تيانشان تورى
تيانشان تورى   ›   ۇيرەنۋ   ›   شولۋ

جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىنان بۇلجىمايىق

  جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىنان بۇلجىمايىق

  − جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا كورىكتى شينجياڭ قۇرۋعا قۇلشىنۋ جونىندە

  □ گازەتىمىزدىڭ شولۋشىسى

  پارتيا 20 - قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ ايبىندى جوباسىن كەسكىندەدى، دابىل ءۇنى شىعانداپ، بورىش ادامدى ىنتالاندىردى، داڭق پەن ارمانعا تولى ۇزاق جورىقتا شينجياڭ ءوز دامۋىن بۇكىل ەلدىڭ دامۋ كەلەلى جاعدايىنا قويىپ جوسپارلاپ، ويلاستىرىپ، كوورديناتاسىن، ورنىن ءداپ باسىپ تاۋىپ، بورىش - مىندەتتەن جازباي، جۇڭحۋا ۇلتىنىڭ ۇلى گۇلدەنۋىنىڭ شينجياڭ تاراۋىن ويداعىداي جازۋى كەرەك.

  اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسى پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن ايقىندادى، ازيا - ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن، جاڭا دامۋ ارناسىن قۇرۋدىڭ ستراتەگيالىق تىرەگىن، بۇكىل ەلدىڭ ەنەرگيا بايلىعىن ستراتەگيالىق قامتاماسىز ەتۋ بازاسىن، مەملەكەت بويىنشا ساپالى ەگىن، مال شارۋاشىلىعى ونىمدەرىمەن قامدايتىن ماڭىزدى بازانى، مەملەكەتتىڭ وڭىرلىك حاۋىپسىزدىگىن قورعايتىن ستراتەگيالىق قالتقىنى بەلسەنە قالىپتاستىرىپ، جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە شينجياڭ ۇلەسىن قوسۋدى ورتاعا قويدى.

  جالپى اۋقىمدى جوسپارلاماعان ادام ءبىر سالانى دا جوسپارلاي المايدى. ماسەلەگە سانالى تۇردە كەلەلى جاعدايدان كوز جىبەرىپ، قىزمەتتى كەلەلى جاعدايعا قويىپ وي جۇگىرتۋ، ورىن تۇراقتاندىرۋ، ورنالاستىرۋ − پارتيامىزدىڭ تاماشا ءداستۇرى جانە ساياسي ارتىقشىلىعى. شينجياڭ قىزمەتىن ستراتەگيالىق جاقتان باعامداۋعا جانە جوسپارلاۋعا تاباندى بولىپ، جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىسكە نازار سالىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىنان بۇلجىماۋدان اۆتونوميالى رايوندىق پارتكومنىڭ پارتيا 20 - قۇرىلتايىندا ورنالاستىرىلعان ءتۇرلى ستراتەگيالىق مىندەتتەر مەن كەلەلى شارالاردى جاپپاي تياناقتاندىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ بورىشى مەن مىندەتىن باتىل ارقالاعان كۇشتى جاۋاپكەرشىلىك تانىمى مەن جاۋاپكەرشىلىك ارقالاۋ رۋحى ايگىلەندى.

  شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىنعا يە. وتاننىڭ كەڭ - بايتاق وڭىرىندە ”بەس وتكەلى سەگىز ەلگە تۇتاسقان“ شينجياڭنىڭ وڭىرلىك ورىن باسىمدىعى كورنەكتى؛ ”ءۇش تاۋ ەكى ويپاتتى ورتاسىنا العان“ شينجياڭنىڭ ەنەرگيا بايلىعى ارتىقشىلىعى ءبىرشاما جاقسى. مەملەكەتتىڭ سىرتقا ەسىك اشۋدى كەڭەيتۋ، باتىس بولىكتى قاۋىرت اشۋ، ”ءبىر بەلدەۋ، ءبىر جولدى“ بىرگە قۇرۋ سياقتىلارىنىڭ ۇزدىكسىز ىلگەرىلەۋىنە ىلەسە، بۇگىنگى تاڭداعى شينجياڭ سالىستىرمالى توماعا - تۇيىق ىشكى قۇرلىقتان سىرتقا ەسىك اشۋدىڭ الدىڭعى شەبىنە اينالدى، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا شينجياڭ كەلەلى تاريحي ورايعا ءدوپ كەلۋدە، ەرەكشە باسىم شارت - جاعدايعا يە. الايدا، وسىمەن بىرگە، شينجياڭنىڭ باياندى تىنىشتىعىنا ىقپال ەتەتىن تەرەڭ قاتپارلى ماسەلەلەر دە ءالى ورىن تەۋىپ وتىر، العا ىلگەرىلەۋ جولىندا دا كوپتەگەن حاۋىپ - قاتەرلەرگە، سايىستارعا ءدوپ كەلۋدە. جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىنان بۇلجىماۋ ءبىزدىڭ ءدوپ كەلىپ وتىرعان ستراتەگيالىق ورايلار مەن حاۋىپ - قاتەر، سايىستاردى عىلمي يگەرىپ، قىزمەتتىڭ كوزدەۋ ءتۇيىنى مەن كۇش سالۋ ءتۇيىنىن ءداپ باسىپ تاۋىپ، جاڭا جورىقتا زەيىن - زەردەنى، كۇش - قۋاتتى ۇيىستىرىپ، قامال الىپ، قيىنشىلىقتاردى جەڭىپ، قايراتتانا تالپىنىپ، ەرلىكپەن العا ىلگەرىلەۋىمىزگە ءتيىمدى.

  ورنىن ءدال تۇراقتاندىرعاندا عانا بەتالىس ايقىن، جول دۇرىس بولادى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ءبىز اشىق ەكونوميكالىق تۇزىلىستە جاڭالىق اشىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، سىرتقا ەسىك اشۋدىڭ ۇلكەن ارناسىن جەدەل قۇرىپ، ەل ىشىندەگى ۇلكەن اينالىمدى نەگىزگى تۇلعا، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرىپ، حالىقارا جانە ەل ءىشى سىندى ەكى بازاردان، ەكى ءتۇرلى بايلىقتان اناعۇرلىم ويداعىداي پايدالانىپ، سىرتقا ەسىك اشۋدىڭ ساتىسى مەن دەڭگەيىن جالپى بەتتىك جوعارىلاتىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن تۇلعالاۋىمىز؛ مۇناي - تابيعي گاز، كومىر، كەن ونىمدەرى، استىق، ماقتا، جەمىس - جيدەك، كوكونىس سياقتى بايلىقتار مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق ساۋلەلەندىرىپ، ەرەكشەلىككە، باسىمدىققا يە كاسىپ سالالارىن ۇلعايتىپ، كۇشەيتىپ، كاسىپ سالالارى شوعىرىن سايكەستى قالىپتاستىرىپ، شينجياڭ ەرەكشەلىگىنە يە وسى زامانعى كاسىپ سالالارى جۇيەسىن قۇرۋىمىز؛ جالپى تۇلعالىق مەملەكەت حاۋىپسىزدىگى كوزقاراسىن تاباندىلىقپەن دايەكتىلەندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىلگەرىلەتىپ، مەملەكەتتىڭ حاۋىپسىزدىگى مەن شينجياڭنىڭ قوعام ورنىقتىلىعىن باتىل قورعاپ، باياندى تىنىشتىقتى ىلگەرىلەتۋدىڭ ءىس جۇزىندىك ارەكەتى ارقىلى مەملەكەت حاۋىپسىزدىگى كەلەلى جاعدايىنا ۇلەس قوسۋىمىز كەرەك.

  جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ايبىندى نىساناسى ءبىر بايىرعى ۇلتتىڭ ۇلى گۇلدەنۋ ىستەرىن ارقالاۋدا، وتان قۇشاعىنداعى 25 ميلليوننان استام تيانشان پەرزەنتىن دە جىگەرلەندىرۋدە. جاپپاي سوتسياليستىك وسىزاماندانعان قۇدىرەتتى مەملەكەت قۇرۋ جالپى جاعدايىنداعى شينجياڭنىڭ ورنىن، رولىن تولىق ساۋلەلەندىرىپ، پارتيا ورتالىق كوميتەتىنىڭ ستراتەگيالىق ورنالاستىرۋلارىنىڭ شينجياڭدا تياناقتانىپ، ونىمدىلىك كورسەتۋىن تاباندى تۇردە ىلگەرىلەتسەك، ءبىز، ءسوز جوق، جاڭا داۋىردەگى جاڭا جورىقتا شينجياڭ ىسكەرلىگىن ايگىلەپ، شينجياڭ ۇلەسىن قوسىپ، حالىقتىڭ ءۇمىتىن اقتايتىن، تاريحتىڭ بورىشىن ورىندايتىن بولامىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.