شينحۋا اگەنتتىگىنىڭ 11 - ايدىڭ 21 - كۇنى بەيجيڭنەن بەرگەن حابارى. 11 - ايدىڭ 21 - كۇنى مەملەكەت ءتوراعاسى شي جينپيڭ قاسىمجومارت توقايەۆكە تەلەگرامما جولداپ، ونىڭ قازاقستاننىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: ءسىزدىڭ وسى رەتكى سايلانۋىڭىز قازاقستان حالقىنىڭ سىزگە دەگەن سەنىمى مەن قولداۋىن تولىق ايگىلەدى. مەن جۇڭگو - قازاقستان قارىم - قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىن جاڭا باستاما ەتىپ، جۇڭگو مەن قازاقستاننىڭ ماڭگىلىك جان - جاقتى ستراتەگيالىق سەرىكتەستىك قارىم - قاتىناسىنىڭ ونان ارى دامۋىن ىلگەرىلەتىپ، جۇڭگو مەن قازاقستاننىڭ تاعدىرلاس ورتاق تۇلعاسىن قول ۇستاسا قۇرىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.
