جاڭا داۋىردەگى جاڭا جورىققا شەرۋ تارتىپ، كورىكتى شينجياڭ قۇرۋعا قۇلشىندى
− اۆتونوميالى رايوندىق 10 - كەزەكتى پارتكومنىڭ التىنشى جالپى ماجىلىسىنەن ەستەلىك
□ انار بۇلت \ شينجياڭ گازەتىنىڭ ءتىلشىسى لي ياڭ
قىس كىرگەن شاق، ءۇش تاۋ، ەكى ويپات اراسىنداعى بايتاق دالا توسىندە ارشىندى قاداممەن العا باسۋدىڭ تەلەگەي كۇشى تاسقىنداپ، جىگەرلەنە العا ۇمتىلۋدىڭ شالقىعان سيمفونياسى اسقاقتاۋدا.
بۇكىل رايوندا جوعارىدان تومەنگە دەيىن پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ورلەۋى جەدەل كوتەرىلگەن ساتتە، 11 - ايدىڭ 20 - كۇنى اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسى شينجياڭ حالىق سارايىندا وتكىزىلدى.
جالپى ءماجىلىستىڭ ماڭىزدى تابىسى «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، ”ەكىنى تۇراقتاندىرۋدى“ باتىل قولداپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا كورىكتى شينجياڭ قۇرۋعا قۇلشىنۋ جونىندەگى اتقارۋ پىكىرىن» (تومەندە قىسقارتىلىپ «پىكىر» دەلىنەدى) قاراپ ماقۇلداۋى بولدى.
ماجىلىسكە قاتىناسقان جولداستاردىڭ تۇلا بويىن اسقاق سەزىم، جالىندى جىگەر كەرنەدى. كوپشىلىك ءبىر اۋىزدان بىلاي دەپ قارادى: بۇل رەتكى جالپى ءماجىلىس پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە جۇيەلى جوسپار، جالپى تۇلعالىق ورنالاستىرۋ جاساپ، جالپى بەتتىك اتتانىسقا كەلتىرىپ، يدەيانى بىرلىككە كەلتىرىپ، تانىمدى جوعارىلاتىپ، سەنىمدى بەكەمدەپ، كۇش - قۋات ۇيىستىردى، بۇل، ءسوز جوق، پارتيا 20 - قۇرىلتايى رۋحىنىڭ تيانشان الابىندا تياناقتانىپ تامىر تارتىپ، گۇل اشىپ جەمىس بەرۋىن ىلگەرىلەتەدى.
يدەيانى بىرلىككە كەلتىرىپ، زەيىن - زەردەنى، كۇش - قۋاتتى ۇيىستىردى
پارتيا 20 - قۇرىلتايى بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ تىڭ جورىعىنا ارشىندى قادام تاستاعان، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە اشىلعان ءبىر رەتكى توتەنشە ماڭىزدى قۇرىلتاي، پارتيا مەن مەملەكەتتىڭ دامۋ ۇردىسىندە توتەنشە كەلەلى تاريحي مانگە يە. پارتيا 20 - قۇرىلتايىنىڭ رۋحىن ويداعىداي ۇيرەنۋ، ۇگىتتەۋ، دايەكتىلەندىرۋ − بۇكىل رايونىمىزداعى جوعارىدان تومەنگە دەيىنگىلەردىڭ كەزەكتەگى جانە بۇدان بىلايعى ءبىر مەزگىلدەگى ماڭداي الدى ساياسي مىندەتى.
اۆتونوميالى رايوندىق پارتكوم تۇراقتى كوميتەتىنىڭ كەڭەيتىلگەن ءماجىلىسى، بۇكىل رايوننىڭ پارتيا 20 - قۇرىلتايىنىڭ رۋحىن جەتكىزۋ، ۇيرەنۋ، دايەكتىلەندىرۋ جونىندەگى كادرلار جينالىسى، اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ ارناۋلى تاقىرىپتىق ۇيرەنۋ ءماجىلىسى... پارتيا 20 - قۇرىلتايى جەڭىسپەن جابىلعاننان كەيىن، اۆتونوميالى رايوندىق پارتكوم ءبىر قىدىرۋ ماڭىزدى ءماجىلىس اشىپ، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ قىزمەتىنىڭ تەرەڭدەۋىن، ناقتىلانۋىن ىلگەرىلەتتى. جەر - جەر، تاراۋلار، بۇكىل رايونداعى قالىڭ پارتيا مۇشەلەرى مەن كادرلار دەرەۋ اتتانىسقا كەلىپ، پارتيانىڭ 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى ارەكەتكە اينالدىرىپ، ناتيجەدە ايگىلەدى.
”جالپى ءماجىلىس دەر شاعىندا اشىلعان، توتەنشە قاجەتتى ءماجىلىس بولدى، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە جاپپاي، ىشكەرىلەي ورنالاستىرۋ جاساپ، اۆتونوميالى رايوندىق پارتكومنىڭ ”ەكىنى تۇراقتاندىرۋدى“ باتىل قولدايتىن، ”ەكىنى قورعاۋدى“ باتىل ورىندايتىن وسكەلەڭ ساياسي سانالىلىعىن، يدەيالىق سانالىلىعىن، ارەكەت سانالىلىعىن تولىق ايگىلەدى“، - دەدى ماجىلىسكە قاتىناسقان ۋاكىل، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ مەڭگەرۋشىسى زوۋ ي - ۋي.
”ەكىنى تۇراقتاندىرۋ“ پارتيانىڭ جاڭا داۋىردە قول جەتكىزگەن كەلەلى ساياسي جەتىستىگى، پارتيانىڭ بارلىق ايقىنسىزدىققا توتەپ بەرۋىندەگى ەڭ ۇلكەن ايقىندىق، ەڭ ۇلكەن سەنىمى، ەڭ ۇلكەن كەپىلى. ماجىلىسكە قاتىناسقان جولداستاردىڭ يدەياسى بىرلىككە كەلىپ، اياق الىسى بىركەلكى بولدى: ءبىز ”ەكىنى تۇراقتاندىرۋدىڭ“ شەشۋشى ءمانىن تەرەڭ ۇعىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن قاي - قاشان دا وسكەلەڭ ءبىر اۋىزدىلىقتى ساقتايمىز.
تانىم ونان ارى تەرەڭدەپ، يدەيا ونان ارى بىرلىككە كەلدى، ماجىلىسكە قاتىناسقان جولداستار العا باسۋ قوزعاۋشى كۇشىنىڭ ونان ارى كۇشەيگەنىن، كۇرەسكەرلىك رۋحتىڭ ونان ارى اسقاقتاعانىن، ءسوزسىز جەڭىسكە جەتۋ سەنىمىنىڭ ونان ارى بەكەمدەلە تۇسكەندىگىن تەرەڭ سەزىندى.
ماڭىزدى ءتۇيىن يگەرىلىپ، نىسانا ايقىندالدى
جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ بورىشى مەن مىندەتىن باتىل ارقالاپ، پارتيا 20 - قۇرىلتايى ورنالاستىرعان ستراتەگيالىق مىندەتتەر مەن كەلەلى شارالاردى جاپپاي تياناقتاندىرۋ ءۇشىن، رۋحاني ءمانىن يگەرۋگە كۇش سالىپ، جالپى بەتتىك يگەرۋدە، ساباقتاستىرۋدا ناقتى شارا قولدانۋعا تۋرا كەلەدى، ونان دا ماڭىزدىسى، ايقىن مىندەت ءتىزىمى، جول كارتاسى بولۋ قاجەت.
ۇيرەنۋ بارىسىندا بەتالىستى ايقىنداپ، اۋىس - كۇيىس بارىسىندا ورتاق تانىم ۇيىستىردى. ماجىلىسكە قاتىناسقان ۋاكىل، اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى، شينجياڭعا باعىتتامالى كومەكتەسۋ كەڭسەسىنىڭ مەڭگەرۋشىسى ۋاڭ كۇيران بىلاي دەپ قارادى: جالپى ءماجىلىس قاراپ ماقۇلداعان «پىكىردىڭ» ساياسي دەڭگەيى جوعارى، قىزمەت شارالارى ناقتى بولىپ، نازاردى ماڭىزدى ءتۇيىندى يگەرۋگە بارىنشا شوعىرلاندىرىپ، مولشەرلەۋگە، اتقارۋعا، باعالاۋعا بولاتىن دايەكتىلەندىرۋ شارالارىن العا قويدى، بۇل ءبىزدىڭ پارتيا 20 - قۇرىلتايىندا كەسكىندەلگەن ايبىندى جوبادان شينجياڭنىڭ ورنىن ءداپ باسىپ تابۋىمىزعا ءتيىمدى، بۇكىل رايونىمىزدا جوعارىدان تومەنگە دەيىن پارتيا 20 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن ۇزدىكسىز ىلگەرىلەتۋدە، ءسوز جوق، پارمەندى جەتەكشىلىك رول اتقارادى.
ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) گاڭچىڭ اۋماعى كىپيڭ جولى سولتۇستىك الەۋمەتتىك اۋماعى پارتكومىنىڭ شۋجيى رىزۋانگۇل ساۋۇت پارتيا 20 - قۇرىلتايىنىڭ ۋاكىلى. بەيجيڭگە بارىپ قۇرىلتايعا قاتىناسىپ قايتىپ كەلگەننەن كەيىن، ول ىشكەرىلەي ۇيرەنۋگە، ەگجەي - تەگجەيلى تۇسىنۋگە تاباندى بولىپ، پارتيا 20 - قۇرىلتايىنىڭ رۋحى جونىندەگى تۇسىنىگىن اناعۇرلىم تەرەڭدەتتى. ول بىلاي دەدى: جالپى ءماجىلىس شينجياڭنىڭ دامۋ كەزەڭىمەن جانە قىزمەت ءىس جۇزىندىگىمەن تىعىز بايلانىستىرىپ، 17 جاقتاعى ءتۇيىندى قىزمەتتى العا قويدى، بۇل جۇڭگو ۇلگىسىندەگى وسىزامانداندىرۋدىڭ ماندىك تالابىمەن ايرىقشا ۇندەسەدى.
شينجياڭدى زاڭمەن باسقارۋدى جاپپاي تەرەڭدەتۋ، جالپى تۇلعالىق مەملەكەت حاۋىپسىزدىگى كوزقاراسىن بۇلجىتپاي دايەكتىلەندىرۋ، جۇڭگو شينجياڭ حيكاياسىن جاقسى ايتۋ، جۇڭحۋا ۇلتى ورتاق تۇلعا تانىمىن بەرىك ورناتۋعا كۇش سالۋ... ماجىلىسكە قاتىناسقان جولداستار بىلاي دەپ قارادى: «پىكىردە» العا قويىلعان ءتۇرلى مىندەتتەر ءبىز پارتيا 20 - قۇرىلتايىنىڭ رۋحىن ۇيرەنۋدە، ۇگىتتەۋدە، دايەكتىلەندىرۋدە، ءسوز جوق، كورنەكتىلەندىرەتىن ماڭىزدى ءتۇيىن، يگەرەتىن شەشۋشى تەتىك.
ماجىلىسكە قاتىناسقان ۋاكىل، اۆتونوميالى رايوندىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ - تەكسەرۋ كوميتەتىنىڭ ورىنباسار مەڭگەرۋشىسى ادىل ءالي مىنالاردى ءبىلدىردى: ءبىز «پىكىردىڭ» تالابى بويىنشا، پارتيا 20 - قۇرىلتايىنىڭ ورنالاستىرۋلارىن شينجياڭنىڭ رەفورما، دامۋ، ورنىقتىلىق ىستەرىنىڭ ءار سالاسىندا، ءار جاعىندا تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، پارتيا 20 - قۇرىلتايى رۋحىنىڭ تياناقتانىپ تامىر تارتۋىنا شىنايى كەپىلدىك ەتۋىمىز كەرەك.
شىنايى يگەرىپ، ناقتى ىستەپ، قاجىماي - تالماي كۇرەس جۇرگىزەمىز
ءىستىڭ ورىندالۋىندا ءبىر ۇلەسى ورنالاستىرۋعا بايلانىستى بولسا، توعىز ۇلەسى تياناقتاندىرۋدان كەلەدى. ۇلى جوبا كەسكىندەلدى، شەشۋشى تەتىك − ىسكە كىرىسۋدى ماڭداي الدى ورىنعا قويىپ، جوبانى بىرتىندەپ رەالدىققا اينالدىرۋ.
ماجىلىسكە قاتىناسقان ۋاكىل، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ شۋجيى پيڭ شينلاي بىلاي دەدى: بۇكىل رايونىمىزداعى ادام كۇشى بايلىعى جانە قوعامدىق قامتاماسىزداندىرۋ جۇيەسى پارتيا 20 - قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، اۆتونوميالى رايوندىق 10 - كەزەكتى پارتكوم التىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، كۇرەسكەرلىك بەينەنى باستان - اياق ساقتاپ، جۇمىستاندىرۋ، دارىندى، قوعامدىق قامتاماسىزداندىرۋ، ەڭبەك ۇقىعىن قامتاماسىز ەتۋ سياقتى قىزمەتتەردىڭ تاعى دا تىڭ ساتىعا كوتەرىلۋىن ىلگەرىلەتەدى.
ماجىلىسكە قاتىناسقان ۋاكىل، اۆتونوميالى رايوندىق قاتىناس - تاسىمال مەڭگەرمەسىنىڭ باستىعى اسەنجان احمەت مىنالاردى ءبىلدىردى: جالپى ءماجىلىستىڭ رۋحىن ويداعىداي دايەكتىلەندىرىپ، تياناقتاندىرىپ، قاتىناس - تاسىمال جۇيەسىنىڭ جول اشۋشى اتويشىلىق بورىشىن شىنايى اتقارىپ، جىبەك جولى ەكونوميكالىق بەلدەۋى وزەكتى رايونىنىڭ قاتىناس تورابى ورتالىعى قۇرىلىسىن بار كۇشپەن جەدەلدەتىپ، قاتىناستا قۋاتتى ەل قۇرۋدى جەدەلدەتۋگە كۇش قوسۋىمىز كەرەك.
”جالپى ءماجىلىس جۇرتتى جەلپىندىرىپ، ەكپىندەي ىلگەرىلەۋگە ىنتالاندىردى، ءبىز بولاشاققا نىق سەنىم ارتىپ وتىرمىز“. ماجىلىسكە قاتىناسقان ۋاكىل، اۆتونوميالى رايوندىق پارتكوم اۋىل - قىستاق قىزمەتى كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ ورىنباسار باستىعى شۇي تاۋ مىنالاردى ءبىلدىردى: ءبىز جالپى ءماجىلىس العا قويعان جاڭا ورنالاستىرۋلارعا، جاڭا تالاپتارعا ساي، بورىش ارقالاۋدى كۇشەيتىپ، شينجياڭ اۋىل شارۋاشىلىعىنىڭ ەرەكشەلىككە، باسىمدىققا يە بايلىعىن مىقتاپ ارقاۋ ەتىپ، نازاردى ”8 ۇلكەن كاسىپ سالاسى شوعىرىنىڭ“ ىشىندەگى استىق - ماي كاسىپ سالاسى شوعىرى، ماقتا جانە توقىماشىلىق، كيىم - كەشەك كاسىپ سالاسى شوعىرى، جاسىل، ورگانيكالىق جەمىس - جيدەك، كوكونىس كاسىپ سالاسى شوعىرى، ساپالى مال شارۋاشىلىعى ونىمدەرى كاسىپ سالاسى شوعىرى سياقتى ماڭىزدى تۇيىندەرگە شوعىرلاندىرا وتىرىپ كۇش سالىپ، شينجياڭ اۋىل شارۋاشىلىعىنىڭ جوعارى ساپالى دامۋىن ىلگەرىلەتۋىمىز كەرەك.
جوبا جاسالىپ، دابىل قاعىلدى، جاڭا جورىق داڭق پەن ارمانعا تولى ۇزاق جورىق سانالادى. كوپشىلىك مىنالاردى ءبىلدىردى: جالپى ءماجىلىستىڭ رۋحىن پارتيا 20 - قۇرىلتايىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ ناقتى شاراسىنا تەز ارادا اينالدىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ شينجياڭ تاراۋىن ويداعىداي جازۋ جولىندا قاجىماي - تالماي كۇرەس جۇرگىزەمىز.
