تيانشان تورى
تيانشان تورى   ›   جاڭالىقتار   ›   شينجياڭ حابارلارى

قورعاس شەكارا وتكەلىنىڭ بيىلعى يمپورت - ەكسپورت ساۋدا سوماسى ۇدايى 10 اي سايكەس مەزگىلدەگىدەن ارتتى

  انار بۇلت \ شينجياڭ گازەتىنىڭ ءتىلشىسى چىن چياڭۋي 11 - ايدىڭ 22 - كۇنى ۇرىمجىدەن حابارلايدى. قورعاس كەدەنىنەن ۇعىسۋىمىزشا، 10 - ايدا قورعاس شەكارا وتكەلىنەن يمپورت - ەكسپورت ەتىلگەن جۇك تاسىمال مولشەرى 3 ميلليون 265 مىڭ توننا بولىپ، سايكەس مەزگىلدەگىدەن %4. 5 ارتقان؛ يىمپورت - ەكسپورت ساۋدا سوماسى 27 ميلليارد 200 ميلليون يۋان بولىپ، سايكەس مەزگىلدەگىدەن %10 ارتقان. بيىل بۇل شەكارا وتكەلىنىڭ يمپورت - ەكسپورت جۇك تاسىمال مولشەرى، ساۋدا سوماسى 10 اي بويى سايكەس مەزگىلدەگىدەن ۇدايى ارتقان.

  الدىڭعى 10 ايدا، قورعاس شەكارا وتكەلىنىڭ يمپورت - ەكسپورت جۇك تاسىمال مولشەرى 33 ميلليون 727 مىڭ توننا، ساۋدا سوماسى 244 ميلليارد 420 ميلليون يۋان بولىپ، سايكەس مەزگىلدەگىدەن جەكە - جەكە %6. 3، %6. 5 ارتتى. مۇنىڭ ىشىندە ەكسپورت جۇك تاسىمال مولشەرى 4 ميلليون 447 مىڭ توننا بولىپ، سايكەس مەزگىلدەگىدەن %5. 17 ارتتى؛ يمپورت جۇك تاسىمال مولشەرى 29 ميلليون 280 مىڭ توننا بولىپ، سايكەس مەزگىلدەگىدەن %8. 1 ارتتى؛ ەكسپورت ساۋدا سوماسى 157 ميلليارد 120 ميلليون يۋان، يمپورت ساۋدا سوماسى 87 ميلليارد 300 ميلليون يۋان بولىپ، سايكەس مەزگىلدەگىدەن %2. 25 ارتتى.

  تاۋارلاردىڭ تۇرىنەن قاراعاندا، الدىڭعى 10 ايدا قورعاس شەكارا وتكەلىنەن يمپورت ەتىلگەن تاۋارلار، باستىسى، ماشينا - ەلەكتر ونىمدەرى، تاپتالماعان مىس جانە مىس ماتەريالدارى سياقتىلار بولعان؛ ەكسپورت ەتىلگەن تاۋارلار جوعارى، جاڭا تەحنيكالىق ونىمدەر، كيىم - كەشەك جانە كيىم - كەشەك قوسالقى زاتتارى سياقتىلار بولعان. تاسىمالداۋ تاسىلىنەن قاراعاندا، تەمىر جول تاسىمالى ءالى دە شەكارا وتكەلى يمپورت - ەكسپورتىنىڭ باستى تاسىمال ءتاسىلى بولعان. تاس جول تاسىمالى بيىل اۆتونوميالى رايوننىڭ ىركىلىسسىزدىككە كەپىلدىك ەتۋگە قاتىستى شارالارىنىڭ يگىلىگىن كورىپ، يمپورت - ەكسپورت ساۋدا سوماسى سايكەس مەزگىلدەگىدەن %7. 57 ارتقان.

  ”شينجياڭداعى وسى رەتكى ىندەتتە قورعاس شەكارا وتكەلىنىڭ جۇك تاسىمالى باياعىسىنشا ىركىلىسسىز بولدى، ءبىزدىڭ ءوندىرىس تيجارات قيمىلدارىمىز ىقپالعا ۇشىرامادى، قازىر كۇنىنە 30 − 40 ماشينا جۇك ەكسپورت ەتەمىز، ەكسپورت جۇك تاسىمال مولشەرى 900 تونناعا تاياۋ“، - دەدى قورعاستاعى بەلگىلى كولەمدى يمپورت - ەكسپورت ساۋدا سەرىكتەستىگىنىڭ جاۋاپتىسى.

  شەكارا وتكەلىنىڭ كەدەننەن ءوتۋ ونىمدىلىگىن اناعۇرلىم جوعارىلاتۋ، شەكارا وتكەلىندەگى يمپورت - ەكسپورتتىڭ كەدەننەن ءوتۋ ورنىقتىلىعىن، ىركىلىسسىزدىگىن قامتاماسىز ەتۋ ءۇشىن، قورعاس كەدەنى شەكارا وتكەلىنىڭ ”تومەنگە بەرۋ، باسقارۋ، قىزمەت وتەۋ“ رەفورماسىن ىشكەرىلەي ىلگەرىلەتىپ، جۇكتەردىڭ جالپى تۇلعالىق كەدەننەن ءوتۋ ءتارتىبىن ۇزدىكسىز ساپالىلاندىرىپ، شەكارا وتكەلىندەگى بىرلەسىپ تەكسەرەتىن ورىندارمەن تىعىز سايكەسىپ، جۇكتەردىڭ كەدەننەن ءوتۋ ۋاقىتىن قىسقارتتى.

  قورعاس كەدەنى جالپىلىق قىزمەت ءبولىمىنىڭ ورىنباسار باستىعى ما لەي مىنالاردى ءبىلدىردى: شەكارا وتكەلىنىڭ شارۋاشىلىق - ساۋدا ورتاسىن اناعۇرلىم ساپالىلاندىرۋ ءۇشىن، كەدەن 24×7 ساعات بويى كەدەننەن وتكىزۋ جۇمىس ۇلگىسىن ۇزدىكسىز قولدانىپ، حالىقارالىق ساۋدانىڭ ”ءبىر تەرەزەلى“، ”ينتەرنەت + كەدەن“ سياقتى زەردەلى تۇعىرلارىنان ويداعىداي پايدالانىپ، كەدەننەن ءبىر تۇلعالاندىرا وتكىزۋدى جۇزەگە اسىرىپ، ءوزى مالىمدەپ، ءوزى تاپسىرۋ، جيناقتاپ سالىق تاپسىرۋ سياقتى ءتۇرلى جۇمىستاردى قولايلىلاستىرۋ رەفورماسىن كۇش سالا ىلگەرىلەتىپ، كەدەننەن ءوتۋدىڭ قولايلىلانۋ دەڭگەيىن اناعۇرلىم جوعارىلاتتىق.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.