تيانشان تورى
تيانشان تورى   ›   جاڭالىقتار   ›   شينجياڭ حابارلارى

الدىڭعى 10 ايدا شينجياڭنىڭ ءتۇيىندى كاسىپ سالاسى نىساندارىنا قارجى قوسۋ جوسپارى %8. 120 بولىپ ورىندالدى

  انار بۇلت \ شينجياڭ گازەتىنىڭ ءتىلشىسى شى شين 11 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، 1 - ايدان 10 - ايعا دەيىن اۆتونوميالى رايوننىڭ ءتۇيىندى كاسىپ سالاسى نىساندارىنا 28 ميلليارد 980 ميلليون يۋان قارجى قوسىلعان، بۇل جىلدىق جوسپاردىڭ %8. 120ى بولىپ، جىلدىق قارجى قوسۋ جوسپارى كۇنى بۇرىن ورىندالعان.

  9 - ايدىڭ 16 - كۇنى شينجياڭ تيانلي جوعارى، جاڭا مۇناي حيميا ونەركاسىبى جارنا شەكتى سەرىكتەستىگىنىڭ جىلىنا 200 مىڭ توننا EVA وندىرەتىن قوندىرعىسى جالپى اينالىم بارىسىن ءساتتى اشىپ، شيكىزات سالىپ وندىرىسكە قوسۋدى ءبىر رەتتە ءساتتى ورىنداپ، جوعارى قىسىمدى پولي ەتيلەن تۇيىرشىك ماتەريالىن ءوندىردى، بۇل شينجياڭداعى جەرگىلىكتى مەملەكەت مەنشىگىندەگى كاسىپورىنداردىڭ مۇناي حيميا ونەركاسىبىنىڭ كاسىپ سالاسى تىزبەگىن ۇزارتقاندىعىن، بايلىقتى سول جەردىڭ وزىندە كادەگە جاراتۋدا تىڭ سەرپىلىسكە قول جەتكىزگەندىگىن بەينەلەيدى. بۇل نىسان اۆتونوميالى رايوننىڭ ءتۇيىندى كاسىپ سالاسى نىساندارىنىڭ ءبىرى. بيىل جىل باسىنان بەرى وسى نىساندى قامتىعان شينجياڭ ليحۋا توقىماشىلىق شەكتى سەرىكتەستىگىنىڭ 300 مىڭ ۇرشىقتى اينالمالى توقىما قۇرىلىسى نىسانى، 5G نەگىزدىك قۇرىلعى قۇرىلىسى جانە سايكەستى ينجەنەريالار، قورعاس قاتىناس، زات اينالىم باقشاسى قۇرىلىسى نىسانى سياقتى 12 كەلەلى كاسىپ سالاسى نىسانى سالىنىپ ءبىتىپ، وندىرىسكە قوسىلدى، بۇعان جالپى 31 ميلليارد 800 ميلليون يۋان قارجى قوسىلدى.

  مۇنان سىرت، كۇيتۇن كاڭرۇنجيە پولي لاكتين بيولوگيالىق ىدىرامالى جوعارى مولەكۋلالى ماتەريالدار ءوندىرىس قۇرىلىسى نىسانى، قورعاس تۇتىنۋ ەلەكتروندىق كاسىپ سالاسى باقشاسى سياقتى 9 كاسىپ سالاسى نىسانى جىلدىق قارجى قوسۋ نىسانا - مىندەتتەرىن تۇگەلدەي اسىرا ورىندادى.

  1 - ايدان 10 - ايعا دەيىن شينجياڭدا 45 كاسىپ سالاسى نىسانى جاڭادان جۇمىس باستاپ قۇرىلىس جۇرگىزدى، جالپى قوسىلعان قارجى 19 ميلليارد 570 ميلليون يۋان. شينجياڭ حىشىڭ كرەمني كاسىبى جاڭا ماتەريالدار شەكتى سەرىكتەستىگى كومىر - ەلەكتر - كرەمنيدى ءبىر تۇلعالاندىرۋ نىسانىنىڭ 3 - مەرزىمدىك جىلىنا 200 مىڭ توننا وتتەكتى سيلان ءوندىرۋ جانە تومەن بۋىنىندا جىنتىكتەي وڭدەۋ نىسانى، شينجياڭ رۇيزى توقىماشىلىق شەكتى سەرىكتەستىگىنىڭ ءبىر ميلليون 500 مىڭ ۇرشىقتى ماقتا ءجىپ ءيىرۋ قۇرىلىس نىسانى، شينجياڭ شينليانشين ەنەرگيا حيميا ونەركاسىبى شەكتى سەرىكتەستىگىنىڭ جىلىنا 60 مىڭ توننا پولي مەتيل الدەگيد ءوندىرۋ نىسانى سياقتىلاردى قامتيدى.

  ۇعىسۋعا قاراعاندا، 2022 - جىلى شينجياڭ كاسىپ سالاسى تۇرىندەگى ءتۇيىندى نىساننان جيىنى 87سىن اتقارىپ، جالپى 480 ميلليارد 400 ميلليون يۋان قارجى قوسىپ، جىلدىق جوسپار بويىنشا 24 ميلليارد يۋان قارجى قوسىلعان.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.