انار بۇلت \ شينجياڭ گازەتىنىڭ ءتىلشىسى ۋاڭ يايۇن 11 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق جاراتىلىستىق بايلىق مەڭگەرمەسىنەن ۇعىسۋىمىزشا، رايونىمىز 2022 - جىلعى 1 - توپتا 9 مۇناي - تابيعي گاز ءوڭىرىنىڭ كەن بارلاۋ ۇقىعىن ءساتتى تۇردە ماڭدايشالىق اسىپ اقىلى بەرگەن، كەلىسكەن جالپى سوما 3 ميلليارد 117 ميلليون يۋان بولعان.
ۇعىسۋعا قاراعاندا، وسى رەتكى مۇناي - تابيعي گاز ءوڭىرىنىڭ كەن بارلاۋ ۇقىعىن اقىلى بەرۋدە اناعۇرلىم زور ونىمدىلىك جاراتۋعا شىنايى كەپىلدىك ەتۋ ءۇشىن، اۆتونوميالى رايوندىق جاراتىلىستىق بايلىق مەڭگەرمەسى شينجياڭنىڭ ءىشى - سىرتىنداعى مۇناي - تابيعي گاز كاسىپورىندارىنا تانىستىرۋ، ۇگىتتەۋ سەرپىنىن ارتتىرىپ، شينجياڭنىڭ مۇناي - تابيعي گاز ءوڭىرىن اقىلى بەرۋىنىڭ تانىمالدىعى مەن قاتىناسۋ مولشەرىن ءونىمدى ارتتىرىپ، جالپى 23 كاسىپورىندى (شينجياڭ ىشىنەن 5، شينجياڭ سىرتىنان 18) تىزىمدەلىپ قاتىناسۋعا جانە باسەكەلەسە ساتىپ الۋعا باۋراعان. مۇندا مەملەكەت مەنشىگىندەگى كاسىپورىن 7، حالىقتىق كاسىپورىن 16 بولىپ، %70ىن ۇستاعان، حالىقتىق كاسىپورىنداردىڭ رايونىمىزدىڭ مۇناي - تابيعي گازىن بارلاپ اشۋعا قاتىناسۋ ىنتاسى كورنەكتى ارتتى.
9 ءوڭىردىڭ كوپ كەزەكتى باعا باسەكەسىنەن كەيىن، سوڭىندا 5 كاسىپورىن قول جەتكىزدى. شينجياڭ ەنەرگيا (توبى) مۇناي - تابيعي گاز شەكتى جاۋاپكەرشىلىك سەرىكتەستىگى، شانشي يانچاڭ مۇناي (توبى) شەكتى جاۋاپكەرشىلىك سەرىكتەستىگى ەڭ ۇلكەن ۇتۋشى بولىپ، جەكە - جەكە 3 وڭىرگە قول جەتكىزدى. مۇنان تىس، شينجياڭ يۋانجوۋ مۇناي - تابيعي گاز شەكتى سەرىكتەستىگى، ىشكى موڭعۇل ۋانچۋاڭ شارۋاشىلىق توبى شەكتى سەرىكتەستىگى جانە نيڭشيا جۇيلي قورا - جاي اشۋ شەكتى سەرىكتەستىگى جەكە - جەكە ءبىر وڭىرگە قول جەتكىزدى.
اۆتونوميالى رايوندىق جاراتىلىستىق بايلىق مەڭگەرمەسىنىڭ قاتىستى جاۋاپتىسى بىلاي دەپ تانىستىردى: وسى رەت اقىلى بەرىلگەن 9 مۇناي - تابيعي گاز ءوڭىرى تارىم ويپاتىنىڭ قويناۋىنا ورنالاسقان، كەن ىزدەۋ بولاشاعى نۇرلى، بۇل وڭتۇستىك شينجياڭنىڭ مۇناي - تابيعي گاز، كەن ىزدەۋ جاقتارىندا جاڭا ناتيجەنى جۇزەگە اسىرۋدا، تارىم ويپاتىنىڭ مۇناي - تابيعي گازىن اشۋدى، پايدالانۋدى جەدەلدەتۋدە، وڭتۇستىك شينجياڭنىڭ مۇناي - تابيعي گازىن بارلاۋ، اشۋ بازاسىن جانە تومەنگى جەلىدەگى كاسىپ سالاسى تىزبەگىنىڭ دامۋ نەگىزىن بەكەمدەۋدە، مۇناي - تابيعي گاز ءوندىرۋ، وڭدەۋ كاسىپ سالاسىنىڭ شوعىرلانۋىن جەتىلدىرۋدە، زورايتۋدا كەلەلى ىلگەرىلەتۋ رولىنا يە.
بيىل جىل باسىنان بەرى، جاراتىلىستىق بايلىق مينيسترلىگى اقىلى بەرىلەتىن جيىنى 37 مۇناي - تابيعي گاز ءوڭىرىن تەكسەرىپ انىقتاۋدى رايونىمىزعا مىندەتتەگەن. ”تازا كەن“ اقىلى بەرۋ تالابىنا ساي، رايونىمىز وسى جىلى ەكى توپتا 14 مۇناي - تابيعي گاز ءوڭىرىن ماڭدايشالىق اسىپ اقىلى بەرۋ قيمىلىن جۇرگىزەدى.