انار بۇلت \ شينجياڭ گازەتىنىڭ ءتىلشىسى چىن چياڭۋي 11 - ايدىڭ 18 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى 10 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 194 ميلليارد 790 ميلليون يۋان بولىپ، سايكەس مەزگىلدەگىدەن ％3. 60 ارتىپ، بۇكىل ەلدىڭ ارتۋ قارقىنىنان 8. 50 پايىز جوعارى بولىپ، ارتۋ قارقىنى مەملەكەت بويىنشا ءبىرىنشى ورىندى يەلەگەن، مۇنىڭ ىشىندە ەكسپورت قۇنى 163 ميلليارد 840 ميلليون يۋان، يمپورت قۇنى 30 ميلليارد 950 ميلليون يۋان بولعان.
بيىل جىل باسىنان بەرى، اۆتونوميالى رايون ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، سىرتقى ساۋدانىڭ ورنىقتىلىعىن ساقتاپ، ساپاسىن جوعارىلاتۋدى جانە شەكارا وتكەلدەرىنىڭ ىركىلىسسىزدىگىنە كەپىلدىك ەتۋدى جەبەيتىن ءبىر قىدىرۋ ساياسات - شارالاردى تياناقتاندىرىپ، كورنەكتى ونىمدىلىك جاراتتى، شينجياڭنىڭ سىرتقى ساۋدا يمپورت - ەكسپورت مولشەرىنىڭ ارتۋى، ساپاسىنىڭ جوعارىلاۋى، قوزعاۋشى كۇشىنىڭ ارتۋى جەتكىلىكتى بولىپ، جوعارى قارقىنمەن ارتۋدى ساقتاپ، قۋاتتى دامۋ قوزعاۋشى كۇشىن ايگىلەدى. 10 - ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 22 ميلليارد 600 ميلليون يۋان بولىپ، سايكەس مەزگىلدەگىدەن ％8. 108 ارتىپ، بۇكىل ەلدىڭ ارتۋ قارقىنىنان 9. 101 پايىز جوعارى بولىپ، ارتۋ قارقىنى بۇكىل ەل بويىنشا ءبىرىنشى ورىندى يەلەدى.
ءۇرىمجى كەدەنىنىڭ تالداۋ جاساۋىنشا، بيىل الدىڭعى 10 ايدا شينجياڭنىڭ سىرتقى ساۋداسىندا ”ءبىر بەلدەۋ، ءبىر جول“ بويىنداعى ەلدەرمەن ەكونوميكا - ساۋدا بارىس - كەلىسى اناعۇرلىم جيىلەۋ، وڭتۇستىك - سولتۇستىك شينجياڭ سىندى ەكى ورىن باستاماشى بولىپ ۇزدىكسىز كۇش سالۋ، سىرتقى ساۋدا تيجارات تۇلعالارىنىڭ ومىرشەڭدىك كۇشى ارتۋ، ەرەكشە باقىلاۋ - باسقارۋ ءوڭىرىنىڭ جەتەكشىلىك رولىن ساۋلەلەندىرۋ سياقتى ەرەكشەلىكتەر جارىققا شىققان.
الدىڭعى 10 ايدا جۇڭگو شينجياڭىنىڭ ”ءبىر بەلدەۋ، ءبىر جول“ بويىنداعى مەملەكەتتەرمەن بولعان يمپورت - ەكسپورت قۇنى 176 ميلليارد 390 ميلليون يۋان بولىپ، سايكەس مەزگىلدەگىدەن ％4. 65 ارتىپ، بىلتىرعى سول تۇستاعى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％6. 90ىن يەلەپ، شينجياڭنىڭ سىرتقى ساۋداسىنىڭ جالپى ارتۋىن 57.4 پايىز ارتتىرعان. بىلتىرعى سول تۇستاعى ورتا ازياداعى 5 ەلمەن بولعان يمپورت - ەكسپورت قۇنى 148 ميلليارد 490 ميلليون يۋانعا جەتىپ، سايكەس مەزگىلدەگىدەن ％65 ارتقان؛ RCEP (وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمى) ەلدەرىمەن بولعان يمپورت - ەكسپورت قۇنى 8 ميلليارد 960 ميلليون يۋانعا جەتىپ، سايكەس مەزگىلدەگىدەن ％4. 25 ارتقان. جۇڭگو شينجياڭىنىڭ ەڭ ۇلكەن ساۋدا سەرىگى قىرعىزستانمەن بولعان يمپورت - ەكسپورت قۇنى 67 ميلليارد 650 ميلليون يۋان بولىپ، سايكەس مەزگىلدەگىدەن ％2. 180 ارتىپ، بىلتىرعى سول تۇستاعى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％34.7ىن يەلەگەن.
الدىڭعى 10 ايدا بۇكىل شينجياڭدا قارامايلى قالاسىنان سىرت، وزگە 13 ايماق، وبلىس، قالادا ورىن اۋىستىرا دامۋدىڭ تاماشا جاعدايى قالىپتاستى. سولتۇستىك شينجياڭ شينجياڭنىڭ سىرتقى ساۋدا نەگىزگى كۇشى رەتىندە، سىرتقى ساۋدا يمپورت - ەكسپورت قۇنى شينجياڭنىڭ بىلتىرعى سول تۇستاعى سىرتقى ساۋدا يمپورت - ەكسپورت جالپى قۇنىنىڭ ％4. 73ىن يەلەدى، مۇنىڭ ىشىندە ىلە قازاق اۆتونوميالى وبلىسىنىڭ سىرتقى ساۋدا يمپورت - ەكسپورت قۇنى شينجياڭدا الدىڭعى ورىندى ورنىقتى يەلەدى. وڭتۇستىك شينجياڭداعى قاشقار ايماعىنىڭ، بايىنعولين موڭعۇل اۆتونوميالى وبلىسىنىڭ، اقسۋ ايماعىنىڭ، حوتان ايماعىنىڭ، قىزىلسۋ قىرعىز اۆتونوميالى وبلىسىنىڭ يمپورت - ەكسپورت قۇنى تۇگەلدەي ارتتى، مۇندا قاشقار ايماعىنىڭ سىرتقى ساۋدا يمپورت - ەكسپورت قۇنى شينجياڭدا ءۇشىنشى ورىندى يەلەدى.
سىرتقى ساۋدا تيجارات تۇلعالارىنىڭ ومىرشەڭدىك كۇشىنىڭ ارتۋى شينجياڭنىڭ سىرتقى ساۋداسىنىڭ باستى قوزعاۋشى كۇشى. الدىڭعى 10 ايدا شينجياڭنىڭ حالىقتىق كاسىپورىندارىنىڭ يمپورت - ەكسپورت قۇنى 176 ميلليارد 850 ميلليون يۋان بولىپ، سايكەس مەزگىلدەگىدەن ％9. 70 ارتىپ، بىلتىرعى سول تۇستاعى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％8. 90ىن يەلەپ، شينجياڭنىڭ سىرتقى ساۋداسىنىڭ جالپى تۇلعالىق ارتۋىن 4. 60 پايىز ارتتىرعان. بازار ساتىپ الۋ ساۋدا ءتاسىلى جاڭا كاسىپ كۇيى شينجياڭدا رەسمي تياناقتانىپ، بۇرىن سىرتقى ساۋدا كاسىپتىك قابىلەتىن ازىرلەمەگەن كوپتەگەن ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەر حالىقارالىق ساۋداعا ات سالىسىپ، سىرتقى ساۋدا تۇلعالارىنىڭ كولەمى ونان ارى كەڭەيىپ، بازار تۇلعالارىنىڭ ومىرشەڭدىك كۇشى ۇزدىكسىز قاۋلادى.
الدىڭعى 10 ايدا شينجياڭنىڭ سىرتقى ساۋداسى ءالى دە شەكارالىق شاعىن سومالى ساۋدا مەن ادەتتەگى ساۋدا يمپورت - ەكسپورتىن نەگىز ەتىپ، ەكەۋىنىڭ يمپورت - ەكسپورت قۇنى جەكە - جەكە 116 ميلليارد 730 ميلليون يۋان جانە 56 ميلليارد 70 ميلليون يۋان بولىپ، بىلتىرعى سول تۇستاعى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％7. 88ىن يەلەدى. شينجياڭداعى 4 كەشەندى باجىسىز اۋماقتىڭ جالپى يمپورت - ەكسپورت قۇنى 61 ميلليارد 120 ميلليون يۋان بولىپ، سايكەس مەزگىلدەگىدەن ％484 ارتىپ، بىلتىرعى سول تۇستاعى شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％4. 31ىن يەلەگەن.
تاۋار قۇرىلىمىنان قاراعاندا، الدىڭعى 10 ايدا ءداستۇرلى باسىمدىققا يە ونىمدەر مەن جاڭا ەنەرگيا ونىمدەرى يمپورت - ەكسپورتىنىڭ ارتۋ قارقىنى كورنەكتى بولعان. 1 - ايدان 10 - ايعا دەيىن شينجياڭنىڭ ەكسپورت تاۋارلارى، نەگىزىنەن ەڭبەك شوعىرلانۋ تيبىندەگى ونىمدەر مەن ماشينا - ەلەكتر ونىمدەرىنە شوعىرلانعان، ەكەۋىن قوسقاندا بىلتىرعى سول تۇستاعى شينجياڭنىڭ سىرتقى ساۋدا ەكسپورت جالپى قۇنىنىڭ ％84ىن يەلەگەن. جاڭا ەنەرگيا ونىمدەرىنىڭ ەكسپورتى وركەندەپ كەلەدى، مۇنىڭ ىشىندە شينجياڭ ەكسپورت ەتكەن ليتي يونىندىق باتەريانىڭ قۇنى سايكەس مەزگىلدەگىدەن ％407 ارتتى، ەكسپورت ەتىلگەن كۇن ەنەرگيالى باتەريانىڭ قۇنى سايكەس مەزگىلدەگىدەن ％439.7 ارتتى، ەكسپورت ەتىلگەن جاڭا ەنەرگيالى اۆتوكولىكتىڭ قۇنى سايكەس مەزگىلدەگىدەن 7. 12 ەسە ارتتى.
ءۇرىمجى كەدەنى زاڭ ەرەجە جانە جالپىلىق كاسىپ باسقارماسىنىڭ باستىعى يۋان جياڭۋي بىلاي دەدى: ءۇرىمجى كەدەنى ”ارنانى ىركىلىسسىزدەندىرۋ، ورتانى ساپالىلاندىرۋ، جاڭالىق اشۋدى جەبەۋدى“ ارقاۋ ەتىپ، دالمە - ءدال شارا قولدانىپ، 15 شەكارا وتكەلىنىڭ، 164 شەكارا اتتاعان كەزەكشى پويەز جەلىسىنىڭ (وسى جىل ىشىندە 43 لەنيا تىڭنان قوسىلدى)، 24 حالىقارالىق جۇك تاسىمال جەلىسىنىڭ (وسى جىل ىشىندە 11 لەنيا تىڭنان قوسىلدى)، 6 شەكارا تۇرعىندارىنىڭ ءوزارا بازارىنىڭ حاۋىپسىز، جوعارى ءونىمدى قاتىناۋىن، جۇمىس جۇرگىزۋىن بار كۇشپەن قامتاماسىز ەتىپ، شينجياڭنىڭ سىرتقى ساۋداسىنىڭ ساپا جاعىندا ءونىمدى جوعارىلاۋىن جانە سان جاعىنان ۇيلەسىمدى ارتۋىن پارمەندى ىلگەرىلەتىپ، شينجياڭنىڭ اشىق ەكونوميكاسىنىڭ جوعارى ساپالى دامۋىنا بەلسەندى ۇلەس قوستى.
