جاڭ چۇنلين حوتان ايماعىنا بارىپ، ىندەتتەن ساقتانۋ - تىزگىندەۋ قىزمەتىنە جەتەكشىلىك ەتكەندە بىلاي دەپ باسا دارىپتەدى
ءبىر نيەتپەن سەلبەسىپ، دالمە - ءدال شارا قولدانىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك
ءوز حابارىمىز. اۆتونوميالى رايوندىق پارتكومنىڭ ءبىر تۇتاس ورنالاستىرۋىنا ساي، اۆتونوميالى رايوندىق پارتكومنىڭ ورىنباسار شۋجيى، ۇگىت ءبولىمىنىڭ باستىعى جاڭ چۇنلين حوتان ايماعىنا بارىپ ىندەتتەن ساقتانۋ - تىزگىندەۋ قىزمەتىنە قۋزاۋشىلىق ىستەپ، جەتەكشىلىك ەتتى.
11 - ايدىڭ 17 - كۇنىنەن باستاپ جاڭ چۇنلين ىلگەرىندى - كەيىندى حوتان قالاسى، حوتان اۋدانى، قاراقاش اۋدانى سياقتى اۋدانداردىڭ (قالا) قاتىستى ورىندارىنا جانە حىسۋان تەكسەرەتىن تاجىريبەحانالارعا بارىپ تەكسەرۋ - زەرتتەۋ جۇرگىزىپ، كاسىپتىك تەحنيكالىق قىزمەتكەرلەر مەن جابدىقتار جەتىسپەۋ سياقتى ماسەلەلەردى سايكەستىرىپ شەشىپ، حىسۋان تەكسەرۋ قۋاتىن جەدەل جوعارىلاتتى. حوتان اۋدانى باعچى قالاشىعى چالباش قىستاعى سياقتى 15 قىستاق پەن الەۋمەتتىك اۋماقتا بولىمدى ناۋقاستاردى تاسۋ، حىسۋان تەكسەرۋ، بۇقاراعا قىزمەت وتەۋ، اۋىل شارۋاشىلىق ءوندىرىسى جانە دالمە - ءدال ساقتانۋ - تىزگىندەۋ سياقتى جاعدايلاردى ۇعىسىپ، اۋىل شارۋاشىلىق ونىمدەرىن جيناۋ جانە ساتۋ ماسەلەسىن سايكەستىرىپ شەشتى. حوتان ايماقتىق اكىمشىلىك قىزمەت وتەۋ جانە الەۋمەتتىك بايلىق ساۋدا ورتالىعىندا، جولاۋشىلار بەكەتىندە، نان كاسىپ سالاسى باقشاسىندا جانە زاتتىق ماتەريالداردى زاپاس ساقتاۋ تۇيىندەرىندە ىندەت كەزىندەگى سۋمەن، ەلەكترمەن، جىلۋمەن، گازبەن جانە تۇرمىستىق زاتتىق ماتەريالدارمەن قامداۋ جاعدايىن ۇعىستى.
جاڭ چۇنلين بىلاي دەپ باسا دارىپتەدى: ساياسي دەڭگەيدى جوعارىلاتىپ، پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن مۇقيات ۇيرەنىپ، دايەكتىلەندىرىپ، اۆتونوميالى رايوندىق 10 - كەزەكتى پارتكوم التىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا بۇلجىماي تاباندى بولىپ، ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ باس تاكتيكاسىن بۇلجىتپاي تياناقتاندىرىپ، ”يكەمدى نولگە ءتۇسىرۋ“ باس باعىتىن بۇلجىتپاي دايەكتىلەندىرىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ەڭ جوعارى شەكتە قورعاپ، ىندەتتىڭ ەكونوميكالىق، قوعامدىق دامۋعا ىقپالىن ەڭ جوعارى شەكتە ازايتىپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداۋ كەرەك. دالمە - ءدال شارا قولدانىپ، تۇرگە ايىرىپ باسقارۋعا تاباندى بولىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ سىندى ”ءتورت ەرتە بولۋ“ شاراسىن قاتاڭ تياناقتاندىرىپ، ءىشىنارالىق تارالعان ىندەتتى باتىل، پارمەندى ويداعىداي ءبىر جاقتى ەتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، باسقالاردىڭ تۇرعىسىندا تۇرىپ ويلانۋعا باسا ءمان بەرىپ، قىزمەت وتەۋ تانىمىن كۇشەيتىپ، تۇرمىستىق زاتتىق ماتەريالدارمەن قامداۋدى قامتاماسىز ەتۋدى كۇشەيتىپ، جۇكتى ايەلدەر، شۇعىل، سالماقتى ناۋقاستار، قارتتار، بالالار سياقتى قاۋىمنىڭ قاجەتىن ويداعىداي شەشىپ، ءار ۇلت بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ ويداعىداي شەشۋ كەرەك. ۇگىت - يدەيا قىزمەتىن ويداعىداي ىستەپ، ءتۇرلى فورماداعى دانەكەرلەردەن تولىق پايدالانىپ، بارلىق پارتيا مۇشەلەرىن، كادرلاردى ىندەتكە قارسى اتتانۋدىڭ الدىڭعى شەبىندە جاۋاپكەرشىلىك ارقالاپ، ىسكەرلىك كورسەتۋگە، كۇش قوسۋعا ۇگىتتەپ، جۇمىلدىرىپ، ىندەتكە قارسى اتتانۋ قىزمەتىندەگى وزات تيپتەردى جانە اسەرلى ىستەردى كۇش سالا ۇگىتتەپ، ءار ۇلت بۇقاراسىن وزىندىك ساقتانۋ - قورعانۋ تانىمىن كۇشەيتۋگە، ىندەتكە قارسى اتتانۋ قىزمەتىن تۇسىنۋگە، قولداۋعا تاربيەلەپ، جەتەكتەپ، بارلىق ادام ات سالىساتىن، بارلىق ادام قولداۋ كورسەتەتىن، ءبىر نيەتپەن ىندەتكە قارسى اتتاناتىن، ۋاقىتتىق قيىنشىلىقتى بىرگە ەڭسەرەتىن قۋاتتى وڭ ەنەرگيا قالىپتاستىرۋ كەرەك.
