شينحۋا اگەنتتىگىنىڭ 11 - ايدىڭ 15 - كۇنى يندونەزيانىڭ بالي ارالىنان بەرگەن حابارى (تىلشىلەر حۋاڭيىن جيازى، شيە مەيحۋا). جەرگىلىكتى ۋاقىت 11 - ايدىڭ 15 - كۇنى تۇستەن بۇرىن مەملەكەت ءتوراعاسى شي جينپيڭ بالي ارالىندا فرانسيانىڭ زۇڭتۇڭى ماكرونمەن كەزدەستى.
شي جينپيڭ بىلاي دەپ اتاپ كورسەتتى: وتكەن 3 جىلدا ءبىز ءتۇرلى تاسىلدەر ارقىلى ءجيى بايلانىس جاساپ، جۇڭگو - فرانسيا قارىم - قاتىناسىنىڭ بەلسەندى دامۋ تەبىنىن ساقتاپ، ەكى ەلدىڭ ماڭىزدى سەلبەستىگىندە بەلسەندى ىلگەرىلەۋشىلىككە قول جەتكىزدىك. كەزەكتە دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. دۇنيە ءجۇزىنىڭ كوپ ۇيەكتەنگەن جاعدايىنداعى ەكى ماڭىزدى كۇش رەتىندە، جۇڭگو - فرانسيا، جۇڭگو - ەۆروپا دەربەس، ءوز - وزىنە قوجايىن بولۋ، اشىق سەلبەستىك جاساۋ رۋحىنا تاباندى بولىپ، ەكى جاقتى قارىم - قاتىناستىڭ دۇرىس ارنادا نىق قاداممەن الىسقا بەت الۋىن ىلگەرىلەتىپ، دۇنيە جۇزىنە ورنىقتىلىق جانە وڭ ەنەرگيا ۇستەۋى كەرەك.
شي جينپيڭ بىلاي دەپ باسا دارىپتەدى: جۇڭگو جوعارى دەڭگەيدە سىرتقا ەسىك اشۋدى بۇلجىماس تاباندىلىقپەن ىلگەرىلەتىپ، جۇڭگو ۇلگىسىندەگى وسىزامانداندىرۋدى قۇلشىنا ىلگەرىلەتىپ، فرانسيانى قامتىعان دۇنيە جۇزىندەگى ءار ەلگە جاڭا وراي ازىرلەيدى. ەكى جاق بولاشاقتى كوزدە ۇستاي وتىرىپ جوعارى دەڭگەيلى جوبانى ويداعىداي جاساپ، ءبىر - ءبىرىنىڭ وزەكتى مۇددەسى مەن نازار اۋدارىپ وتىرعان كەلەلى ىستەرىنە ءوزارا قۇرمەت ەتىپ، ناقتى سەلبەستىكتى تەرەڭدەتىپ، ءداستۇرلى سالالاردا ۇزدىكسىز تىڭ ىلگەرىلەۋشىلىككە قول جەتكىزۋدى ىلگەرىلەتىپ، جاسىل ەنەرگيا، عىلىم - تەحنيكادا جاڭالىق اشۋ سياقتى سالالارداعى سەلبەستىكتىڭ كومەسكى كۇشىن بەلسەنە اشۋى كەرەك. فرانسيا جاقتىڭ جۇڭگو كاسىپورىندارىنىڭ فرانسيادا دامۋىنا اناعۇرلىم ءادىل، تۋرا، كەمسىتپەيتىن شارۋاشىلىق - ساۋدا ورتاسىن ازىرلەۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: كوپ جىلدىق دامۋ ارقىلى جۇڭگو مەن ەۆروپا ەكونوميكادا بىرگە جاسايتىن كۇشتى قاتىناسىن قالىپتاستىردى. ەكى جاق قوس باعىتتى ساۋدا مەن قارجى قوسۋ ارناسىن كەڭەيتىپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاۋ، حالىقارالىق ەكونوميكا - ساۋدا ەرەجەسى مەن ءتارتىبىن قورعاۋ كەرەك. فرانسيا جاقتىڭ ەۆروپا وداعىنىڭ جۇڭگوعا دەربەس جانە بەلسەندى ساياساتتى ۇزدىكسىز اتقارۋىن ىلگەرىلەتۋىن ءۇمىت ەتەمىن. جۇڭگو جاق فرانسيا جاقپەن بىرگە، يندونەزيانىڭ ءتوراعا ەل قىزمەتىن قولداپ، 20 ەل توبىنىڭ بالي ارالىنداعى باسشىلار ءماجىلىسىنىڭ تابىستى بولۋىن ىلگەرىلەتىپ، كليمات وزگەرىسىنە توتەپ بەرۋ، ورگانيزمدەردىڭ الۋان تۇرلىلىگىن قورعاۋ سياقتى جاقتاردا بايلانىس جاساۋدى، ىستەستىكتى كۇشەيتىپ، ناعىز كوپ جاقتىلىقتى بىرگە قورعاپ، استىق حاۋىپسىزدىگى، ەنەرگيا حاۋىپسىزدىگى سياقتى الەمدىك سايىستارعا توتەپ بەرىپ، باياندى دامۋداعى قيىن ماسەلەلەردى شەشۋدى قالايدى.
ماكرون مىنالاردى ءبىلدىردى: ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن قىزۋ قۇتتىقتايمىن، جۇڭگو كوممۋنيستىك پارتياسى 20 - قۇرىلتايىنىڭ تولىق تابىستى بولعاندىعىن قۇتتىقتايمىن. فرانسيا - جۇڭگو ەكى ەل الەمنىڭ بەيبىت دامۋىن جەبەۋگە، دۇنيە ءجۇزى ەكونوميكاسىنىڭ گۇلدەنۋىن جەبەۋگە كۇش سالادى. جۇڭگو ۇلگىسىندەگى وسىزامانداندىرا دامۋ ۇلگىسى ادامدى سۇيىندىرەدى. فرانسيا جاق دەربەس ديپلوماتيا ۇستانىپ، توپقا ءبولىنىپ قارسىلاسۋعا قارسى تۇرادى. كەزەكتەگى اۋمالى - توكپەلى حالىقارالىق اۋقىم الدىندا، فرانسيا جاق جۇڭگو جاقپەن ءوزارا قۇرمەت ەتۋ، تەڭ تۇرعىدا ءوزارا تيىمدىلىك جاساۋ رۋحىن ۇزدىكسىز ۇستانىپ، جوعارى جىكتەگىلەردىڭ بارىس - كەلىسىن، تىلدەسۋىن جيىلەتىپ، ەكونوميكا - ساۋدا، اۆياتسيا، حالىقتىق يادرو ەنەرگياسى سياقتى سالالارداعى سەلبەستىكتى تەرەڭدەتۋدى ءۇمىت ەتەدى، جۇڭگو كاسىپورىندارىنىڭ فرانسياعا بارىپ سەلبەستىك ورىستەتۋىن قارسى الادى. فرانسيا جاق جۇڭگو جاقپەن كوپ جاقتى بايلانىستى، ىستەستىكتى كۇشەيتىپ، كليمات وزگەرىسى، استىق داعدارىسى جانە ورگانيزمدەردىڭ الۋان تۇرلىلىگىن قورعاۋ سياقتى الەمدىك ماسەلەلەرگە بىرگە توتەپ بەرۋدى قالايدى. فرانسيا جاق ەۆروپا مەن جۇڭگونىڭ تىلدەسۋىن، سەلبەستىگىن بەلسەنە جەبەۋدى قالايدى.
ەكى جاق ۋكراينا جاعدايى جونىندە پىكىر اۋىستىردى. شي جينپيڭ بىلاي دەپ باسا دارىپتەدى: جۇڭگو جاقتىڭ ۋكراينا داعدارىسى جونىندەگى تۇرعىسى ايقىن، دايەكتى، اتىستى توقتاتۋدى، سوعىستى اياقتاتۋدى، بەيبىت كەلىسسوزگە كەلۋدى دارىپتەيدى. حالىقارالىق قوعام بۇعان شارت - جاعداي جاراتۋى كەرەك، جۇڭگو جاق تا ءوز تاسىلىمەن ۇزدىكسىز ورەلى رول اتقارادى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 15 - كۇنى يندونەزيانىڭ بالي ارالىنان بەرگەن حابارى (تىلشىلەر حۋاڭيىن جيازى، ۋاڭ اۋنا). جەرگىلىكتى ۋاقىت 11 - ايدىڭ 15 - كۇنى تۇستەن كەيىن، مەملەكەت ءتوراعاسى شي جينپيڭ بالي ارالىندا وڭتۇستىك افريكانىڭ زۇڭتۇڭى رامافوسامەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن وڭتۇستىك افريكا جولداس ۇستىنە باۋىرلاس بولۋداي ەرەكشە دوستىققا يە. جۇڭگو - وڭتۇستىك افريكا ەكى ەل تۇگەلدەي ماڭىزدى وركەندەپ كەلە جاتقان ءىرى ەلدەر، تۇگەلدەي حالىقارانىڭ ادىلدىگىن، تۋراشىلدىعىن جانە وركەندەپ كەلە جاتقان ەلدەردىڭ ورتاق مۇددەسىن باتىل قورعايدى. جۇڭگو جاق جۇڭگو - وڭتۇستىك افريكا قارىم - قاتىناسىنا باستان - اياق ستراتەگيالىق بيىك تۇرعىدان مامىلە جاساپ كەلەدى، وڭتۇستىك افريكامەن ساياسي ءوزارا سەنىمدىلىكتى بەكەمدەپ، جۇڭگو - وڭتۇستىك افريكا جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋشىلىقتارعا قول جەتكىزۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسىنىڭ 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدەي وزەكتى مىندەتتى تۇراقتاندىردى، جۇڭگونىڭ دامۋىنىڭ وڭتۇستىك افريكانى قامتىعان دۇنيە جۇزىندەگى ءار ەلگە ءتىپتى دە كوپ وراي اكەلەتىندىگىنە سەنەمىن. جۇڭگو جاق وڭتۇستىك افريكامەن ەل باسقارۋ بويىنشا تاجىريبە اۋىستىرۋدى كۇشەيتۋدى قالايدى، وڭتۇستىك افريكانىڭ ءوز ەلىنىڭ مەملەكەت جاعدايىنا ۇيلەسەتىن وسىزاماندانۋ جولى جونىندە ىزدەنىس جاساۋىن قولدايدى، ”ءبىر بەلدەۋ، ءبىر جول“ باستاماسىن ”وڭتۇستىك افريكانىڭ شارۋاشىلىقتى قايتا قۇرۋ جانە جانداندىرۋ جوسپارىمەن“ ۇشتاستىرۋدى كۇشەيتىپ، ساۋدا، قارجى قوسۋ، ەنەرگيا سياقتى سالالارداعى سەلبەستىكتى تەرەڭدەتىپ، جۇڭگو - افريكا سەلبەستىك تالقى مىنبەرى جەتىستىكتەرىنىڭ وڭتۇستىك افريكادا تياناقتانىپ ونىمدىلىك كورسەتۋىن ىلگەرىلەتەدى، جۇڭگو كاسىپورىندارىنىڭ وڭتۇستىك افريكاعا بارىپ قارجى قوسىپ، شارۋاشىلىقتى گۇلدەندىرۋىن قولدايدى، وڭتۇستىك افريكانىڭ ساپالى ونىمدەرىن يمپورت ەتۋدى كەڭەيتەدى. جۇڭگو جاق وڭتۇستىك افريكانىڭ كەلەر جىلى بريكس ەلدەرىنىڭ كەزەكتى ءتوراعا ەلى بولۋىن قولدايدى، وڭتۇستىك افريكامەن بىرگە، جۇڭگو مەن افريكانىڭ ىنتىماقتاسا سەلبەستىك جاساۋىن تەرەڭدەتىپ، حالىقارالىق ىستەردەگى سايكەسۋىن جيىلەتىپ، كليمات وزگەرىسى، استىق حاۋىپسىزدىگى، ەنەرگيا حاۋىپسىزدىگى سياقتى الەمدىك سايىستارعا تىزە قوسا توتەپ بەرۋدى قالايدى.
رامافوسا مىنالاردى ءبىلدىردى: مەن ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن تاعى ءبىر مارتە قۇتتىقتايمىن، جۇڭگو كوممۋنيستىك پارتياسى 20 - قۇرىلتايىنىڭ تولىق تابىستى بولعاندىعىن قۇتتىقتايمىن، جۇڭگونىڭ دامۋدا قول جەتكىزگەن ۇلى تابىستارىن قۇتتىقتايمىن. جۇڭگو جاقتىڭ وڭتۇستىك افريكا قاتارلى افريكا ەلدەرىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا قىمباتتى كومەكتەر بەرگەندىگىنە، سونداي - اق افريكا ەلدەرىنىڭ قارىز داعدارىسىن باسەڭدەتۋىنە الدىمەن كومەكتەسكەندىگىنە العىس ايتامىن. جۇڭگو وڭتۇستىك افريكانىڭ ماڭىزدى ستراتەگيالىق سەرىگى، وڭتۇستىك افريكا ۇزدىكسىز تۇردە ەشقانداي ءارى - ءسارى بولماستان ءبىر جۇڭگو پرينسيبىن باتىل قولدايدى. وڭتۇستىك افريكا جۇڭگو جاقتىڭ جاسىل دامۋ، ەنەرگيا تيبىن وزگەرتۋ تاجىريبەلەرىنەن ۇلگى الۋدى، ”ءبىر بەلدەۋ، ءبىر جولدى“ بىرگە قۇرۋعا بەلسەندىلىكپەن ات سالىسۋدى قالايدى، جۇڭگو كاسىپورىندارىنىڭ وڭتۇستىك افريكاعا كەلىپ قارجى قوسۋىن، سەلبەستىك جاساۋىن ەسىگىن ايقارا اشىپ قارسى الادى. وڭتۇستىك افريكا جۇڭگو جاقپەن بريكس ەلدەرى سياقتى كوپ جاقتى جۇلگەدە سايكەستىكتى، سەلبەستىكتى كۇشەيتۋدى ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 15 - كۇنى يندونەزيانىڭ بالي ارالىنان بەرگەن حابارى (تىلشىلەر حان لياڭ، لۋ يۇن). جەرگىلىكتى ۋاقىت 11 - ايدىڭ 15 - كۇنى تۇستەن كەيىن، مەملەكەت ءتوراعاسى شي جينپيڭ بالي ارالىندا سەنەگالدىڭ زۇڭتۇڭى ساللمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن سەنەگال ماڭىزدى سەلبەستىك سەرىكتەستەر ءارى جۇڭگو - افريكا سەلبەستىك تالقى مىنبەرىنىڭ ورتاق ءتوراعا ەلى. ەكى جاقتىڭ ورتاق قۇلشىنۋىندا، جۇڭگو - سەنەگال، جۇڭگو - افريكا قارىم - قاتىناسى اسا ۇلكەن دامۋشىلىققا قول جەتكىزدى. ەكى جاقتىڭ ساياسي ءوزارا سەنىمدىلىگى ۇزدىكسىز تەرەڭدەپ، ناقتى سەلبەستىگىنىڭ جەتىستىگى سۇبەلى بولدى. جۇڭگو جاق شىنايى، بۇكپەسىز، باۋىرمال، ادال بولۋ ۇستانىمىن جانە دۇرىس ادىلەت - مۇددە كوزقاراسىن ۇستانىپ، سەنەگالمەن جانە افريكا ەلدەرىمەن ىنتىماقتاسىپ، سەلبەسۋدى كۇشەيتىپ، جاڭا داۋىردەگى جۇڭگو − افريكا تاعدىرلاس ورتاق تۇلعاسىن قول ۇستاسا قۇرادى.
شي جينپيڭ بىلاي دەپ باسا دارىپتەدى: جۇڭگو جاق سەنەگال جاقپەن دامۋ، گۇلدەنۋ جولىندا ۇزدىكسىز قول ۇستاسا العا ىلگەرىلەپ، ءبىر - ءبىرىنىڭ يەلىك ۇقىعىنا، حاۋىپسىزدىگىنە، دامۋ مۇددەسىنە ساياتىن ماسەلەدە ءوزارا قولداۋ كورسەتۋدى قالايدى. جۇڭگو جاق سەنەگالدىڭ تاس جول، ونەركاسىپ باقشاسى سياقتى نەگىزدىك قۇرىلعى قۇرىلىسىنا ۇزدىكسىز قولداۋ كورسەتىپ، سەنەگالدىڭ اۋىل شارۋاشىلىعى ونىمدەرىن جۇڭگوعا كىرگىزۋدى كەڭەيتىپ، جەر جاڭعاعى تۇتاس كاسىپ سالاسى تىزبەگىن جانە كۇرىش ەگىمشىلىگى سەلبەستىگىن كۇشەيتىپ، جۇڭگو - افريكا سەلبەستىك تالقى مىنبەرىنىڭ ءتۇرلى شارالارىن ويداعىداي تياناقتاندىرۋدى قالايدى. جۇڭگو مەن سەنەگالدىڭ دۇنيە ءجۇزىنىڭ بەيبىتشىلىگىن قورعاۋ، ورتاق دامۋدى جەبەۋ سياقتى كەلەلى ماسەلەلەردەگى تۇرعىسى وتە ۇقساس. جۇڭگو جاق سەنەگال جاقپەن ىنتىماقتاسا سەلبەسىپ، حالىقارانىڭ ادىلىگىن، تۋراشىلدىعىن جانە قالىڭ وركەندەپ كەلە جاتقان ەلدەردىڭ ورتاق مۇددەسىن بىرگە قورعاۋدى قالايدى. جۇڭگو جاق افريكا ەلدەرى وداعىنىڭ 20 ەل توبىنا كىرۋ باستاماسىن بەلسەنە قولدايدى.
سالل مىنالاردى ءبىلدىردى: ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن تاعى ءبىر مارتە قىزۋ قۇتتىقتايمىن. جۇڭگو كوممۋنيستىك پارتياسى شۇعىلالى تاريحقا يە ۇلى پارتيا، جۇڭگو پرينسيپكە تاباندى، كەڭ قۇرمەتكە يە بولعان ۇلى مەملەكەت، افريكا ەلدەرىنىڭ ادال جانە مىزعىماس دوسى. مەيلى اۋىل شارۋاشىلىعى، سۋ يگىلىگى، نەگىزدىك قۇرىلعى، وقۋ - اعارتۋ، ەمدەۋدە بولسىن، الدە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا بولسىن، جۇڭگو باستان - اياق سەنەگالمەن جانە افريكا ەلدەرىمەن بىرگە بولدى. جۇڭگو جاقتىڭ سەنەگال جاققا جانە افريكا ەلدەرىنە كورسەتكەن قىمباتتى كومەگىنە، سونداي - اق افريكا ەلدەرى وداعىنىڭ 20 ەل توبىنا كىرۋ باستاماسىنا ءبىرىنشى بولىپ اشىق قولداۋ كورسەتكەنىنە العىس ايتامىن. افريكا ەلدەرىنىڭ شينجياڭعا قاتىستى ماسەلەدە جۇڭگونى باتىل قولداۋى افريكا - جۇڭگو اراسىنداعى جوعارى ساپالى ءوزارا سەنىم مەن جوعارى دەڭگەيدەگى قارىم - قاتىناستى تولىق دالەلدەدى. سەنەگال جاق جۇڭگو - افريكا سەلبەستىك تالقى مىنبەرىنىڭ اياق الىسىنا ريزا، جۇڭگو جاقپەن تالقى مىنبەرى جۇلگەسىندە سەلبەستىكتى ۇزدىكسىز ىلگەرىلەتۋدى قالايدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 15 - كۇنى يندونەزيانىڭ بالي ارالىنان بەرگەن حابارى (تىلشىلەر شيە مەيحۋا، ۋ شيا). جەرگىلىكتى ۋاقىت 11 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ بالي ارالىندا كورەيانىڭ زۇڭتۇڭى يىن شييۋەمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن كورەيا كوشىرىپ كەتۋگە بولمايتىن جاقىن كورشى ءارى سەتىنەمەيتىن سەلبەستىك سەرىكتەس، وڭىرلىك بەيبىتشىلىكتى قورعاۋ، دۇنيە ءجۇزىنىڭ گۇلدەنۋىن جەبەۋ جاقتارىندا ماڭىزدى جاۋاپكەرشىلىك ارقالاپ وتىر ءارى كەڭ كولەمدەگى مۇددە توعىسۋى دا بار. بيىل جۇڭگو مەن كورەيانىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعى. 30 جىلدىق تاريح جۇڭگو - كورەيا قارىم - قاتىناسىنىڭ اقاۋسىز، ورنىقتى دامۋىنىڭ ەكى ەل حالقىنىڭ ءتۇبىرلى مۇددەسىنە ۇيلەسەتىندىگىن ايگىلەدى. جۇڭگو جاق كورەيا جاقپەن بىرگە جۇڭگو مەن كورەيانىڭ قارىم - قاتىناسىن قورعاپ، بەكەمدەپ، ويداعىداي دامىتىپ، ءوڭىر مەن دۇنيە جۇزىنە اناعۇرلىم كوپ ورنىقتىلىق ازىرلەۋدى قالايدى.
شي جينپيڭ بىلاي دەپ باسا دارىپتەدى: ەكى جاق ستراتەگيالىق بايلانىستى كۇشەيتىپ، ساياسي ءوزارا سەنىمدىلىكتى نىعايتۋ كەرەك. جۇڭگو مەن كورەيانىڭ ەكونوميكاسى جوعارى دەڭگەيدە ءبىرىن - ءبىرى تولىقتايدى، دامۋ ستراتەگياسىن ۇشتاستىرۋدى ىلگەرىلەتىپ، ەكى ەلدىڭ ورتاق دامۋىن، كوركەيىپ - گۇلدەنۋىن جۇزەگە اسىرۋ كەرەك. ەكى جاقتى ەركىن ساۋدا كەلىسىمى كەلىسسوزىن جەدەلدەتىپ، جوعارى تەحنيكالى جاساۋ، ءىرى ساندى مالىمەت، جاسىل ەكونوميكا سياقتى سالالارداعى سەلبەستىكتى تەرەڭدەتىپ، حالىقارالىق ەركىن ساۋدا جۇيەسىن بىرگە قورعاپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن، ىركىلىسسىزدىگىن قامتاماسىز ەتىپ، ەكونوميكالىق سەلبەستىكتى ساياسيلاندىرۋعا، جاپپاي حاۋىپسىزدىككە تىرەۋگە قارسى تۇرۋ كەرەك. جۇڭگو جاق كورەيا جاقپەن گۋمانيتارلىق اۋىس - كۇيىس، سەلبەستىك ورىستەتىپ، 20 ەل توبى سياقتىلاردا بايلانىس جاساۋدى، سايكەسۋدى كۇشەيتىپ، ناعىز كوپ جاقتىلىقتى امالياتتا بىرگە ايگىلەپ، ءوڭىردىڭ بەيبىتشىلىگىنىڭ، ورنىقتىلىعىنىڭ كەلەلى جاعدايىن قورعاۋدى قالايدى.
يىن شييۋە مىنالاردى ءبىلدىردى: كورەيا جاق بيىل كورەيا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن وراي ەتىپ، جۇڭگومەن ءوزارا قۇرمەت ەتۋ جانە ءوزارا تيىمدىلىك جەتكىزىپ كەمەلدەنۋ نەگىزىندەگى قارىم - قاتىناستى دامىتۋدى قالايدى، بۇل ەكى ەلدىڭ ورتاق مۇددەسىنە ۇيلەسەدى. كورەيا جاق جۇڭگو جاقپەن ءار جىكتەگى بارىس - كەلىستى ساقتاپ، گۋمانيتارلىق اۋىس - كۇيىستى كۇشەيتىپ، ەكى ەلدىڭ حالىقتىق دوستىعىن نىعايتىپ، ەركىن ساۋدا ءتۇزىلىسىن قورعاپ، الەمدىك سىن - سايىسقا سەلبەسە وتىرىپ توتەپ بەرۋدى ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 15 - كۇنى يندونەزيانىڭ بالي ارالىنان بەرگەن حابارى (تىلشىلەر ليۋ كاي، زوۋ شۋەميان). جەرگىلىكتى ۋاقىت 11 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ بالي ارالىندا ارگەنتينانىڭ زۇڭتۇڭى فەرناندەسپەن كەزدەستى.
شي جينپيڭ بىلاي دەپ اتاپ كورسەتتى: بيىل جۇڭگو - ارگەنتينا قارىم - قاتىناسىنىڭ تاريحىنداعى الدىڭعىعا مۇراگەر، كەيىنگىگە بۇيداگەر بولاتىن شەشۋشى جىل. مەن سىزبەن بىرگە 2022 - جىلعى جۇڭگو - ارگەنتينا دوستىق سەلبەستىك جىلىن وتكىزۋدى جاريالاپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن سالتاناتپەن قۇتتىقتاپ، ءار سالاداعى اۋىس - كۇيىستىڭ، سەلبەستىكتىڭ تىڭ ساتىعا كوتەرىلۋىن ىلگەرىلەتتىك. جۇڭگو مەن ارگەنتينا بىردەي وركەندەپ كەلە جاتقان ءىرى ەلدەر جانە بازارى جاڭادان گۇلدەنگەن ەلدەر، ەكى جاق ەكى ەل قارىم - قاتىناسىنىڭ دامۋ جوباسىن ستراتەگيالىق بيىكتەن كەسكىندەپ، جۇڭگو مەن ارگەنتينا جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ جەتىستىكتەرگە قول جەتكىزۋىن ىلگەرىلەتۋى كەرەك.
شي جينپيڭ بىلاي دەپ باسا دارىپتەدى: جۇڭگو جاق ارگەنتينا جاقپەن ەل باسقارۋ بويىنشا تاجىريبە اۋىستىرۋدى كۇشەيتۋدى، ءبىر - ءبىرىنىڭ ءوز ەلىنىڭ مەملەكەت جاعدايىنا ۇيلەسەتىن، حالىقتىڭ تىلەگى مەن ءداۋىر تالابىنا ساي كەلەتىن دامۋ جولىمەن ءجۇرۋىن قولداۋدى، ءبىر - ءبىرىنىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋدى قولداۋدى قالايدى. ەكى جاق مادەنيەت، مەديا، وقۋ - اعارتۋ، دەنە تاربيە، جاستار، جەرگىلىكتى ورىن سياقتى سالالاردا اۋىس - كۇيىس، سەلبەستىك ورىستەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ سەلبەستىگىن جەدەل ىلگەرىلەتىپ، اۋىل شارۋاشىلىعى، ەنەرگيا، نەگىزدىك قۇرىلعى، عارىش سياقتى سالالارداعى سەلبەستىكتەردى ىشكەرىلەتۋى، كەڭەيتۋى ءتيىس. جۇڭگو جاق ارگەنتينانىڭ اناعۇرلىم كوپ ساپالى ونىمدەرىن يمپورت ەتۋدى قالايدى.
شي جينپيڭ بىلاي دەپ اتاپ كورسەتتى: جۇڭگو جاق ارگەنتينا جاقپەن بىرگە جۇڭگو - لاتىن امەريكاسى تالقى مىنبەرى قۇرىلىسىن ىلگەرىلەتىپ، جاڭا داۋىردەگى تەرەزەسى تەڭ، ءوزارا پايدا جەتكىزەتىن، جاڭالىق اشاتىن، اشىق، حالىققا تيىمدىلىك جەتكىزەتىن جۇڭگو - لاتىن امەريكاسى قارىم - قاتىناسىن تەرەڭدەتىپ، 20 ەل توبى سياقتى كوپ جاقتى تۇعىرلاردا تىعىز سايكەسىپ، ناعىز كوپ جاقتىلىقتى امالياتتا ايگىلەپ، الەمدىك دامۋ باستاماسىن، الەمدىك حاۋىپسىزدىك باستاماسىن تياناقتاندىرىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋدى قالايدى.
فەرناندەس مىنالاردى ءبىلدىردى: مەن ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن تاعى ءبىر مارتە بەتپە - بەت قۇتتىقتايمىن. بيىل 2 - ايدا مەن بەيجيڭگە قىسقى وليمپيادا سپورت جارىسىنىڭ اشىلۋ سالتىنا قاتىناسۋعا بارعان كەزدە سىزبەن ءساتتى ديدارلاسىپ، مول جەتىستىكتەرگە قول جەتكىزدىم، ارگەنتينا جاق ارگەنتينا مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىن ونان ارى تەرەڭدەتۋدەن زور ءۇمىت كۇتەدى. ارگەنتينا ماڭگى جۇڭگونىڭ دوسى جانە باۋىرلاسى، جۇڭگو جاقتىڭ ءوزىنىڭ يەلىك ۇقىعى مەن تەرريتوريا تۇتاستىعىن قورعاۋىن ماڭگى قولدايدى. ارگەنتينا جاق جۇڭگو جاقپەن ەكونوميكا - ساۋدا، فينانس سياقتى سالالارداعى سەلبەستىكتى ىلگەرىلەتىپ، ”ءبىر بەلدەۋ، ءبىر جول“ قۇرىلىسىن ىلگەرىلەتىپ، ارگەنتينا - جۇڭگو تاعدىرلاس ورتاق تۇلعاسىن قۇرۋدى قالايدى. ارگەنتينا جاق جۇڭگو جاقپەن بريكس ەلدەرى سياقتى كوپ جاقتى جۇلگەدە سايكەسۋدى، سەلبەستىكتى كۇشەيتىپ، لاتىن امەريكاسى - جۇڭگو قارىم - قاتىناسىنىڭ دامۋىن بەلسەنە جەبەۋدى ءۇمىت ەتەدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 15 - كۇنى يندونەزيانىڭ بالي ارالىنان بەرگەن حابارى (تىلشىلەر حان لياڭ، جىڭ شىبو). جەرگىلىكتى ۋاقىت 11 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ بالي ارالىندا نيدەرلاندتىڭ باس ءۋازىرى ريۋتتەمەن كەزدەستى.
شي جينپيڭ بىلاي دەپ اتاپ كورسەتتى: بيىل جۇڭگو مەن نيدەرلاندتىڭ باس ەلشى دارەجەلى ديپلوماتيالىق قارىم - قاتىناس ورناتقاندىعىنىڭ 50 جىلدىعى. ەكى ەلدىڭ قارىم - قاتىناسى جاڭا دامۋ بولاشاعىنا ءدوپ كەلدى. جۇڭگو - نيدەرلاند قارىم - قاتىناسىنىڭ ەڭ قىمباتتى تاجىريبەسى اشىق تا ناقتى بولۋ. ەكى جاق وسى ەرەكشەلىكتى ۇزدىكسىز ويداعىداي اسقاقتاتىپ، جوعارى جىكتەگىلەردىڭ اۋىس - كۇيىسىن كۇشەيتىپ، ساياسي ءوزارا سەنىمدىلىكتى بەكەمدەپ، ەكى جاقتى قارىم - قاتىناستىڭ دۇرىس بەتالىسىن ويداعىداي يگەرىپ، ءوزارا تيىمدىلىك جەتكىزۋگە، تەڭ يگىلىكتەنۋگە تاباندى بولىپ، اۋىل شارۋاشىلىعى، سۋ يگىلىگى، ەنەرگيا سياقتى سالالارداعى سەلبەستىكتى ىلگەرىلەتىپ، جۇڭگو مەن نيدەرلاندتىڭ اشىق تا ناقتى جان - جاقتى سەلبەستىك سەرىكتەستىك قارىم - قاتىناسىنىڭ اناعۇرلىم زور دامۋشىلىققا قول جەتكىزۋىن ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: دۇنيە ءجۇزى ءبىر تۇلعا، ءار ەل ”اجىراۋدى“ قاراستىرماي، قايتا ءوزارا سەلبەسۋ ءتيىس. ەكونوميكا - ساۋدا ماسەلەسىن ساياسيلاندىرۋعا قارسى تۇرىپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قورعاۋ كەرەك. جۇڭگو جاق نيدەرلاند جاقپەن ناعىز كوپ جاقتىلىقتى قورعاپ جانە ونى امالياتتا ايگىلەپ، ەكونوميكانىڭ جاھاندانۋىنىڭ دۇرىس بەتالىسىنا تاباندى بولىپ، دۇنيە جۇزىلىك ساۋدا ۇيىمىن وزەك ەتكەن كوپ جاقتى ساۋدا ءتۇزىلىسىن قورعاپ، دامۋعا ءتيىمدى حالىقارالىق ورتانى بىرگە تۇلعالاۋدى قالايدى. نيدەرلاند جاقتىڭ ەۆروپانىڭ اشىق سەلبەستىككە تاباندى بولۋىن ىلگەرىلەتىپ، جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىن جەبەۋدە بەلسەندى رول اتقارۋىن ءۇمىت ەتەمىن.
ريۋتتە مىنالاردى ءبىلدىردى: نيدەرلاند پەن جۇڭگونىڭ باس ەلشى دارەجەلى ديپلوماتيالىق قارىم - قاتىناس ورناتقاندىعىنىڭ 50 جىلدىعى سىندى وسى ءبىر ەرەكشە جىلدا ءتوراعا شي جينپيڭمەن تاعى ءبىر مارتە ديدارلاسقانىما ەرەكشە قۋانىشتامىن. ەكى جاق كوپ ءتۇرلى قۇتتىقتاۋ قيمىلدارىن وتكىزدى، جۇڭگونىڭ كلاسسيكالىق ايگىلى ادەبي شىعارماسى «قىزىل ساراي ءتۇسى» تۇڭعىش رەت نيدەرلاند تىلىنە اۋدارىلدى. نيدەرلاند جاق ءتوراعا شي جينپيڭنىڭ 2014 - جىلى نيدەرلاندتا مەملەكەت ىستەرى بابىمەن ءساتتى ساپاردا بولعاندىعىن ءالى ەسىندە ساقتاپ كەلەدى، جۇڭگو جاقپەن ءجيى قارىم - قاتىناس جاساپ، ەكى جاقتى قارىم - قاتىناس دامۋىنىڭ كۇشتى سەرپىنىن ساقتاۋدى ءۇمىت ەتەدى. نيدەرلاند جاق جۇڭگو جاقپەن كەلەلى جاعدايدى كوزدە ۇستاپ، كومەسكى كۇشتەردى اشىپ، جاڭالىق اشۋ، كليمات وزگەرىسى سياقتى سالالارداعى تىلدەسۋ مەن سەلبەستىكتى كەڭەيتىپ، ەكى ەل قارىم - قاتىناسىنىڭ بولاشاقتاعى 50 جىلدا اناعۇرلىم زور تابىستارعا قول جەتكىزۋىن ىلگەرىلەتۋدى قالايدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 15 - كۇنى يندونەزيانىڭ بالي ارالىنان بەرگەن حابارى (تىلشىلەر حۋاڭيىن جيازى، حاۋ يالين). جەرگىلىكتى ۋاقىت 11 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ بالي ارالىندا اۆستراليانىڭ زۇڭليى البانەسەمەن كەزدەستى.
شي جينپيڭ بىلاي دەپ اتاپ كورسەتتى: جۇڭگو - اۆستراليا قارىم - قاتىناسى ءوز كەزىندە ۇزاق ۋاقىت جۇڭگونىڭ دامىعان ەلدەرمەن قارىم - قاتىناسىنىڭ الدىڭعى لەگىندە كەلگەن ەدى، ەكى جاقتىڭ قاستەرلەۋىنە تاتيدى. وتكەن بىرنەشە جىلدا جۇڭگو - اۆستراليا قارىم - قاتىناسى قيىنشىلىققا كەز بولدى، ءبىز مۇنداي جاعدايدى كورۋدى قالامايمىز. جۇڭگو - اۆستراليا ەكى ەل دە ازيا - تىنىق مۇحيت وڭىرىندەگى ماڭىزدى ەلدەر، ەكى ەل قارىم - قاتىناسىن جاقسارتۋ، قورعاۋ، ويداعىداي دامىتۋ ءتيىس، بۇل ەكى ەل حالقىنىڭ ءتۇبىرلى مۇددەسىنە ۇيلەسىپ قانا قويماي، ازيا - تىنىق مۇحيت ءوڭىرى مەن دۇنيە ءجۇزىنىڭ بەيبىتشىلىگىن جانە دامۋىن جەبەۋگە دە ءتيىمدى.
شي جينپيڭ بىلاي دەپ باسا دارىپتەدى: بيىل جۇڭگو مەن اۆستراليانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى. ەكى ەل قارىم - قاتىناسىنىڭ كەمەلدەنۋگە، ورنىقتىلىققا بەت الۋى، الدىمەن، ءوزارا پارىق پەن الاۋىزدىققا دۇرىس مامىلە جاساۋدان ايگىلەنۋى ءتيىس. الاۋىزدىقتار شەڭبەرىنەن شىعىپ، ءوزارا قۇرمەت ەتىپ، ءوزارا پايدا جەتكىزىپ، تەڭ يگىلىككە كەنەلۋ كەرەك، بۇل ەكى ەل قارىم - قاتىناسىنىڭ ورنىقتى دامۋىن جۇزەگە اسىرۋدىڭ تەتىگى. جۇڭگو مەن اۆستراليا اراسىندا ەجەلدەن ءتۇبىرلى پايدا - زيان قاقتىعىسى بولعان ەمەس، تەك ەكى ەل حالقىنىڭ ءداستۇرلى دوستىعى مەن جوعارى دارەجەدە ءبىرىن - ءبىرى تولىقتايتىن ەكونوميكالىق قۇرىلىمى بار، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبىن قورعايتىن ورتاق تالاپ - تىلەگى بار. جۇڭگو جاق اۆستراليا جاقتىڭ تاياۋدا ايگىلەگەن ەكى ەل قارىم - قاتىناسىن جاقسارتۋ جانە دامىتۋ تىلەگىنە ءمان بەرەدى. ەكى جاق تاجىريبە - ساباقتاردى قورىتىندىلاپ، ەكى ەل قارىم - قاتىناسىنىڭ قايتادان دۇرىس ارناعا ءتۇسۋىن ءارى باياندى الدىعا قاراي دامۋىن قالاي ىلگەرىلەتۋدى تالقىلاۋى ءتيىس. ەكى جاقتىڭ ەكونوميكا - ساۋدا سەلبەستىگىنىڭ كومەسكى كۇشى وراسان زور، اۆستراليا جاقتىڭ جۇڭگو كاسىپورىندارىنىڭ اۆسترالياعا بارىپ قارجى قوسىپ، شارۋاشىلىق جۇرگىزۋىنە تاماشا شارۋاشىلىق - ساۋدا ورتاسىن ازىرلەۋىن ءۇمىت ەتەمىن.
البانەسە مىنالاردى ءبىلدىردى: اۆستراليا مەن جۇڭگو ەكى ەل كوپ وتپەي ديپلوماتيالىق قارىم - قاتىناس ورناتقاندىعىنىڭ 50 جىلدىعىن قارسى الادى. اۆستراليا − جۇڭگو جان - جاقتى ستراتەگيالىق سەرىكتەستىك قارىم - قاتىناسى ەكى جاقتىڭ ورتاق مۇددەسىنە ۇيلەسەدى. اۆستراليا جاق سول جىلدارداعى اۆستراليا مەن جۇڭگونىڭ ديپلوماتيالىق قارىم - قاتىناس ورناتۋ اۋەلگى ماقساتىنان جازباي، ءوزارا قۇرمەت ەتۋ، تەڭ تۇرعىدا سەلبەستىك جاساۋ رۋحى بويىنشا، جۇڭگو جاقپەن بىرگە قۇلشىنىپ، سىندارلى، بۇكپەسىز تىلدەسۋ، بايلانىس جاساۋ ارقىلى الاۋىزدىقتى ازايتىپ، اۆستراليا - جۇڭگو قارىم - قاتىناسىنىڭ ورنىقتى دامۋىن ىلگەرىلەتۋدى ءارى كليمات وزگەرىسىنە توتەپ بەرۋ، ەكونوميكا - ساۋدا سياقتى ماڭىزدى ماسەلەلەر جونىندە اناعۇرلىم كوپ سەلبەستىك ورىستەتۋدى قالايدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
شينحۋا اگەنتتىگىنىڭ 11 - ايدىڭ 15 - كۇنى يندونەزيانىڭ بالي ارالىنان بەرگەن حابارى (تىلشىلەر جىڭ شىبو، ۋاڭ اۋنا). جەرگىلىكتى ۋاقىت 11 - ايدىڭ 15 - كۇنى تۇستەن كەيىن مەملەكەت ءتوراعاسى شي جينپيڭ بالي ارالىندا يسپانيانىڭ باس ءۋازىرى سانچەسپەن كەزدەستى.
شي جينپيڭ بىلاي دەپ اتاپ كورسەتتى: كەلەر جىلى جۇڭگو مەن يسپانيانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى. جارتى عاسىردان بەرى جۇڭگو - يسپانيا قارىم - قاتىناسى اقاۋسىز، ءساتتى دامىدى، مۇنداعى ءتۇبىرلى سەبەپ ەكى جاقتىڭ ءوزارا قۇرمەت ەتۋ، تەپە - تەڭ بولۋ، ءوزارا تيىمدىلىك جەتكىزۋ سىندى ديپلوماتيالىق قارىم - قاتىناس ورناتۋ اۋەلگى ماقساتىنان جازباي، مادەنيەتى ۇقسامايتىن، ءتۇزىمى ۇقسامايتىن ەلدەردىڭ دوستاسىپ شىعىسىمدى بولۋ دۇرىس جولىمەن جۇرۋگە تاباندى بولعاندىعىندا. جۇڭگو جۇڭگو ۇلگىسىندەگى وسىزامانداندىرۋدى ىلگەرىلەتىپ، جوعارى ساپالى دامۋعا تاباندى بولىپ، يسپانيانى قامتىعان دۇنيە جۇزىندەگى ءار ەلگە جاڭا دامۋ ورايىن اكەلەدى. جۇڭگو جاق يسپانيا جاقپەن بىرگە جۇڭگو - يسپانيا جان - جاقتى ستراتەگيالىق سەرىكتەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: ەكى ەلدىڭ جوعارى جىكتەگىلەرى ۇنەمىلىك بايلانىس جاساۋدى ساقتاپ، جوعارى دەڭگەيدە جوبالاۋدى جانە ساياسي جەتەكشىلىكتى كۇشەيتىپ، ءوزارا سەنىمدىلىكتى بەكەمدەۋى كەرەك. ەكى جاق ءبىر - ءبىرىنىڭ يەلىك ۇقىق، حاۋىپسىزدىك، دامۋ، اتاق - ابىروي سياقتى وزەكتى مۇددەسىنە قاتىستى ماسەلەلەردە ءوزارا ءتۇسىنىسۋ، ءوزارا قولداۋ كەرەك. جۇڭگو - يسپانيا مادەنيەت جانە ساياحات جىلىنا ويداعىداي دايىندالىپ، جۇڭگو - يسپانيا دوستىعىن جۇرت جۇرەگىنە تەرەڭ ۇيالاتۋ كەرەك. ناقتى ىستەر سەلبەستىگىن كۇش سالا ىلگەرىلەتىپ، اناعۇرلىم كوپ يسپانيا كاسىپورنىنىڭ جانە تاۋارىنىڭ جۇڭگو بازارىنا كىرۋىن قارسى الامىز، يسپانيا جاقتىڭ جۇڭگو كاسىپورىندارىنا ءادىل، ادىلەتتى، جاريا، كەمسىتپەيتىن بازار مامىلەسىن جاساۋىن ءۇمىت ەتەمىن. جۇڭگو جاق يسپانيامەن 20 ەل توبى سياقتى كوپ جاقتى تۇعىرداعى بايلانىس جاساۋدى، سايكەسۋدى كۇشەيتىپ، كليمات وزگەرىسى، ەنەرگيا، استىق حاۋىپسىزدىگى سياقتى سىن - سايىستارعا بىرگە توتەپ بەرۋدى قالايدى. يسپانيانىڭ جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىن ىلگەرىلەتۋدە بەلسەندى رول اتقارۋىن ءۇمىت ەتەمىن.
سانچەس مىنالاردى ءبىلدىردى: ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن تاعى ءبىر مارتە قۇتتىقتايمىن. ءتوراعا شي جينپيڭ 20 ەل توبىنىڭ باسشىلار ماجىلىسىندە الەمدىك سىن - سايىستارعا ىنتىماقتاسا سەلبەسىپ توتەپ بەرۋدى، اناعۇرلىم سيىسىمدى الەمدىك دامۋدى ىلگەرىلەتۋدى دارىپتەدى، مەن مۇنى بۇكىلدەي قۇپتايمىن. جۇڭگو قاشاندا حالىقارالىق ءتارتىپتى ورنىقتىراتىن كۇش. ەكى ەل ديپلوماتيالىق قارىم - قاتىناس ورناتقان 50 جىلعا تاياۋ ۋاقىتتان بەرى، ەكى جاقتى سەلبەستىك سۇبەلى تابىستارعا قول جەتكىزدى. يسپانيا جاق ديپلوماتيالىق قارىم - قاتىناس ورناتقاندىعىمىزدىڭ 50 جىلدىعىن وراي ەتىپ، يسپانيا مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. يسپانيا جاق جۇڭگو جاقپەن جوعارى جىكتەگىلەردىڭ قارىم - قاتىناسىن كۇشەيتىپ، ساۋدا، قارجى قوسۋ، گۋمانيتارلىق، كليمات وزگەرىسىنە توتەپ بەرۋ سياقتى سالالارداعى اۋىس - كۇيىستى، سەلبەستىكتى جەبەپ، جۇڭگو كاسىپورىندارىنىڭ يسپانياعا كەلىپ قارجى قوسۋىنا، سەلبەستىك جاساسۋىنا اناعۇرلىم كوپ قولايلىلىق جاساۋدى قالايدى. يسپانيا جاق ەۆروپا مەن جۇڭگونىڭ ءارقايسى سالاداعى تىلدەسۋىن، سەلبەستىگىن بەلسەنە ىلگەرىلەتۋدى قالايدى.
ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.
