زەيىن - زەردەنى، كۇش - قۋاتتى ۇيىستىرىپ، جاڭا جاۋاپكەرشىلىك ارقالاۋدى، جاڭا ىسكەرلىك كورسەتۋدى ايگىلەيمىز
− شينجياڭداعى ءار ۇلت كادر - بۇقاراسى اۆتونوميالى رايوندىق 10 - كەزەكتى پارتكوم التىنشى جالپى ءماجىلىسىنىڭ رۋحىن مۇقيات ۇيرەندى، دايەكتىلەندىردى
□ انار بۇلت \ شينجياڭ گازەتىنىڭ تىلشىلەرى
11 - ايدىڭ 20 - كۇنى اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسى اشىلدى، جالپى ءماجىلىس پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جونىندە جۇيەلى جوسپار جاسادى، تۇتاس تۇلعالىق ورنالاستىرۋ جۇرگىزدى، جالپى بەتتىك اتتانىسقا كەلتىردى. جالپى ءماجىلىستىڭ اشىلۋى رايونىمىزداعى ءار ۇلت كادرلارى مەن بۇقاراسى اراسىندا قىزۋ اڭىس قوزعادى، كوپشىلىك ءبىر اۋىزدان مىنالاردى ءبىلدىردى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، يدەيا مەن ارەكەتتى پارتيا 20 - قۇرىلتايىنىڭ رۋحىمەن شىن مانىندە بىرلىككە كەلتىرىپ، ۇيرەنۋ جەتىستىگىن دامۋدى جوسپارلاۋدىڭ، قىزمەتتەردى ىلگەرىلەتۋدىڭ ناقتى ارەكەتىنە اينالدىرىپ، زەيىن - زەردەنى شوعىرلاندىرىپ، كۇش - قۋاتتى ۇيىستىرىپ، جاڭا جورىقتا جاڭا جاۋاپكەرشىلىك ارقالاۋدى، جاڭا ىسكەرلىك كورسەتۋدى ايگىلەپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە شينجياڭ ۇلەسىن قوسامىز.
تەرەڭدەي ۇيرەنىپ، جەتە ءتۇسىنىپ، دامۋدى جوسپارلايمىز
جالپى ءماجىلىس مىنالاردى باسا دارىپتەدى: پارتيا 20 - قۇرىلتايىنىڭ رۋحىن ۇيرەنۋدە، ۇگىتتەۋدە، دايەكتىلەندىرۋدە، ەڭ ءتۇبىرلى نەگىز − ”ەكىنى تۇراقتاندىرۋدى“ باتىل قولداۋ، ”ەكىنى قورعاۋدى“ باتىل ورىنداۋ.
”’ەكىنى تۇراقتاندىرۋ‘ جۇڭحۋا ۇلتىنىڭ ۇلى گۇلدەنۋىن ىلگەرىلەتۋ تاريحي ءۇردىسىنىڭ ەڭ ءتۇبىرلى كەپىلى“. اقسۋ ايماقتىق جاراتىلىستىق بايلىق مەكەمەسى پارتيا باسشىلىق گرۋپپاسىنىڭ شۋجيى ياڭ يۇڭ بىلاي دەدى: ”جالپى ءماجىلىستىڭ تالابى بويىنشا پارتيا 20 - قۇرىلتايىنىڭ رۋحىن تەرەڭدەي ۇيرەنىپ، ۇگىتتەپ، دايەكتىلەندىرىپ، ’ەكىنى تۇراقتاندىرۋدى‘ باتىل قولداپ، ’ەكىنى قورعاۋدى‘ باتىل ورىنداپ، اقىل - پاراساتتى، كۇش - قۋاتتى پارتيا 20 - قۇرىلتايى تۇراقتاندىرعان نىسانا - مىندەتتەرگە شوعىرلاندىرامىز. ’تۇنىق سۋ، جاسىل تاۋ − باعالى بايلىق‘ ۇستانىمىن بەرىك ورناتىپ جانە ونى امالياتتا ايگىلەپ، بايلىقتى ۇلەستىرۋدىڭ جانە ودان پايدالانۋدىڭ ساپاسى مەن ونىمدىلىگىن جوعارىلاتۋدى وزەك ەتىپ، تاۋ، سۋ، ورمان، ەگىنجاي، كول، جايلىم، قۇمدى ءشولدى ءبىر تۇلعالاندىرا قورعاۋ مەن جۇيەلى وڭاۋدى ءبىر تۇتاس جوسپارلاپ ىلگەرىلەتىپ، ەكولوگيالىق ورتانى قورعاۋ مەن قالپىنا كەلتىرۋدى ۇزدىكسىز كۇشەيتۋ كەرەك. ەكولوگيانى الدىمەن ويلاسۋدى، ۇنەمشىل بولۋدى، شوعىرلاندىرۋدى، جاسىل، تومەن كومىر قىشقىل گازدى دامۋدى ۇزدىكسىز ىلگەرىلەتىپ، اقسۋ ايماعىنىڭ ەكونوميكالىق، قوعامدىق دامۋىنىڭ جاسىل تيپكە جاپپاي ويىسۋىن جەبەۋ كەرەك“.
تاياۋ جىلداردان بەرى حوتان اۋدانى ساعىزكول اۋىلى ورنىش قىستاعى كوكونىس ەگىمشىلىگى كاسىپتىك سەلبەستىك كووپەراتيۆىن قۇرۋ تاسىلىمەن ەگىنشىلەردىڭ كوكونىس ەگىمشىلىگى كولەمىنىڭ از، كوكونىس ساتۋ قيىن بولۋ ماسەلەسىن ونان ارى شەشىپ، ەگىنشىلەردىڭ كىرىسىن ارتتىردى.
ورنىش قىستاعىنداعى كوكونىس ەگىمشىلىگى كاسىپتىك سەلبەستىك كووپەراتيۆىنىڭ جاۋاپتىسى روزىتوحتى ابىلا بىلاي دەدى: ”اۆتونوميالى رايوندىق 10 - كەزەكتى پارتكوم التىنشى جالپى ءماجىلىسىنىڭ اشىلۋى ءبىزدى قاباعات جىگەرلەندىردى. ءبىز يدەيا مەن ارەكەتتى پارتيا 20 - قۇرىلتايىنىڭ رۋحىمەن بىرلىككە كەلتىرىپ، قازىرگى كوكونىس ەگىمشىلىگى نەگىزىن تياناق ەتىپ، كوكونىس ەگىمشىلىگى قۇرىلىمىن ۇزدىكسىز ساپالىلاندىرىپ، ەگىنشىلەردىڭ كوكونىس ەگۋ تەحنيكاسىنا جەتەكشىلىك ەتۋ تەبىنىن ارتتىرىپ، جاسىل ءوندىرىس ءتاسىلىن كۇش سالا ىلگەرىلەتىپ، كوكونىس ساپاسىن ۇزدىكسىز جوعارىلاتامىز“.
”ءبىز پارتيا 20 - قۇرىلتايىنىڭ رۋحىن ويداعىداي ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى ماڭداي الدى ساياسي مىندەت ەتەمىز. اۋىل - قالاشىق كادرى رەتىندە، مەن پارتيا 20 - قۇرىلتايى رۋحىنىڭ وزەكتى ءمانىن، باي مازمۇنىن ىشكەرىلەي ۇيرەنىپ، ءتۇسىنىپ، تەرەڭدەي ۇيرەنۋدى، ناقتى ۇيرەنۋدى ىلگەرىلەتەمىن. اناعۇرلىم تاسقىنداعان جىگەرمەن جانە اسقاق بەينەمەن قىزمەتكە كىرىسىپ، حاربۇق قالاشىعىن كورىكتى، قونىسقا جايلى جاڭا مەكەن ەتىپ قۇرىپ شىعامىز“، - دەدى اراسان اۋدانى حاربۇق قالاشىعى پارتكومىنىڭ ورىنباسار شۋجيى، قالاشىق باستىعى بايسا.
نىسانادان جازباي، قايراتتانا ىستەيمىز
اۆتونوميالى رايوندىق 10 - كەزەكتى پارتكومنىڭ التىنشى جالپى ءماجىلىسى شينجياڭنىڭ دامۋ كەزەڭىمەن جانە قىزمەت ءىس جۇزىندىگىمەن تىعىز ۇشتاستىرىپ، 17 جاقتاعى ءتۇيىندى قىزمەتتى العا قويىپ، قىزمەتتەردى ويداعىداي ىستەۋگە ايقىن بەتالىس كورسەتتى.
”جالپى ءماجىلىس مىنالاردى العا قويدى: ءار دارەجەلى ۇيىمدىق قۇرىلىمداردى قۇرۋدى جانە فۋنكتسيالىق ورنالاستىرۋدى ساپالىلاندىرىپ، قوعامدىق باسقارۋ جۇيەسى مەن نەگىزگى ساتىنى باسقارۋ قىزمەتىنىڭ اينالىم مەحانيزمىن كەمەلدەندىرىپ، باسقارۋ جۇيەسى مەن باسقارۋ قابىلەتىن وسىزامانداندىرۋدى بەلسەنە ىلگەرىلەتۋ كەرەك“. التاي قالاسى شاشۋ جولى ءمالىسى حۇڭشى الەۋمەتتىك اۋماعى پارتيا باس ياچەيكاسىنىڭ شۋجيى ۋ چيان بىلاي دەدى: ”ءبىز پارتيا 20 - قۇرىلتايى رۋحىن ءىس جۇزىندىكپەن ۇشتاستىرا دايەكتىلەندىرۋگە، تياناقتاندىرۋعا كۇش سالىپ، كوزدەگەن نىسانادان جازباي، قايراتتانا ىستەيمىز. الەۋمەتتىك اۋماقتى باسقارۋدىڭ جاڭا جاعدايى مەن حالىق بۇقاراسىنىڭ جاڭا تىلەگى الدىندا، ءبىز قوعامدىق باسقارۋدىڭ، بۇقاراعا قىزمەت وتەۋدىڭ جاڭا جولىن بەلسەنە قاراستىرىپ، بۇقارانىڭ جۇرەك ءۇنىن پارتيا قۇرىلىسى ارقىلى نەگىزگى ساتىنىڭ قوعامدىق باسقارۋىنا جەتەكشىلىك ەتۋدەگى كىرىسۋ ءتۇيىنى ەتىپ، جاڭا داۋىردەگى پارتيا قۇرىلىسى ارقىلى الەۋمەتتىك اۋماقتى باسقارۋعا جەتەكشلىك ەتۋ ۇلگىسىن تۇلعالايمىز“.
چارقىلىق اۋداندىق جاراتىلىستىق بايلىق مەكەمەسىنىڭ وسى اۋداننىڭ ۋاششەري قالاشىعى ۇتام قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي مامەت مۇسا بىلاي دەدى: ”ءبىز پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، قىستاق تۇرعىندارىنا ۇزدىكسىز جاقسى ’باستاماشى‘ بولىپ، نەگىزگى ساتىنىڭ قىزمەت وتەۋ قابىلەتى مەن دەڭگەيىن ۇزدىكسىز جوعارىلاتىپ، ءار ۇلت بۇقاراسىنىڭ ءوندىرىس، تۇرمىسىنداعى شۇعىل، قيىن، ۋايىمداعان، ءزارۋ ماسەلەلەرىن شىن مانىندە ويداعىداي شەشىپ، قىستاق تۇرعىندارىنىڭ كىرىسىنىڭ ارتۋىن جەبەپ، اۋىل - قىستاقتى گۇلدەندىرۋدى جاپپاي ىلگەرىلەتەمىز“.
2020 - جىلى شينجياڭ شىڭدا شيڭتاي ساۋدا شەكتى سەرىكتەستىگى باقتى شەكارا وتكەلىندە 70 مىڭ شارشى مەترگە تاياۋ زاماناۋي، ولشەمدەنگەن قويما سالىپ، 36 كاسىپورىنعا قىزمەت وتەدى.
شينجياڭ شىڭدا شيڭتاي ساۋدا شەكتى سەرىكتەستىگىنىڭ اتقارۋشى جوراسى ياۋ في بىلاي دەدى: ”بىرنەشە كۇننەن بەرى، سەرىكتەستىكتەگى ءار ۇلت جۇمىسشى - قىزمەتكەرلەر پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، قىزمەت وتەۋ دەڭگەيىن قۇلشىنا جوعارىلاتىپ، جەرگىلىكتى ورىننىڭ ەكونوميكالىق قۇرىلىسىنا قىزمەت وتەدى. كەزەكتە سەرىكتەستىك باقتى شەكارا وتكەلىنىڭ تەڭ جارىمىنا تاياۋ زاتتارىن ساقتاۋ جانە وتكەرمەلەۋ مىندەتىن ارقالاۋدا. بۇدان كەيىن ءبىز اناعۇرلىم بەلسەندى دە ىرىقتى قىزمەت ستيلىمەن جەرگىلىكتى ورىننىڭ ەكونوميكالىق دامۋىنا كۇش قوسامىز“.
قىزمەت ورنىن تياناق ەتىپ، ۇلەس قوسامىز
پارتيا 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ تەتىگى تياناقتاندىرۋدا.
قۇمىل قالالىق 4 - باستاۋىش مەكتەپتىڭ باستىعى چىن شۋيىن بىلاي دەدى: ”وقۋ - اعارتۋ قىزمەتكەرى رەتىندە، ءبىز پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، ويداعىداي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تىعىز ارقاۋ ەتىپ، وقۋشىلاردىڭ كىشكەنتايىنان دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن ورناتۋىنا كومەكتەسىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلسشىلارىن جانە ءىزباسارلارىن باۋليمىز“.
فۋكاڭ قالاسى چىڭگۋان قالاشىعى ليياڭ قىستاعى تۇرعىندار كوميتەتىنىڭ مەڭگەرۋشىسى ابدۇعيني ءومار بىلاي دەدى: ”ءبىز پارتيا 20 - قۇرىلتايىنىڭ رۋحىن ناقتى قىزمەت بارىسىندا تياناقتاندىرىپ، قىستاق كوللەكتيۆىنىڭ پايدالانباعان بايلىقتارىن كادەگە جاراتۋ، بىرىكتىرۋ، جوعارى ولشەمدى ەگىنجاي قۇرىلىسىن كۇشەيتۋ، بورداقىلاۋ باعىمشىلىق كاسىپ سالاسىن دامىتۋ سياقتى جولدارمەن قىستاق كوللەكتيۆ ەكونوميكاسىن ۇزدىكسىز دامىتىپ، زورايتۋمەن بىرگە، ەرەكشە جەمىس ورمانى كاسىپ سالاسىن، اۋىل - قىستاق ساياحات كاسىبىن دامىتۋ تەبىنىن ارتتىرىپ، ەگىنشى - مالشىلاردىڭ كىرىسىن ونان ارى ارتتىرامىز“.
قىزىلسۋ قىرعىز اۆتونوميالى وبلىستىق حالىق شيپاحاناسى كۇتىمدەۋ ءبولىمىنىڭ مەڭگەرۋشىسى لەي رۇي بىلاي دەدى: ”ەمدەۋ قىزمەتكەرى رەتىندە، مەن قىزمەت ورنىمدى تياناق ەتىپ ەسە قوسىپ، حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىنا باستان - اياق تاباندى بولىپ، ناۋقاستارعا ساپالى، مەيىرىمدى قىزمەت وتەپ، جاڭا داۋىردەگى كۇتىمدەۋ قىزمەتىنىڭ جوعارى ساپالى دامۋىن ءىس جۇزىندىك ارەكەتىممەن ىلگەرىلەتەمىن“.
(ءتىلشى شيا چيڭ، ەرىكتى تىلشىلەر حۋ شياۋشياۋ، ليۋ حۇڭحۇي، ساۋ يگۋاڭ، ياڭ ۋيشۋان، جوۋ فىڭجۋان، داي جياۋمەي، ما جىجۋان، ليۋ حۇي، جياڭ جۋانجۋان، موۋ لين)
