تيانشان تورى
تيانشان تورى   ›   جاڭالىقتار   ›   سۋرەتتى حابار

باس شۋجي شي جينپيڭنىڭ ماڭىزدى نۇسقاۋىنىڭ رۋحىن جەتكىزىپ، دايەكتىلەندىرىپ، تەگىس يگەرىپ، بىرگە باسقارىپ، تياناقتاندىرۋدى مىقتى يگەرىپ، ءوندىرىس حاۋىپسىزدىگىنىڭ تومەنگى شەگىن باتىل ساقتاۋ كەرەك

  اۆتونوميالى رايوندىق پارتكوم تۇراقتى كوميتەتى كەڭەيتىلگەن ءماجىلىس اشتى

  باس شۋجي شي جينپيڭنىڭ ماڭىزدى نۇسقاۋىنىڭ رۋحىن جەتكىزىپ، دايەكتىلەندىرىپ، تەگىس يگەرىپ، بىرگە باسقارىپ، تياناقتاندىرۋدى مىقتى يگەرىپ، ءوندىرىس حاۋىپسىزدىگىنىڭ تومەنگى شەگىن باتىل ساقتاۋ كەرەك

  ما شيڭرۇي ءماجىلىستى باسقاردى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 11 - ايدىڭ 23 - كۇنى تۇستەن بۇرىن كەڭەيتىلگەن ءماجىلىس اشىپ، باس شۋجي شي جينپيڭنىڭ حىنان ان - ياڭ قالاسى كايشيندا ساۋدا شەكتى سەرىكتەستىگىندەگى ءورت اپاتى شىرعالاڭى جونىندەگى ماڭىزدى نۇسقاۋىنىڭ رۋحىن جەتكىزدى، دايەكتىلەندىردى، بۇكىل رايوننىڭ ءوندىرىس حاۋىپسىزدىگىنە جانە اپاتتان ساقتانۋعا، اپات زيانىن ازايتۋعا قاتىستى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.

  ءماجىلىس مىنالاردى اتاپ كورسەتتى: حىناننىڭ ان - ياڭىندا ءورت اپاتى تۋىلعاننان كەيىن، باس شۋجي شي جينپيڭنىڭ دەرەۋ ماڭىزدى نۇسقاۋ بەرۋى باس شۋجيدىڭ، پارتيا ورتالىق كوميتەتىنىڭ تەرەڭ حالىقشىلدىق سۇيىسپەنشىلىگىن جانە ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ قىزمەتىنە ايرىقشا ءمان بەرەتىندىگىن تولىق ايگىلەدى. جىل سوڭى تاياپ قالدى، دامۋ مەن حاۋىپسىزدىكتى ءبىر تۇتاس جوسپارلاۋدىڭ قىزمەت مىندەتتەرى ءبىرشاما اۋىر، ونىڭ ۇستىنە ىندەتتەن ساقتانۋ - تىزگىندەۋدىڭ قيان - كەسكى شايقاسىنىڭ جەڭىسىنە قول جەتكىزۋ، تۇتاس جىلداعى ەكونوميكالىق دامۋ نىساناسىن ورىنداۋ سياقتى مىندەتتەر دە ماشاقاتتى بولعاندىقتان، ءوندىرىس حاۋىپسىزدىگى قىزمەتىن ويداعىداي ىستەۋدىڭ ماڭىزدىلىعى اناعۇرلىم كورنەكتىلەنە تۇسۋدە. بۇكىل رايوندا جوعارىدان تومەنگە دەيىن باس شۋجي شي جينپيڭنىڭ ءوندىرىس حاۋىپسىزدىگى جانە اپاتتان ساقتانۋ، اپات زيانىن ازايتۋ، اپاتتان قۇتقارۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ تالابى بويىنشا، حاۋىپسىز دامۋ ۇستانىمىن ونان ارى بەرىك ورناتىپ، ەلەۋلى حاۋىپسىزدىك حاۋىپ - قاتەرلەرىنەن ساقتانۋدىڭ جانە ونى جويۋدىڭ ساياسي جاۋاپكەرشىلىگىن ارقالاپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، دامۋ مەن حاۋىپسىزدىكتى جوعارى ونىمدىلىكپەن ءبىر تۇتاس جوسپارلاپ، سايكەسە، بىرلەسە قيمىلداپ، تەگىس يگەرىپ، بىرگە باسقارىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانىپ جانە ونى تەجەپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قورعاۋ كەرەك.

  ءماجىلىس مىنالاردى باسا دارىپتەدى: جەر - جەر، تاراۋلار حالىقتىڭ قۇت - ىرىسىنا ساياتىن، ەكونوميكالىق، قوعامدىق دامۋدىڭ كەلەلى جاعدايىنا ساياتىن وسكەلەڭ تۇرعىدان ءوندىرىس حاۋىپسىزدىگى قىزمەتىن تانىپ جانە كۇشەيتىپ، ءوندىرىس حاۋىپسىزدىگىن باستان - اياق ماڭىزدى ورىنعا قويىپ، ءوندىرىس حاۋىپسىزدىگى سىندى ارقاۋدى قاي - قاشان دا مىقتاپ شيراتىپ، ماسەلەنى باعدار ەتۋگە، تومەنگى شەكتە ويلاۋعا تاباندى بولىپ، بىرەۋى ارقىلى وزگەسىن تۇسپالداۋعا، ساقتىق دابىلىن ۇزبەي قاعۋعا تاباندى بولىپ، جوعارى ىقتيمالدىق بويىنشا ويلاۋ ارقىلى تومەن ىقتيمالدى وقيعالارعا توتەپ بەرىپ، ءوندىرىس حاۋىپسىزدىگىنىڭ ءتۇرلى بەلگىلەمەلەرىن، تالاپتارىن شىنايى، ەگجەي - تەگجەيلى تياناقتاندىرۋ كەرەك. حاۋىپ - قاتەرلەردى، كومەسكى كىناراتتاردى جاپپاي ءبىر - بىرلەپ تەكسەرىپ، رەتتەپ، جونگە سالىپ، ءتۇرلى ونەركاسىپ باقشا رايوندارى، ەڭبەك شوعىرلانعان كاسىپورىندار، قالادا تۇرعىندار وزدەرى سالعان ۇيلەر جانە كومىر شاحتالار، كەن ورىندارى، قاتەرلى حيميالىق بۇيىمدار، ءورت ءسوندىرۋ - ورتتەن ساقتانۋ، جول - قاتىناس، جىلۋمەن قامداۋعا جۇمسالاتىن جانار گاز، ازىق - تۇلىك، ءدارى - دارمەك سياقتى سالالاردا كومەسكى كىناراتتاردى ءبىر - بىرلەپ تەكسەرۋ جانە ارناۋلى رەتتەۋ - جونگە سالۋ قىزمەتىن ورىستەتىپ، بايقالعان ماسەلەلەردى دەرەۋ رەتتەۋ - تۇزەتۋ كەرەك، باق سىنايتىن ويىندا بولۋعا، نەمقۇرايدى، ءۇستىرت ىستەۋگە، فورماشىلدىققا سالىنۋعا استە بولمايدى. شۇعىل جاعدايعا توتەپ بەرۋدى باسقارۋ مەن حاۋىپسىزدىك ۇگىتىن كۇشەيتىپ، قاداعالاۋ، الدىن الا مالىمەت بەرۋ، ساقتاندىرۋ سەرپىنىن ارتتىرىپ، شۇعىل جاعدايعا توتەپ بەرۋ قوسىنى، شۇعىل جاعدايعا توتەپ بەرۋ جابدىقتارى، شۇعىل جاعدايعا توتەپ بەرۋ قابىلەتى قۇرىلىسىن كۇشەيتىپ، توسىن وقيعالارعا توتەپ بەرۋ ءتارتىبى، شۇعىل شارالار سياقتى دايىندىق جوبالاردى كەمەلدەندىرىپ، شۇعىل جاعدايعا توتەپ بەرۋدى قامتاماسىز ەتۋ بويىنشا جەدەل ات سالىسۋ جانە اپاتتان قۇتقارۋ، كومەكتەسۋ، ءبىر جاقتى ەتۋ قابىلەتىن جاپپاي جوعارىلاتۋ؛ قىسقى ءوندىرىس حاۋىپسىزدىگى بىلىمدەرى مەن شۇعىل جاعدايعا توتەپ بەرۋ بىلىمدەرىن زور كۇشپەن ۇگىتتەپ، حاۋىپسىزدىك ساقتىعى تانىمىن جوعارىلاتۋ كەرەك. ءوندىرىس حاۋىپسىزدىگىن باقىلاۋ - باسقارۋدى، زاڭ اتقارۋدى كۇشەيتىپ، زاڭ اتقارۋ كۇشتەرىنىڭ نەگىزگى ساتىعا جانە كاسىپورىندارعا بارۋىن ىلگەرىلەتىپ، ءتۇيىندى سالالار، ماڭىزدى كەزەڭدەر جانە قاتەرلى جۇمىستار بويىنشا زاڭنىڭ اتقارىلۋىن تەكسەرۋدى كۇشەيتىپ، ءوندىرىس حاۋىپسىزدىگىندەگى زاڭعا، بەلگىلەمەگە قايشى ارەكەتتەردى زاڭ بويىنشا قاتاڭ تەكسەرىپ ءبىر جاقتى ەتىپ، قىزمەت اتقارماعانداردىڭ، جاۋاپكەرسىزدىك ىستەگەندەردىڭ، شارالاردى تياناقتاندىرماعانداردىڭ، جاۋاپكەرشىلىكتى تياناقتاندىرماعانداردىڭ، حاۋىپسىزدىك شىرعالاڭىنىڭ تۋىلۋىنا مۇرىندىق بولعانداردىڭ جاۋاپكەرشىلىگىن ءتارتىپ بويىنشا، زاڭ بويىنشا قاتاڭ قۋزاستىرۋ جانە ولاردى قاتاڭ جاۋاپقا تارتۋ كەرەك. جەر - جەر ىندەتتەن ساقتانۋ - تىزگىندەۋ مەزگىلىندەگى ءوندىرىس حاۋىپسىزدىگى قىزمەتىن ءبىر تۇتاس جوسپارلاپ ويداعىداي ىستەپ، ىندەتتەن ساقتانۋ - تىزگىندەۋ مەن ءوندىرىس حاۋىپسىزدىگىن تەڭ ورنالاستىرىپ، تەڭ تەكسەرىپ، تەڭ تياناقتاندىرىپ، ىندەتتەن ساقتانۋ - تىزگىندەۋ قورعانىس شەبىن باتىل تۇردە قاتايتىپ، بەكەمدەپ، ءوندىرىس حاۋىپسىزدىگىنىڭ تومەنگى شەگىن بەرىك ساقتاۋ كەرەك.

  ءماجىلىس مىنالاردى باسا دارىپتەدى: ءار دارەجەلى پارتكومدار، ۇكىمەتتەر پارتيا مەن حالىق الدىندا وسكەلەڭ جاۋاپتى بولۋ پوزيتسياسىندا بولا وتىرىپ، ”سول اۋماقتىڭ دامۋىن جەبەۋدىڭ، سول اۋماقتىڭ تىنىشتىعىن ساقتاۋدىڭ“ ساياسي جاۋاپكەرشىلىگىن ارقالاپ، ءوندىرىس حاۋىپسىزدىگىن ەكونوميكالىق، قوعامدىق دامۋدىڭ جالپى جاعدايىنا ەنگىزىپ ءبىر تۇتاس ورنالاستىرۋ، ءبىر تۇتاس ۇيىمداستىرىپ اتقارۋ؛ ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرۋ، پارتيا، ۇكىمەتتىڭ نەگىزگى جاۋاپتى جولداستارى ”ءاردايىم قام جەپ تۇراتىن“ جاۋاپكەرشىلىك سەزىمدى كۇشەيتىپ، ”پارتيا مەن ۇكىمەت بىردەي جاۋاپتى بولۋ، ءبىر قىزمەت ورنىندا قوس جاۋاپكەرشىلىك ارقالاۋ، جۇمىلا يگەرىپ، بىرگە باسقارۋ، قىزمەت اتقارماعانداردىڭ جاۋاپكەرشىلىگىن قۋزاستىرۋ“ تالابىن تياناقتاندىرىپ، جاۋاپكەرشىلىكتى كوكەيدە ساقتاۋ، جاۋاپكەرشىلىك ارقالاۋ، جاۋاپكەرشىلىكتى ارەكەتتە اتقارۋ؛ جەرگىلىكتى ورىنداردىڭ قاراستى جەر جاۋاپكەرشىلىگى، باقىلاۋ - باسقارۋ تاراۋلارىنىڭ باقىلاۋ - باسقارۋ جاۋاپكەرشىلىگى، سالا تاراۋلارىنىڭ باسقارۋ جاۋاپكەرشىلىگى سياقتىلاردى قاتايتىپ، ناقتىلاندىرىپ، ءوندىرىس تيجارات ورىندارى جاۋاپتىلارىنىڭ ءوندىرىس حاۋىپسىزدىگىندەگى ءبىرىنشى جاۋاپتى ادامدىق جاۋاپكەرشىلىگىن جاپپاي تياناقتاندىرىپ، اركىم ءوز جاۋاپكەرشىلىگىن ادا ەتەتىن، جۇمىلا يگەرىپ، بىرگە باسقاراتىن قىزمەت اۋقىمىن قالىپتاستىرۋدى ىلگەرىلەتىپ، ءتۇرلى شىرعالاڭداردىڭ تۋىلۋىنان مۇمكىندىكتىڭ بارىنشا ساقتانىپ، ونى تەجەپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.