تيانشان تورى
تيانشان تورى   ›   ۇيرەنۋ   ›   شولۋ

پارتيا 20 - قۇرىلتايىنىڭ رۋحىن شينجياڭ قىزمەتىنىڭ ءار سالاسىندا، جالپى بارىسىندا تياناقتاندىرايىق

  پارتيا 20 - قۇرىلتايىنىڭ رۋحىن شينجياڭ قىزمەتىنىڭ ءار سالاسىندا، جالپى بارىسىندا تياناقتاندىرايىق

  − جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا كورىكتى شينجياڭ قۇرۋعا قۇلشىنۋ جونىندە

  □ گازەتىمىزدىڭ شولۋشىسى

  ءىستىڭ ورىندالۋىندا ءبىر ۇلەسى ورنالاستىرۋعا بايلانىستى بولسا، توعىز ۇلەسى تياناقتاندىرۋدان كەلەدى. اۆتونوميالى رايوندىق 10 - كەزەكتى پارتكوم التىنشى جالپى ءماجىلىسى پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن ايقىنداپ، شينجياڭنىڭ دامۋ كەزەڭىمەن جانە قىزمەت ءىس جۇزىندىگىمەن تىعىز بايلانىستىرىپ، 17 جاقتان ءتۇيىندى قىزمەتتى العا قويدى. كەزەكتەگى ەڭ ماڭىزدىسى − ساياسي جاۋاپكەرشىلىكتى ارقالاپ، قابىلەت دەڭگەيىن جوعارىلاتىپ، پارتيا 20 - قۇرىلتايىنىڭ رۋحىن شينجياڭ قىزمەتىنىڭ ءار سالاسىندا، جالپى بارىسىندا شىن مانىندە تياناقتاندىرۋ كەرەك.

  جاپپاي ۇيرەنۋ، يگەرۋ − جاپپاي دايەكتىلەندىرۋدىڭ، تياناقتاندىرۋدىڭ العى شارتى. پارتيا 20 - قۇرىلتايى رۋحىنىڭ مازمۇنى توتەنشە باي، ءارى ساياسي جاقتاعى كورەگەندىك جانە نازاريالىق جاقتاعى تەرەڭ تولعانىس بار، ءارى نىسانا جاعىنداعى عىلمي ۇيعارىم جانە قىزمەت جاعىنداعى ستراتەگيالىق ورنالاستىرۋ بار، ءسوز جوق، جان - جاقتى، جۇيەلى، ىشكەرىلەي ۇيرەنۋ، تولىق، دالمە - ءدال، جان - جاقتى ءتۇسىنۋ، مۇنىڭ نە ەكەندىگىن، نە ىستەۋ، قالاي ىستەۋ كەرەكتىگىن انىق ءتۇسىنۋ، شالا - شارپى بىلۋدەن، سولاي بولاتىندىعىن ءبىلىپ، نەلىكتەن سولاي بولاتىندىعىن بىلمەۋدەن ساقتانۋ كەرەك. پارتيانىڭ جاسامپاز نازارياسىمەن قارۋلانۋدى ۇزدىكسىز كۇشەيتىپ، ۇيرەنۋ، وي جۇگىرتۋ، امالياتتا ايگىلەۋ، ءتۇسىنۋ جاعىنا كۇش سالىپ، تاريح پەن رەالدىقتى، نازاريا مەن امالياتتى، حالىقارا مەن ەل ءىشىن ءوزارا ۇشتاستىرۋ ادىسىنە تاباندى بولىپ، جالپىلىقتان ءىشىنارالىققا، ونان تاعى ءىشىنارالىقتان جالپىلىققا قاراپ قايتا - قايتا وي جۇگىرتىپ، شينجياڭنىڭ ءىس جۇزىندىك جاعدايىمەن تىعىز بايلانىستىرىپ، باس شۋجي شي جينپيڭنىڭ ”بەستى مىقتى يگەرۋ“ جونىندەگى ايقىن تالابىن جەتە ۇيرەنىپ، جەتە ءتۇسىنىپ، ”توعىزدى جەتە ءتۇسىنۋدى“ كۇش سالا ورىنداپ، ىشكى ءمانىن تەرەڭ ءتۇسىنىپ، سىرتقى كەڭەيتىلگەن مازمۇنىن دالمە - ءدال يگەرىپ، شىنايى ۇيرەنىپ، شىنايى ءتۇسىنىپ، شىنايى سەنىپ، شىنايى قولدانىپ، دايەكتىلەندىرۋگە، تياناقتاندىرۋعا مىعىم نەگىز قالاۋ كەرەك.

  وسكەلەڭ ساياسي جاۋاپكەرشىلىك سەزىمىمەن تياناقتاندىرۋدى يگەرۋگە كۇش سالۋ كەرەك. شىندىققا جۇگىنىپ ناقتى ىستەۋ ارقىلى تياناقتاندىرۋدى يگەرىپ، دۇرىس ناتيجە كوزقاراسىن مىقتاپ ورناتىپ، جەڭىلى مەن اۋىرىن، ادەتتەگىسى مەن شۇعىلىن ايقىن ايىرۋ، ءارى جاپپاي ىلگەرىلەتۋ، ءارى ءتۇيىندى كورنەكتىلەندىرۋ، ءارى قازىرگىنى مىقتى يگەرۋ، ءارى ۇزاق بولاشاققا كوز جىبەرۋ، نەگىز قالايتىن، ۇزاق بولاشاققا پايدالى ىستەردى كوبىرەك ىستەۋ، فورماشىلدىق، تورەشىلدىك ىستەۋدەن ساقتانۋ كەرەك. كەلەلى جاعدايدى كوكەيگە ءتۇيىپ، ءبىر تۇتاس جۇيە يدەياسىن ورناتىپ، ءوز ءوڭىرىنىڭ، ءوز تاراۋىنىڭ قىزمەتىن جوسپارلاۋدا جانە ىلگەرىلەتۋدە پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدى العى شارت ەتۋ؛ جۇيە كوزقاراسىن شەبەرلىكپەن قولدانىپ، ءار سالاداعى قىزمەتتى جاپپاي ءبىر تۇتاس جوسپارلاۋ، سايكەستىرە ىلگەرىلەتۋ كەرەك. ءىس جۇزىندىكپەن بايلانىستىرىپ تياناقتاندىرۋدى يگەرىپ، 2 - رەتكى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ۇيرەنۋمەن، دايەكتىلەندىرۋمەن تىعىز بايلانىستىرىپ، «اتقارۋ پىكىرىندە» العا قويىلعان مىندەت - شارالاردى ارقاۋ ەتىپ، رەفورما، دامۋ، ورنىقتىلىق قىزمەتتەرىن ويداعىداي ىستەپ، شينجياڭنىڭ قوعام ورنىقتىلىعى مەن باياندى تىنىشتىق جاڭا جاعدايىن اشۋعا قۇلشىنۋ كەرەك.

  ىندەتكە توسقاۋىل قويعاندا عانا، حالىق تۇرمىسى تىنىش - امان، ەكونوميكانىڭ، قوعامنىڭ دامۋى ورنىقتى، اقاۋسىز بولادى. پارتيا 20 - قۇرىلتايىنىڭ رۋحى اناعۇرلىم ويداعىداي جاپپاي تياناقتانادى. ءبىز كەزەكتەگى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جاعدايىنىڭ قاتاڭدىعىن، كۇردەلىلىگىن سەرگەكتىكپەن تانىپ، ىندەتتەن ساقتانۋ - تىزگىندەۋ كەلەلى ساياسي جاۋاپكەرشىلىگىن باتىل ارقالاپ، ”ۇشتەن بۇلجىماۋعا“ مىزعىماي تاباندى بولىپ، 9 - نۇسقاداعى ساقتانۋ - تىزگىندەۋ جوباسىنا تاباندى بولىپ، 20 تارماقتى ساپالىلاندىرۋ شاراسىن تياناقتاندىرىپ، نانىمدى، سەنىمدى بەكەمدەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ، ىندەتتى جويۋ شايقاسىنىڭ جەڭىسىنە قول جەتكىزىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەت ىقپالىن جويىپ، تۇتاس جىلدىق ەكونوميكالىق دامۋدىڭ نىسانا - مىندەتتەرىن قۇلشىنا ورىنداپ، ءار سالاداعى حاۋىپ - قاتەرلەردەن، سىن - سايىستاردان ساقتانىپ جانە ونى جويىپ، قوعامدىق كەلەلى جاعدايدىڭ ۇزدىكسىز ورنىقتىلىعىنا شىنايى كەپىلدىك ەتىپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداۋىمىز كەرەك.

  ۇلى جوبا جاسالدى، دابىل الدەقاشان قاعىلدى. ”ءۇش، ءسوز جوقتى“ ەستە بەرىك ساقتاپ، بورىشتى، جاۋاپكەرشىلىك ارقالاۋدى كۇشەيتىپ، كۇرەسكەرلىك رۋحتى كۇشەيتىپ، ىنتىماقتاسا كۇرەس جۇرگىزۋدى بەكەمدەپ، پارتيا 20 - قۇرىلتايىنىڭ رۋحىن ءىس تىندىرىپ ناتيجە شىعارۋدىڭ مىعىم قوزعاۋشى كۇشىنە اينالدىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتى كەسكىندەگەن ۇلى جوبانى بەتكە الىپ تاباندىلىقپەن ەكپىندەي العا ىلگەرىلەپ، جاڭا داۋىردەگى جاڭا جورىقتا جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ شينجياڭ تاراۋىن جازۋعا قۇلشىنايىق.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.