ما شيڭرۇي ءبىر ءبولىم ءتۇيىندى تىرەكتى كاسىپورىنداردىڭ پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ احۋالىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
نازاردى نەگىزگى كاسىپكە شوعىرلاندىرىپ، قيىنشىلىققا قارسى اتتانىپ، كاسىپورىنداردىڭ الۋەتتەنۋىن، ساپالىلانۋىن قۇلشىنا ىلگەرىلەتىپ، كوپ شارانى قاتار قولدانىپ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ كەرەك
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 11 - ايدىڭ 15 - كۇنى ەرەكشە ترانسفورماتور، لانشان تۇنحى، جۇڭتاي توبى سياقتى ءتۇيىندى تىرەكتى كاسىپورىنداردى ىشكەرىلەي ارالاپ، كاسىپورىن باسقارۋشىلارمەن، ءوندىرىستىڭ الدىڭعى شەبىندەگى قىزمەتكەرلەرمەن بىرگە پارتيا 20 - قۇرىلتايىنىڭ رۋحىن ۇيرەندى، ۇگىتتەدى، كاسىپورىنداردىڭ ءوندىرىس - تيجاراتىنىڭ، ءتۇيىندى نىسانداردىڭ ىلگەرىلەتىلۋى، رەفورما جاساۋ، جاڭالىق اشۋ، پارتيا قۇرىلىسى سياقتى قىزمەتتەر جونىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن جاپپاي ۇيرەنىپ، جاپپاي يگەرىپ، جاپپاي تياناقتاندىرىپ، باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءىس جۇزىندىك ارەكەتتە شىن مانىندە ايگىلەپ، ناقتى قىزمەت بارىسىندا تياناقتاندىرىپ، ىندەتتەن ساقتانۋ - تىزگىندەۋ مەن كاسىپورىنداردىڭ تيجارات جۇرگىزۋىن، دامۋىن جوعارى ونىمدىلىكپەن ءبىر تۇتاس جوسپارلاپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، قۇلشىنا قامال الىپ، قيىندىقتاردى جەڭىپ، رەفورما جاساۋدى، جاڭالىق اشۋدى تەرەڭدەتىپ، كاسىپورىنداردىڭ الۋەتتەنۋىن، ساپالىلانۋىن، زورايۋىن ىلگەرىلەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم زور ۇلەس قوسۋ كەرەك.
ەرەكشە ترانسفورماتور شينجياڭ ەلەكتر جەتكىزۋ، كەرنەۋ وزگەرتۋ عىلىم - تەحنيكا كاسىپ سالاسى باقشاسىنىڭ ەرەكشە جوعارى كەرنەۋلى ءوندىرىس بازاسىندا ما شيڭرۇي قاتىستى تانىستىرۋلاردى مۇقيات تىڭداپ، ءوندىرىس سەحى، زەرتتەۋ - اشۋ ورتالىعى سياقتىلارعا كىرىپ، كاسىپورىننىڭ ىندەتتەن ساقتانۋ كەزىندەگى ءوندىرىستى ورنىقتىرۋ جانە تەحنيكالىق زەرتتەۋ - اشۋ، دارىندىلاردى باۋلۋ، ەنگىزۋ، كەلەلى نىساندار قۇرىلىسى سياقتى قىزمەتتەرىن ۇعىسىپ، كاسىپورىننان ءوندىرىستى ونان ارى ورنىقتىرىپ، ءوندىرىستى ارتتىرىپ، ءوندىرىستى كەڭەيتىپ، نىساندارعا قارجى قوسۋ تەبىنىن ارتتىرىپ، عىلىم - تەحنيكالىق زەرتتەۋ - اشۋ دەڭگەيىن جوعارىلاتىپ، كاسىپورىننىڭ حالىقارالىق باسەكەلىك قۋاتىن، بازارداعى ىقپال كۇشىن ۇزدىكسىز جوعارىلاتۋدى ءۇمىت ەتتى؛ لانشان تۇنحى جانە جۇڭتاي توبى حۋاتاي اۋىر حيميا ونەركاسىبى سياقتىلاردا ما شيڭرۇي كاسىپورىنداردىڭ پارتيا قۇرىلىسى، نىساندارعا قارجى قوسىپ قۇرىلىس جۇرگىزۋ، ءتۇيىندى قىزمەتتەردى ىلگەرىلەتۋ سياقتى جاعدايلارىن جۇمىس باسىندا تەكسەرىپ - زەرتتەپ، بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى، تياناقتاندىرۋدى مەملەكەت مەنشىگىندەگى كاپيتال، مەملەكەت مەنشىگىندەگى كاسىپورىن رەفورماسىنىڭ، دامۋىنىڭ جالپى بارىسىنا، ءار جاعىنا ءسىڭىرىپ، دامۋ ابزالدىلىعىن ۇزدىكسىز بەكەمدەپ، پارتيا قۇرىلىسى ساپاسىن جوعارىلاتىپ، باستاماشىلدىق جەتەكشى رولىن ساۋلەلەندىرىپ، ىندەت، قارجى قوسۋ، تيجارات جۇرگىزۋ، ءوندىرىس حاۋىپسىزدىگى سياقتى جاقتارداعى حاۋىپ - قاتەرلەردەن ويداعىداي ساقتانىپ جانە ونى جويىپ، مەملەكەت مەنشىگىندەگى كاسىپورىندار رەفورماسىن تەرەڭدەتۋ، ءونىمدى قارجى قوسۋدى كەڭەيتۋ، نىسان اياق الىسىن تەزدەتۋ سياقتى جاقتاردا ىرىقتىلىقپەن ىسكەرلىك كورسەتىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم ويداعىداي قىزمەت وتەۋ كەرەك. تەكسەرۋ - زەرتتەۋ بارىسىندا ما شيڭرۇي كاسىپورىن جاۋاپتىلارىن جانە قىزمەتكەرلەرىن تيجارات جۇرگىزۋ، دامۋ ءىس جۇزىندىگىمەن ۇشتاستىرا وتىرىپ، پارتيا 20 - قۇرىلتايىنىڭ رۋحىن سەحتاردا، گرۋپپالاردا، قىزمەت ورىندارىندا تياناقتاندىرۋعا، ۇيرەنۋ تابىسىن جوعارى ساپالى دامۋدى ىلگەرىلەتۋدىڭ ناقتى شاراسىنا اينالدىرىپ، كاسىپورىنداردىڭ دامۋىنا، زورايۋىنا اناعۇرلىم زور قوزعاۋشى كۇش قوسۋعا ىنتالاندىردى. كوپشىلىك ءبىر اۋىزدان مىنالاردى ءبىلدىردى: پارتيا 20 - قۇرىلتايىنىڭ رۋحىنان قوزعاۋشى كۇش قابىلداپ، بىرىككەن كۇش ۇيىستىرىپ، ماڭايىمىزداعى اناعۇرلىم كوپ ادامداردى ءىس جۇزىندىك ارەكەتىمىزبەن جەتەكتەپ جانە ولارعا ىقپال كورسەتىپ، جۇمىس ورنىمىزدى تياناق ەتىپ، جىگەرلەنە ۇمتىلىپ، ىندەتتىڭ سوققىسىنا ءونىمدى توتەپ بەرىپ، اناعۇرلىم جاقسى دامۋدى جۇزەگە اسىرامىز.
ما شيڭرۇي تەكسەرۋ - زەرتتەۋ بارىسىندا بىلاي دەپ باسا دارىپتەدى: يدەيا مەن ارەكەتتى پارتيا 20 - قۇرىلتايىنىڭ رۋحىمەن اناعۇرلىم بىرلىككە كەلتىرىپ، جاپپاي ۇيرەنۋ، يگەرۋ، تياناقتاندىرۋ جاعىنا ۇزدىكسىز كۇش سالىپ، ۇيرەنۋدى، ويلانۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، پارتيا 20 - قۇرىلتايى رۋحىنىڭ تيانشان الابىندا تياناقتانىپ تامىر تارتۋىن، ءىس جۇزىندىك قىزمەت ونىمدىلىگىنە اينالۋىن ىلگەرىلەتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم جوعارى ونىمدىلىكپەن ءبىر تۇتاس جوسپارلاۋ كەرەك. پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، وبيەكتىلەندىرۋگە، قابىلداۋشىلارعا جىكتەۋگە، ىقپالداستىرۋعا باسا ءمان بەرىپ، تۇعىر دانەكەرى تاسىلىندە جاڭالىق اشىپ، يلاندىرۋ قۋاتىن، باۋرامدىلىعىن جانە باعىتتامالىلىعىن، ونىمدىلىگىن كۇشەيتىپ، پارتيا 20 - قۇرىلتايى رۋحىنىڭ كاسىپورىن، اۋىل - قىستاق، ورگان، الەۋمەتتىك اۋماق سياقتىلاردا ناقتى، ەگجەي - تەگجەيلى تياناقتانۋىن ىلگەرىلەتىپ، ويدى ءبىر اراعا شوعىرلاندىراتىن، كۇشتى ءبىر اراعا جۇمسايتىن قۋاتتى بىرىككەن كۇش ۇيىستىرۋ كەرەك. پارتيا قۇرىلىسى ارقىلى دامۋعا جەتەكشىلىك ەتۋدى ۇزدىكسىز كۇشەيتىپ، پارتيانىڭ باسشىلىعىنا تاباندى بولۋدى، پارتيا قۇرىلىسىن كۇشەيتۋدى رەفورمانىڭ، دامۋدىڭ جالپى بارىسىنا ءسىڭىرىپ، كاسىپورىننىڭ پارتيا قۇرىلىسى قىزمەتى دەڭگەيىن جوعارىلاتىپ، ءار دارەجەلى پارتيا ۇيىمدارىنىڭ جاۋىنگەر قورعاندىق رولىن جانە پارتيا مۇشەلەرىنىڭ اۆانگاردتىق، ۇلگىلىك رولىن اناعۇرلىم ويداعىداي ساۋلەلەندىرىپ، ءبىر نيەتپەن ىنتىماقتاسىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ، جويۋ شايقاسىنىڭ جەڭىسىنە قول جەتكىزىپ، ءوندىرىستى قامتاماسىز ەتۋ، ارتۋدى ورنىقتىرۋ، دامۋدى جەبەۋ قىزمەتتەرىن ويداعىداي ىستەپ، جوعارى ساپالى پارتيا قۇرىلىسى ارقىلى جوعارى ساپالى دامۋدى ىلگەرىلەتۋ كەرەك. كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن ساقتاپ، ءتۇيىندى كاسىپتەر مەن كاسىپورىنداردىڭ اينالىمىن قاداعالاۋدى، ورنالاستىرۋدى كۇشەيتىپ، اۆتونوميالى رايوننىڭ ءتۇيىندى كاسىپورىندارمەن بايلانىس جاساۋ مەحانيزمىنىڭ رولىن ويداعىداي ساۋلەلەندىرىپ، كاسىپورىنداردى قيىنشىلىق قىسپاعىنان ارىلتۋ جانە ولارعا تيىمدىلىك جاساۋ ساياساتتارىنىڭ تياناقتانۋىن كۇشەيتىپ، وڭىرلەردىڭ، جوعارى، تومەنگى بۋىنداردىڭ سايكەسە بىرلەسىپ ارەكەتتەۋىن كۇشەيتىپ، كاسىپورىنداردىڭ ءوندىرىس، تيجارات بارىسىنداعى ءىس جۇزىندىك قيىنشىلىعىن ۇزدىكسىز شەشىپ، كاسىپ سالاسى تىزبەگىنىڭ، قامداۋ تىزبەگىنىڭ جوعارى ءونىمدى اينالىمىن ساقتاۋ كەرەك. دامۋدىڭ جاڭا قوزعاۋشى قۋاتتارىن ءۇرتىس جەتىلدىرىپ، نازاردى جىبەك جولى ەكونوميكالىق بەلدەۋى وزەكتى رايونى قۇرىلىسى، ”سەگىز ءىرى كاسىپ سالاسى شوعىرىنىڭ“ دامۋى سياقتىلارعا شوعىرلاندىرىپ، عىلمي زەرتتەۋگە ۇسىنىلىم تەبىنىن ارتتىرىپ، جەتەكشى دارىندىلار تىرەگىن كۇشەيتىپ، جاڭا قوزعاۋشى قۋاتىن، جاڭا كاسىپ كۇيىن، جاڭا ۇلگىنى جەدەل جەتىلدىرۋ؛ بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن بەلسەنە قالىپتاستىرىپ، ساۋداگەر شاقىرىپ قارجى ەنگىزۋ تەبىنىن ارتتىرىپ، ءونىمدى قارجى قوسۋدى كەڭەيتىپ، سالىنىپ جاتقان نىسانداردىڭ اياق الىسىن تەزدەتىپ، ونىمدىلىگىن ارتتىرۋدى، تولىسقان نىسانداردىڭ جەدەل اتقارىلۋىن ىلگەرىلەتىپ، زاپاس نىساندار مەن نىسانداردىڭ الدىڭعى مەرزىمدىك قىزمەتتەرىن دەن قويا ويداعىداي ىستەپ، نىسان قۇرىلىسىنىڭ ۇتىمدى اينالىسىن جەبەۋ كەرەك. ءبىر تۇتاس جوسپارلاۋ قابىلەت - دەڭگەيىن كۇش سالا جوعارىلاتىپ، جۇيەلى جوسپارلاۋعا، كەشەندى شارا اتقارۋعا تاباندى بولىپ، ”ەكىنى ءبىر تۇتاس جوسپارلاۋدى“ جوعارى ونىمدىلىكپەن ويداعىداي ىستەپ، كاسىپورىن، باقشا رايونى سياقتىلاردىڭ ساقتانۋ - تىزگىندەۋ قىزمەتىن ساپالىلاندىرۋ جونىندەگى 20 تارماقتى شارانى عىلمي، دالمە - ءدال تياناقتاندىرۋىن ىلگەرىلەتىپ، تۇرگە ايىرىپ جەتەكشىلىك ەتۋدى جانە دالمە - ءدال قىزمەت وتەۋدى كۇشەيتىپ، ساياسات، فاكتور، مەحانيزم سياقتىلارمەن سايكەستىرۋدى، قامتاماسىز ەتۋدى كۇشەيتىپ، ساقتانۋ - تىزگىندەۋدىڭ بوساڭسىماۋىنا، دامۋدىڭ كىدىرمەۋىنە شىنايى كەپىلدىك ەتىپ، پارتيا 20 - قۇرىلتايى رۋحىنىڭ تياناقتانىپ، ونىمدىلىك كورسەتۋىن ءىس جۇزىندىك ارەكەتپەن ىلگەرىلەتۋ كەرەك.
چىن ۋيجۇن قاتارلىلار قاتىستى تەكسەرۋ - زەرتتەۋگە قاتىناستى.
