى بيىك ۇستاعان، كۇش - قۋاتتى ۇيىستىرعان، ىنتىماقتاسا ەكپىندەي ىلگەرىلەگەن قۇرىلتاي، جاڭا داۋىردەگى جاڭا جورىقتا پارتيا مەن مەملەكەت ىستەرىنىڭ دامۋىنا، ەكىنشى 100 جىلدىق كۇرەس نىساناسىن جۇزەگە اسىرۋعا ايقىن العا باسۋ بەتالىسىن كورسەتتى، ارەكەت باعدارناماسىن بەلگىلەدى. باس شۋجي شي جينپيڭنىڭ جاساعان بايانداماسى − پارتيامىزدىڭ حالىقتى ىنتىماقتاستىرىپ جانە باستاپ، جاپپاي سوتسياليستىك وسىزاماندانعان مەملەكەت قۇرۋىنىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋىنىڭ ساياسي جارناماسى جانە ارەكەت تۇعىرناماسى. ”ەكىنى تۇراقتاندىرۋدىڭ“ شەشۋشى ءمانىن ونان ارى تەرەڭ ءتۇسىنىپ، ”ەكىنى قورعاۋدى“ باتىل ورىنداپ، ”ءۇش ءسوز جوقتى“ ەستە بەرىك ساقتاپ، ”بەس ءسوزسىز باسىپ وتەتىن جولمەن“ ويداعىداي ءجۇرىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، جاڭا داۋىردەگى جاڭا جورىقتا زەيىن - زەردەنى، كۇش - قۋاتتى ۇيىستىرا وتىرىپ كورىكتى شينجياڭ قۇرۋ كەرەك.
نۇرلان ءابىلماجىن مىنالاردى باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت. تۇتاس رايونداعى ءار دارەجەلى ساياسي كەڭەس، ساياسي كەڭەسكە قاتىناسۋشى ورىندار، ءار ۇلت، ءار سالا مۇشەلەرى جانە ساياسي كەڭەس ورگانىنداعى قالىڭ كادرلار باس شۋجي شي جينپيڭنىڭ جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت تالاپتارىن باتىل دايەكتىلەندىرىپ، سانالى تۇردە پارتيا 20 - قۇرىلتايىنىڭ رۋحىمەن يدەيانى بىرلىككە كەلتىرىپ، ەرىك - جىگەردى بىرلىككە كەلتىرىپ، ارەكەتتى بىرلىككە كەلتىرىپ، ”ەكى كەلەلى جاعدايدى“ كوكەيگە ءتۇيىپ، ”مەملەكەتتىڭ زور ءىسىن“ ەستە ساقتاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ”تياناقتاندىرۋ“ مەن ”ۇيىستىرۋ“ ساياسي جاۋاپكەرشىلىگىن باتىل ارقالاپ، پارتيا 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى نىق قاداممەن ءىس - ارەكەتتە ايگىلەپ، ونىمدىلىكتە كورسەتۋ كەرەك.
نۇرلان ءابىلماجىن مىنالاردى تالاپ ەتتى: ساياسي دەڭگەيدى جوعارىلاتىپ، ايقىن ساياسي پوزيتسيامەن جانە كۇشتى ساياسي جاۋاپكەرشىلىكپەن جاپپاي ۇيرەنۋگە، جاپپاي يگەرۋگە، جاپپاي تياناقتاندىرۋعا كۇش سالىپ، ۇيرەنۋ، باۋلۋ، ۇگىتتەۋ، ۇگىت لەكسيا جاساۋ، دايەكتىلەندىرۋ، تياناقتاندىرۋ قىزمەتتەرىن تىڭعىلىقتى، ويداعىداي ىستەپ، پارتيا 20 - قۇرىلتايى رۋحىنىڭ تيانشان الابىندا تياناقتانىپ تامىر تارتۋىن، گۇل اشىپ، جەمىس بەرۋىن ىلگەرىلەتۋ كەرەك. ءتۇپ نۇسقانى وقۋعا، قاعيدانى تۇسىنۋگە تاباندى بولىپ، تەرەڭدەي ۇيرەنىپ، جەتە تۇسىنۋگە، جەتە ۇعىنىپ، تولىق تۇسىنۋگە شىنايى كەپىلدىك ەتۋ؛ ۇگىتتەۋ، ۇگىت لەكسيا جاساۋ جاعىندا ىشكەرىلەي، ناقتى ىستەپ، اقپارات ۇگىتىن دەن قويا ۇيىمداستىرىپ، ۇگىت لەكسيا قيمىلدارىن شوعىرلى ورىستەتىپ، زەرتتەۋدى، ءتۇسىندىرۋدى شىنايى كۇشەيتىپ، ءتۇرلى مەديا تۇعىرلارىنان ويداعىداي پايدالانىپ، كەڭ كولەمدى، ىشكەرىلەي بولۋعا، وي - ساناعا ۇيالاتۋعا شىنايى كەپىلدىك ەتۋ كەرەك. پارتيا 20 - قۇرىلتايىنىڭ ستراتەگيالىق ورنالاستىرۋى مەن جاڭا داۋىردەگى جاڭا جورىقتا وزەكتى مىندەتتى مىقتاپ ارقاۋ ەتىپ، كەزەكتەگى جانە بۇدان بىلايعى ءبىر مەزگىلدەگى ءتۇيىندى كەڭەستىك تاقىرىپتاردى الدىن الا جوبالاپ، حالىق ساياسي كەڭەسىنىڭ دەموكراتيالىق باقىلاۋ جانە مۇشەلەردىڭ سالالار بويىنشا بۇقارامەن بايلانىس جاساۋ ءتۇزىمى مەحانيزمىن اناعۇرلىم كەمەلدەندىرىپ، بيىلعى قىزمەت جاۋاپكەرشىلىگى مىندەتىن ويداعىداي ورىنداپ، كەلەر جىلعى مىندەت وتەۋ قىزمەتىن ويداعىداي جوسپارلاپ، قىزمەتتىڭ تىڭ ناتيجەلەرى ارقىلى پارتيا 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ تىڭ ناتيجەلەرىن ايگىلەۋ كەرەك.
ۇگىت لەكسيا، بايانداما جاساۋ جينالىسى بەينە ەكران تاسىلىندە اشىلدى، ايماقتىق، وبلىستىق، قالالىق ساياسي كەڭەستەردىڭ، سونداي - اق ساياسي كەڭەسكە قاتىناسۋشى ورىنداردىڭ جاۋاپتى جولداستارى، ءار دارەجەلى ساياسي كەڭەس مۇشەلەرىنىڭ ۋاكىلدەرى قاتىناستى.
