شينحۋا اگەنتتىگىنىڭ 11 - ايدىڭ 17 - كۇنى بەيجيڭنەن بەرگەن حابارى. 11 - ايدىڭ 17 - كۇنى مەملەكەت ءتوراعاسى شي جينپيڭ نەليكا سۆيانوۆيچ، نەليكو كومشيچ، دەنيس بەچيروۆيچتەرگە تەلەگرامما جولداپ، ولاردىڭ بوسنيا - گەرتسەگوۆينا ءتوراعالار القاسىنىڭ مۇشەلىگىنە تاعايىندالعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: سوڭعى جىلدارى جۇڭگو مەن بوسنيا - گەرتسەگوۆينانىڭ قارىم - قاتىناسى ورنىقتى دامىپ، ەكى ەلدىڭ ساياسي ءوزارا سەنىمدىلىگى نىعايىپ، ءارقايسى سالاداعى ناقتى ىستەر سەلبەستىگى مول جەتىستىكتەرگە جەتتى. مەن جۇڭگو مەن بوسنيا - گەرتسەگوۆينا قارىم - قاتىناسىنىڭ دامۋىنا ايرىقشا ءمان بەرەمىن، ءتوراعالار القاسى مۇشەلەرىمەن بىرگە قۇلشىنىپ، ەكى ەلدىڭ ءداستۇرلى دوستىعى مەن ءوزارا پايدا جەتكىزىپ سەلبەستىك جاساسۋىن ۇزدىكسىز تەرەڭدەتىپ، جۇڭگو مەن بوسنيا - گەرتسەگوۆينا قارىم - قاتىناسىنىڭ ءتىپتى دە جوعارى دەڭگەيگە جەتۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.
