تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ چيليدىڭ زۇڭتۇڭى بوريچپەن كەزدەستى

  شينحۋا اگەنتتىگىنىڭ 11 - ايدىڭ 18 - كۇنى بانگكوگتان بەرگەن حابارى (تىلشىلەر حاۋ ۋيۋي، سۇڭ يۇي). جەرگىلىكتى ۋاقىت 11 - ايدىڭ 18 - كۇنى تۇستەن كەيىن، مەملەكەت ءتوراعاسى شي جينپيڭ بانگكوگتا چيليدىڭ زۇڭتۇڭى بوريچپەن كەزدەستى.

  شي جينپيڭ بىلاي دەپ اتاپ كورسەتتى: چيلي - جۇڭگومەن العاش ديپلوماتيالىق قارىم - قاتىناس ورناتقان وڭتۇستىك امەريكاداعى مەملەكەت. جارتى عاسىردان استام ۋاقىتتان بەرى، جۇڭگو - چيلي قارىم - قاتىناسى جۇڭگو مەن لاتىن امەريكاسى جانە كارايب ەلدەرى قارىم - قاتىناسىنىڭ باستاماشىسى بولىپ، وركەندەپ كەلە جاتقان ەلدەردىڭ سەلبەسىپ تەڭ يگىلىككە كەنەلۋىنىڭ ۇلگىسىنە اينالدى، بۇل ايرىقشا قاستەرلەۋگە تاتيدى. ەكى جاق ۇزدىكسىز ءوزارا باتىل قولداۋ كورسەتىپ، ءوز حالىقتارى تاڭداعان دامۋ جولىنا قۇرمەت ەتۋى كەرەك. جۇڭگو جاق چيلي جاقپەن بىرگە جۇڭگو - چيلي جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز دامۋىن ىلگەرىلەتۋدى قالايدى.

  شي جينپيڭ بىلاي دەپ باسا دارىپتەدى: جۇڭگو جاق چيلي جاقپەن ءار دەڭگەيدەگى دوستىق بارىس - كەلىستى جيىلەتىپ، ەل باسقارۋ تاجىريبەسى جونىندە اۋىس - كۇيىس جاساسۋدى كۇشەيتىپ، دامۋ ستراتەگيالارىن ۇشتاستىرۋدى كۇشەيتىپ، ”ءبىر بەلدەۋ، ءبىر جولدى“ جوعارى ساپادا بىرگە قۇرىپ، ەكونوميكا - ساۋدا، قارجى قوسۋ، اۋىل شارۋاشىلىعى سياقتى سالالارداعى ناقتى سەلبەستىكتەردى تەرەڭدەتىپ، الەۋمەتتىك دەنساۋلىق ساقتاۋ، تازا ەنەرگيا، سيفرلى ەكونوميكا سياقتى سالالارداعى سەلبەستىكتىڭ جاڭا قوزعاۋشى قۋاتىن قاراستىرۋدى قالايدى. ەكى جاق بىرلەسكەن مەملەكەتتەر ۇيىمى، ازيا - تىنىق مۇحيت ەكونوميكالىق سەلبەستىك ۇيىمى سياقتى كوپ جاقتى مەحانيزمدەر اياسىندا ىستەستىكتى كۇشەيتىپ، بۇكىل ادامزاتقا ورتاق قۇندىلىقتاردى اسقاقتاتىپ، ناعىز كوپ جاقتىلىقتى امالياتتا ايگىلەپ، ازيا - تىنىق مۇحيت تاعدىرلاس ورتاق تۇلعاسىن جانە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ءتيىس.

  بوريچ مىنالاردى ءبىلدىردى: ءتوراعا شي جينپيڭ جۇڭگونى باستاپ ۇلى دامۋ جەتىستىكتەرىنە قول جەتكىزىپ، ءجۇز ميلليونعا جۋىق ادامدى كەدەيلىكتەن ارىلتىپ، وركەندەپ كەلە جاتقان مەملەكەتتەرگە ۇلگى كورسەتتى. چيلي جاق ءبىر جۇڭگو ساياساتىن باتىل اتقارادى، جۇڭگو جاقتىڭ ەل باسقارۋ تاجىريبەلەرىنەن ۇيرەنۋدى، ۇلگى الۋدى، نەگىزدىك قۇرىلعى، كەدەيلىكتى ازايتۋ، سيفرلى ەكونوميكا سياقتى سالالارداعى سەلبەستىكتى تەرەڭدەتۋدى قالايدى، اناعۇرلىم كوپ جۇڭگو كاسىپورىندارىنىڭ چيليگە كەلىپ قارجى قوسۋىن، سەلبەستىك جاساسۋىن قارسى الادى، جۇڭگونىڭ «جان - جاقتى جانە العا باسقان تىنىق مۇحيت اتتاعان سەرىكتەستىك قارىم - قاتىناس كەلىسىمىنە» جانە «سيفرلى ەكونوميكا سەرىكتەستىك قارىم - قاتىناس كەلىسىمىنە» قوسىلۋىن قولدايدى. چيلي جاق دەربەس، ءوز - وزىنە قوجايىن بولاتىن ديپلوماتيالىق ساياسات ۇستانادى، جۇڭگو جاقپەن بارىس - كەلىستى كۇشەيتىپ، جۇڭگونى اناعۇرلىم ويداعىداي ءتۇسىنۋدى قالايدى.

  ديڭ شۋەشياڭ، ۋاڭ ي، حى ليفىڭ قاتارلىلار كەزدەسۋگە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.