زەردەلى الەۋمەتتىك اۋماقتا تۇرمىس كەشىرۋ قانداي سەزىمگە بولەيدى
□ انار بۇلت \ شينجياڭ گازەتىنىڭ ءتىلشىسى ءجازيرا نەسىپبەك
11 - ايدىڭ 19 - كۇنى قارامايلى قالاسى قارامايلى رايونى كۇنلۇن جولى ءمالىسى نانحۋ الەۋمەتتىك اۋماعى چيڭفىڭيۋان شاعىن اۋماعىنىڭ تۇرعىنى حوۋ شۋەحۇي سىرتقا شىقپاق بولعاندا، ءوز اۆتوكولىگىنىڭ الدىن تاعى ءبىر اۆتوكولىك توسىپ العاندىعىن، اۆتوكولىكتە حابارلاسۋ ءتاسىلى جوق ەكەندىگىن بايقايدى. ”قوجالىق سەرىكتەستىگىنە تەلەفون بەرەيىن، ءسوزسىز، اۆتوكولىكتىڭ يەسىنە حابارلاساتىن شىعار“، - دەدى حوۋ شۋەحۇي اسپاي - ساسپاي.
سالدەن سوڭ، الگى اۆتوكولىكتىڭ يەسى كەلىپ، قايتا - قايتا عاپۋ ءوتىنىپ، اۆتوكولىگىن جىلجىتتى. ”الەۋمەتتىك اۋماقتىڭ زەردەلى جۇيەسى ءبىزدىڭ ءبىرتالاي ىستەرىمىزدى قاراپايىمداستىردى. ماسەلەن، وسى جولعى اۆتوكولىك جىلجىتۋدا، ەگەر الەۋمەتتىك اۋماقتىڭ زەردەلى جۇيەسىنەن پايدالانىپ اۆتوكولىكتىڭ يەسىن ءدال تاپپاعاندا، قانشا ۋاقىت توساتىنىمدى كىم ءبىلسىن“! - دەدى حوۋ شۋەحۇي.
قارامايلى قالاسى تاياۋدا عانا 24 - كەزەكتى جۇڭگو حالىقارالىق جوعارى، جاڭا تەحنيكالىق جەتىستىكتەر جارمەڭكەسىندە ”2022 جۇڭگوداعى باستاماشى زەردەلى قالا“ اتاعىنا يە بولدى. الەۋمەتتىك اۋماق قالانى باسقارۋ جۇيەسىنىڭ نەگىزگى بولىگى، نازاردى وسى بولىكتەرگە شوعىرلاندىرعاندا، ”زەردە“ الەۋمەتتىك اۋماق پەن قوجالىق سەرىكتەستىگىن اناعۇرلىم تىعىز بايلانىستىرادى.
”قارامايلى قالاسى زەردەلى قوجالىق قۇرىلىسى ارقىلى زەردەلى الەۋمەتتىك اۋماق قۇرىلىسىن جەبەپ، قارامايلى تيانديتۋ تور كوز عىلىم - تەحنيكا شەكتى سەرىكتەستىگىنە زەردەلى قوجالىق جۇيەسى مەن ينتەرنەت جەلىسىندە قىزمەت وتەۋ ساۋدا ورتالىعى ’ەتەنە قالا باسقارۋ‘ APPىن اشۋدى تاپسىرىپ، تۇرعىنداردىڭ الۋان تۇرلىلەنگەن، كوپ ساتىلى سۇرانىسىن قاناعاتتاندىردى“، - دەدى قارامايلى قالاسى قالا جالپىلىق قىزمەت وتەۋ ورتالىعى جالپىلىق باسقارۋ ءبولىمىنىڭ باستىعى گۇلبار مامەت.
نانحۋ الەۋمەتتىك اۋماعىنىڭ قاراستىلىعىندا چيڭفىڭيۋان، چيڭشيۋيۋان، چيڭلييۋان 3 شاعىن اۋماق بار، 2000 نەشە وتباسىنداعى 6000نان استام ادامعا قىزمەت وتەيدى، توڭىرەگىنە دۇكەندەر دە ءجيى ورنالاسقان. الەۋمەتتىك اۋماق پەن قوجالىق سەرىكتەستىگى بىرلەسىپ جۇمىس ىستەيدى، ءبىر تۇلعالاندىرىلعان قىزمەت وتەۋ تەرەزەسى تۇرعىنداردىڭ جۇمىس ءبىتىرۋىن ەرەكشە قولايلىلاستىردى.
”ايتسەدە، تۇرعىندار ءبىزدى ينتەرنەت جەلىسىندە ىزدەۋدى تىپتەن ۇناتادى“، - دەدى نانحۋ الەۋمەتتىك اۋماعى پارتكومىنىڭ شۋجيى حۋاڭ بولين جايدارلانا.
”ەتەنە قالا باسقارۋ“ APPىن اشقاننان كەيىن، تۇرعىنداردىڭ پەرزەنتتى بولۋ كۋالىگىن ءبىتىرۋ جونىندە اقىل - كەڭەس سۇراۋ، قوقىر - قوقسىقتى بەتالدى ءۇيۋ جايتتەرى جونىندە شاعىم ايتۋ، قوجالىق سەرىكتەستىگىنىڭ قىزمەت وتەۋ ساپاسىنا باعا بەرۋ سياقتى ينفورماتسيالار اپ - انىق كورىنەدى. ”ءبىز ارتقى تۇعىردا جينالعان ينفورماتسيالارعا تالداۋ جاساۋ جانە بۇلاردان پايدالانۋ ارقىلى تۇرعىندارعا اناعۇرلىم قولايلى، جوعارى ءونىمدى قىزمەت وتەدىك“، - دەدى حۋاڭ بولين.
”وتباسىلىق قىزمەت وتەۋدى دە 24 ساعات بويى ينتەرنەت جەلىسىندە ساتىپ الۋعا بولادى“. چيڭلييۋان شاعىن اۋماعىنىڭ تۇرعىنى جاڭ رۇي سويلەپ تۇرىپ ”ەتەنە قالا باسقارۋ“ APPىن اشىپ، تىلشىگە شىراقتارىن رەمونتتاتۋ جونىندەگى تاپسىرىسىن كورسەتتى. ”اپتا سوڭى بولدى، رەمونتتايتىن ادام جوق شىعار دەپ ويلاپپىن، ناتيجەدە تۇستەن بۇرىن تاپسىرىس بەرىپ ەدىم، تۇستەن كەيىن قوجالىق سەرىكتەستىگى ادام جىبەرىپتى، ينتەرنەت جەلىسىندە قىزمەت وتەۋگە باعا بەرۋگە دە بولادى، ەرەكشە جاقسى“، - دەدى جاڭ رۇي.
زەردەلى الەۋمەتتىك اۋماقتىڭ تۇلعالانۋى تۇرعىنداردىڭ ينتەرنەت جەلىسىندە اقى تاپسىرۋ، قىزمەت وتەۋدى ساتىپ الۋ، شاعىم ايتۋ، جيناعان ءنومىرىن ايىرباستاۋ سۇرانىسىن قاناعاتتاندىرىپ قانا قالماستان، زاتتار ينتەرنەتىنەن پايدالانۋىنا دا اناعۇرلىم كوپ مۇمكىندىك جاسادى.
”قازىر تۇرعىنداردىڭ ۇيىندە نەمەسە كورپۋس ىشىندە ءورت كەتسە، كومىر گازى تاراسا، ءتۇتىندى سەزۋ جابدىقتارى دەر كەزىندە الدىن الا سيگنال بەرەدى. الدا ءبىز شاعىن اۋماقتاعى ءورت ءسوندىرۋ - ورتتەن ساقتانۋ وتكەلدەرى، قوقىر - قوقسىق ءۇيۋ ورنى سياقتىلارعا جەر ماگنيتىنىڭ يندۋكتورىن ورناتىپ، وسى جەرلەردىڭ ىركىلىسسىزدىگىن قامتاماسىز ەتەمىز“، - دەدى حۋاڭ بولين.
پارتيا 20 - قۇرىلتايىنىڭ بايانداماسىندا، حالىقتىڭ قۇت - ىرىسىن ارتتىرىپ، حالىقتىڭ تۇرمىس ساپاسىن جوعارىلاتۋ العا قويىلدى. ”الەۋمەتتىك اۋماق قالانى باسقارۋ جۇيەسىنىڭ ماڭىزدى بولىگى رەتىندە، الەۋمەتتىك قىزمەت وتەۋ قابىلەتى مەن دەڭگەيىن مۇمكىندىگىنشە جوعارىلاتۋ كەرەك. الەۋمەتتىك اۋماعىمىزدا جالعىز تۇراتىن قارتتار ءبىرشاما كوپ، سوندىقتان ءبىز جۇڭگو تەلەگراف توبى شەكتى سەرىكتەستىگى قارامايلى بولىمشە سەرىكتەستىگىمەن سەلبەسىپ، جالعىز تۇراتىن قارتتاردىڭ ۇيىنە كورىنىپ تۇراتىن ەسىك قوڭىراۋ، كامەرا، اۆتوماتتى قان قىسىمىن ولشەۋ اسپابى سياقتى جابدىقتاردى ورناتىپ، الەۋمەتتىك اۋماقتىڭ قارتتارعا اناعۇرلىم باعىتتامالى قىزمەت وتەۋىن جەبەۋدى جوسپارلاپ وتىرمىز“، - دەدى حۋاڭ بولين.
