انار بۇلت \ شينجياڭ گازەتىنىڭ ءتىلشىسى يۇي جياڭيان 11 - ايدىڭ 22 - كۇنى ۇرىمجىدەن حابارلايدى. ”الدىڭعى 10 ايدا، شينجياڭنىڭ وڭدەلمەگەن كومىر ءونىم مولشەرى 327 ميلليون 327 مىڭ تونناعا جەتىپ، سايكەس مەزگىلدەگىدەن ％6. 29 ارتتى“. 1 - ايدان 10 - ايعا دەيىنگى شينجياڭنىڭ ەكونوميكالىق اينالىم جاعدايىنان قاراعاندا، شينجياڭنىڭ كومىرى ونەركاسىپتىڭ ورنىقتى ارتۋىنداعى ”تەڭگەرگىشتىك“ رولىن شىنايى ساۋلەلەندىرگەن.
”بيىل جىل باسىنان بەرى، شينجياڭ كومىرىنىڭ ساپالى ءوندىرىس قۋاتى جەدەل ىسكە قوسىلىپ، كومىر ءوندىرىسىنىڭ ءبىرشاما تەز ارتۋدى ساقتاۋىنا دەم بەرىپ، ارتۋ قارقىنى بۇكىل ەل بويىنشا الدىڭعى قاتارعا ءوتتى“، - دەدى اۆتونوميالى رايوندىق دامۋ جانە رەفورما كوميتەتى كومىر باسقارماسىنىڭ باستىعى ياۋ ياۋ.
ارتقان قۇنعا اشالاي قاراعاندا، الدىڭعى 10 ايدا، شينجياڭنىڭ كومىر قازۋ جانە كومىر سۇزگىلەۋ - ىرىكتەۋ كاسىبىنىڭ ارتقان قۇنى سايكەس مەزگىلدەگىدەن ％2. 30 ارتىپ، كولەمنەن جوعارى ونەركاسىپتىڭ 4. 2 پايىز ارتۋىن جەبەگەن.
10 - ايدىڭ سوڭىنا دەيىن، شينجياڭداعى ەڭ ۇلكەن كومىر ءوندىرۋ - ساتۋ كاسىپورنى − مەملەكەتتىك ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگىنىڭ كومىر ءونىم مولشەرى 63 ميلليون 120 مىڭ تونناعا جەتىپ، سايكەس مەزگىلدەگىدەن 16 ميلليون 470 مىڭ توننا ارتقان؛ 64 ميلليون 610 مىڭ توننا كومىر ساتىلىپ، سايكەس مەزگىلدەگىدەن 16 ميلليون 760 مىڭ توننا ارتىپ، ءوندىرۋ - ساتۋ مولشەرى 2021 - جىلعى تۇتاس جىلداعىدان 2 اي بۇرىن اسىپ تۇسكەن.
قۇمىل قالاسى شينجياڭداعى نەگىزگى كومىر وندىرەتىن ءوڭىر، الدىڭعى 10 ايدا قۇمىل قالاسى 99 ميلليون 700 مىڭ توننا كومىر ءوندىرىپ، سايكەس مەزگىلدەگىدەن ％9. 54 ارتقان. 11 - ايعا اياق باسقاننان بەرى قۇمىل قالاسىندا كومىردىڭ كۇندىك ورتاشا ءونىم مولشەرى 390 مىڭ تونناعا جەتكەن. ”11 - ايدىڭ 1 - كۇنى قۇمىل قالاسىنىڭ جىلدىق كومىر ءونىم مولشەرى تۇڭعىش رەت 100 ميلليون توننادان اسىپ، تاريحتاعى ەڭ جوعارى دەڭگەيگە جەتتى“. قۇمىل قالالىق دامۋ جانە رەفورما كوميتەتى كومىر ءبولىمىنىڭ ورىنباسار باستىعى لي بەيكاڭ بىلاي دەدى: قازىر قۇمىل قالاسى ”14 - بەسجىلدىق“ جوبا نىسانىن تياناقتاندىرۋدى جەدەلدەتىپ، جوباعا ەنگىزىلگەن كومىر نىسانىنىڭ الدىڭعى مەرزىمدىك راسمياتتارىن ءبىتىرۋ جۇمىسىن جەدەلدەتىپ، كومىر كەنى نىسانىنىڭ ەرتە جۇمىس باستاۋىنا، ەرتە سالىنۋىنا، ەرتە وندىرىسكە قوسىلۋىنا قول جەتكىزۋگە قۇلشىنۋدا. ساناق ساندى مالىمەتىندە كورسەتىلۋىنشە، 2021 - جىلى قۇمىل قالاسىنىڭ كومىردىڭ وندىرىستىك قۋاتتى تەكسەرىپ ارتتىرۋى 23 ميلليون تونناعا جەتكەن، بيىل تاعى دا 17 ميلليون توننا كومىر وندىرىستىك قۋاتتى تەكسەرىپ ارتتىرۋ ۇسىنىسى تىزىمدىگىنە ەنگىزىلدى.
ىندەت كەزىندە قۇمىل قالاسى ءتۇيىندى قامداۋعا كەپىلدىك ەتىلەتىن كولىكتەرگە جول كۋالىگىن تاراتىپ، كومىر سياقتى ءتۇيىندى زاتتىق ماتەريالدار تاسىمالىنىڭ ىركىلىسسىزدىگىن قامتاماسىز ەتتى، كومىر وندىرەتىن كاسىپورىندار قاريدارلارمەن ەلەكتروندىق توقتام جاساستى، ساۋدانىڭ تۇتاس بارىسىندا ”جاناسپاۋعا“ كەپىلدىك ەتىلدى. ”بيىل تۇتاس جىلدا كومىر ءونىم مولشەرىنىڭ ％30 ارتاتىندىعى مەجەلەنۋدە. اراتۇرىك گۋاڭحۇي كەن شارۋاشىلىعى شەكتى سەرىكتەستىگى قۇمىل قالاسىنداعى ءتۇيىندى كومىر وندىرەتىن كاسىپورىن، وسى سەرىكتەستىكتىڭ باس ديرەكتورى ان شى - ۋ بىلاي دەدى: ىندەت ىقپالىن جەڭۋ ءۇشىن، سەرىكتەستىك ساتۋ ارناسىن كەڭەيتۋ، زات جەتكىزۋ، تاسىمال ونىمدىلىگىن جوعارىلاتۋ سياقتى شارالار ارقىلى ”شينجياڭنىڭ كومىرىن سىرتقا تاسىمالداۋدى“ سايكەس مەزگىلدەگىدەن زور مولشەردە ارتتىرىپ، وڭدەلمەگەن كومىر ءوندىرىسىنىڭ جىلدام ارتۋىن جەبەيدى.
”14 - بەسجىلدىق“ كەزىندە شينجياڭ مەملەكەتتىڭ كومىرمەن قامداۋدى قامتاماسىز ەتۋدەگى كولەمدى بازا قۇرىلىسىن جالپى بەتتىك جەدەل ىلگەرىلەتىپ، ”شينجياڭنىڭ كومىرىن سىرتقا تاسىمالداۋدى“ جانە ”شينجياڭنىڭ ەلەكترىن سىرتقا جەتكىزۋدى“ ءبىر تۇتاس جوسپارلاپ، بۇكىل ەلدىڭ كومىر بازارىنىڭ تەپە - تەڭدىگىنە بەلسەنە ات سالىسىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە ماڭىزدى ۇلەس قوسادى.
