شينحۋا اگەنتتىگىنىڭ 11 - ايدىڭ 22 - كۇنى بەيجيڭنەن بەرگەن حابارى. 11 - ايدىڭ 22 - كۇنى مەملەكەت ءتوراعاسى شي جينپيڭ يندونەزيانىڭ جەر سىلكىنىسى اپاتىنا ۇشىراعاندىعىنا بايلانىستى يندونەزيانىڭ زۇڭتۇڭى جوكوعا حال سۇراۋ تەلەگرامماسىن جولدادى.
شي جينپيڭ مىنالاردى ءبىلدىردى: يندونەزيانىڭ جەر سىلكىنىسى اپاتىنا ۇشىراپ، اۋىر ءولىم - ءجىتىم جانە مال - مۇلىك شىعىنى بولعاندىعىنان سۋىت حابار تاپتىم، مەن جۇڭگو ۇكىمەتى مەن جۇڭگو حالقى اتىنان، قازا بولعاندارعا قايعىلى ازا بىلدىرەمىن، قازا بولعانداردىڭ وتباسىنداعىلاردان جانە جارالانعانداردان شىنايى حال سۇرايمىن. جوكو زۇڭتۇڭنىڭ جانە يندونەزيا ۇكىمەتىنىڭ باسشىلىعىندا اپات بولعان رايونداعى حالىقتىڭ اپاتتى، ءسوز جوق، جەڭىپ، اتا مەكەندەرىن قايتا قۇراتىندىعىنا سەنەمىن.
