11 - ايدىڭ 17 - كۇنى جينحۋا قالاسىنىڭ شينجياڭعا باعىتتامالى كومەكتەسۋ قولباسشىلىق شتابىنىڭ قاتىستى قىزمەتكەرى مىنانى ءبىلدىردى، جىجياڭ جينحۋانىڭ شينجياڭعا باعىتتامالى كومەكتەسۋ ”10 قالادا 100 دۇكەن“ ينجەنەرياسىنىڭ 2.0 نۇسقاسى 2022 - جىلى 1 - ايدان 10 - ايعا دەيىن 117 مىڭ توننا اقسۋدىڭ ەرەكشە اۋىل شارۋاشىلىق ونىمدەرىن ساتىپ، سايكەس مەزگىلدەگىدەن %40 تەن استام ارتقان، ساتىلۋ سوماسى 1 ميلليارد 484 ميلليون يۋانعا جەتىپ، سايكەس مەزگىلدەگىدەن %20كە جۋىق ارتىپ، 2021 - جىلعى تۇتاس جىلدىق ساتىلۋ سوماسىنا تاياعان.
ونسۋ اۋدانى كوكيار قالاشىعىنداعى جەمىس باعىندا ۋىلجىپ پىسكەن بيڭتاڭشين الماسى.
جينحۋا قالاسىنىڭ شينجياڭعا باعىتتامالى كومەكتەسۋ قولباسشىلىق شتابى نىسان كاسىپ سالاسى گرۋپپاسىنىڭ باستىعى ۋاڭ گوجۇن بىلاي دەيدى: ”سوڭعى جىلدارى، جينحۋا قالاسىنىڭ شينجياڭعا باعىتتامالى كومەكتەسۋ قولباسشىلىق شتابى ”10 قالادا 100 دۇكەن“ ينجەنەرياسىنىڭ 2.0 نۇسقاسىن ۇزدىكسىز ىلگەرىلەتۋدى ونسۋ اۋدانىنىڭ كەدەيلىكتەن ارىلتۋدان قامال الۋ جەتىستىكتەرىن اۋىل - قىستاقتى گۇلدەندىرۋمەن ءونىمدى ۇشتاستىرۋدى بەكەمدەۋگە،كەڭەيتۋگە پارمەندى دەم بەرەتىن ماڭىزدى دانەكەرى ەتتى. جينحۋا ”10 قالادا 100 دۇكەن“ ينجەنەرياسىنىڭ ساتىلۋ سوماسى مەن ساتىلۋ مولشەرى جىل سايىن ارتىپ، جينحۋانىڭ شينجياڭعا باعىتتامالى كومەكتەسۋىنىڭ تىڭ جاۋاپكەرشىلىگىن بەينەلەدى.
ۋاڭ گوجۇننىڭ تانىستىرۋىنشا، جينحۋا قالاسىنىڭ شينجياڭعا باعىتتامالى كومەكتەسۋ قولباسشىلىق شتابى ”ءوندىرۋ، ساۋدالاۋ، تاسىمالداۋدىڭ“ بىرگە ارەكەتتەنۋى ءتاسىلىن قولدانىپ، شارۋاشىلىق جۇيەسىن جەتىلدىرۋگە كۇشتى شوعىرلاندىرىپ قانا قالماي، جەرگىلىكتى ورىننىڭ قان جاساۋ فۋنكتسياسىن كۇشەيتتى، مۇنان سىرت ءوندىرۋ، ساۋدالاۋ بىرلەستىگى قۇرىلىسىنا كۇش توپتاپ، اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋعا دەم بەردى. ”ءوندىرۋ“ جاعىندا جەرگىلىكتى ورىننىڭ اۋىل شارۋاشىلىق بايلىعى جاعىنداعى باسىمدىعىن تياناق ەتىپ، شارۋاشىلىقتىڭ ”شوعىرلانعان ءوڭىرىن“ قالىپتاستىرىپ، باستاماشى كاسىپورىنداردى بەلسەنە ەنگىزىپ، شارپۋ، شوعىرلاندىرۋ اسەرىن تۋدىردى. سونىمەن بىرگە كاسىپورىن ارقىلى ەگىمشىلىكتى جەبەيتىن، ەگىمشىلىك كاسىپورىندى قامتاماسىز ەتەتىن ”بازا + كاسىپورىن“ قوس باعىتتا بىرگە ارەكەتتەنۋ ونسۋدىڭ اۋىل شارۋاشىلىق ونىمدەرىنىڭ ىشكى قوزعاۋشى كۇشىن نىعايتىپ، اۋىل شارۋاشىلىق ونىمدەرىن ەگۋ، ءوندىرۋ، مانەرلەۋ، ساقتاۋ، ساۋدالاۋدى ءبىر تۇلعالاندىرعان كاسىپورىن بىرلەستىگىنەن 35ىن قۇردى. ”ساۋدالاۋ“ جاعىندا ءوندىرۋ، ساۋدالاۋ بىرلەستىگىن قۇرۋعا كۇش توپتاپ، اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋىنا دەم بەردى. ”تاسىمالداۋ“ جاعىندا ”اقسۋ − جينحۋا“ شينجياڭعا باعىتتامالى كومەكتەسۋ زات تاسىمالى كەزەكشى پويەزى اينالىمى ۇجىمىن سايكەستىرە قۇرىپ، جىجۇڭ تاس جول - تەمىر جول ۇلاسپالى تاسىمالى پورتى اقسۋ ءىس باسقارماسىن قۇرىپ، شينجياڭعا باعىتتامالى كومەكتەسۋ كەزەكشى پويەزىنىڭ ”كەسىكتى ورىن، كەسىكتى لەنيا، كەسىكتى قاتىناۋ رەتى، كەسىكتى ۋاقىت، كەسىكتى باعادا“ ۇدايىلانا قاتىناۋىنا ارناۋلى جاۋاپتى ەتىپ، وڭتۇستىك شينجياڭ رايونىنداعى ونىمدەردىڭ اقسۋعا جينالىپ، شينجياڭنان شىعىپ چاڭجياڭ اتىراۋىنا جەتۋىن ىلگەرىلەتتى.
بۇدان تىس جينحۋا قالاسىنىڭ شينجياڭعا باعىتتامالى كومەكتەسۋ قولباسشىلىق شتابى شينجياڭداعى جىجياڭ ساۋداگەرلەر قوعامى، شينجياڭ جەدەل جەتكىزۋ كاسىپ سالاسى قوعامىمەن بەلسەنە بايلانىس جاساپ، وڭتۇستىك شينجياڭ جەدەل جەتكىزۋ، زات اينالىمى-تاراتۋ ورتالىعى نىسانىن ەنگىزىپ ونسۋ اۋدانىنا ىرگە تەپكىزىپ، وڭتۇستىك، سولتۇستىك شينجياڭدا قوس ورتالىعىنىڭ اينالىمىن جۇزەگە اسىردى. نىسان پايدالانۋعا بەرىلگەننەن كەيىن شينجياڭداعى تۇڭعىش زەردەلىلەنۋ، شوعىرلانۋ، جان - جاقتى قىزمەت وتەۋ، ءبىر تۇتاس باسقارۋدى ءبىر تۇلعالاندىرعان كەشەندى جەدەل جەتكىزۋ، زات اينالىمى زەردەلى باقشا رايونىنا اينالادى. شينجياڭعا باعىتتامالى كومەكتەسۋ كەزەكشى پويەزى مەن وڭتۇستىك شينجياڭ جەدەل جەتكىزۋ، زات اينالىمى-تاراتۋ ورتالىعى شينجياڭعا كىرەتىن، شىعاتىن جەدەل جولدامالاردىڭ زات اينالىم وزىندىك قۇنىن تومەندەتىپ، شينجياڭنىڭ ءىشى - سىرتىنىڭ زات اينالىمى ارناسىن تۇتاستىرىپ، جوعارى ءونىمدى، حاۋىپسىز، ىركىلىسسىز ساۋدالىق زات اينالىمى جۇيەسىن قۇرادى.
ۇعىسۋعا قاراعاندا 2022 - جىلى جىجياڭ جينحۋانىڭ شينجياڭعا باعىتتامالى كومەكتەسۋ ”10 قالادا 100 دۇكەن“ ينجەنەرياسىنىڭ 2.0 نۇسقاسىنىڭ ساتىلۋ سوماسى مەجەمەن 1 ميلليارد 800 ميلليون يۋاننان اسىپ، تاريحتاعى ەڭ جوعارى ورە جاراتىلادى. (ەرىكتى تىلشىلەر لۇي نا، جين شياۋ، جياڭ لەي)
