11 - ايدىڭ 14 - كۇنى قۇمىل قالاسىنا ورنالاسقان تابيعي گازدى باتىستان شىعىسقا جەتكىزۋ 4 - جەلى ينجەنەرياسى 2 - مەردىگەرلىك بولىگىنىڭ قۇرىلىس جۇمىسى باسىندا جۇڭگو مۇناي ينجەنەريا قۇرىلىسى شەكتى سەرىكتەستىگى جۇڭگو مۇناي (شينجياڭ) يوۋجيان بولىمشە سەرىكتەستىگىنىڭ قۇرىلىسشىلارى شارلاپ تەكسەرۋ جۇرگىزۋدە. كەزەكتە بۇل ينجەنەريانىڭ اياق الىسى ءساتتى بولىپ، قۇبىردى دانەكەرلەۋ ساتىسىنا ءوتتى.
□ سۋرەتتى ليۋ يانلۇڭ تۇسىرگەن
انار بۇلت \ شينجياڭ گازەتىنىڭ ءتىلشىسى شى شين 11 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، شينجياڭداعى ءىرى نىسانداردىڭ جەتەكتەۋ، دەم بەرۋ رولى ۇزدىكسىز كۇشەيگەن. الدىڭعى 10 ايدا جالپى 5 ميلليون يۋاننان استام قارجى قوسىپ جۇرگىزۋ جوسپارلانعان نىسان 14 مىڭ 714 بولىپ، سايكەس مەزگىلدەگىدەن 1212سى كوبەيىپ، ％9 ارتقان.
مۇنىڭ ىشىندە 5 ميلليارد يۋاننان استام قارجى قوسىلعان نىسان 77گە جەتىپ، سايكەس مەزگىلدەگىدەن 11ى كوبەيىپ، ％7. 16 ارتقان؛ ءبىر ميلليارد يۋاننان استام قارجى قوسىلعان نىسان 476عا جەتىپ، سايكەس مەزگىلدەگىدەن 55ى كوبەيىپ، ％1. 13 ارتقان؛ 100 ميلليون يۋاننان استام قارجى قوسىلعان نىسان 3796عا جەتىپ، سايكەس مەزگىلدەگىدەن 550ى كوبەيىپ، ％9. 16 ارتقان.
بيىل جىل باسىنان بەرى، اۆتونوميالى رايوندىق دامۋ جانە رەفورما كوميتەتى ءار جاقتىڭ كۇشتەرىن جۇمىلدىرىپ نىسانداردى يگەرىپ، قارجى قوسۋدى جەبەپ، ارتۋدى ورنىقتىرىپ، كەلەلى نىسانداردىڭ جەتەكتەۋدەگى، دەم بەرۋدەگى جانە ءونىمدى قارجى قوسۋداعى شەشۋشى رولىن ساۋلەلەندىرىپ، كەلەلى نىساندار قۇرىلىسىن كۇش سالا ىلگەرىلەتىپ، ىندەت اكەلگەن ءتيىمسىز ىقپالدارعا بەلسەنە، ىرىقتىلىقپەن توتەپ بەرىپ، شينجياڭنىڭ ەكونوميكالىق اينالىمىنىڭ ۇيلەسىمدى اۋماقتا بولۋىنا مىعىم تىرەك ازىرلەدى، الدىڭعى 10 ايدا شينجياڭنىڭ ءتۇيىندى نىساندارعا قارجى قوسۋ جوسپارىنىڭ ％92ى ورىندالدى.
جەمەنەي اۋدانى شالشىقاي 250 مىڭ كيلوۆاتتىق قامتاماسىزدىق سيپاتتى توراپقا قوسىلعان جەل ەلەكترى نىسانى جۇمىس باسىندا جۇمىسشىلار ماسكالارىن تاعىپ، ۇستەمەلەپ قىزمەت ىستەپ، جەل كورىكتى كرانمەن كوتەرىپ قۇراستىرىپ، نىسان قۇرىلىسى اياق الىسىن تەزدەتۋدە. ”ءبىز قۇرىلىس جۇرگىزىپ جاتقان جۇمىسكەرلەردىڭ ءار كۇنگى سالاماتتىق جاعدايىن دەر كەزىندە يگەرىپ، نىسان جۇمىس ورنىنىڭ ساقتانۋ - تىزگىندەۋ قالتقىسىن تىڭعىلىقتى، ءونىمدى شارالارمەن بەكەمدەپ، نىسانداردىڭ قارقىن بويىنشا ىلگەرىلەۋىن كۇش سالا قامتاماسىز ەتتىك“، - دەدى اتالعان نىساننىڭ جاۋاپتىسى ۋي گولين.
ىلە قازاق اۆتونوميالى وبلىستىق دامۋ جانە رەفورما كوميتەتى ۋاقىت تۇيىنىمەن تىعىز بايلانىستىرىپ، قىزمەتتەردىڭ تياناقتانۋىن مىقتاپ يگەرىپ، كەلەلى نىسان قۇرىلىستارىن ءۇرتىس ىلگەرىلەتتى، 41 ءتۇيىندى نىسان ءتورتىنشى ماۋسىمدا جۇمىس باستاپ قۇرىلىس جۇرگىزدى.
سانجى حۇيزۋ اۆتونوميالى وبلىستىق دامۋ جانە رەفورما كوميتەتى ىرىقتىلىقپەن ىسكەرلىك كورسەتىپ، الدا ءجۇرىپ قىزمەت وتەپ، كەلەلى نىسان قۇرىلىستارىنىڭ قىزمەت وتەيتىن، قامتاماسىز ەتەتىن ارناۋلى كەزەكشى قىزمەت مەحانيزمىنەن ويداعىداي پايدالاندى، نىساننىڭ قۇرىلىس جۇرگىزۋ كۇشەمەلىلىگىن ％75 اينالاسىندا ورنىقتىردى.
1 - ايدان 10 - ايعا دەيىن، شينجياڭدا جاڭادان جۇمىس باستاعان نىساندار ءبىرشاما تەز ارتتى. وسى جىلدا جاڭادان جۇمىس باستاعان نىسان 8532 بولىپ، سايكەس مەزگىلدەگىدەن 704ى كوبەيىپ، ％9 ارتتى.
”بيىل جىل باسىنان بەرى، بۇكىل رايوننىڭ ءبىرىنشى ماۋسىمدىق، ەكىنشى ماۋسىمدىق، ءۇشىنشى ماۋسىمدىق كەلەلى نىسانداردى ورنالاستىرۋ ءماجىلىسىن جەكە - جەكە ۇيىمداستىرىپ اتقارىپ، قارجى قوسۋ مەجەسىنە جەتەكشىلىك ەتۋدى، دامۋ سەنىمىن سەرپىلتۋدى كۇشەيتىپ، ءبىر توپ كەلەلى نىسانداردىڭ جۇمىس باستاپ قۇرىلىس جۇرگىزۋىن ىلگەرىلەتىپ، تىرەك قالىپتاستىردى“، - دەدى اۆتونوميالى رايوندىق دامۋ جانە رەفورما كوميتەتى نىسان قۇرىلىستارىن باسقارۋ باسقارماسىنىڭ ورىنباسار باستىعى جاڭ يۇڭلياڭ.
ءىرى نىساندار زور قارجى قوسۋعا دەم بەردى. 1 - ايدان 10 - ايعا دەيىن شينجياڭنىڭ ەكونوميكالىق اينالىم ناتيجە تىزىمىندە كورسەتىلۋىنشە، شينجياڭنىڭ ونەركاسىپكە قوسقان قارجىسى ءبىرشاما تەز ارتۋدى ساقتاپ، ونەركاسىپكە 291 ميلليارد 108 ميلليون يۋان قارجى قوسىلىپ، سايكەس مەزگىلدەگىدەن ％2. 28 ارتىپ، ارتۋ جىلدامدىعى تۇراقتى مۇلىككە قوسىلعان قارجىدان 7.23 پايىز جوعارى بولعان. ءۇش ۇلكەن كاسىپتەن قاراعاندا، كەن قازۋ كاسىبىنە 63 ميلليارد 521 ميلليون يۋان قارجى قوسىلىپ، سايكەس مەزگىلدەگىدەن ％6. 8 ارتقان؛ جاساۋ كاسىبىنە 128 ميلليارد 160 ميلليون يۋان قارجى قوسىلىپ، سايكەس مەزگىلدەگىدەن ％1. 15 ارتقان؛ ەلەكتر، جىلۋ، وتىندىق گاز، سونداي - اق سۋ وندىرىسىنە جانە قامداۋ كاسىبىنە 99 ميلليارد 428 ميلليون يۋان قارجى قوسىلىپ، سايكەس مەزگىلدەگىدەن ％7. 73 ارتقان.
