تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ برۋنەيدىڭ سۇلتانى حاسانالمەن كەزدەستى

  شينحۋا اگەنتتىگىنىڭ 11 - ايدىڭ 18 - كۇنى بانگكوگتان بەرگەن حابارى (تىلشىلەر حاۋ ۋيۋي، جىڭ شين). جەرگىلىكتى ۋاقىت 11 - ايدىڭ 18 - كۇنى تۇستەن كەيىن، مەملەكەت ءتوراعاسى شي جينپيڭ بانگكوگتا برۋنەيدىڭ سۇلتانى حاسانالمەن كەزدەستى.

  شي جينپيڭ بىلاي دەپ اتاپ كورسەتتى: جۇڭگو مەن برۋنەي ارالارىن تەڭىز ءبولىپ جاتقان جاقىن كورشىلەر، ءبىر - بىرىنە سەنەتىن دوستار، بىرگە داميتىن سەرىكتەر بولىپ، ءىرى، شاعىن مەملەكەتتەردىڭ جاراسىمدى قاتار تۇرۋىنىڭ، ءوزارا پايدا جەتكىزىپ ورتاق يگىلىككە كەنەلۋىنىڭ ۇلگىسىن ورناتتى. كەلەر جىلى جۇڭگو - برۋنەي ستراتەگيالىق سەلبەستىك سەرىكتەستىك قارىم - قاتىناسى ورناتىلعاندىعىنىڭ 5 جىلدىعى. ەكى جاق بىرگە قۇلشىنىپ، جۇڭگو - برۋنەي ستراتەگيالىق سەلبەستىك سەرىكتەستىك قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتىپ، ەكى ەل حالقىن ءتىپتى دە جاقسى باقىتقا كەنەلتۋى كەرەك.

  شي جينپيڭ بىلاي دەپ باسا دارىپتەدى: ەكى جاق بايلانىستى، اۋىس - كۇيىستى ساقتاپ، ۇكىمەت ارالىق بىرلەسكەن جەتەكشىلىك كوميتەتى مەحانيزمىنەن ويداعىداي پايدالانىپ، ءار سالاداعى ناقتى سەلبەستىكتەردى ءبىر تۇتاس جوسپارلاپ ىلگەرىلەتىپ، دامۋ ستراتەگيالارىنىڭ ۇشتاسۋىن تەرەڭدەتىپ، ”ءبىر بەلدەۋ، ءبىر جول“ ءتۇيىندى نىساندارىن جوعارى ساپادا ىلگەرىلەتىپ، نەگىزدىك قۇرىلعى، اۋىل شارۋاشىلىعى، بالىق شارۋاشىلىعى، ەنەرگيا سياقتى سالالارداعى سەلبەستىكتى تەرەڭدەتىپ، جاسىل دامۋ مەن سيفرلى ەكونوميكا سەلبەستىگىنىڭ ارتۋ ءتۇيىنىن سومداپ، ەكى ەل ادامدارىنىڭ بارىس - كەلىسىن جانە گۋمانيتارلىق اۋىس - كۇيىستى تارتىپپەن ورىستەتۋ كەرەك. جۇڭگو جاق برۋنەي جاقتىڭ شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى بولعان كەزدە جۇڭگو - شىعىس وڭتۇستىك ازيا ەلدەرى وداعى قارىم - قاتىناسىنىڭ دامۋىن بەلسەندى تۇردە ىلگەرىلەتكەندىگىن القايدى، برۋنەي جاقپەن شىعىس وڭتۇستىك ازيا ەلدەرى وداعى جانە ازيا تىنىق مۇحيت ەكونوميكالىق سەلبەستىك ۇيىمى سياقتى جۇلگەلەردە تىلدەسۋدى، سايكەسۋدى ۇزدىكسىز كۇشەيتۋدى قالايدى. جۇڭگو جاق برۋنەي جاقپەن جانە باسقا شىعىس وڭتۇستىك ازيا ەلدەرىمەن بىرگە تەڭىز ءۇستى سەلبەستىگى جانە ”نانحاي تەڭىزى ارەكەت ولشەمى“ جونىندە كەڭەسۋدى بەلسەنە ىلگەرىلەتىپ، نانحاي تەڭىزىن بەيبىتشىلىك تەڭىزى، دوستىق تەڭىزى، سەلبەستىك تەڭىزى ەتىپ قۇرۋدى قالايدى.

  حاسانال مىنالاردى ءبىلدىردى: جۇڭگو كوممۋنيستىك پارتياسى 20 - قۇرىلتايىنىڭ تابىسپەن اشىلعاندىعىن تاعى ءبىر مارتە قۇتتىقتايمىن، ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ جالعاستى سايلانعاندىعىن قۇتتىقتايمىن. ءتوراعا شي جينپيڭنىڭ پارمەندى باسشىلىعىندا، جۇڭگو ءبىرىنشى 100 جىلدىق كۇرەس نىساناسىن ءساتتى جۇزەگە اسىردى. مەن جۇڭگونىڭ، ءسوز جوق، گۇلدەنىپ - كوركەيۋدى، دامۋدى ۇزدىكسىز ساقتاپ، بەلگىلەگەن ستراتەگيالىق نىسانالارىن جۇزەگە اسىرا الاتىندىعىنا سەنەمىن. برۋنەي مەن جۇڭگونىڭ قارىم - قاتىناسى تاتۋ، سەلبەستىك جەتىستىكتەرى سۇبەلى. برۋنەي جاق جۇڭگو جاقتىڭ برۋنەي جاققا جاڭا تيپتى ايدارشا ۆيرۋس وكپە قابىنۋ ىندەتى ۆاكسيناسىن ۇسىنعاندىعىن ايرىقشا القايدى، جۇڭگو جاقتىڭ برۋنەي جاقتىڭ شىعىس وڭتۇستىك ازيا ەلدەرى وداعىنىڭ كەزەكتى ءتوراعا ەلى قىزمەتىن وتەگەندە زور كۇشپەن قولداۋ كورسەتكەندىگىنە العىس ايتادى. برۋنەي جاق ءبىر جۇڭگو ساياساتىن باتىل اتقارادى، جۇڭگو جاقپەن برۋنەي - جۇڭگو قارىم - قاتىناسىن ونان ارى تىڭ ساتىعا كوتەرۋدى ىلگەرىلەتۋدى قالايدى، جۇڭگو جاقتىڭ برۋنەي ەكونوميكاسىن كوپ نەگىزدەندىرۋ ۇردىسىنە بەلسەنە ات سالىسىپ، ەكونوميكا - ساۋدا، وقۋ - اعارتۋ، گۋمانيتار، دەنە تاربيە، قورعانىس ىستەرى سياقتى سالالارداعى اۋىس - كۇيىستى، سەلبەستىكتى كۇشەيتۋىن قارسى الادى. برۋنەي جاق شىعىس وڭتۇستىك ازيا ەلدەرى وداعىنىڭ جۇڭگومەن جان - جاقتى ستراتەگيالىق سەرىكتەستىك قارىم - قاتىناسىن ىلگەرىلەتۋدە بەلسەندى رول اتقارۋىن قالايدى.

  ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.