انار بۇلت \ شينجياڭ گازەتىنىڭ ءتىلشىسى لي ياڭ 11 - ايدىڭ 18 - كۇنى ۇرىمجىدەن حابارلايدى. 11 - ايدىڭ 18 - كۇنى تۇستەن بۇرىن، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 184 - رەتكى ۇنەمىلىك ىستەر ءماجىلىسىن باسقارىپ اشتى، ءماجىلىس ۇكىمەتتىڭ زاڭ اقىلشىسى قىزمەتىن تەرەڭدەتۋ، ءجۇزىم شارابى كاسىپ سالاسىنىڭ جوعارى ساپالى دامۋىن جەبەۋ، اۆتونوميالى رايوندىق حالىق ۇكىمەتىنىڭ جۇڭگو عارىش عىلىم - تەحنيكا توبى شەكتى سەرىكتەستىگىمەن ستراتەگيالىق سەلبەستىك قارىم - قاتىناسىن ورناتۋ، شينجياڭنىڭ جەر - سۋ كەڭىستىگىن اشۋدىڭ، قورعاۋدىڭ جاڭا ارناسىن قۇرۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: شينجياڭدى زاڭمەن باسقارۋعا، زاڭ بويىنشا اكىمشىلىك جۇرگىزۋگە تاباندى بولىپ، ۇكىمەتتىڭ زاڭ اقىلشىسى قىزمەتىن تەرەڭدەتۋ − شي جينپيڭنىڭ زاڭمەن باسقارۋ يدەياسىن مۇقيات دايەكتىلەندىرىپ، زاڭمەن باسقارىلاتىن ۇكىمەت قۇرىلىسىن ىلگەرىلەتۋدىڭ ماڭىزدى مازمۇنى جانە ناقتى شاراسى. ۇكىمەتتىڭ زاڭ اقىلشىسى قىزمەتى مەحانيزمىن ونان ارى كەمەلدەندىرىپ، شينجياڭنىڭ ەكونوميكالىق، قوعامدىق دامۋىنىڭ جانە زاڭمەن باسقارىلاتىن ۇكىمەت قۇرىلىسىنىڭ اياق الىسىمەن سايكەسەتىن ۇكىمەتتىڭ زاڭ اقىلشىسى قىزمەتى جۇيەسىن اقاۋسىزداندىرىپ، شينجياڭدى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ كەرەك.
ءماجىلىس مىنالاردى اتاپ كورسەتتى: جاسىل، ورگانيكالى جەمىس - جيدەك، كوكونىس كاسىپ سالالارى شوعىرىن كۇش سالا تۇلعالاۋ − رايونىمىزدىڭ ەرەكشە بايلىق باسىمدىعىن ساۋلەلەندىرىپ، ”8 ءىرى كاسىپ سالاسى شوعىرىن“ جەتىلدىرىپ، دامىتىپ، جوعارى ساپالى دامۋدى ىلگەرىلەتۋدىڭ ماڭىزدى مىندەتى. جەر - جەر، قاتىستى تاراۋلار ءجۇزىم شارابى كاسىپ سالاسىن دامىتۋدىڭ ماڭىزدىلىعى مەن كوكەي تەستىلىگىن تەرەڭ تانىپ، رايونىمىزدىڭ وڭىرلىك ورىن باسىمدىعى مەن بايلىق ەرەكشەلىگىن تولىق ساۋلەلەندىرىپ، اناعۇرلىم ناقتى، جارامدى شارالار ارقىلى ءجۇزىم شارابى سىندى شينجياڭنىڭ ەرەكشە كاسىپ سالاسىن بەلسەندى جەتىلدىرۋ جانە زورايتۋ كەرەك. شاراپ اشىتاتىن ءجۇزىم بازاسىن زور كۇشپەن قۇرىپ، كاسىپ سالاسى تىزبەگىن ۇزارتىپ، ءونىمنىڭ قوسىمشا قۇنىن جوعارىلاتۋ كەرەك. رايونىمىزدىڭ ءجۇزىم شارابى ماركاسىن جەتىلدىرۋدى جانە جالپىلاستىرۋى، قولداۋ كورسەتۋدى كۇشەيتىپ، رايونىمىزداعى ءجۇزىم شارابىنىڭ مايەكتى تاريحي مادەنيەتىن تولىق كادەگە جاراتىپ، ءونىمنىڭ داڭقىن، ءوندىرىس اۋماعىنىڭ تانىمالدىعىن جانە ءجۇزىم شارابى مادەنيەتىن ورگانيكالى ۇشتاستىرىپ، ۇگىتتەۋ، تانىستىرۋ تەبىنىن كۇشەيتىپ، رايونىمىزدىڭ ءجۇزىم شارابى كاسىپ سالاسىنىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: رايونىمىزدىڭ جۇڭگو عارىش عىلىم - تەحنيكا توبى شەكتى سەرىكتەستىگىمەن بىرگە ءوز ارتىقشىلىقتارىن تولىق ساۋلەلەندىرىپ، ستراتەگيالىق سەلبەستىك قارىم - قاتىناسىن ورناتۋى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، رايونىمىزدىڭ جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارۋعا كۇش قوسۋىنداعى ماڭىزدى شاراسى، عارىش جوعارى تەحنيكاسىنىڭ شىعارعان ناتيجەسىن تولىق ساۋلەلەندىرىپ، رايونىمىزدىڭ ەكونوميكاسىنىڭ، قوعامىنىڭ جوعارى ساپالى دامۋىن جەبەۋ جونىنەن ماڭىزدى مانگە يە. جۇڭگو عارىش عىلىم - تەحنيكا توبى شەكتى سەرىكتەستىگىمەن ستراتەگيالىق سەلبەستىك ورىستەتۋدى وراي ەتىپ، شينجياڭنىڭ عىلىم - تەحنيكادا جاڭالىق اشۋ قابىلەتىن ۇزدىكسىز جوعارىلاتىپ، ءتىپتى دە كوپ عارىش عىلىم - تەحنيكا جەتىستىگىن شينجياڭدا تياناقتاندىرىپ، كادەگە جاراتۋدى بەلسەندى ىلگەرىلەتىپ، جۇڭگو عارىش ىستەرىنىڭ دامۋىن بىرگە جەبەۋ كەرەك.
ءماجىلىس مىنالاردى تالاپ ەتتى: جەر - جەر، تاراۋلار ستراتەگيالىق تانىمدى، جالپى جاعداي تانىمىن اناعۇرلىم بەرىك ورناتىپ، شينجياڭنىڭ وڭىرلىك ورىن باسىمدىعىن، ايرىقشا بايلىق ەرەكشەلىگىن تياناق ەتىپ، شينجياڭنىڭ ورنىن ءدال تاۋىپ، بيڭتۋان مەن جەرگىلىكتى ورىن بىرلەسىپ قيمىلداۋدى كۇشەيتىپ، مەملەكەت جەرى كەڭىستىگىن جوبالاۋدىڭ ستراتەگيالىق جەتەكشىلىك ەتۋ جانە قاتاڭ باسقارۋ، مەڭگەرۋ رولىن ساۋلەلەندىرىپ، مەملەكەت جەرى كەڭىستىگىن باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن ءونىمدى جوعارىلاتىپ، اناعۇرلىم حاۋىپسىز، اناعۇرلىم اشىق، اناعۇرلىم ەكولوگيالى، اناعۇرلىم باي باسەكەلىك قۋاتقا يە مەملەكەت جەرى كەڭىستىگى جالپى ارناسىن قالىپتاستىرۋ كەرەك.
ءماجىلىس باسقا دا ىستەردى اقىلداستى.
